ព័ត៌មានទាន់ហេតុការណ៍

​ ភ្នំពេញ៖ ធនាគារជាតិនៃកម្ពុជា ប្រកាសឲ្យអ្នកដែលមានក្រដាស់ប្រាក់រៀលចាស់ ទក់ ឬរហែក អាចប្តូរ​យកប្រដាស់ប្រាក់រៀលថ្មីបាន នៅតាមសាខាធនាគារជាតិ គ្រប់រាជធានី ខេត្ត។ សេចក្តីជូនបានឲ្យដឹងថា ដើម្បីអបអរសាទរពិធីបុណ្យភ្ជុំបិណ្ឌប្រពៃណីខ្មែរ​ធនា​គារជាតិនឹងរៀបចំយុទ្ធនាការស្រឡាញ់ប្រាក់រៀល ចាប់ពីថ្ងៃទី១៦ ដល់ថ្ងៃទី២៦ ខែកញ្ញា ឆ្នាំ២០១៩។ សាធារណជនដែលមានក្រដាស់ប្រាក់រៀលចាស់ ទក់ ឬរហែក​ អាចប្តូរយកប្រដាស់ប្រាក់រៀលថ្មី នៅតាមបញ្ជរបេឡារបស់សាខាធនាគារជាតិរាជធានី ខេត្ត (លើកលែងតែស្នាក់ការកណ្តាល) រៀងរាល់ម៉ោងធ្វើការ៕ សូមអានសេចក្តីប្រកាសដូចខាងក្រោម៖...

ប្រព័ន្ធផ្សព្វផ្សាយ CNA បានចុះផ្សាយថា ក្រុមហ៊ុន Huawei Technologies Co Ltd ដែលជាក្រុមហ៊ុនបច្ចេកវិទ្យាធំបំផុតរបស់ប្រទេសចិន បានចេញផ្សាយរបាយការណ៍មួយ នៅថ្ងៃអង្គារ ទី០៣ ខែកញ្ញានេះ អំពីគម្រោងចំណាយប្រាក់ប្រមាណ៣០០លានដុល្លារអាមេរិកក្នុងមួយឆ្នាំ លើការស្រាវជ្រាវអំពីបច្ចេកវិទ្យានៅតាមសកលវិទ្យានានានៅក្នុងប្រទេសនេះ ។ លោក William Xu ប្រធានវិទ្យាស្ថានស្រាវជ្រាវផ្នែកផលិតឧបករណ៍ទូរគមនាគមន៍របស់ក្រុមហ៊ុន Huawei បានឲ្យដឹងថា ការចំណាយប្រាក់លើមូលនិធិស្រាវជ្រាវរបស់ក្រុមហ៊ុននេះ នឹងត្រូវបានធ្វើឡើងជាការឆ្លើយតបទៅនឹងការដាក់សម្ពាធពីសហរដ្ឋអាមេរិក ហើយក្រុមហ៊ុននេះនឹងពង្រឹងសមត្ថភាពដោយខ្លួនឯងលើការអភិវឌ្ឍន៍ផ្នែកបច្ចេកវិទ្យាដោយខ្លួនឯងដោយមិនបាច់ពឹងផ្អែកលើដៃគូ ឫពឹងផ្អែកប្រទេសណាមួយទេនៅពេលខាងមុខ ។ លោក William Xu បានបន្ថែមថា ក្រុមហ៊ុន Huawei នឹងពង្រីកទីផ្សារប្រព័ន្ធបច្ចេកវិទ្យាជំនាន់ទី៥ (5G) អោយបានធំបំផុតនៅជុំវិញពិភពលោកនៅពេលខាង...

​ ​ភ្នំពេញ​៖ ​ព្រឹក​ថ្ងៃទី​០៣ ខែកញ្ញា ឆ្នាំ​២០១៩ សម្តេច​តេ​ជោ នាយករដ្ឋមន្ត្រី ហ៊ុន សែន និង​លោក មហា​ធា មហាម៉ាត់ (Mahathir Mohamad) នាយករដ្ឋមន្ត្រី​ម៉ាឡេស៊ី បាន​អញ្ជើញ​ជា​អធិបតីភាព ក្នុង​ពិធី​ចុះហត្ថលេខា​លើ​កិច្ចព្រមព្រៀង ចំនួន ២​។ ​ទី​១-​កិច្ចព្រមព្រៀង ស្ដីពី ការលុបបំបាត់​យកពន្ធ​ត្រួតស៊ីគ្នា ការលើកលែង​ពន្ធ​លើ​ប្រាក់ចំណូល ព្រមទាំង​ការបង្ការ​ការ​គេចវេស​ពន្ធ និង​ការជៀសវាង​ពន្ធ​។ កិច្ចព្រមព្រៀង​នេះ ចុះហត្ថលេខា​ដោយ​លោក អូន​ព័ន្ធ មុនី​រ័ត្ន ឧបនាយករដ្ឋមន្ត្រី រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ និង​លោក សៃ​ហ្វូ​ឌី​ន អាប់​ឌុល​ឡា រដ្ឋមន្ត្រីការបរទេស​ម៉ាឡេស៊ី​។ ទី២-កិច្ចព្រមព្រៀង​មួយទៀត ជា​អនុស្សារណៈ​យោគយល់​គ្នា ស្តីពី កិច្ចសហប្រតិបត្តិការ​លើ​វិស័យ​ទេសចរណ៍​។ ឯកសារ​នេះ ចុះហត្ថលេខា​ដោយ​លោក ថោង ខុន រដ្ឋមន្ត្រី​ក្រសួងទេសចរណ៍ និង​លោក សៃ​ហ្វូ​ឌី​ន អាប់​ឌុល​ឡា រដ្ឋមន្ត្រីការបរទេស​ម៉...

ភ្នំពេញ៖ ក្រសួងធនធានទឹកនិងឧត្តនិយម នៅថ្ងៃទី៣ ខែកញ្ញានេះ បានចេញសេចក្តីជូនដំណឹង ស្តីពីស្ថានភាព អាកាសធាតុ ដោយគិតចាប់ពីថ្ងៃទី៣ ដល់ទី៩ ខែកញ្ញា ឆ្នាំ២០១៩ ។ សេចក្តីជូនដំណឹងដដែលបានបញ្ជាក់ថា បណ្តាខេត្តនៅភាគពាយ័ព្យ ខេត្តនៅជាប់ជួរភ្នំដងរ៉ែក និងខ្ពង់រាប ‍ ជាប់ប្រទេសវៀតណាម ​បន្តមានភ្លៀងធ្លាក់ នៅក្នុងកម្រិតបរិមាណ ពីមធ្យមទៅច្រើន ក្នុង នោះមានផ្នែកខ្លះអាចមានផ្លៀងធ្លាក់ខ្លាំង ។ ចំណែកបណ្តាខេត្តនៅជាប់មាត់សមុទ្រ នោក្នុងភូមិសាស្ត្រខេត្តកោះកុង និងខេត្តព្រះសីហនុ បន្តមាន ភ្លៀងនៅក្នុងកម្រិតបរិមាណពីបង្គួរទៅច្រើន ។ នៅលើផ្ទៃសមុទ្រអាចនឹងមានភ្លៀងខ្យល់ និងរលកបក់  បោកខ្លាំង ៕      ...

ប្រព័ន្ធផ្សព្វផ្សាយ RT បានចុះផ្សាយថា លោក ដូណាល់ ត្រាំ ប្រធានាធិបតីរបស់សហរដ្ឋអាមេរិក  អាចនឹងយកប័ណ្ណបំណុលជាទឹកប្រាក់១កោដិដុល្លារ (US$ 1 trillion) ដែលអាមេរិកជំពាក់ចិនទៅប្រយុទ្ធជាមួយចិនវិញ ក្នុងសង្គ្រាមពាណិជ្ជកម្មរវាងប្រទេសមហាអំណាចទាំងពីរ ។ ប្រភពដដែលបានបន្តថា នេះជាអាវុធថ្មីរបស់ទីក្រុងវ៉ាស៊ីនតោនក្នុងការសងសឹកទីក្រុងប៉េកាំងវិញ ក្រោយពីអាមេរិកអស់ទឹកប្រាក់លើទំនិញនាំចូលពីចិន ដើម្បីដំឡើងតម្លៃពន្ធនាំចូលតទៅទៀត ខណៈដែលចិនក៏នៅតែបន្តសងសឹកអាមេរិកជាបន្តបន្ទាប់ ។ សូមបញ្ជាក់ថា កាលពីថ្ងៃអាទិត្យ ទី០១ ខែកញ្ញានេះ អាមេរិកបានសម្រេចដំឡើងពន្ធនាំចូលពីចិន ក្នុងអត្រា១៥%លើទំនិញចិនក្នុងតម្លៃទឹកប្រាក់១១២ពាន់លានដុល្លារ នៅដំណាលគ្នានេះ ចិនបានសម្រេចដំឡើងពន្ធក្នុងអត្រាពី៥ទៅ១០%លើទំនិញអាមេរិកក្នុងតម្លៃទឹកប្រាក់៧៥ពាន់លានដុល្លារ ដែលនាំចូលចិន ៕...

ព្រៃវែង៖ លោក លឹម គានហោ រដ្ឋមន្រ្តីក្រសួងធនធានទឹក និងឧតុនិយម និងលោកប្រធានមន្ទីរធនធានទឹកខេត្តព្រៃវែង នៅរសៀលថ្ងៃទី២ ខែកញ្ញា ឆ្នាំ២០១៩ ។បានចុះពិនិត្យជាក់ស្តែងដើម្បីវាយតម្លៃអំពីស្ថានភាព និងវិសាលភាព នៃទឹកទន្លេមេគង្គ បានចាប់ឡើងដល់កម្ពស់ ដែលមានលទ្ធភាពហូរចូលតាមបណ្តាព្រែក, បឹងបួរ, ទីទំនាប និងប្រព័ន្ធធារាសាស្ត្រពាក់ព័ន្ធដល់បណ្តាខេត្ត ដែលពឹងផ្អែកនូវរបបទឹកទន្លេ។ ដោយឡែកសម្រាប់ប្រព័ន្ធធារាសាស្ត្រវ៉ៃគោ ដែលយកប្រភពទឹកពីទន្លេមេគង្គផងដែរ ត្រង់ចំណុចឃុំមហាលាភ ស្រុកកោះសូទិន ខេត្តកំពង់ចាម ដែលគ្របដណ្តប់លើផ្ទៃដីបង្កបង្កើនផលសរុបទាំង២ជំហានប្រមាណ ៣០០.០០០ហិកតា សម្រាប់៤ខេត្ត រួមមានខេត្តកំពង់ចាម, ព្រៃវែង,ត្បូងឃ្មុំ និងខេត្តស្វាយរៀង។ គិតមកទល់បច្ចុប្បន្ននេះបណ្តាព្រែកប្រមាណ៩០ភាគរយ ត្រូវបានហូរចូល ពីទន្លេមេគង្គនៅរដូវវស្សា ឆ្នាំ២០១៩នេះ៕...

ភ្នំពេញ​៖ នៅថ្ងៃទី២ ខែកញ្ញានេះ ក្រសួងពាណិជ្ជកម្ម បានចេញ​សេចក្តីជូនដំណឹង ស្តីពី​ថ្លៃ​លក់រាយ​ប្រេងឥន្ធនៈ​នៅតាម​ស្ថានីយ ។ សេចក្តីជូនដំណឹងបានបញ្ជាក់ថា ចាប់ពី​ថ្ងៃទី​០១ ដល់ ១៥ ខែកញ្ញា ឆ្នាំ​២០១៩ ប្រេងសាំង​ធម្មតា ត្រូវបាន​កំណត់​លក់​ត​ម្លៃ ៣៧៦០​រៀល ក្នុង​មួយ​លីត្រ ខណៈ​ប្រេងម៉ាស៊ូត​តម្លៃ ៣៦៤៧​រៀល នៅក្នុង​មួយ​លីត្រ​។​   ដើម្បី​ជួយ​សម្រួល​ដល់​ជីវភាព​របស់​ប្រជាជន និង​មានការ​រួមចំណែក​ពី​ក្រុមហ៊ុន​ចែកចាយ​ប្រេងឥន្ធនៈ​នៅ​កម្ពុជា បានសម្រេច​បញ្ចុះតម្លៃ​លក់រាយ​ចំនួន ៤​សេន ក្នុង​មួយ​លីត្រ​៕...

តម្លៃទីផ្សារភាគហ៊ុននៅតំបន់អាស៊ី បានធ្លាក់ចុះយ៉ាងគំហុកនៅថ្ងៃចន្ទ ទី០២ ខែកញ្ញានេះ ក្នុងរយៈពេលមួយថ្ងៃក្រោយពីមេដឹកនាំប្រទេសចិន និងសហរដ្ឋអាមេរិក បានសងសឹកគ្នាទៅវិញទៅមកក្នុងសង្គ្រាមពាណិជ្ជកម្ម ។ តម្លៃភាគហ៊ុននៅកោះតៃវ៉ាន់បានធ្លាក់ចុះ០.១% នៅទីក្រុងតូក្យូប្រទេសជប៉ុនបានធ្លាក់ចុះ០.២% នៅទីក្រុងស៊ីដនីអូស្ត្រាលី និងនៅសិង្ហបុរី បានធ្លាក់ចុះ០.៦% និងតម្លៃភាគហ៊ុននៅទីក្រុងសៀងហៃប្រទេសចិន បានធ្លាក់ចុះ០.៧% ។ សូមបញ្ជាក់ថា ការសងសឹកគ្នារវាងចិន និងអាមេរិកនេះ គឺប្រធានាធិបតីអាមេរិក លោក ដូណាល់ ត្រាំ បានសម្រេចដំឡើងពន្ធនាំចូលពីប្រទេសចិននៅជុំថ្មីក្នុងអត្រា ១៥% លើតម្លៃទឹកប្រាក់ប្រមាណ១១២ពាន់លានដុល្លារ ដែលបានចូលជាធរមានកាលពីថ្ងៃអាទិត្យ ទី០១ ខែកញ្ញានេះ ។ កាលពីថ្ងៃអាទិត្យ ប្រទេសចិន បានសម្រេចដាក់ឲ្យចូលជាធរមាននូវការដំឡើងពន្ធនាំចូលពីអាមេរិកនៅជុំថ្មីក្នុងអត្រាពី១០ទៅ១៥% លើទំនិញអាមេរិកក្នុងតម្លៃទឹកប្រាក់៧៥ពាន់លានដុល្លារ ៕...