សារព័ត៌មានដេលីខ្មែរ

  ភ្នំពេញ៖ លោកគង់ វិបុល អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី១៩ ខែឧសភានេះ បានចេញលិខិតអញ្ជើញលោកឧកញ៉ា ស៊ី គង់ទ្រីវ នាយកក្រុមហ៊ុន  ខេ ធី ប៉ាស៊ីហ្វិច គ្រុបលីមីធីត និងលោកសុខ ហេង នាយកក្រុមហ៊ុនហេង ហេង អាហរ័ណ នីហរ័ណ ឲ្យចូលមកដើម្បីដោះស្រាយបំណុលពន្ធរបស់ក្រុមហ៊ុនទាំងពីរ ៕...

កំពង់ចាម៖ លោកអ៊ុន ចាន់ដា អភិបាល នៃគណៈអភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទក្រហមខេត្ត លោក ខ្លូត ផន ប្រធានក្រុមប្រឹក្សាខេត្ត អមដំណើរដោយ លោកជំទាវ សមាជិកព្រឹទ្ធសភា រដ្ឋសភា និងក្រុមការងាររាជរដ្ឋាភិបាលចុះជួយស្រុកបាធាយ ។ កាលពីថ្ងៃទី២១ ខែឧសភា ឆ្នាំ២០២០ លោកអភិបាលខេត្ត បានអញ្ជើញចុះសាកសួរសុខទុក្ខ និងនាំយកអំណោយរបស់សាខាកាកបាទក្រហមខេត្តកំពង់ចាម និងអំណោយមនុស្សធម៌របស់សម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ចែកជូនដល់បងប្អូនប្រជាពលរដ្ឋដែលរងគ្រោះដោយសារខ្យល់កន្ត្រាក់ចំនួន២៩ គ្រួសារ នៅភូមិរោធ ឃុំត្រប់ ស្រុកបាធាយ មានចំនួន ១១គ្រួសារទទួលរងការខូត ខាតធ្ងន់ធ្ងរ និង១៨ គ្រួសារទៀតដែលរងការខូចខាតតិចតួច  ក្នុងមួយគ្រួសារទទួលបានគ្រឿងឧបភោគ បរិភោគ និងថវិកាមួយចំនួន ៕    ...

ភ្នំពេញ៖ តារាចម្រៀង ណូយ វ៉ាន់ណេត បានធ្វើឲ្យមហាជនភ្ញាក់ផ្អើល ពីសំណាក់អ្នកលេងបណ្តាញសង្គម ហ្វេសប៊ុកបានយករូបថតលោកចែករំលែក បីសកម្មភាពធ្លាក់ខ្លួនជាកម្មករសំណង់។ តារាចម្រៀងប្រុសល្បីឈ្មោះជាច្រើនទសវត្សរ៍កន្លងមកបាន ចេញមុខបដិសេធ ថាលោកមិនបានធ្លាក់ខ្លួនដូចការលើកឡើងទេ ហើយលោកកំពុងរស់នៅយ៉ាងមានក្តីសុខជា មួយគ្រួសារថែមទៀតផង។ រូបភាព២សន្លឹក ដែលបង្ហាញក្នុងទំព័រហ្វេសប៊ុកមួយបានបង្ហាញពីសកម្មភាពលោក ណូយ វ៉ាន់ណេត បានធ្លាក់ខ្លួន ធ្វើសំណង់ គួរឲ្យអាសូរ និងស្រណោះ ពេលនោះបានធ្វើឲ្យមហាជនភ្ញាក់ផ្អើលនិងហួសចិត្ត។ តារាចម្រៀងរូបនេះបានបញ្ជាក់ថា រូបថតនោះគឺពិតជារូបលោកមែន ប៉ុន្តែលោកមិនធ្លាក់ខ្លួន ក្លាយ ជាកម្មករសំណង់នោះទេ ។ លោកបន្ថែមថា គឺក្រោយទំនេរ ពីការងារលោកជួយការងារផ្ទះបងប្អូន ព្រោះ លោកក៏ចេះការងារនេះខ្លះដែរ។ លោក អ៊ឹម ជីវ៉ា ដែលបានទៅជួបលោកណូយ វ៉ាន់ណេត ផ្ទាល់បានលើកឡើងថា ការពិតលោក ណូយ វ៉ាន់ណេត មិនបានធ្លាក់ខ្លួនធ្វើកម្មករ សំ...

ភ្នំពេញ៖ លោកឧកញ៉ាហុង ម៉ុងហេង អគ្គនាយកក្រុមហ៊ុន ម៉ុង ហេង ផ្លេនថេសិន បានស្នើរទៅលោក មេឃុំអូរគ្រៀង ស្រុកសំបូរ ខេត្តក្រចេះ ដើម្បីជួយទប់ស្កាត់សត្វពាហណៈ ដែលចូលបំផ្លិចបំផ្លាញដំណាំ ស្វាយចន្ទី ។ យោងតាមលិខិតផ្ញើទៅលោក មេឃុំអូរគ្រៀង កាលពីថ្ងៃទី២១ ខែឧសភា ឆ្នាំ២០២០នេះ បានបញ្ជាក់ ថា កន្លងមកមានសត្វពាហណៈជាច្រើនបានចូលទៅបំផ្លិចបំផ្លាញ ស្វាយចន្ទី របស់ខ្ញុំ ដែលបានដាំលើ ដីចំការចំនួន២០០ហិកតា បណ្តាលឲ្យខាតបាត់បង់ថវិកាជាច្រើន ។ លិខិតដដែលបានបញ្ជាក់ថា ដើម្បីប្រយោជន៍ ខ្ញុំបានប្រកាសសួររកម្ចាស់សត្វពាហណៈទាំងនោះ តែពុំមានម្ចាស់ណាមកទទួលស្គាល់ឡើយ។ ដូច្នេះខ្ញុំសូមមានវិធានការទប់ស្កាត់ការបំផ្លិចបំផ្លាញនេះដោយចាប់ប្រមូលសត្វពាហណៈណាដែលចូលលុកលុយ យកទៅលក់ឲ្យអតិថិជនដើម្បីយកប្រាក់ទៅជួយឧបត្ថម្ភដល់ មណ្ឌលសុខភាព និងសាងសង់សមិទ្ធិផល នៅក្នុងវត្តអូរគ្រៀង។  ...

សៀមរាប ៖ លោកយិន ចាន់ដារដ្ឋ អគ្គនាយករង នៃអាជ្ញាធរជាតិអប្សរា បានឱ្យដឹងកាលពីថ្ងៃទី២១ ខែឧសភា ឆ្នាំ២០២០នេះថា សំណង់ និងតូបលក់ដូរទាំងអស់ដែលមាននៅមុខបរិវេណ ប្រាសាទអង្គរ វត្ត នឹងត្រូវរុះរើចេញនៅចុង ឆ្នាំ២០២០ ហើយអគារនគរបាលបេតិកភ័ណ្ឌ ក៏ត្រូវរុះរើប្តូរទៅទីតាំងថ្មី ។ សម្រាប់តូបលក់ដូរទាំងអស់ នៅជុំវិញត្រពាំងសេះ គឺត្រូវរើចេញឱ្យចូលទៅលក់នៅទីតាំងថ្មីក្នុង មជ្ឈមណ្ឌលបដិសណ្ឋារកិច្ច ហើយសម្រាប់អគាររបស់អាជ្ញាធរជាតិអប្សរា នៅបរិវេណមុខប្រាសាទអង្គរ ក៏ការរុះរើចេញបណ្តើរៗហើយដែរ។ លោកយិន ចាន់ដារដ្ឋ បានបញ្ជាក់ថា បានខិតខំកែលម្អ និងអភិវឌ្ឍន៍នៅក្នុងតំបន់រមណីយដ្ឋានអង្គរនេះឱ្យកាន់តែមានភាពល្អប្រសើរ ហើយសង្ឃឹមថា នៅពេលស្ថានភាពកូវីដ-១៩ មានភាពស្ងប់ស្ងាត់ទៅវិញ អ្នកទេសចរ មកទស្សនាអង្គរ និងមានការពេញចិត្តចំពោះសមិទ្ធផលថ្មីៗដែលពួកគេបានឃើញ ។ សូមបញ្ជាក់ថា ទីតាំងបរិវេណប្រាសាទអង្គរវត្ត ត្រូវកែលម្អទៅជាតំបន់បៃតងសម្បូរទៅ ដោយផ្កាចម្រុះ និងដើម...

លោកឧកញ៉ា ហុង ម៉ុងហេង អគ្គនាយកក្រុមហ៊ុនប្រាយវ៉េគ្រុប និងលោកជំទាវ បុត្រា បុត្រីនិងសហការី គោរពជូនពរ សម្តេច ហេង សំរិន ក្នុងឱកាសចម្រើនជន្មាយុខួបគម្រប់ ៨៦ឈានចូល៨៧ឆ្នាំ។

ភ្នំពេញ៖ លោកស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានចុះពិនិត្យគុណភាព នៃការសាងសង់ពង្រីកកំណាត់ផ្លូវជាតិលេខ៣ ពីចោមចៅទៅក្រុងកំពត មានការចូលរួមពីមន្ត្រីជំនាញពាក់ព័ន្ធ តំណាងក្រុមហ៊ុនសាងសង់ តំណាងក្រុមហ៊ុន ត្រួតពិនិត្យបច្ចេកទេស និងភាគីពាក់ព័ន្ធ ។ នៅថ្ងៃទី២១ ខែឧសភា ឆ្នាំ២០២០នេះ ក្នុងគោលបំណងពិនិត្យគុណភាពនៃការសាងសង់ តើស្របតាមបទដ្ឋានបច្ចេកទេស និងសៀវភៅបន្ទុក ដែលបានកំណត់ដែរឬយ៉ាងណា ដើម្បីធានាដល់ការប្រើប្រាស់បានយូរអង្វែង តាមរយៈការប្រើប្រាស់ម៉ាស៊ីនខួងពិនិត្យមើលស្រទាប់គ្រឹះ និងការពិនិត្យមើលការបំពាក់ភ្លើងស្តុប និងស្លាកសញ្ញាចរាចរណ៍ ដើម្បីធានាសុវត្ថិភាពនៃការធ្វើដំណើររបស់ប្រជាពលរដ្ឋផងដែរ។ សូមបញ្ជាក់ថា គម្រោងពង្រីកនិងលើកកម្រិតផ្លូវជាតិលេខ៣ ពីភ្នំពេញទៅក្រុងកំពត ដែលមានប្រវែង សរុប១៣៤,៨២៦ គីឡូម៉ែត្រ ត្រូវបានចែកជាពីរដំណាក់កាល ដំណាក់កាលទី១ពីចោមចៅ (ភ្នំពេញ) ទៅបែកគុស ប្រវែង៦៩,៩០ គីឡូម...

កណ្តាល៖ ប្រជាពលរដ្ឋប្រមាណ៤០នាក់ មកពី៣២គ្រួសារ មានលំនៅក្នុងឃុំគគីធំ ស្រុកកៀនស្វាយ ខេត្តកណ្តាល បានជួបជុំគ្នាតវ៉ានឹងការទន្ទ្រានយកដីពីសំណាក់ក្រុមឈ្មួញ មកលើដីស្រែរបស់ពួកគាត់ ដែលបានកាន់កាប់ និងអាស្រ័យផល រាប់សិបឆ្នាំកន្លងមកហើយ។ ការតវ៉ានេះ បានកើតឡើងខណៈគ្រឿងចក្របួនគ្រឿង កំពុងឈូសឆាយ កាយប្រឡាយ លើកទន្ទប់ ព័ទ្ធយកដីរបស់ពួកគាត់ ស្ថិតក្នុងឃុំកំពង់ភ្នំ ស្រុកលើកដែក ខេត្តកណ្តាល ដែលមានទំហំជាង៨០ហិកតា។ ពួកគាត់បានតវ៉ាថា លោក ថាច់ ថង ដែលពួកគាត់ឮឈ្មោះតៗ បានវាទយកដីរបស់ពួកគាត់ ទាំងបំពានច្បាប់ ដោយមិនស្តាប់ការណែនាំពីអាជ្ញាធរមូកដ្ឋាន ប៉ុន្តែអាងអំណាចបុណ្យស័ក្តិ និងទឹកប្រាក់ ធ្វើទង្វើទាំងបំពានច្បាប់។ យោងតាមលិខិតចុះថ្ងៃទី២១ ខែមេសា ឆ្នាំ២០២០ របស់លោក គង់ សោភ័ណ្ឌ អភិបាលខេត្តកណ្តាល ជូនលោក ថាច់ ថង បានឲ្យដឹងថា សកម្មភាពឈូសឆាយ ជីកប្រឡាយ លើកទំនប់ មិនអាចបន្តទៅទៀតបានទេ ក្នុងករណីមានការតវ៉ាពីប្រជាពលរដ្ឋ ដែលមានឯកសារត្រឹមត្រវបញ្...