សារព័ត៌មានដេលីខ្មែរ

ភ្នំពេញនគរបាលព្រហ្មទណ្ឌកម្រិតស្រាលរាជធានីភ្នំពេញ បានឃាត់ខ្លួនជនសង្ស័យចំនួន២នាក់ នៅចំណុចមុខហាងឌឺធឺរ៉េស ផ្លូវលេខ៥៩៨ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ ពីបទឆបោក និងរំលោភលើទំនុកចិត្ត សរុបចំនួនជាង៤៧ម៉ឺនដុល្លារអាម៉េរិក តាមដីកាបញ្ជាឲ្យចូលខ្លួនរបស់ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ។ នេះយោងតាមរបាយការណ៍សមត្ថកិច្ចកាលពីថ្ងៃទី៣១ ខែតុលា ឆ្នាំ២០២៣ ។ តាមរបាយការណ៍បានឲ្យដឹងទៀតថា ជនសង្ស័យដែលឃាត់ខ្លួនមានឈ្មោះ ៖ ១-ឈ្មោះ នួន សារី ភេទ ប្រុស  ជនជាតិ ខ្មែរ ទីលំនៅបច្ចុប្បន្នស្នាក់ផ្ទះលេខ៥១C បុរីវិមានភ្នំពេញផ្លូវលេខ៣៥០អា ភូមិ៤ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ   មុខរបរ យោធា។ ២-ឈ្មោះ អ៊ុត យាវម៉ី ភេទ ស្រី ជនជាតិ ខ្មែរ ទីលំនៅបច្ចុប្បន្នស្នាក់ផ្ទះលេខ៥១C បុរីវិមានភ្នំពេញផ្លូវលេខ៣៥០A ភូមិ៤ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ មុខរបរ នៅផ្ទះ។ ទោះប...

(កណ្ដាល)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជានាព្រឹកថ្ងៃទី២ខែវិច្ឆិកា ឆ្នាំ២០២ ៣នេះ បានបន្តចុះជួបសំណេះសំណាលជាមួយកម្មករនិយោជិតចំនួន១៨,១៩០នាក់ នៅតាមរោងចក្រ សហគ្រាសនៅភូមិកោះគរ សង្កាត់រកាខ្ពស់ ក្រុងតាខ្មៅ ខេត្តកណ្តាល។ គួរជម្រាបថា នេះជាកម្មវិធីលើកទី៨ដែលសម្តេចធិបតី ហ៊ុន ម៉ាណែត បានជួបសំណេះសំណាលជាមួយកម្មករនិយោជិតក្នុងនាមជានាយករដ្ឋមន្រ្តីនៃព្រះរាជាណាចក្រកម្ពុជា។ ថ្លែងមតិស្វាគមន៍នាឱកាសនោះ លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ លើកឡើងថាកម្មវិធីនាព្រឹកនេះមានកម្មករនិយោជិតចូលរួមចំនួន១៨,១៩០នាក់ ដែលមានស្ត្រីមានផ្ទៃពោះចំនួន៦៥៣នាក់ មកពី២៩រោងចក្រ ក្នុងនោះរោងចក្រកាត់ដេរចំនួន២០ ផលិតផលធ្វើដំណើរនិងកាបូបចំនួន៣ ផលិតស្បែកជើងចំនួន២ បោកគក់សម្លៀកបំពាក់ចំនួន២ ប៉ាក់លើសម្លៀកបំពាក់ចំនួន១ បោះពុម្ពលើសម្លៀកបំពាក់ចំនួន១។ សម្រាប់នៅខេត្តកណ្ដាលមានរោងចក្រសហគ្រាសសរុប...

ចិន: អាជ្ញាធរគយរបស់ប្រទេសចិនបានប្រកាសកាលពីថ្ងៃអង្គារ អំពីការលុបចោលនូវតម្រូវការនៃការប្រកាសសុខភាពដែលជាកាតព្វកិច្ចសម្រាប់អ្នកដំណើរទាំងក្នុង និងក្រៅប្រទេស។ យោងតាមសេចក្តីថ្លែងការណ៍របស់អគ្គនាយកដ្ឋានគយចិន បានឱ្យដឹងថា ចាប់ពីថ្ងៃទី១ ខែវិច្ឆិកានេះទៅ អ្នកដំណើរក្នុង និងក្រៅប្រទេស មិនចាំបាច់ដាក់ទម្រង់ប្រកាសសុខភាពជាមួយអាជ្ញាធរគយទៀតទេ។ រដ្ឋបាលបាននិយាយទៀតថា ទោះបីជាយ៉ាងណាក៏ដោយ អ្នកដែលមានរោគសញ្ញានៃជំងឺឆ្លងមួយចំនួន ដូចជាអាការៈគ្រុនក្តៅ ក្អក ក្អួត និងរាគ គួរតែធ្វើសេចក្តីប្រកាសដោយស្ម័គ្រចិត្តទៅកាន់អាជ្ញាធរគយនិងសហការជាមួយគយក្នុងការត្រួតពិនិត្យសីតុណ្ហភាព ការស៊ើបអង្កេតរោគរាតត្បាត និងវិធានការសុខភាព ព្រមទាំងការដាក់ឱ្យនៅដាច់ដោយឡែកពីគេផ្សេងទៀត៕ (ប្រភព៖ ភីបផលដេលី បកប្រែដោយ៖ មូល មិនា) ដោយ៖ ធូ កុសល...

កំពង់ចាម: ឯកឧត្តម លូ គឹមឈន់ និងប្រធានជនបង្គោលយុវជន ព្រមទាំងអនុប្រធានក្រុមការងារចុះជួយស្រុកនៅថ្ងៃទី ៣០ខែតុលា ឆ្នាំ២០២ ៣នេះបានចូលរួមជាអធិបតីក្នុង កិច្ចប្រជុំបូកសរុបលទ្ធផលការងារប្រចាំខែតុលា និងទិសដៅខែវិច្ឆិកា ឆ្នាំ២០២៣ របស់ក្រុមការងារគណបក្សចុះជួយស្រុកស្រីសន្ធរខេត្តកំពង់ចាម។ កម្មវិធីនេះ ដោយមាន ការចូលរួមពី លោកប្រធានគណបក្សស្រុក ក្រុមការងារគណបក្សចុះមូលដ្ឋានឃុំទាំង១៤។អចិន្ត្រៃយ៍គណបក្សស្រុក ក្រុមការងារថ្នាក់ស្រុកចុះជួយឃុំ និងគណបក្សមូលដ្ឋានឃុំទាំង១៤ នៅសាលប្រជុំស្នាក់ការគណបក្សស្រុកស្រីសន្ធរ ខេត្តកំពង់ចាមផងដែរ។...

(ភ្នំពេញ)៖ លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈនារសៀលថ្ងៃទី៣១ ខែតុលាឆ្នាំ២០២៣នេះ បានជំរុញឱ្យសាលាសណ្ឋាគារ និងទេសចរណ៍ ប៉ូលឌុយប្រ៊ូល និងស្ថាប័នជំនាញរបស់ក្រសួងធ្វើការរួមគ្នាក្នុងការពង្រីកវិសាលភាពនៃការបណ្តុះបណ្តាលជំនាញឯកទេសសណ្ឋាគារ និងទេសចរណ៍ដល់ពលរដ្ឋកម្ពុជា។ ការលើកឡើងបែបនេះ គឺធ្វើឡើងក្នុងជំនួបពិភាក្សាការងាររវាងឯកឧត្តមរដ្ឋមន្ត្រី និងលោក ហ្រ្វង់ស័រ ស្មូបេលែន នាយកសាលាសណ្ឋាគារ និងទេសចរណ៍ ប៉ូល ឌុយប្រ៊ូល នៅទីស្តីការក្រសួងការងារ។ សម្រាប់លោករដ្ឋមន្ត្រី កិច្ចសហការបណ្តុះបណ្តាលជំនាញឯកទេសសណ្ឋាគារ និងទេសចរណ៍នេះ នឹងជួយឱ្យពលរដ្ឋកម្ពុជាកាន់តែច្រើនបន្ថែមទៀតមានជំនាញជាក់លាក់ប្រកបដោយប្រសិទ្ធភាព ខណៈដែលកម្ពុជាមានតម្រូវការកម្លាំងជំនាញនេះជាច្រើនបន្ថែមទៀតក្នុងទីផ្សារ។ ក្នុងឃំនួបនោះ លោកនាយកសាលាសណ្ឋាគារ និងទេសចរណ៍ បានបង្ហាញពីវឌ្ឍនភាពចំពោះការបណ្តុះបណ្តាលពលរដ្ឋកម្ពុជាមកពីគ្រប់កន្លែងជាព...

(ភ្នំពេញ)៖ លោក ហេង សួរ រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈនៅថ្ងៃទី៣១ ខែតុលាឆ្នាំ២០២៣នេះបានជួបពិភា ក្សាការងារជាមួយលោកបណ្ឌិត តាន់ មុន្នីវណ្ណ ប្រធានសហព័ន្ធឧស្សាហកម្មយានយន្តកម្ពុជានៅទីស្តីការក្រសួងក្នុងគោល បំណងដើម្បីឱ្យភាគីទាំងពីរបានស្វែងយល់ពីចក្ខុវិស័យរួមរវាងរដ្ឋនិងវិស័យឯកជនក្នុងការលើកកម្ពស់វិស័យការងារ និងបណ្តុះបណ្តាលវិជ្ជាជីវៈនៅកម្ពុជាឱ្យកាន់តែប្រសើរឡើងបន្ថែមទៀត។ ក្នុងនាមជារដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈលោក ហេង សួរ បានលើកឡើងពីចក្ខុវិស័យរួមរបស់ក្រសួងក្នុងការពង្រឹង និងធ្វើឱ្យប្រសើរឡើងនូវវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈនៅកម្ពុជាដើម្បីជាឧត្តមប្រយោជន៍ជូនប្រជាពលរដ្ឋក្នុងវិស័យស្នូលទាំង៣នេះដែលជាការគិតគូយ៉ាងយកចិត្តទុកដាក់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាក្នុងអាណត្តិទី៧នេះ។ លោករដ្ឋមន្ត្រីបានបង្ហាញពីគោលបំណងកម...

(ភ្នំពេញ)៖ លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅល្ងាចថ្ងៃទី២៦ ខែតុលា ឆ្នាំ២០២៣ បានអនុញ្ញាតឱ្យគណៈប្រតិភូវិនិយោគមកពីប្រទេសជប៉ុនចូលជួបសំដែងការគួរសម និងពិភាក្សាការងារនៅទីស្តីការក្រសួង ដើម្បីស្វែងយល់ពីវឌ្ឍនភាពនៃវិស័យការងារ និងបណ្តុះបណ្តាលវិជ្ជាជីវៈនៅកម្ពុជាក្នុងគោលបំណងផ្តល់ឱកាសការងារជូនពលរដ្ឋកម្ពុជា។ ក្នុងជំនួបពិភាក្សានោះ លោករដ្ឋមន្ត្រីបានជម្រាបអ្នកវិនិយោគិនជប៉ុនពីការរីកចម្រើននៃវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈនៅកម្ពុជាក្រោមការដឹកនាំរបស់រាជរដ្ឋាភិបាលកម្ពុជាដែលមានសម្តេចមហាបវរធិបតី ហ៊ុន ម៉ាណែត ជាប្រមុខ ។ លោករដ្ឋមន្ត្រី បានគូសបញ្ជាក់ថា ក្រសួងការងារ និងបណ្តុះបណ្តាលវិជ្ជាជីវៈដែលជាសេនាធិការឱ្យរាជរដ្ឋាភិបាល បាននិងកំពុងធ្វើការយ៉ាងសកម្មក្នុងការបង្កើតបាននូវបរិយាកាសទំនាក់ទំនងវិជ្ជាជីវៈឱ្យកាន់តែប្រសើរនៅតាមរោងចក្រសហគ្រាសនិងបានបណ្តុះបណ្តាលជំនាញដល់យុវជន និង...

ភ្នំពេញ:នៅព្រឹកថ្ងៃច័ន្ទ ទី៣០ ខែតុលា ឆ្នាំ២០២៣ ថ្នាក់ដឹកនាំ និងមន្ត្រីរាជការនៃក្រសួងការងារ និងបណ្តុះបណ្តាលវិជ្ជាជីវៈ បានបន្តចូលរួមគោរពទង់ជាតិ នៃព្រះរាជាណាចក្រកម្ពុជា និងច្រៀងបទពង្សាវតាខ្មែរ។ ថ្លែងនៅក្នុងឱកាសនោះ លោករដ្ឋមន្រ្តី ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានលើកទឹកចិត្ត និងអំពាវនាវដល់មន្ត្រីរាជការរបស់ក្រសួង និងមន្ទីរតាមរាជធានី-ខេត្ត នៃក្រសួងការងារ និងបណ្តុះបណ្តាលវិជ្ជាជីវៈបន្តចូលរួមគោរពទង់ជាតិ ដែលមិនត្រឹមតែជាការរំឭកដល់វីរគុណនៃបុព្វបុរសជាតិខ្មែរប៉ុណ្ណោះទេ តែក៏ជាការបង្ហាញពីរបៀបវិន័យ និងជាគម្រូដល់ក្មេងៗជំនាន់ក្រោយ។ យ៉ាងណាក្តី ការចូលរួមគោរពទង់ជាតិធ្វើឡើងតាមគោលការណ៍ស្ម័គ្រចិត្ត ដោយលើកលែងចំពោះអ្នកដែលមានបញ្ហាសុខភាព និងអ្នកដែលមានធុរៈក្នុងគ្រួសារចាំបាច់។ ឆ្លៀតក្នុងឱកាសនោះដែរ ឯកឧត្តមរដ្ឋមន្ត្រីក៏បានណែនាំដល់អង្គភាពជំនាញរបស់ក្រសួង ឱ្យរៀបចំពង្រឹងកិច្ចការងារ និងស្តង់ដារ...

(ភ្នំពេញ)៖ លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងលោកជំទាវ Maria Amelita C. Aquino ឯកអគ្គរដ្ឋទូតសាធារណរដ្ឋហ្វីលីពីនប្រចាំនៅកម្ពុជា នារសៀលថ្ងៃទី៣០ ខែតុលា ឆ្នាំ២០២៣ បានឯកភាពបន្តពង្រឹងកិច្ចសហប្រតិបត្តិការលើវិស័យការងារ សន្តិសុខសង្គមរវាងភាគីទាំងពីរដើម្បីពង្រឹងប្រសិទ្ធភាពបន្ថែមទៀតសម្រាប់ឧត្តមប្រយោជន៍ប្រជាពលរដ្ឋក្នុងភាពជាដៃគូក្នុងនាមប្រទេសសមាជិកតំបន់អាស៊ានជាមួយគ្នា។ ភាគីទាំងពីរបានលើកឡើងយ៉ាងដូចនេះនៅក្នុងជំនួបដែលធ្វើឡើងនៅទីស្តីការក្រសួងការងារ និងបណ្តុះបណ្តាលវិជ្ជាជីវៈ។ ក្នុងកិច្ចពិភាក្សានោះ ភាគីទាំងពីរ ក៏បានលើកឡើងពីវឌ្ឍនភាពនៃកិច្ចសហប្រតិបត្តិការលើកិច្ចការពារសិទ្ធិពលរដ្ឋក្នុងវិស័យការងារ។ ត្រង់ចំណុចនេះ លោកជំទាវឯកអគ្គរដ្ឋទូតហ្វីលីពីន បានអរគុណរដ្ឋាភិបាលកម្ពុជាដែលបានជួយមើលថែរក្សាពលរដ្ឋហ្វីលីពីនដែលកំពុងធ្វើការនៅកម្ពុជាដោយគ្មានការរើសអើង។ ក្រៅពីនេះ វឌ្ឍនភាពនៃកិច្ចសហការលើវិ...

កំពង់ស្ពឺ: សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រី នៃព្រះរាជាណាចក្រកម្ពុជានៅថ្ងៃទី៣០ ខែតុលា ឆ្នាំ២០២៣នេះបាន អញ្ជើញជាអធិបតីភាពក្នុងពិធីសម្ពោធដាក់ឲ្យប្រើប្រាស់អគាររដ្ឋបាលថ្មី និងសមិទ្ធផលនានានៅខេត្តកំពង់ស្ពឺ ព្រមទាំងប្រកាសខេត្តកំពង់ស្ពឺជាខេត្តអស់មីន។ សមិទ្ធផលនានាដែលត្រូវសម្ពោធដាក់ឲ្យប្រើប្រាស់ជាផ្លូវការនេះ រួមមាន អគាររដ្ឋបាលសាលាខេត្ត,រូបសំណាកដែលកសាងឡើង សម្រាប់បង្ហាញនូវសក្ដានុពលផ្នែកសេដ្ឋកិច្ច វប្បធម៌ ទេសចរណ៍ ដូចជា រូបសំណាកតារែកទឹកត្នោត, រូបផ្លែត្នោត, រូបប្រើសពីរ និងរង្វង់បង្ហាញពីសក្ដានុពលវិស័យកសិកម្ម និងកសិ-ឧស្សាហ៍កម្ម នៅក្នុងខេត្តកំពង់ស្ពឺ។ ក្រៅពីសមិទ្ធផលខាងលើនេះ នៅមានសមិទ្ធផលជាច្រើនផ្សេងទៀត នៅតាមបណ្ដាឃុំ សង្កាត់ ក្រុង ស្រុកទាំង៩ ដូចជា អគាររដ្ឋបាលសាលាស្រុក, ការិយាល័យច្រកចេញចូលតែមួយ, អគារសាលាឃុំ សង្កាត់ជាដើម។ ដោយឡែក សម្រាប់ការប្រកាសខេត្តអស់មីនវិញ រហូតមកដល់ពេលនេះ គោលដៅ «កម្ពុជាគ្ម...