ព័ត៌មានទាន់ហេតុការណ៍

ភ្នំពេញ ៖ លោកបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃធនាគារអភិវឌ្ឍន៍ជនបទ និងកសិកម្ម (ARDB) បានសំណូមពរ ឲ្យធនាគារ BBG បន្តពង្រឹង ពង្រីកកិច្ចសហប្រតិបត្តិការបន្ថែមទៀត លើការទូទាត់ប្រាក់ឆ្លងប្រទេសជូនដល់អតិថិជនរបស់ ធនាគារ ARDB និងគាំទ្រដល់កិច្ចសហប្រតិបត្តិការគម្រោងហិរញ្ញប្បទានបៃតង របស់ ធនាគារទាំងពីរ ។សំណូមពររបស់លោកបណ្ឌិត កៅ ថាច ធ្វើឡើងនៅថ្ងៃទី២៦ ខែកញ្ញា ឆ្នាំ២០២៤ ក្នុងឱកាសចូលជួបសម្តែងការគួរសម និងពិភាក្សាការងារជាមួយ លោក Dongguo Li លេខាធិការគណៈកម្មាធិការរបស់គណបក្ស និងជាប្រធានក្រុមប្រឹក្សាភិបាលធនាគារ GUANGXI BEIBU GULF BANK ( BBG) នៅទីស្នាក់ការកណ្តាលរបស់ធនាគារ ដោយមានការចូលរួមពី លោក តាំង សុខងន់ អគ្គកុងស៊ុលកម្ពុជា ប្រចាំតំបន់ស្វយ័ត ខេត្តក្វាងស៊ី និងសហការី។ក្នុងឱកាសជំនួបនេះ បណ្ឌិត កៅ ថាច បានថ្លែងអំណរគុណ ដល់ភាគី ធនាគារ BBG ដែលបានបំពេញការងារយ៉ាងល្អ ក្នុងនាមជាធនាគារដៃគូ ទូទាត់ប្រាក់ ឆ្លង...

កិច្ចប្រជុំទ្វេភាគីស្តីពីកិច្ចសហប្រតិបត្តិការលើការអភិវឌ្ឍន៍សុខភាពសត្វរវាងព្រះរាជាណាចក្រកម្ពុជា និងសាធារណៈរដ្ឋសង្គមនិយមវៀតណាម ខេត្តសៀមរាប ថ្ងៃទី ២៦-២៧ ខែកញ្ញា ឆ្នាំ២០២៤ក្នុងកិច្ចប្រជុំទ្វេភាគីនេះមានវត្តមានលោកបណ្ឌិត តាន់ ផាន់ណារ៉ា អគ្គនាយកនៃនាយកដ្ឋានផលិតកម្ម និងបសុព្យាបាល នៃព្រះរាជាណាចក្រកម្ពុជានិងប្រតិភូមកពីវៀតណាម ដឹកនាំដោយលោកបណ្ឌិត Phan Quang Minh អគ្គនាយករងនៃ DAH ប្រទេសវៀតណាមរួមទាំងមន្រ្តីផ្នែកពេទ្យសត្វមកពីថ្នាក់ក្រោមជាតិចូលរួម។ប្រធានគណៈប្រតិភូវៀតណាម លោកបណ្ឌិត Phan Quang Minh អគ្គនាយករងនៃ DAHបានអោយដឹងថា បរិបទនៃសកលភាវូបនីយកម្ម និងការកើនឡើងនៃជំងឺឆ្លងដូចជា គ្រុនផ្តាសាយបក្សី អាហ្រ្វិក ប៉េស្តជ្រូក ជំងឺជើង និងមាត់ និងជំងឺឆ្កែឆ្កួត ដែលអាចរីករាលដាលយ៉ាងឆាប់រហ័សឆ្លងព្រំដែន ដែលប៉ះពាល់ដល់សុខភាពសាធារណៈ។និងសេដ្ឋកិច្ច កិច្ចសហប្រតិបត្តិការ និងការចែករំលែកព័ត៌មានរវាងប្រទេសនានាគឺមិនអាចខ្វះបាន ជាពិសេសបន្ទាប់...

លោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា នាថ្ងៃទី២៤ ខែកញ្ញា ឆ្នាំ២០២៤ បានដឹកនាំគណៈប្រតិភូចូលជួបសំណេះសំណាល និងពិភាក្សាការងារជាមួយ អ្នកតំណាងលោកស្រីនាយកហិរញ្ញិក នៃរតនាគារនៃរដ្ឋកាលីហ្វ័រញ៉ា សហរដ្ឋអាម៉េរិក។ ក្នុងជំនួបនាឱកាសនេះ លោកឧបនាយករដ្ឋមន្ត្រី បានជម្រាបជូនអង្គប្រជុំអំពីកាលានុវត្តភាពវិនិយោគនៅកម្ពុជា ភាពរីកចម្រើននៃហេដ្ឋារចនាសម្ព័ន្ធពាសពេញផ្ទៃប្រទេសទាំងផ្លូវគោក ផ្លូវទឹក និងផ្លូវអាកាស ពិសេសដូចជាគម្រោងព្រែកជីកហ្វូណនតេជោជាដើម ហើយបន្ថែមពីនេះ កម្ពុជាក៏មានកម្លាំងជាយុវជនវ័យក្មេងរហូតដល់៦០% ដែលអាចចូលរួមបញ្ចេញសក្ដានុពលសម្រាប់ការអភិវឌ្ឍប្រទសជាតិក្នុងរយៈពេលយូរបន្ថែមទៀត។ ពិសេសជាងនេះ ប្រជាជនកម្ពុជាមួយចំនួនធំនាពេលបច្ចុប្បន្នក៏អាចប្រើប្រាស់ភាសាបរទេសបានយ៉ាងល្អប្រសើរ រួមមានភាសាអង់គ្លេស ដែលនឹងផ្ដល់លទ្ធភាពខ្ពស់សម្រាប់ការទំនាក់ទំនង និងការអនុវត្តកិច្ចការងារផ្សេងៗ។ តាមរយៈជំ...

(កំពង់ស្ពឺ)៖ នាព្រឹកថ្ងៃព្រហស្បតិ៍ ៩រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៦ ខែកញ្ញា ឆ្នាំ២០២៤ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.» នៃក្រសួងពាណិជ្ជកម្ម បានសហការជាមួយរដ្ឋបាលខេត្តកំពង់ស្ពឺ រៀបចំសិក្ខាសាលាផ្សព្វផ្សាយច្បាប់ស្ដីពី «សុវត្ថិភាពម្ហូបអាហារ ច្បាប់ស្ដីពីកិច្ចការពារអ្នកប្រើប្រាស់ និងការយល់ដឹងមួយចំនួនពាក់ព័ន្ធនឹងការផលិតស្រាប្រកប ដោយសុវត្ថិភាព»។ សិក្ខាសាលានេះ បានរៀបចំឡើងនៅសាលប្រជុំនៃសាលាខេត្តកំពង់ស្ពឺ ក្រោមអធិបតីភាពលោក ឃួន សាវុធ អគ្គនាយករង នៃអគ្គនាយកដ្ឋាន ក.ប.ប. តំណាងលោក ផាន អូន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយក នៃអគ្គនាយកដ្ឋាន ក.ប.ប. និងលោក ជាវ វិជ្ជាក់ អភិបាលរងនៃគណៈអភិបាលខេត្តកំពង់ស្ពឺ តំណាងលោកអភិបាលនៃគណៈអភិបាលខេត្តកំពង់ស្ពឺ ដោយមានការអញ្ជើញចូលរួមពីស្ថាប័នអយ្យការអមសាលាដំបូង តំណាងកងកម្លាំងទាំងបីប្រភេទ តំណាងមន្...

រសៀលថ្ងៃពុធ ទី២៥ ខែកញ្ញា ឆ្នាំ២០២៤ លោក ហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតឱ្យ លោក An Xin ប្រធានក្រុមហ៊ុន Tianhe International Travel Service Co., LTD និងសហការី អញ្ជើញចូលជួបសម្តែងការគួរសម និងពិភាក្សាការងារលើវិស័យទេសចរណ៍ ក្នុងឱកាសព្រឹត្តិការណ៍ពិព័រណ៌ទេសចរណ៍អាស៊ាន-ចិន លើកទី១០ ដែលកំពុងប្រព្រឹត្តទៅនៅទីក្រុងគួយលីន ខេត្តក្វាងស៊ី សាធារណរដ្ឋប្រជាមានិតចិន។ ក្នុងឱកាសនៃជំនួបនោះ លោករដ្ឋមន្ត្រី បានស្នើលោកប្រធានក្រុមហ៊ុន រៀបចំកញ្ចប់ទស្សនកិច្ចដើម្បីទាក់ទាញភ្ញៀវទេសចរចិន មកទស្សនាកម្ពុជាឱ្យបានកាន់តែច្រើន និងជួយផ្សព្វផ្សាយពីគោលដៅទេសចណ៍កម្ពុជាឱ្យបានកាន់តែទូលំទូលាយ ទាំងនៅទីក្រុង Guilin ក៏ដូចជានៅខេត្តក្វាងស៊ីទាំងមូល ព្រមទាំងស្នើឱ្យ លោកនាយកក្រុមហ៊ុន ភ្ជាប់ទំនាក់ទំនងជាមួយក្រុមហ៊ុនឯកជនរបស់ប្រទេសកម្ពុជា ដែលចូលរួមព្រឹត្តិការណ៍ពិព័រណ៌ទេសចរណ៍អាស៊ាន-ចិន លើកទី១០ ដែលយើងមានក្រុមហ៊ុនចំនួន ១៧ ធ្វើដំណើរដោយផ្ទាល់ម...

ធនាគារអភិវឌ្ឍន៍អាស៊ី (ADB) កាលពី​ថ្ងៃទី២៥ ខែកញ្ញា ឆ្នាំ២០២៤ បានព្យាករកំណើនសេដ្ឋកិច្ចរបស់ខ្លួនសម្រាប់កម្ពុជានៅ​កម្រិត ៥,៨% សម្រាប់ឆ្នាំ២០២៤ និង ៦,០% សម្រាប់ឆ្នាំ២០២៥។ ជាមួយគ្នានេះ​អេឌីប៊ីបានបន្ថែមថា ដោយមានការកើនឡើង​តិចតួចនៃថ្លៃម្ហូបអាហារ និងការធ្លាក់ចុះនៃថ្លៃប្រេងឥន្ធនៈនៅក្នុងឆមាសទី១ ឆ្នាំ២០២៤ បាន​បន្ថយការព្យាករអតិផរណាពីមុនរបស់​ខ្លួនពី ២,០% មកនៅត្រឹម ០,៥% សម្រាប់ឆ្នាំ២០២៤ នេះ ។ លោកស្រី Jyotsana Varma នាយិកាធនាគារអភិវឌ្ឍន៍អាស៊ីប្រចាំ​កម្ពុជា ត្រូវបានស្រង់សម្ដីមកបញ្ជាក់ថា ៖«ការស្ទុះងើបឡើងវិ​ញនៃ​វិស័យ​វាយនភណ្ឌ ជាពិសេសសម្លៀកបំពាក់ ស្បែកជើង និងទំនិញ​ធ្វើដំណើរ កំពុងជំរុញកំណើនសេដ្ឋកិច្ចប្រទេសកម្ពុជា។ វិស័យកសិកម្ម និងទេសចរណ៍កំពុងបន្តកើនឡើង ខណៈការបន្តហូរចូលនៃការ​វិនិយោគ​​ផ្ទាល់ពីបរទេស កំពុងជួយជំរុញល្បឿន​សេដ្ឋកិច្ចកម្ពុជា។ ជារួម កម្លាំងចលករទាំងនេះ កំពុងនាំមកនូវស្ថានភាពល្អប្រសើរសម្រាប់ឆ្នាំ ២០២៤ ព្...

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា អនុញ្ញាតឱ្យលោកស្រី យ៉ាម៉ាណាកា អាគិកុ (YAMANAKA AKIKO) អតីតអនុរដ្ឋមន្ត្រីការបរទេស និងជាឯកអគ្គរាជទូតពិសេសទទួលបន្ទុកកសាងសន្តិភាព នៃរាជរដ្ឋាភិបាលជប៉ុន ចូលជួបសម្តែងការគួរសម និងពិភាក្សាការងារ នៅវិមានព្រឹទ្ធសភា រាជធានីភ្នំពេញ នាព្រឹកថ្ងៃទី២៦ ខែកញ្ញា ឆ្នាំ២០២៤។...

ព្រៃវែង ÷ តាម​ការបញ្ជាក់ ពី​ក្រុម​ឈ្មួញ និង​អាជីវករ​ព្រមទាំង ប្រជាពលរដ្ឋ ដែល​ដឹក​ជញ្ជូន​ស្រូវ​ទៅ​លក់​ឲ្យ​ឈ្មួញ​យួន​ តាម​ច្រកទ្វារ​អន្តរជាតិ​បន្ទាយ​ចក្រី ស្រុក​ព្រះស្តេច បានឲ្យដឹងថា ទល់តែបង់លុយ ទៅឲ្យសមត្ថកិច្ចពាក់ព័ន្ធច្រកនេះ ទេីបអ្វីៗ ប្រព្រឹត្តទៅយ៉ាងរលូន ។​ រីឯ​ខាង​ភាគី​យួន​បាន​តម្រូវ​ឲ្យ​ឈ្មួញ អាជីវករ​និង​ពលរដ្ឋ​ខ្មែរ ដឹកជញ្ជូន​ស្រូវ​ឡើង​ស្ពាន​ទៅ​ទម្លាក់​ស្រូវ​លក់​នៅ​ទឹកដី​យួន តាម​ព្រំដែន​ដែល​ធ្វើឲ្យ​ ខាតពេលវេលា​យ៉ាងច្រើន ហើយ​ត្រូវ​បង់លុយ សម្រាប់​ខាង​សមត្ថកិច្ច​ភាគី​ខ្មែរ​ទៀតផង។​ ​ប្រភព​ពីក្រុមឈ្មួញ ដឹកជញ្ជួនស្រូវយកទៅលក់ឲ្យឈ្មួញវៀតណាម បានឲ្យដឹង​ទៀតថា ឈ្មួញខែ្មរចំណាយក្នុងមួយជេីងៗ អស់ចាប់ពី៣០០០០០រៀល ទៅ ៣៥០០០រៀល ទៅលេីសមត្ថកិច្ច​ពាក់ព័ន្ធច្រកនេះផងដែរ​។​ បញ្ហាដែលលោក មេប៉ុស្តិ៍ច្រកទ្វារអន្តរជាតិព្រំដែនបន្ទាយចក្រីហ៊ានធ្វើអ្វីៗតាមអំពេីចិត្ត ប្រហែលជាអាងខ្នងបង្អែករឹងមាំនៅស្នងការដ្ឋាននគរបា...

លោកបណ្ឌិត ម៉ៅ ធនិន អភិបាលខេត្តកំពត បានលើកឡើងថា កំណែទម្រង់វិមជ្ឈការ និងវិសហមជ្ឈការ ជាកំណែទម្រង់ផ្នែកអភិបាលកិច្ចដ៏ស៊ីជម្រៅ និងមានសារៈសំខាន់របស់រាជរដ្ឋាភិបាល ដែលបានអនុវត្តចាប់តាំងពីឆ្នាំ២០០១ មកដល់បច្ចុប្បន្ននេះ។ កំណែទម្រង់នេះបានជួយលើកកម្ពស់អភិបាលកិច្ចល្អ ការផ្តល់សេវាសាធារណៈ និងការអភិវឌ្ឍសេដ្ឋកិច្ចមូលដ្ឋាន ប្រកបដោយប្រសិទ្ធភាព បរិយាប័ន្ន និងសមធម៌សង្គម។ ការថ្លែងបែបនេះ ធ្វើឡើងក្នុងវេទិកាថ្នាក់ខេត្ត ស្តីពីកំណែទម្រង់វិមជ្ឍការ និងវិសហមជ្ឍការ ដើម្បីសម្រេចបានចក្ខុវិស័យកម្ពុជា ឆ្នាំ២០៥០ នាថ្ងៃទី២៥ ខែកញ្ញា ឆ្នាំ២០២៤ ក្រោមអធិបតីភាព លោក សក់ សេដ្ឋា ទេសរដ្ឋមន្រ្តីទទួលបន្ទុកបេសកកម្មពិសេស អនុប្រធានអចិន្ដ្រៃយ៍ នៃ គ.ជ.អ.ប. និងជាប្រធានក្រុមការងារអន្តរក្រសួង ដោយមានការចូលរួមពីក្រុមប្រឹក្សា និងគណៈអភិបាលរាជធានីខេត្តទាំង២៥ និងមន្ត្រីជំនាញ ព្រមទាំងអ្នកពាក់ព័ន្ធក្នុងខេត្ត។ លោក ម៉ៅ ធនិន បានគូសបញ្ជាក់ថា តាមការអនុវត...

លោកបណ្ឌិត ថោង ខុន ទេសរដ្ឋមន្ដ្រី និងជាប្រធានគណៈកម្មាធិការជាតិអូឡាំពិកកម្ពុជាបានទទួលជួបសម្ដែងការគួរសម និងពិភាក្សាការងារជាមួយលោកម អ៊ូអិណុ អាត់ស៊ូស៊ី ឯកអគ្គរាជទូតជប៉ុនប្រចាំកម្ពុជា ដែលជំនួបនេះ ធ្វើឡើងនាព្រឹកថ្ងៃទី២៥ ខែកញ្ញា ឆ្នាំ២០២៤ នៅស្នាក់ការគណៈកម្មាធិការជាតិអូឡាំពិកកម្ពុជា ។ ជំនួបខាងលើនេះផងដែរ កម្ពុជា-ជប៉ុន បានពិភាក្សាការងារមួយចំនួនពាក់ព័ន្ធនឹងវិស័យកីឡា ក្នុងគោលបំណងពង្រឹងនូវកិច្ចសហការលើការអភិវឌ្ឍកីឡាជំនាញកម្រិតខ្ពស់ រួមមានកីឡាយូដូ ការ៉ាតេ ទូកានូ-កាយ៉ាក់ និងកីឡាកាយសម្ព័ន្ធ សម្រាប់ត្រៀមការប្រកួតអន្ដរជាតិនានា ក៏ដូចជាការត្រៀមធ្វើម្ចាស់ផ្ទះកីឡាយុវជនអាស៊ី ឆ្នាំ២០២៩ ។ ជាមួយគ្នានេះ លោកបណ្ឌិត ថោង ខុន បានស្នើរឱ្យឯកអគ្គរាជទូតជប៉ុនប្រចាំកម្ពុជាពិនិត្រលើសេចក្ដីស្នើសុំ ២ចំណុច ដោយទី១ ស្នើសុំគ្រូបង្វឹកជនជាតិជប៉ុនជំនាញផ្នែកកីឡា ការ៉ាត់តេ, យូដូ និងកីឡាកាយសម្ព័ន សម្រាប់យៈពេលវែង មកជួយបង្ហាត់នៅកម្ពុជា ន...