ព័ត៌មានជាតិ

ភ្នំពេញ៖ ទំនងជាពលរដ្ឋមានចម្ងល់ខ្លាំងឫមួយច្រណែនឈ្នានីសផងមិនដឹង បានចង់ឲ្យ អង្គភាពប្រឆាំងអំពើពុករលួយ (ACU) បើកការស្រាវជ្រាវ និងស៊ើបអង្កេតឲ្យបានច្បាស់ ទើបពួកគាត់នាំគ្នាប្តឹងមេធាវីកម្មសិក្សាម្នាក់ ពាក់ព័ន្ធអំពើសូកប៉ាន់ចូលធ្វើមេធាវីតាមមាត្រា៣២។ យោងតាមពាក្យបណ្តឹង ចុះថ្ងៃទី០៤ ខែមិថុនា ឆ្នាំ២០១៩ ពលរដ្ឋ២នាក់ បានប្តឹងមេធាវីកម្មសិក្សា ឈ្មោះ អុប វីរៈ ទៅអង្គភាពប្រឆាំងអំពើពុករលួយ ដើម្បីសុំបើកការស៊ើបអង្កេត ពាក់ព័ន្ធរឿងរ៉ាវ សូកប៉ាន់គេចូលធ្វើមេធាវីតាមមាត្រា៣២។ ពាក្យបណ្តឹងបានរៀបរាប់ថា ស្ត្រីម្នាក់ឈ្មោះ ឡាច រ៉ាវុធ ដែលគេស្គាល់ថា ជាប្រពន្ធរបស់លោក អុប វីរៈ រស់នៅភូមិត្នោត សង្កាត់ស្ទឹងមានជ័យ ខណ្ឌមានជ័យ តែងតែដើរនិយាយ ប្រាប់អ្នកជិតខាងថា បើចង់ចូលធ្វើមេធាវី តាមមាត្រា ៣២ ប្តីគាត់អាចជួយបាន ដោយចំណាយត្រឹមតែ ៣ម៉ឺន ទៅ ៥ម៉ឺនដុល្លារ តែប៉ុណ្ណោះ ព្រោះប្តីរបស់ខ្លួនចូលធ្វើមេធាវី ចំណាយអស់តែ ២៥,០០០ ដុល្លារ។ ប្រជាពលរដ្ឋ បានស្នើ...