Author: user03

ស្រុកភ្នំព្រឹក៖ គម្រោងកាត់បន្ថយភាពក្រីក្រ ជាគម្រោងដែលបង្កើតឡើងក្រោមការផ្តួចផ្តើមដ៏ខ្ពង់ខ្ពស់របស់ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB ដែលមានទីតាំងស្ថិតនៅភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង។ គម្រោងមានគោលដៅពង្រីកវិសាលភាពទៅតំបន់នានា ទូទាំងប្រទេស ដែលមានសក្តានុពលក្នុងការដាំដុះបន្លែសុវត្ថិភាពក្នុងផ្ទះសំណាញ់។ គម្រោងនេះ បានចាប់ផ្តើមសាងសង់ផ្ទះសំណាញ់ នាដើមឆ្នាំ២០២៥ និងបានចាប់ផ្ដើមដាំដុះបន្លែបានពេញលេញ នៅអំឡុងឆមាសទី១ ឆ្នាំ២០២៥។ បច្ចុប្បន្ននេះ គម្រោងទទួលបានកសិករក្រីក្រចូលរួមចំនួន ១៣ គ្រួសារ និងមានផ្ទះសំណាញ់សរុបចំនួន ៥២ខ្នង  សម្រាប់ដាំដុះបន្លែសុវត្ថិភាព ស្របតាមបច្ចេកទេស និងការអនុវត្តកសិកម្មល្អ (GAP) ដើម្បីធានាបាននូវបន្លែមានគុណភាពខ្ពស់ និងមិនប៉ះពាល់សុខភាពអ្នកប្រើប្រាស់។ គម្រោងបានផ្ដល់លទ្ធភាពដល់កសិករក្រីក្រ និងពលករដែលទើបវិលត្រឡប់ពីក្រៅប្រទេស មក...

ភ្នំពេញ: គម្រោងអភិវឌ្ឍន៍ទំនប់អាងទឹកលេខ២ អាចមានសមត្ថភាពស្តុកទឹកបានប្រមាណ​ ៨៦០លានម៉ែត្រគូប នឹងក្លាយជាអាងស្តុកទឹកដែលធំជាងគេនៅកម្ពុជា​ មានទីតាំងស្ថិតនៅលើស្ទឹងប្រម៉ោយ ក្នុងឃុំរកាត ស្រុកភ្នំក្រវាញ ខេត្តពោធិ៍សាត់។ ទំនប់អាងទឹកលេខ២ នឹងផ្ដល់នូវអត្ថប្រយោជន៍សំខាន់ៗមួយចំនួន រួមមាន៖ ទី១/ អាចស្តុកទឹកបាន ៨៦០លានម៉ែត្រគូប និងអាចស្រោចស្រពលើផ្ទៃដី ចំនួន ២៦២ ៥០០ហិកតា ដែលនឹងផ្តល់ទឹកប្រើប្រាស់គ្រប់គ្រាន់ ពង្រីកវិសាលភាពវិស័យកសិកម្មបន្ថែមទាំងរដូវប្រាំង និងរដូវវស្សា។ ទី២/ កាត់បន្ថយបាននូវការជន់លិចលង់នៅផ្នែកខាងក្រោមទំនប់ក្នុងភូមិសាស្ត្រខេត្តពោធិ៍សាត់ ដែលតែងតែបង្កគ្រោះមហន្តរាយកន្លងមក។ ទី៣/ បញ្ចៀសបាននូវការខូចខាតប្រព័ន្ធធារាសាស្រ្ត និងហេដ្ឋារចនាសម្ព័ន្ធនានា ដែលបណ្តាលមកពីទឹកជំនន់ និង ទី៤/ ក្លាយជាតំបន់ទេសចរណ៍ធម្មជាតិដ៏មានសក្តានុពល ។ គិតត្រឹមចុងខែវិច្ឆិកា ឆ្នាំ២០២៥ គម្រោងនេះសម្រេចបានប្រមាណ ៤០% ដោយបានចាប់ផ្តើមអនុវត...

កំពង់ធំ៖ ឯកឧត្តម បណ្ឌិត សួង ណយ រដ្ឋលេខាធិការទីស្តីការគណៈរដ្ឋមន្រ្តី​ និងជាអនុប្រធានគណៈកម្មាធិការជាតិជំរុញចលនាភូមិមួយផលិតផលមួយ ដោយមានការសហការជាមួយធនាគារអភិវឌ្ឍន៍ជនបទនិងកសកម្ម​ សាខាខេត្តបាត់ដំបង​ និងការិយាល័យចល័តខេត្តកំពង់ធំ​ នៅថ្ងៃទី២១ខែវិច្ឆិកាឆ្នាំ២០២៥នេះបានដឹកនាំកសិករមកពីបណ្តាស្រុកទាំងអស់ចុះធ្វើទស្សនកិច្ចសិក្សានៅទីតាំងផ្ទាល់របស់សហគមន៍កសិកម្មតាសីសាមគ្គី។ ក្នុងដំណើរទស្សនកិច្ចផ្ទាល់នៅទីនោះ ឯកឧត្តម បណ្ឌិត សួង ណយ  និងតំណាងធនាគារ ARDB លោក ណុប នុន ប្រធានសហគមន៍កសិកម្មតាសីសាមគ្គីក៏បានរៀបចំកម្មវិធីបណ្តុះបណ្តាលរយៈពេលខ្លីវគ្គទី៥ផងដែរ អំពីការដាំដុះ បន្លែសុវត្ថិភាពក្នុងផ្ទះសំណាញ់ដល់ប្រជាពលករមកពីប្រទេសថៃ ដោយបង្ហាញឲ្យឃើញពីការអនុវត្តផ្ទាល់និងកន្លែងសហគមន៍តែម្តង ដើម្បីឲ្យពួកគាត់ក្លាយជាបុគ្គលិកនិងមានចំណេះជំនាញច្បាស់លាស់លើការដាំដុះបន្លែ និងចិញ្ចឹមសត្វផងដែរ។ លើសពីនេះ បន្ទាប់ពីទទួលបានការបណ្តុះបណ្តាលវគ្គខ...

ភ្នំពេញ:សហព័ន្ធដំឡូងមីកម្ពុជាចេញសេចក្តីណែនាំស្តីពីក្រមប្រតិបត្តិរួមនិងនិតិវិធីនៃការទិញ-លក់ដំឡូងមីនៅកម្ពុជានៅថ្ងៃទី២០ខែវិច្ឆិកាឆ្នាំ២០២៥។ សេចក្តីសម្រេចស្តីពីការកែសម្រួលសមាសភាពក្រុមការងារអន្តរក្រសួង ស្ថាប័នសម្រាប់តាម ដានត្រួតពិនិត្រនិងវាយតម្លៃការអនុវត្តគោលនយោបាយជាតិស្តីពីដំឡូងមី២០២០-២០២៥ លេខ១២៨ព.ណ គនព.សសរ ចុះថ្ងៃទី២៧ខែវិច្ឆិកាឆ្នាំ២០២៤របស់រដ្ឋមន្ត្រីក្រសួងពាណិជ្ជកម្ម។ យោងសេចក្តីសម្រេចស្តីពីការបង្កើតក្រុមការងារកិច្ចសម្រួលពាណិជ្ជកម្មលើការទិញ-លក់ដំឡូងមី លេខ១១០ព.ណ អវឯ.សសរ ចុះថ្ងៃទី២៣ខែតុលាឆ្នាំ២០២៥របស់រដ្ឋមន្ត្រីក្រសួងពាណិជ្ជកម្ម។ សហព័ន្ធដំឡូងមីកម្ពុជាបានសង្កេតឃើញថា ការធ្វើអាជីវកម្មទិញ-លក់ដំឡូងមី នៅក្នុង ព្រះរាជាណាចក្រកម្ពុជា កន្លងមកពុំទាន់មាននីតិវិធីសមស្រប ធ្វើឲ្យគុណភាពដំឡូងមី ធ្លាក់ចុះ ដោយការលាយដី និង/ឬសស្នែង ការកាត់ភាគរយ អំពើបន្លំ ឬលួចភ្នែកជញ្ជីង និងការបិទស្លាក តម្លៃលើមុខទំនិញមិនទាន...

(សិង្ហបុរី)៖ សន្និសីទស្តីពី «គំនិតផ្តួចផ្តើមខ្សែក្រវ៉ាត់ និងផ្លូវសម្រាប់វិស័យ វាយនភណ្ឌ» លើកទី៧ ក្រោមប្រធានបទ «ការជំរុញឧស្សាហកម្មវាយនភណ្ឌ និងកាត់ដេរសកលសម្រាប់អនាគតប្រកបដោយកិច្ចសហប្រតិបត្តិការ និងនវានុវត្តន៍» បានរៀបចំប្រព្រឹត្តិទៅចាប់ពីថ្ងៃទី១៩ ដល់ថ្ងៃទី២១ ខែធ្នូ ឆ្នាំ២០២៥ នៅប្រទេសសិង្ហបុរី ដែលមានអ្នកចូលរួមប្រមាណជាង ៣០០នាក់ ជាតំណាងរដ្ឋាភិបាល អង្គទូត អ្នកបញ្ជាទិញ អ្នកផលិតវត្ថុធាតុដើម អ្នកផ្គត់ផ្គង់ អ្នកគាំទ្រផ្នែកបច្ចេកទេស អ្នកសិក្សាស្រាវជ្រាវ និងអ្នកពាក់ព័ន្ធផ្សេងទៀត ក្នុងខ្សែច្រវ៉ាក់ផ្គត់ផ្គង់សកល នៃឧស្សាហកម្មវាយនភណ្ឌ និងកាត់ដេរ។ សន្និសីទនេះ ផ្តល់ឱកាសឱ្យអ្នកចូលរួមទាំងអស់ពិភាក្សាលើប្រធានបទសំខាន់ៗពាក់ព័ន្ធនឹងការពង្រឹងកិច្ចសហប្រតិបត្តិការក្នុងវិស័យវាយនភណ្ឌ ក្រោមក្របខណ្ឌគំនិតផ្តួចផ្តើម ខ្សែក្រវាត់ និងផ្លូវ តាមរយៈកិច្ចសហប្រតិបត្តិការចិន-អាស៊ាន, សមាហរណកម្ម ខ្សែច្រវ៉ាក់ផ្គត់ផ្គង់សកល, ឱកាសភាពជាដៃគូ,...

ភ្នំពេញ:ក្រសួងព័ត៌មាន ប្រកាសផ្តល់ជូនសៀវភៅ «ធម្មនុញ្ញវិជ្ជាជីវៈសារព័ត៌មាន» ជូនដល់សាធារណជន អ្នកសារព័ត៌មាន និងអ្នកផលិតមាតិកា។ សូមជម្រាបជូនដល់អ្នកសារព័ត៌មាន អ្នកផលិតមាតិកា និងអ្នកប្រើប្រាស់បណ្តាញសង្គម មេត្តាជ្រាបថា ករណីត្រូវការសៀវភៅ «ធម្មនុញ្ញវិជ្ជាជីវៈសារព័ត៌មាន» ដែលជាមូលដ្ឋានគ្រឹះនៃក្រមសីលធម៌វិជ្ជាជីវៈសារព័ត៌មាន គឺអាចស្នើសុំ និងមកយកបាននៅទីស្តីការក្រសួងព័ត៌មាន រៀងរាល់ម៉ោងធ្វើការ។  ...

ភ្នំពេញ: តបតាមការអញ្ជើញរបស់អគ្គនាយិកានៃអគ្គនាយកដ្ឋានវិទ្យុជាតិកម្ពុជា នាព្រឹកថ្ងៃព្រហស្បតិ៍ ១៥រោច ខែកត្តិក ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២០ ខែវិច្ឆកា ឆ្នាំ២០២៥ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB បានចូលរួមធ្វើជាវាគ្មិនកិត្តិយសក្នុងកម្មវិធីពិភាក្សាតុមូល ស្តីពី “កិច្ចអន្តរាគមន៍រក្សាលំនឹងថ្លៃស្រូវក្នុងរដូវប្រមូលផល”។ ក្នុងកិច្ចពិភាក្សាដ៏មានសារៈសំខាន់នេះ ឯកឧត្តមបណ្ឌិត បានធ្វើបច្ចុប្បន្នភាព និងស្ថានភាពនៃការប្រមូលផលស្រូវកម្ពុជា ដោយឯកឧត្តមបណ្ឌិត បានបញ្ជាក់ថាកម្ពុជាក្នុងឆ្នាំ២០២៥នេះ អាចនឹងទទួលបានទិន្នផលស្រូវសរុបប្រមាណជា ១៤,៧ លានតោន និងការនាំចេញ អាចនឹងឈានដល់ប្រមាណជា ៨០ ម៉ឺនតោន និងស្ថានភាពថ្លៃស្រូវ ហាក់មានកំណើនឡើងវិញបន្តិច ពិសេសស្រូវផ្ការំដួលនិងស្រូវស្រង៉ែ។ បន្ថែមពីការធ្វើបច្ចុប្បន្នភាពការប្រមូលផលស្រូវ, ឯកឧត្តមបណ្ឌិត ក៏បានសង្កត់ធ្ងន់អំពីការចូលរ...

ភ្នំពេញ: នារសៀលថ្ងៃព្រហស្បតិ៍ថ្ងៃទី២០ ខែវិច្ឆកា ឆ្នាំ២០២៥ នៅទីស្នាក់ការកណ្តាលនៃធនាគារអភិវឌ្ឍន៍ជនបទ និងកសិកម្ម (ARDB) ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារ ARDB បានទទួលជួបពិភាក្សាការងារជាមួយលោក Lin Shiqiang ប្រធានធនាគារឧស្សាហកម្ម និងពាណិជ្ជកម្ម ចិន សាខាភ្នំពេញ និងសហការី ក្រោមក្របខណ្ឌអនុវត្តអនុស្សារណៈយោគយល់រវាងធនាគារទាំងពីរ។ ឯកឧត្តមបណ្ឌិត និងលោក Lin Shiqiang បានចែករំលែកនូវបច្ចុប្បន្នភាពវិស័យហិរញ្ញវត្ថុ ដោយបានផ្តោតទៅលើកាលានុវត្តន៍ភាពនៃការផ្តល់ហិរញ្ញប្បទានក្នុងវិស័យកសិកម្ម កសិ-ឧស្សាហកម្ម និងអាជីវកម្មបៃតង។ បន្ថែមពីការចែករំលែកព័ត៌មាននេះ ធនាគារ ARDB និង ធនាគារ ICBC – Phnom Penh Branch ក៏បានយល់ឃើញដូចគ្នា ក្នុងការពង្រីកលទ្ធភាពកិច្ចសហប្រតិបត្តិការលើ ការផ្តល់ហិរញ្ញប្បទានរួមគ្នា ការតភ្ជាប់សេវាទូទាត់អន្តរធនាគារ និងការជំរុញការវិនិយោគលើការកែច្នៃ ក្នុងវិស័យកសិកម្ម ជាព...

(ភ្នំពេញ) ៖ នាព្រឹកថ្ងៃព្រហស្បតិ៍ ទី១៣ ខែវិច្ឆិកា ឆ្នាំ២០២៥ នៅអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែង «ក.ប.ប.» នៃក្រសួងពាណិជ្ជកម្ម ឯកឧត្ដម គឹម មាសសុខសីហា អគ្គនាយកនៃអគ្គនាយកដ្ឋាន ក.ប.ប. និងជាប្រធានលេខាធិការដ្ឋាន គ.ប.ក. បានទទួលរៀបចំកិច្ចប្រជុំពិភាក្សាការងារជាមួយ លោក Samuel Chan ប្រធានគណៈកម្មាធិការប្រកួតប្រជែងនៃតំបន់រដ្ឋបាលពិសេសហុងកុង (HKCC) នៃសាធារណរដ្ឋប្រជាមានិតចិន។ កិច្ចប្រជុំនេះមានគោលបំណងចែករំលែកនូវបទពិសោធន៍ការងារគ្នាទៅវិញទៅមក និងកំណត់គោលដៅ សហប្រតិបត្តិការជាមួយគ្នា ព្រមទាំងការអនុវត្តការផ្ទាល់នៅគណៈកម្មាធិការប្រកួតជែងហុងកុង បន្ទាប់ពីការចុះហត្ថលេខាលើអនុស្សរណៈនៃការយោគយល់គ្នា(MoU) រវាងលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធានគណៈកម្មាធិការប្រកួតប្រជែងកម្ពុជា «គ.ប.ក.» និងលោក Samuel Chan ប្រធានគណៈកម្មាធិការប្រកួតប្រជែងនៃតំបន់រដ្ឋបាលពិសេសហុងកុង...

ភ្នំពេញ:នៅថ្ងៃព្រហស្បតិ៍-សុក្រទី១៣-១៤ ខែវិច្ឆិកា ឆ្នាំ២០២៥នេះ មន្រ្តីជំនាញ សាខា ក.ប.ប. ខេត្តក្រចេះ ខេត្តព្រះវិហារ ខេត្តឧត្តរមានជ័យ ខេត្តបន្ទាយមានជ័យ និងខេត្តរតគិរី សហការជាមួយមន្រ្តីនៃមន្ទីរពាណិជ្ជកម្ម និងមន្រ្តីនៃមន្ទីរអប់រំ យុវជន និងកីឡាខេត្ត ចុះអប់រំផ្សព្វផ្សាយស្តីពីសុវត្ថិភាពម្ហូបអាហារ កិច្ចការពារអ្នកប្រើប្រាស់ កិច្ចការប្រកួតប្រជែង កម្មវិធី CCF Complaint App និងផលប៉ះពាល់នៃគ្រឿងញៀន ជូនដល់លោកគ្រូ អ្នកគ្រូសិស្សានុសិស្ស និងអាជីវករលក់ដូរនៅក្នុងសាលារៀន ៥ទីតាំង និងមានអ្នកចូលរួមចំនួន ២២១៩នាក់។ នៅក្នុងវគ្គអប់រំ ផ្សព្វផ្សាយនេះ មន្រ្តីជំនាញបានធ្វើការណែនាំអំពីការជ្រើសរើស ការពិនិត្យម្ហូបអាហារដែលមានសុវត្ថិភាព និងអាហារូបត្ថម្ភដែលមានគុណភាពល្អសម្រាប់បរិភោគប្រចាំថ្ងៃ ព្រមទាំងបានចែកផ្ទាំងរូបភាពផ្សព្វផ្សាយ (Poster) អំពីសុវត្ថិភាពម្ហូបអាហារ ចំនួន ៤៣៩ សន្លឹក ផងដែរ។ សង្កត់ធ្ងន់ក្នុងពិធីនោះ មន្រ្តីជំនាញក៏បា...