សង្គម និងកម្សាន្ត

ភ្នំពេញ: ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា សព្វព្រះរាជទ័យត្រាស់បង្គាប់ផ្តល់គោមងារ «អ្នកឧកញ៉ា» ដល់ឧកញ៉ា សំ សុខនឿន តាមរយៈព្រះរាជក្រឹត្យលេខ នស/រកត/០៦២៤/៧២៤ ចុះថ្ងៃទី២៦ ខែមិថុនា ឆ្នាំ២០២៤នេះដែលជាអតីតកូនកសិករស្រុកក្រូចឆ្មារ។ ព្រះរាជក្រឹត្យត្រាស់បង្គាប់ផ្តល់គោរមងារអ្នកឧកញ៉ាជូនឧកញ៉ា​ សំ សុខនឿន ធ្វើឡើងតាមសេចក្តីក្រាបបង្គំទូលថ្វាយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជា ណាចក្រកម្ពុជា។ អ្នកឧកញ៉ាបណ្ឌិត សំ សុខនឿន ជាអតីតនិស្សិតបញ្ចប់ការសិក្សាផ្នែកពាណិជ្ជកម្មនៅប្រទេសសិង្ហបុរី និងពីប្រទេសអង់គ្លេស លើជំនាញពាណិជ្ជកម្ម បច្ចុប្បន្នជាអ្នកវិនិយោគអចលនទ្រព្យ និងជាអ្នកជំនាញអចលនទ្រព្យដែលជានិច្ចកាលតាមបណ្តាអង្គភាពសារព័ត៌មានធំៗក្នុងស្រុកនិងអន្តរជាតិតែងតែផ្តល់បទសម្ភាសពាក់ព័ន្ធនឹងវិស័យអចលនទ្រព្យ។ អ្នកឧកញ៉ា សំ សុខនឿន ជាប្រធានសម្ព័ន្ធក្រុមហ៊ុន ...

ភ្នំពេញ៖ អគ្គនាយកដ្ឋានសុខភាពសត្វ និងផលិតកម្មសត្វកាលពីព្រឹកនាថ្ងៃទី២៤ ខែមិថុនា ឆ្នាំ២០២៤នេះ មានរៀបចំកិច្ចប្រជុំ ពិនិត្យ និងពិភាក្សាស្ដីពីមេ-បា និងកូនជ្រូកពូជ ដើម្បីកាត់បន្ថយការនាំចូលមកព្រះរាជាណាចក្រកម្ពុជា។ កិច្ចប្រជុំក្រោមអធិបតីភាព លោក តាន់ ផាន់ណារ៉ា ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានសុខភាពសត្វ និងផលិតកម្មសត្វកិច្ចប្រជុំពិភាក្សានេះ មានការអញ្ជើញចូលរួមពីសំណាក់លោកអគ្គនាយករងនៃអគ្គនាយកដ្ឋាន ប្រធាននាយកដ្ឋានរដ្ឋបាល ផែនការ គណនេយ្យ និងសហប្រតិបត្តិការ ប្រធាននាយកដ្ឋានផលិតកម្មសត្វ ប្រធាននាយកដ្ឋានសុខភាពសត្វ និងសុខភាពសាធារណៈបសុព្យាបាល លោកប្រធាន សមាជិកសមាគមអ្នកចិញ្ចឹមសត្វកម្ពុជា លោក លោកស្រី ឬតំណាងប្រធានក្រុមហ៊ុន និងភាគីពាក់ព័ន្ធជាច្រើន។...

(ភ្នំពេញ)៖ លោកឧត្តមសេនីយ៍ទោ សែម គុន្ធា ប្រធាននាយកដ្ឋានគ្រប់គ្រងអាវុធជាតិផ្ទុះ នៃអគ្គស្នងការដ្ឋាននគរបាលជាតិ អមដំណើរដោយលោកអនុប្រធាននាយកដ្ឋានទទួលបន្ទុក លោកនាយ-នាយរងការិយាល័យ នាយ-នាយរងផ្នែក នារសៀលថ្ងៃទី២៦ ខែមិថុនា ឆ្នាំ២០២៤នេះ បាននាំយកថវិកា និងផ្លែឈើ ចុះសួរសុខទុក្ខលោកស្រីអនុសេនីយ៍ទោ ដួង ប៊ុន នាយរងផ្នែក ដែលកំពុងសម្រាកព្យាបាលជំងឺ នៅគេហដ្ឋានស្ថិតក្នុងភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ។ ក្នុងឱកាសនោះ លោកឧត្តមសេនីយ៍ទោ សែម គុន្ធា បាននាំនូវប្រសាសន៍ផ្តាំផ្ញើសួរសុខទុក្ខ និងជូនពរពីសំណាក់ លោកអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោក នាយឧត្តមសេនីយ៍ ស ថេត អគ្គស្នងការនគរបាលជាតិ ជូនលោកស្រីអនុសេនីយ៍ទោ ដួង ប៊ុន ឆាប់បានជាសះស្បើយពីជំងឺ។ លោកឧត្តមសេនីយ៍ទោ ប្រធាននាយកដ្ឋាន ក៏បានផ្តាំផ្ញើឲ្យ លោកស្រីអនុសេនីយ៍ទោ ដួង ប៊ុន ខិតខំថែទាំសុខភាព និងសម្រាកឲ្យបានគ្...

ភ្នំពេញ:លោក ង្វៀន ហ៊ុយតាំង (Nguyen Huy Tang )ឯកអគ្គរដ្ឋទូតសាធារណរដ្ឋសង្គមនិយមវៀតណាមប្រចាំកម្ពុជាបានអះអាងថា ការរក្សា និងបន្តពង្រីកនូវលទ្ធផលល្អក្នុងវិស័យនយោបាយ ធ្វើជាខឿនគ្រឹះកំណត់ទិសកិច្ចសហប្រតិបត្តិការលើ​គ្រប់វិស័យរវាងប្រទេសទាំងពីរ ក្នុងការលើកកម្ពស់ដោយឥតឈប់ឈរការយល់ដឹងអំពីសារៈសំខាន់ជាយុទ្ធសាស្ត្រ នៃទំនាក់ទំនងរវាងវៀតណាម-កម្ពុជា។ ការអះអាងរបស់ឯកឧត្ដមឯកអគ្គរដ្ឋទូតវៀតណាមបែបនេះ ក្នុងឱកាសអញ្ជើញផ្តល់បទសម្ភាសន៍ដល់ទីភ្នាក់ងារសារព័ត៌មានកម្ពុជា AKP ស្តីពីទំនាក់ទំនងការទូតកម្ពុជា-វៀតណាម និងអបអរការភ្ជាប់ទំនាក់ទំនងការទូតខួបទី ៥៧ ឆ្នាំ កាលពីពេលថ្មីៗនេះ។ ទាក់ទងនឹងសំណួរដែលសួរថាតើអ្វីទៅជាវិស័យអាទិភាពសម្រាប់ កម្ពុជា និងវៀតណាម ក្នុងទំនាក់ទំនងការទូតឆ្ពោះទៅមុខនោះ ឯកឧត្តម ង្វៀន ហ៊ុយតាំង បានថ្លែងថា ដើម្បីជំរុញកិច្ចសហប្រតិបត្តិការគ្រប់ជ្រុងជ្រោយរវាងប្រទេសទាំងពីរក្នុងពេលអនាគត ភាគីទាំងពីរគប្បីបន្តដំណើរការលើវិស័យ...

ភ្នំពេញ:ប្រភពព័ត៌មានពីមន្រ្តីតុលាការឲ្យដឹងថា លោក  សោម សុធា ម្ចាស់​ក្រុមហ៊ុន​ភូមិ​ខ្មែរ​គ្រុបដែលល្បីគៀងគរពលរដ្ឋវិនិយោ គដីបានការប្រាក់នោះ កាលពីថ្ងៃទី១៧ខែមិថុនានេះត្រូវបានសមត្ថកិច្ចនាំខ្លួន តាមដិកាបង្គាប់របស់ ព្រះរាជអាជ្ញា មកសាកសួរ ក្នុងសំណុំរឿងឆបោកលុយពលរដ្ឋនៅខេត្តស្វាយរៀង។ ប្រភពព័ត៌មានខាងលើនេះបញ្ជាក់ថា ចំពោះនីតិនៃការសាកសួរពីព្រះរាជអាជ្ញាខាងលើ ទាក់ទងនិង លោក សោម សុធា ករណីឆបោកនេះ មិនមានព័ត៌មានបែកធ្លាយចេញមកខាងក្រៅនោះនៅឡើយទេលើបណ្ដាញផ្សព្វផ្សាយព័ត៌មានឬទំនាក់ទំនងជាបុគ្គលខាងលើកនេះនៅមានអ្នកចេញមុខអន្តរាគមន៍ពីក្រៅឆាកទើបស្ងាត់ឈឹងយ៉ាងដូច្នោះ។ កន្លងទៅថ្មីៗនេះជនរងគ្រោះលើកឡើងថា សាលាដំបូងរាជធានីភ្នំពេញ ធ្លាប់បង្គាប់ឱ្យចាប់ខ្លួន ម្ចាស់ក្រុមហ៊ុនភូមិខ្មែរគ្រុប ខេត្តស្វាយរៀង លោក សោម សុធា ករណីឆបោក តែបរាជ័យ ខណៈដែលមានប្រភពព័ត៌មានបង្ហើ ថា បុគ្គលនោះមានមនុស្សស្និទ្ធនឹងមេដឹកនាំចេញមុខការពារខ្លួន។ ក្រុមហ៊ុន​...

ភ្នំពេញ: លោកជំទាវទន្តបណ្ឌិត អេង លីង់ ប្រធានបណ្តាញសហគ្រិនស្ត្រី ព្រមទាំងក្រុមគ្រួសារ  សូមព្រះបរមរាជានុញ្ញាតសម្តែងនូវព្រះពរជ័យ សិរីវឌ្ឍនា បរវមហាប្រសើរថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល ក្នុងព្រះរាជវរោកាសជយាភិរម្យ នៃព្រះរាជពិធីបុណ្យចម្រើនព្រះជន្មគម្រប់ ៨៨ ព្រះវស្សា យាងចូល ៨៩ ព្រះវស្សា  (១៨ មិថុនា ១៩៣៦ - ១៨ មិថុនា ២០២៤) ។ សូម សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត សូមព្រះអង្គបានប្រកបដោយព្រះបរមសុខគ្រប់ប្រការ និងព្រះជន្មាយុយឺនយូរ៕...

ភ្នំពេញ៖ ក្លិបអ្នកកាសែតកម្ពុជា (ក.អ.ក)សហការជាមួយក្រុមហ៊ុន ក្រេឌីត ប្យួរ៉ូ (ខេមបូឌា) ខូ អិលធីឌី (CBC) បានរៀបចំវគ្គបណ្តុះបណ្តាលជាលើកទី៤ ស្តីពី «ការស្វែងយល់អំពីប្រតិបត្តិការប្រព័ន្ធចែករំលែកព័ត៌មានឥណទាននៅកម្ពុជា»កាលពីថ្ងៃទី១៤ ខែមិថុនា ឆ្នាំ២០២៤នេះ។ កម្មវិធីនេះ មានអ្នកសារព័ត៌មាន ពិសេសអ្នកសារព័ត៌មានសេដ្ឋកិច្ចចំនួន ២៩នាក់ មកពី ២៧ស្ថាប័ន ដែល វាគ្មិនចូលរួមធ្វើបទបង្ហាញនៅក្នុងវគ្គបណ្តុះបណ្តាលខាងលើនេះមាន លោក ខុម ច័ន្ទតារា នាយកប្រតិបត្តិនៃ CBC លោក ផៃ សុផល នាយកសេវាអតិថិជន អ្នកស្រី ស៊ីសុវត្ថិ រស្មី នាយិកាអភិវឌ្ឍអាជីវកម្ម និងអ្នកស្រី ស្រ៊ី បុប្ជារ័ត្ន ប្រធានផ្នែកស្រាវជ្រាវ និងភាពជាដៃគូ។ តាមរយៈវគ្គបណ្តុះបណ្តាលនេះ អ្នកសារព័ត៌មាន ក៏នឹងទទួលបាននូវចំណេះដឹងច្បាស់ លាស់ទាក់ទងនឹងសិទ្ធិរបស់អតិថិជន និងច្បាប់ដែលបានតម្រូវក្នុងការប្រើប្រាស់ប្រព័ន្ធចែករំលែកព័ត៌មានឥណទាននៅកម្ពុជា សម្រាប់ប្រជាពលរដ្ឋ ក្នុងការទទួលបានឥណទាន...

ភ្នំពេញ:ឧកញ៉ា កែវ មុំ ប្រធានក្រុមប្រឹក្សាភិបាល ក្រុមហ៊ុន លីលី ហ្វ៊ូដ អ៊ិនដាសទ្រី ខូអិលធីឌី (LYLY Food Industry Co.,Ltd) បានទទួលសញ្ញាបត្រ ភាពជាអ្នកដឹកនាំអន្តរជាតិផ្នែកសហគ្រិន ពីសាកលវិទ្យាល័យបញ្ញាសាស្រ្ដ ដោយបានប្រគល់ផ្ទាល់ដោយលោកជំទាវ បណ្ឌិត ពេជ ចន្ទមុន្នី ហ៊ុន ម៉ាណែត។ នៅលើបណ្ដាញសង្គមផ្ទាល់ខ្លួន ថ្ងៃទី១៥ ខែមិថុនា ឆ្នាំ២០២៤ នេះឧកញ៉ា កែវ មុំ បានលើកឡើងថា ការសិក្សារៀនសូត្រគឺគ្មានថ្ងៃបញ្ចប់នោះទេ ពោលគឺរៀនហើយរៀនទៀត។ ជាមួយនឹងការលើកឡើងនេះ លោកជំទាវ ឧកញ៉ា ក៏បានថ្លែងអំណរគុណដល់លោកជំទាវបណ្ឌិតពេជ ចន្ទមុន្នី ហ៊ុន ម៉ាណែត ដែលបានប្រគល់សញ្ញាបត្រ «ភាពជាអ្នកដឹកនាំអន្តរជាតិផ្នែកសហគ្រិន» ពីសកលវិទ្យាល័យបញ្ញាសាស្ត្រ។ ទន្ទឹមនឹងនេះ លោកជំទាវ ឧកញ៉ា កែវ មុំ ក៏បានចែករំលែកពីគន្លឹះក្នុងការទទួលបានសញ្ញាបត្រផងដែរ ដោយលោកជំទាវ បានលើកឡើងថា «ដើម្បីទទួលបានសញ្ញាបត្រ ភាពជាអ្នកដឹកនាំអន្តរជាតិផ្នែកសហគ្រិន (International Exec...

ភ្នំពេញ៖ លោក នួន អេង និងភរិយា មានទីលំនៅបច្ចុប្បន្ន ផ្ទះលេខ ១៨ ផ្លូវលំ ក្រុមទី២៩ ភូមិព្រែកតាឡុង៣ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ បានបាត់លិខិតផ្ទេរសិទ្ធិកាន់ដីធ្លី-ផ្ទះលេខ ៤៣៤បជ ចុះថ្ងៃទី ០៩ ខែកញ្ញា ឆ្នាំ ២០០៥ និងពាក្យស្នើសុំកាន់កាប់ប្រើប្រាស់ដីធ្លីលេខ ៤៣៤បជ ចុះថ្ងៃទី ០៩ ខែ កញ្ញា ឆ្នាំ ២០០៥។ បន្ទាប់ពីបាត់ឯកសារខាងលើ លោក នួន អេង បានដាក់ពាក្យបណ្តឹង សូមគោរពជូន លោកប្រធាន ការិយារៀបចំដែនដី នគរូបនីយកម្ម សំណង់ និងភូមិបាលខណ្ឌមានជ័យ កម្មវត្ថុ សុំសុំដាក់ពាក្យបណ្ដឹងស្តីពីករណីបាត់លិខិតផ្ទេរសិទ្ធិកាន់ដីធ្លី-ផ្ទះលេខ ៤៣៤បជ ចុះថ្ងៃទី ០៩ ខែកញ្ញា ឆ្នាំ ២០០៥ និងពាក្យស្នើសុំកាន់កាប់ប្រើប្រាស់ដីធ្លីលេខ ៤៣៤បជ ចុះថ្ងៃទី ០៩ ខែ កញ្ញា ឆ្នាំ ២០០៥ ។ សូមជម្រាបថា ការបាត់លិខិតផ្ទេរសិទ្ធិកាន់ដីធ្លី-ផ្ទះលេខ ៤៣៤បជ ចុះថ្ងៃទី ០៩ ខែ កញ្ញា ឆ្នាំ ២០០៥ និងពាក្យស្នើសុំកាន់កាប់ប្រើប្រាស់ដីធ្លីលេខ ៤៣៤បជ ចុះថ្ងៃទី ០៩ ខ...

ស្ទឹងត្រែង៖ មន្ទីរកសិកម្មខេត្តស្ទឹងត្រែង ណែនាំឱ្យប្រជាពលដ្ឋ ដែលទន្ទ្រានដីខុសច្បាប់នៅពីរភូមិក្នុងឃុំភ្លុក រើចេញពីទីតាំងត្រឹមថ្ងៃ៣០ ខែមិថុនាជាកំហិត ហើយ​ខាងក្រោមនេះជាលិខិតទាំងស្រុង សូមអាន៖