ព័ត៌មានទាន់ហេតុការណ៍

ភ្នំពេញៈ ក្រុមអាជីវកររកស៊ីដឹកទំនិញធំៗកាលពីថ្ងៃទី ១៣ ខែមីនា ឆ្នាំ២០​២៣នេះ ដោយ​ពួកគាត់​​បាន​​អះអាងប្រាប់ សារព័ត៌មាន បាយ៉ង់ថាម​​ ថា អតីតប្រធានការិយាល័យគយ និងរដ្ឋាករកម្ពុជា ប្រចាំច្រកទ្វារព្រំដែនអន្តរជាតិត្រពាំងថ្លុង ប្រធានគយចល័តតំបន់១ រាជធានីភ្នំពេញគឺ មិនខ្វល់ខ្វាយពីការរកចំណូលពន្ធបង់ជូនរដ្ឋអ្វីនោះទេ ដែល ថែមទាំងមិនបានទប់ស្កាត់បទល្មើសទំនិញគេចពន្ធ និងការបង់ពន្ធមិនគ្រប់នោះឡើយ។ សូមរំលឹកថា លោក អ៊ួន សុវណ្ណារ៉ា គឺទើបតែ ត្រូវបានផ្ទេរមកកាន់តំណែងថ្មីជា ប្រធានគយចល័តតំបន់១ រាជធានីភ្នំពេញ នៃអគ្គនាយកដ្ឋានគយ និងរដ្ឋាករកម្ពុជា។ ប៉ុន្តែក្រុមអាជីវកររកស៊ីដឹកទំនិញធំៗ សុំលក្ខណ្ឌមិនបញ្ចេញឈ្មោះខាងលើកឡើង​​ថា ប្រធានគយចល័តតំបន់១ រាជធានីភ្នំពេញ គឺគាត់ មិនខ្វាយខ្វល់ពីការរកចំណូលបង់ពន្ធជូនរដ្ឋតាមផែនការស្ថាប័នខ្លួននោះទេ ថែមទាំងមិនបានទប់ស្កាត់រាល់បទល្មើសទំនិញគេចពន្ធនោះដែរ ។ អាជីវករដឹកទំនិញខាងលើអះអាងទៀត​ថា «ប្រធានគយចល័...

ភ្នំពេញ៖ ព្រះអង្គម្ចាស់ នរោត្តម ចក្រាវុធ អនុញ្ញាតឱ្យ មន្រ្តីស្ថានទូតជប៉ុនប្រចាំនៅកម្ពុជាចូលជួបពិភាក្សាការងារមួយចំនួននៅរសៀលថ្ងៃទី១៤ខែមីនា ឆ្នាំ២០២៣នេះ។ ជំនួបនោះគឺមាន លោកស្រី អូនិស៊ី អៃ និងកញ្ញា ហត្ថតុរី យូកា ដើម្បីជួបពិភាក្សាការងារមួយចំនួន​ អំពីស្ថានភាពទូទៅ ដំណើរការងារឆ្ពោះទៅរកការបោះឆ្នោតជាតិ នៅព្រះរាជាណាចក្រកម្ពុជា នាថ្ងៃទី២៣ ខែកក្កដា ឆ្នាំ២០២៣​ខាងមុខនេះ ។ កិច្ចពិភាក្សាក៏បានផ្តោតលើ ស្ថានភាពទូទៅនៃការបោះឆ្នោតជាតិខាងមុខ និងវត្តមានរបស់គណបក្ស ហ៊្វុនស៊ិនប៉ិច ក្នុងការចូលរួមអនុវត្តលទ្ធិប្រជាធិបតេយ្យ សេរីពហុបក្ស ឱ្យកាន់តែល្អប្រសើរ ។ ព្រះអង្គម្ចាស់ នរោត្តម ចក្រាវុធ បានព្រះបន្ទូលថ្លែងអំណរគុណចំពោះរាជរដ្ឋាភិបាលជប៉ុន តាមរយៈស្ថានទូតជប៉ុនប្រចាំកម្ពុជា ដែលតែងតែបានផ្តល់ជំនួយនានា ក្នុងការរួមចំណែក ដល់ការអភិវឌ្ឍន៍នៅកម្ពុជានាពេលកន្លងមក ។ ព្រះអង្គម្ចាស់ក៏បានរំលឹកនូវអនុស្សាវរិយ៍ និងទំនាក់ទំនងដ៏ល្អ រវាងប...

(រាជធានីភ្នំពេញ)៖  មន្រ្តីជំនាញ ក.ប.ប.​ សាខារាជធានីភ្នំពេញសហការជាមួយមន្រ្តីជំនាញសុខភាពសត្វ នៃក្រសួងកសិកម្ម រុក្ខាប្រមាញ់ និងនេសាទ ដែលដឹកនាំដោយលោកអគ្គនាយករង ក.ប.ប. ប្រធានក្រុមការងារចំពោះកិច្ច កាលពី​​ថ្ងៃទី២២ ខែកុម្ភៈ ឆ្នាំ២០២៣ បានធ្វើការកម្ទេចចោលសាច់បង្កកខូចគុណភាពចំនួន ៨ ១៧២គីឡូក្រាម។ សាច់បង្កកដែលមន្រ្តីជំនាញដុតកម្ទេចចោលនាថ្ងៃនេះគឺមានដូចជា បេះ​ដូងជ្រូក អណ្ដាតជ្រូក ជង្គង់មាន់ ត្រីបង្កក ទាបង្កក និងសាច់ផ្សេងៗទៀត ដែលសាច់ទាំងអស់នេះគឺបានមកពីការស្រាវជ្រាវរកឃើញរយៈពេលពីរថ្ងៃកន្លងមកស្ថិតនៅក្នុងខណ្ឌមានជ័យ និងខណ្ឌដង្កោ។ គួររំលឹកផងដែរថាសាច់បង្កកដែលបានរកឃើញទាំងអស់នេះគឺជាសាច់ដែលខូចគុណភាព និងរក្សាទុកពុំបានត្រឹមត្រូវតាមលក្ខណៈបច្ចេកទេសនៃលក្ខខណ្ឌតម្រូវអនាម័យ ដែលជាហេតុបង្កគ្រោះថ្នាក់ធ្ងន់ធ្ងរដល់អ្នកប្រើប្រាស់ប្រសិនទំនិញទាំងអស់នេះចរាចរលក់ទៅដល់ទីផ្សារ។...

ព្រៃវែង៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងម​ហាផ្ទៃ ថ្ងៃទី១៤ ខែមីនា ឆ្នាំ២០២៣នេះ បានអញ្ជើញជាអធិបតីក្នុងពិធីបុណ្យបញ្ចុះខណ្ឌសីមាព្រះវិហារ និងសមិទ្ធផលនានា នៅវត្តមេលប់ ស្ថិតនៅភូមិមេលប់ ឃុំរកា ស្រុកពារាំង ខេត្តព្រៃវែង។ លោក ចេម ប្រា អភិបាលនៃគណៈអភិបាកលស្រុកពារាំង បានធ្វើរបាយការណ៍ជូនសម្ដេចក្រឡាហោម និងអង្គពិធីថា វត្តមេលប់ បង្កើតឡើងនៅឆ្នាំ​១៧៣៥ នៅលើទីតាំងដីទួលព្រះធំ ក្បែរភូមិ ដោយព្រះចៅធិការព្រះនាម មុំ ញ៉ែម បានសាងសង់កុដ្ឋ និងរោងឧបោសថកម្ម រហូតដល់ឆ្នាំ១៧៩០ បានប្ដូរមកទួលព្រៃក្ដី ដោយព្រះចៅអធិការព្រះនាម ម៉ា ឃុន និងព្រះតេជគុណព្រះនាម ប្រាក់ ព្រីង រហូតដល់ឆ្នាំ១៨៨១ ក៏បន្តប្ដូរមកនៅក្បែរភូមិវិញ ដោយឆ្លងកាត់ព្រះចៅអធិការជាបន្តបន្ទាប់។ លោកបន្តថា នៅក្នុងសម័យសង្គ្រាមដើមទសវត្ស ១៩៧០ មានការទំលាក់គ្រាប់បែកបណ្ដាលឱ្យខូចខាតវត្ត និងសុគតព្រះសង្ឃមួយអង្គ ហើយចូលដល់សម័យខ្មែក្រហម សមិទ្ធផលវត្តមេលប់ត្រូវបានកម...

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីបានថ្លែង ក្នុង​​ងឱកាសសម្តេចជួបសំណេះសំណាល ជាមួយប្រជាពលរដ្ឋ ដែលបានផ្លាស់ប្តូរទីលំនៅទៅទីតាំងថ្មី និងត្រួតពិនិត្យការដ្ឋានសាងសង់ វារីអគ្គិសនីស្ទឹងពោធិ៍សាត់១ ស្ថិតនៅឃុំប្រម៉ោយ ស្រុកវាលវែង ខេត្តពោធិ៍សាត់ នៅថ្ងៃអង្គារ ងៃទី១៤ ខែមីនា ឆ្នាំ២០២៣នេះថា  “ឥឡូវប្រទេសជិតខាងកម្ពុជា អគ្គិសនីបានឡើងថ្លៃ ប៉ុន្ដែប្រទេសកម្ពុជា មិនបានឡើងថ្លៃទេ ដោយសាររាជរដ្ឋាភិបាល បានគិតគូរពីកត្តាជីវភាពរបស់ប្រជាពលរដ្ឋ”។​​    ...

ភ្នំពេញ៖ នាយកដ្ឋានកសិ-ឧស្សាហកម្ម នៃក្រសួងកសិកម្ម រុក្ខាប្រមាញ់ និងនេសាទ និងជាលេខាធិការដ្ឋាន នៃគណៈកម្មាធិការសម្របសម្រួលកិច្ចសន្យាផលិតកម្មកសិកម្ម នៅ​​ថ្ងៃទី១១ ខែមីនា ឆ្នាំ២០២៣បានសហការជាមួយសហភាពសហគមន៍បន្លែសុវត្ថិភាពកម្ពុជា បានរៀបចំពិធីចុះកិច្ចសន្យាទិញ-លក់ចំណិតដំឡូងមីស្ងួត រវាងសហភាពសហគមន៍បន្លែសុវត្ថិភាពកម្ពុជា និងក្រុមហ៊ុន Global Ecological Rice (Cambodia) Co., Ltd. របស់ភាគីចិន។ ពិធីនេះ ចូលរួមដោយ​លោក​​ ប៉ក់ សម័យសុនីតិ អនុរដ្ឋលេខាធិការនៃក្រសួងកសិកម្ម រុក្ខាប្រមាញ់ និងនេសាទនៅសណ្ឋាគារសុខាភ្នំពេញ ដែល ពិធីចុះកិច្ចសន្យាផលិតកម្មកសិកម្មនេះមានគោលបំណងដើម្បីជំរុញការនាំចេញដំឡូងមី ដោយត្រង់ទៅកាន់ទីផ្សារប្រទេសចិន ក្នុងបរិមាណសរុប ៥០០ ០០០តោន ក្នុង១ឆ្នាំ ដោយយកខេត្តបាត់ដំបងជាទីតាំងគោល។ លោក​​ ប៉ក់ សម័យសុនីតិ អនុរដ្ឋលេខាធិការនៃក្រសួងកសិកម្ម រុក្ខាប្រមាញ់ និងនេសាទ បានលើកឡើងថានៅក្នុងអនុក្រឹត្យលេខ៣៦ អនក្រ.បក ចុះថ...

ពោធី៍សាត់៖ បន្ទាប់ពីបានសំណេះសំណាលជាមួយប្រជាពលរដ្ឋដែលរងផលប៉ះពាល់នៃគម្រោងសាងសង់វារីអគ្គិសនីសឹងពោធិ៍សាត់១រួចហើយនោះសម្ដេច​តេជោ ហ៊ុន សែន ក៏នៅព្រឹកថ្ងៃអង្គារទី១៤ ខែមីនាឆ្នាំ២០២៣នេះបានអញ្ជើញ​ធ្វើដំណើរមកកាន់កន្លែងសាងសង់វារីអគ្គិសនីស្ទឹងពោធិ៍សាត់១ ដើម្បីពិនិត្យមើលវឌ្ឍនភាពនៃការសាងសង់ និងជួបកម្មករ កម្មការិនី ដែលកំពុងបម្រើការងារនៅការដ្ឋាននេះផងដែរ។ សូមជម្រាបថា វារីអគ្គិសនីស្ទឹងពោធិ៍សាត់១ មានអានុភាពប្រមាណ ៨០មេហ្កាវ៉ាត់ មានទីតាំងស្ថិតនៅតាមដងស្ទឹងពោធិ៍សាត់ ក្នុងឃុំប្រមោយ ស្រុកវាលវែង ខេត្តពោធិ៍សាត់។ រាជរដ្ឋាភិបាលកម្ពុជា បានអនុញ្ញាតឱ្យក្រុមហ៊ុន SPHP (Cambodia) Co., Ltd. សាងសង់កាលពីថ្ងៃទី០៥ ខែមេសា ឆ្នាំ២០១៩។ បន្ទាប់ពីទទួលបានសិទ្ធិក្នុងការសាងសង់ និងវិនិយោគរួចមក ក្រុមហ៊ុនបានខិតខំ​ស្វែង​រក​ប្រភពទុនវិនិយោគ និងក្រុមហ៊ុនដៃគូសាងសង់ដែលមានបទពិសោធន៍​ខ្ពស់ ដោយបានជ្រើសយកក្រុមហ៊ុន Power China មកពីប្រទេស​ចិន ដែលធ្លាប់មា...