សង្គម និងកម្សាន្ត

ភ្នំពេញៈ លោក Wu Chuanbing ទីប្រឹក្សាស្ថានឯកអគ្គរដ្ឋទូតចិនប្រចាំនៅកម្ពុជា បានជួបពិភាក្សាការងារជាមួយលោកញឹក ប៊ុនឆៃ ប្រធានគណបក្សខ្មែររួបរួមជាតិ កាលពីព្រឹកថ្ងៃទី១៨ ខែវិច្ឆិកា ឆ្នាំ២០២០ នៅគេហដ្ឋានលោកញឹក ប៊ុនឆៃ នៅសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។ លោក ញឹក ប៊ុនឆៃ បានថ្លែងថា ដោយទទួលបានដំណឹងថា គណបក្សខ្មែររួបរួមជាតិ និងគណបក្សហ៊្វុនស៊ិនប៉ិច រួបរួមគ្នាឡើងវិញ ដោយគណៈប្រតិភូចិនចង់ឲ្យបញ្ជាក់ច្បាស់អំពីការរួបរួមគ្នានេះ និងពាក់ព័ន្ធការធ្វើសម្ព័ន្ធភាពអ្នកប្រជាធិបតេយ្យខ្មែរ រវាងគណបក្សខ្មែររួបរួមជាតិ គណបក្សសំបុកឃ្មុំសង្គមប្រជាធិបតេយ្យ និងគណបក្សខ្មែរតែមួយ ដែលនឹងត្រូវប្រកាសជាផ្លូវការនៅថ្ងៃទី២៥ ខែវិច្ឆិកា ឆ្នាំ២០២០ ខាងមុខនេះ។ លោកបានអះអាងថា នៅចុងខែវិច្ឆិកានេះ ឬដើមខែធ្នូ គណបក្សខ្មែររួបរួមជាតិ និងគណបក្សហ៊្វុនស៊ិនប៉ិច នឹងចាប់ផ្តើមដំណើរការអំពីការបង្រួបបង្រួមគ្នារវាងគណបក្សទាំងពីរសម្រាប់ការចូលរួមបោះឆ្នោត...