សង្គម និងកម្សាន្ត

(ភ្នំពេញ​)​​៖​ រដ្ឋបាលរាជធានីភ្នំពេញ​ អំពាវនាវ​ដល់ប្រជាពលរដ្ឋធ្វើដំណើរប្រកបដោយសេចក្តីសុខសុវត្ថិភាព ដោយត្រូវចូលរួមគោរពច្បាប់ស្តីពីចរាចរណ៍ផ្លូវគោក ស្លាកសញ្ញាចរាចរណ៍ គំនូសសញ្ញាចរាចរណ៍ នៅតាមដងផ្លូវស្ពានសាធារណៈ​។ ជាក់ស្តែងដូចជានៅលើស្ពានមិត្តភាពកម្ពុជា-ជប៉ុន(ស្ពានជ្រោយចង្វារទៅ១) ដោយត្រូវគោរពគន្លងធ្វើដំណើរដែលបានកំណត់​រួច រួមមានគន្លងសំរាប់អ្នកធ្វើដំណើរដោយថ្មើរជើង គន្លងសំរាប់ម៉ូតូ និងគន្លងសំរាប់យានជំនិះដទៃទៀត​ ដើម្បីចៀសវាងនូវគ្រោះថ្នាក់ដែលអាចកើតមានជាយថាហេតុ៕...

(​សៀមរាប)​៖​ ដេប៉ូ​ឈើ​មួយ​កន្លែង​ត្រូវ​បាន​គេ​ដឹង​ថា ​ទិញ​ឈើ​អត់​ច្បាប់​រាប់​សិប​ឆ្នាំ​មក​ហើយ ដោយ​សារ​តែ​មានការ​ឃុ​ប​ឃឹ​ត​ពី​មន្ដ្រី​ជំនាញ​រដ្ឋបាល​ព្រៃឈើ​ និង​មន្ដ្រី​បរិស្ថាន​ ខេត្តសៀមរាប​ ព្រមទាំង​សមត្ថកិច្ច​ពាក់ព័ន្ធ​មួយ​ចំនួន​ ដើរ​យក​លុយ​ និង​បង់​ជា​ប្រចាំខែ​ ទើប​ធ្វើ​អោយ​ឈ្មួញ​ដែល​ជា​ថៅកែ​ដេប៉ូ​ឈើ​ ឈ្មោះ​ គង់​ ចំរើន​ ជា​មនុស្ស​សំដី​ឈ្លើយ​ មាន​អំនួត​អួត​ក្អេងក្អាង​ ដែល​មាន​អ្នកធំ​ចាំ​ទ្រពង​ ពីក្រោយ​ខ្នង​ជា​ខ្នងបង្អែក​ ធ្វើ​អោយ​ដេប៉ូ​ឈើ​មួយ​កន្លែង​នេះ​អាច​ដំណើរការ​យ៉ាង​រលូន​រហូត​មក​ដល់​សព្វថ្ងៃ​ ដេប៉ូ​មួយ​កន្លែង​នេះ​ ស្ថិត​នៅ​ជិត​ ភោជនីយដ្ឋាន​ សប្បាយៗ​១២​ តាម​ដងផ្លូវ​ជន្លង់​ ក្រុង​សៀមរាប​។​ ​ពាក់ព័ន្ធ​និង​រឿង​នេះ​ លោក​ ឡឹ​ង​ សុខា​ មន្ដ្រី​ខណ្ឌ​រដ្ឋបាល​ព្រៃឈើ​ ក្រុង​សៀមរាប​ អ្នក​ដើរ​ប្រមូល​លុយ​តាម​ដេប៉ូ​ បានអោយ​ដឹង​ថា​ដេប៉ូ​ លោក​ គង់​ ចំរើន​ ពិតជា​មានច្បាប់​ត្រឹមត្រូវ​ ចំណែក​ឈើ​ក៏​មាន...

​ភ្នំពេញ​៖  លោក កី ម៉ានេរ៉ា ចៅក្រមសើបសួរនៃសាលាដំបូងរាជធានីភ្នំពេញ បានសម្រេចចេញដីកាឃុំខ្លួនលោក ផែង​​​ វណ្ណៈ ដាក់ពន្ធនាគារព្រៃស ជាបណ្តោះអាសន្ន ពីបទ​បរិហារកេរ្តិ៍​ជា​សាធារណៈ និង​ញុះញង់​អោយ​ប្រព្រឹត្តិ​បទឧក្រិដ្ឋ​ជាអាទ៍​​នៅ​ថ្ងៃទី​០៣ ខែមេសា ឆ្នាំ​២០១៩ ។ ​បទចោទប្រកាន់​ទាំងពីរ​នេះ ត្រូវផ្តន្ទាទោស​តាម​​មាត្រា៣០៥ និង​មាត្រា៤៩៥ នៃ​ក្រមព្រហ្មទណ្ឌ​។​ មាត្រា៣០៥ នៃ​ក្រមព្រហ្មទណ្ឌ បានចែង​ពីបទ បរិហារកេរ្តិ៍​ជា​សាធារណៈ ដែល​បានកំណត់​ពី​ការពិន័យ​ជា​ប្រាក់ ពី១​សែន​រៀល ទៅ១០​លាន​រៀល​។​ ​ដោយឡែក មាត្រា៤៩៥ នៃ​ក្រមព្រហ្មទណ្ឌ បានចែង​ពីបទញុះញង់​ឲ្យ​ប្រព្រឹត្ត​បទឧក្រិដ្ឋ​ជាអាទិ៍ ដែល​ត្រូវ​ផ្តន្ទាទោស​ដាក់ពន្ធនាគារ ចន្លោះ​ពី៦​ខែ ទៅ២​ឆ្នាំ​។​ ​​ក្នុង​ពាក្យបណ្តឹង ដាក់​ទៅកាន់​តុលាការ កាលពី​ថ្ងៃទី​០១ ខែមេសា ឆ្នាំ​២០១៩ លោក​មេធាវី គី តិច បាន​លើកឡើងថា បុគ្គល ផែង វណ្ណៈ បាន​ផ្សាយ​តាម​ហ្វេ​ស​ប៊ុ​ក ដោយ​ប្រៀបប្រដូច​ករណី​រូបលោក ...

(​ភ្នំពេញ​)៖  ព្រះរាជអាជ្ញារង អម​សាលាដំបូង​រាជធានី​ភ្នំពេញ បាន​បញ្ជូន​សំណុំរឿង ​ផែង ​វណ្ណៈ ទៅកាន់​ចៅក្រម​ស៊ើបសួរ  ក្រោយ​ចោទប្រកាន់​ ពីបទ “​បរិហារកេរ្តិ៍​ជា​សាធារណៈ និង​ញុះញង់ឲ្យ​ប្រព្រឹត្តិ​បទឧក្រិដ្ឋ​ជាអាទ៍​”​។​ ​នៅ​ព្រឹក​ថ្ងៃទី​០៣ ខែមេសា ឆ្នាំ​២០១៩ លោក លី សុ​ផា​ណា ព្រះរាជអាជ្ញារង និង​ជា​អ្នកនាំពាក្យ​សាលាដំបូង​រាជធានី​ភ្នំពេញ បាន​ប្រាប់​ក្រុមអ្នកកាសែត​ថា «​ក្រោយពី​បាន​ពិនិត្យ​សំណុំរឿង និង​ការសាកសួរ​ចម្លើយ​លើ​ឈ្មោះ ផែង វណ្ណៈ រួចមក តំណាង​អយ្យការ បានសម្រេច​បើក​ការ​ស៊ើបសួរ​ដោយ​ចោទប្រកាន់​ពីបទ បរិហារកេរ្តិ៍​ជា​សាធារណៈ និង​ញុះញង់​អោយ​ប្រព្រឹត្ត​បទឧក្រិដ្ឋ​ជាអាទ៍ តាម​មាត្រា​៤៩៤ មាត្រា​៤៩៥ និង​មាត្រា​៣០៥ នៃ​ក្រមព្រហ្មទណ្ឌ ហើយ​បញ្ជូន​បុគ្គល​នេះ និង​សំណុំរឿង ទៅ​ចៅក្រម​ស៊ើបសួរ ដើម្បី​បន្ត​ចំណាត់ការ​តាម​នីតិវិធី​»​។​ ​បទចោទប្រកាន់​ទាំងពីរ​នេះ ត្រូវផ្តន្ទាទោស​តាម​​មាត្រា ៣០៥ និង​មាត្រា ៤៩៥ នៃ​ក្រមព...

​ភ្នំពេញ​៖ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា និង​លោក Hidehisa Horinouchi ឯកអគ្គរដ្ឋទូត​ជប៉ុន ប្រចាំ​នៅ​កម្ពុជា នៅ​ព្រឹក​ថ្ងៃ​ពុធ ទី​០៣ ខែមេសា ឆ្នាំ​២០១៩ បាន​អញ្ជើញ​កាត់​ខ្សែបូ​រួមគ្នា បើក​ឲ្យប្រើ​ប្រាស់ឡើងវិញ​ស្ពាន​មិត្តភាព​កម្ពុជា​-​ជប៉ុន (​ស្ពាន​ជ្រោយចង្វារ​ទី​១) បន្ទាប់ពី​បាន​ជួសជុល​កែលំអរ​សោភ័ណភាព និង​សុវត្ថិភាព​រួចរាល់​ ។ ​ ​ការជួសជុល​ស្ពាន​នេះ គឺ​បាន​ចំណាយ​ថវិកា​ប្រមាណ ៣០​លាន​ដុល្លារ​អាមេរិក ដែលជា​ជំនួយឥតសំណង​របស់​រាជរដ្ឋាភិបាល​ជប៉ុន​។ ស្ពាន ដែល​ត្រូវបាន​ជួសជុល​រួចស្រេច​ជា​ស្ថាពរ​នេះ គឺមាន​គុណភាព​រឹងមាំ​ល្អប្រសើរ​ក្រោម​ការយកចិត្តទុកដាក់​ខ្ពស់​ពី​ក្រុម​វិស្វករ​ជួសជុល​របស់​ប្រទេស​ជប៉ុន និង​កម្ពុជា​។​ ​សម្តេច​តេ​ជោ ហ៊ុន សែន បាន​លើកឡើងថា ស្ពាន​ជ្រោយចង្វារ​ទី​១ គឺជា​ស្ពាន​ដ៏​សំខាន់​ឆ្លងកាត់​ទន្លេសាប ដែលជា​តម្រូវ​ការចាំបាច់​បំផុត​របស់​ប្រ...

ក្នុងរយៈពេលជាងមួយសប្តាហ៍កន្លងមកនេះ បរិយាកាសកខ្វក់ បានវាយប្រហារយ៉ាងខ្លាំងលើខេត្ត ឈៀងម៉ៃ ប្រទេសថៃ ដែលនាំឲ្យលោកនាយករដ្ឋមន្ត្រី  Prayuth Chan-o-cha បានប្រកាសទុកពេល ៧ ថ្ងៃឲ្យក្រុមអាជ្ញាធរនៅខេត្ត ឈៀងម៉ៃ សម្អាតបរិយាកាសកខ្វក់ឲ្យស្អាត ខណៈដែល បរិយាកាសកខ្វក់កើតមានកាន់តែច្រើននៅក្នុងខេត្តនេះ ។ មន្ត្រីស្ថាប័នសន្ទស្សន៍គុណភាពបរិយាកាស (Air Quality Index) បានឲ្យដឹងថា សម្ពាធបរិយាកាសកខ្វក់ កើតមានកាន់តែខ្លាំងនៅតំបនភាគខាងត្បូងនៃប្រទេសថៃ មាននៅខេត្ត ឈៀងម៉ៃជាដើម ។ មន្ត្រីដដែលបានបន្តថា បរិយាកាសកខ្វក់នៅខេត្ត ឈៀងម៉ៃ បានកើតឡើងដោយសារ ភ្លើងឆេះព្រៃ រួមផ្សំនឹងអាកាសធាតុក្តៅហួតហែង ដែលនាំឲ្យមានធូលីហុយជាលំដាប់ ទើបបង្កើតចេញជាបរិយាកាសកខ្វក់បែបនេះ ៕...

  ប្រជាពលរដ្ឋរបស់ប្រទេសម៉ិកស៊ិក និងសហរដ្ឋអាមេរិក បានបង្ហាញនូវក្តីបារម្ភយ៉ាងខ្លាំង ចំពោះផលប៉ះពាល់ដល់ការប្រកបមុខរបរប្រចាំថ្ងៃរបស់ខ្លួន ខណៈដែលប្រ ធានាធិបតីអាមេរិក លោក ដូណាល់ ត្រាំ បានគម្រាមបិទច្រកព្រំដែនរវាងប្រទេសទាំងពីរនៅពេលខាងមុខ ។ លោក អែល ប៉ាសូ (El Paso) អ្នកលក់ឥវ៉ាន់សម្រាប់ភ្ញៀវទេសចរនៅតាម ព្រំដែនម៉ិកស៊ីក- អាមេរិក បានឲ្យដឹងថា ការប្រកបមុខរបរប្រចាំថ្ងៃរបស់លោក គឺពឹងផ្អែកលើភ្ញៀវទេសចរ ដែលទៅកម្សាន្តនៅព្រំដែន ។ លោក អែល ប៉ាសូ បានបន្ថែមថា ការប្រកបមុខរបរនៅតាមព្រំដែននឹងមិនដំណើរការ ប្រសិនបើលោក ត្រាំ បិទច្រកព្រំដែន ដោយសារតែគ្មានភ្ញៀវទេសទៅកម្សាន្តតំបន់នេះ ទាំងខាងម៉ិកស៊ិក និងទាំងខាងអាមេរិក ៕...

ផ្កាយរណបចារកម្មរបស់ប្រទេសឥណ្ឌា បានបាញ់បង្ហោះកាលពីពេលថ្មីៗនេះ នឹងជួយផ្តល់ព័ត៌មានពីកម្លាំងយោធារបស់ប្រទេសចិន និងប៉ាគិស្ថានឲ្យទៅកងទ័ពរបស់ប្រទេសឥណ្ឌាដឹង ដែលនេះបើតាមការលើកឡើងរបស់លោក Mikhail Khodareno អ្នកវិភាគខាងយោធា និងជាមន្ត្រីយោធាចូលនិវត្តន៍របស់ប្រទេសរុស្ស៊ី ។ លោក Mikhail Khodareno បានបន្ថែមថា កងកម្លាំងយោធាឥណ្ឌា នឹងមានភាពងាយស្រួលកាន់តែខ្លាំងថែមទៀត ក្នុងការឃ្លាំមើលចលនារបស់កងទ័ពចិន និងប៉ាគិស្ថាន តាមរយៈការអោយដំណឹងពីផ្កាយរណបចារកម្មថ្មីនេះ ។ សូមបញ្ជាក់ថា នៅឆ្នាំ២០១៩នេះ កងកម្លាំងយោធារបស់ប្រទេសឥណ្ឌា បានធ្វើដំណើរទៅមុខយ៉ាងលឿនផ្នែកបច្ចេកវិទ្យាយោធា ដោយកងទ័ពជំនាញរបស់ប្រទេសនេះ បានបាញ់បង្ហោះមីស៊ីលប្រឆាំងផ្កាយរណបបានដោយជោគជ័យ និងបាញ់បង្ហោះផ្កាយរណបចារកម្មបានដោយជោគជ័យផងដែរ ៕...

ភ្នំពេញ​៖ នៅរសៀលថ្ងៃទី០២ ខែមេសា ឆ្នាំ២០១៩នេះ លោក​​​ ខាន់​​​ សុវណ្ណ បានដាក់ពាក្យបណ្ដឹងចូលតុលាការក្រុងភ្នំពេញហើយ ដើម្បីប្តឹងលោក ផែង វណ្ណៈ ពីបទជេរប្រមាថ និងបទបរិហារកេរ្តិ៍ជាសាធារណៈ។ យោងតាមពាក្យបណ្តឹង ដែលទើបតែទទួលបាននៅរសៀលនេះ បានឲ្យដឹងថា លោក ខាន់ សុវណ្ណ បានសុំតុលាការផ្តន្ទាទោស និងទារសំណងជំងឺជាទឹកប្រាក់ចំនួន១លានដុល្លារពីលោក ផែង វណ្ណៈ។ នៅរសៀលថ្ងៃនេះដែរ មន្ត្រីកងរាជអាវុធហត្ថរាជធានីភ្នំពេញ បាននាំខ្លួនលោក ផែង វណ្ណៈ ដល់តុលាការក្រុងភ្នំពេញ ដើម្បីប្រឈមមុខនឹងការសាកសួរបន្ថែមពីលោកព្រះរាជអាជ្ញា ពីបទញុះញង់ឲ្យប្រព្រឹត្តបទឧក្រិដ្ឋជាអាទិ៍ និងបទបរិហារកេរ្តិ៍ជាសាធារណៈ។ បណ្ដឹងរបស់លោក ខាន់ សុវណ្ណ ប្រឆាំងលោក ផែង វណ្ណៈ គឺបណ្តឹងទី៣ ដែលលេចឡើងនៅក្នុងសប្តាហ៍មុន បន្ទាប់ពីលោក ពេជ្រ ស្រស់ ប្រធានគណបក្សយុវជនកម្ពុជា និងជាសមាជិកឧត្តមក្រុមប្រឹក្សាពិគ្រោះ និងផ្តល់យោបល់ កាលពី​ថ្ងៃទី​២៨ ខែមីនា ឆ្នាំ​២០១៩​ បានដាក់បណ្តឹងចូលអង្គភ...

​ភ្នំពេញ៖   លោក លី សុ​ផា​ណា ព្រះរាជអាជ្ញារង និង​ជា​អ្នកនាំពាក្យ​​សាលាដំបូង​រាជធានី​ភ្នំពេញ បាន​បញ្ជាក់ថា អយ្យការ​អម​សាលាដំបូង​រាជធានី​ភ្នំពេញ កំពុងសាកសួរ​ចម្លើយ ផែង វណ្ណៈ ​នៅ​រសៀល​ថ្ងៃទី​០២ ខែមេសា​នេះ។ ​លោក លី សុ​ផា​ណា បានបញ្ជាក់​ប្រាប់​អ្នកកាសែត​ថា «​ជនជាប់សង្ស័យ បាន​បញ្ជូន​ដល់​អយ្យការ​អម សាលាដំបូង​រាជធានី​ភ្នំពេញ ហើយនឹង​ត្រូវ​សាកសួរ​ចម្លើយ​នា​រសៀល​នេះ​»​។​ ​សូម​រម្លឹកថា កាលពី​ម៉ោង ២ និង ២០​នាទី រសៀល​ថ្ងៃទី​០២ ខែមេសា ឆ្នាំ​២០១៩​កងរាជអាវុធហត្ថ​លើ​ផ្ទៃ​ប្រទេស បាន​នាំខ្លួន​លោក ផែង វណ្ណៈ ម្ចាស់​ហ្វេ​ស​ប៊ុ​ក Pheng Vannak News មកកាន់​សាលាដំបូង​រាជធានី​ភ្នំពេញ​ដើម្បីសាកសួរ ។ លោក ផែង វណ្ណៈ ត្រូវបាន​ឃាត់ខ្លួន​នៅផ្ទះ​របស់លោក ក្នុង​ក្រុង​តាខ្មៅ ខេត្តកណ្តាលកាលពី​ព្រឹក​ថ្ងៃទី​០២ ខែមេសា ឆ្នាំ​២០១៩​។​ ​សូម​រម្លឹកថា លោក គី តិច មេធាវី​តំណាង​ដោយ​អាណត្តិ​របស់​សម្តេច​តេ​ជោ ហ៊ុន សែន បានដាក់​ពាក្យបណ្ត...