សារព័ត៌មានដេលីខ្មែរ

លោក​​  ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម និងជាប្រធានក្រុមការងារផ្នែកផលិតកម្មកែច្នៃសម្រាប់នាំចេញ និងកិច្ចសម្រួល​ពាណិជ្ជកម្ម នៅថ្ងៃទី០៦ ខែមីនា ឆ្នាំ២០២០បានដឹកនាំកិច្ចប្រជុំរបស់ក្រុមការងារ ដើម្បីពិភាក្សាលើសំណើរបស់វិស័យឯកជន ដើម្បីលើកជាយោបល់ជូនថ្នាក់ដឹកនាំនៅក្នុងវេទិការដ្ឋាភិបាល និងវិស័យឯកជន ដែលនឹងដឹកនាំដោយ សម្តេចអគ្គមហាសេនាបតីតេជោនាយករដ្ឋមន្ត្រី នៅថ្ងៃទី០១ ខែមេសា ឆ្នាំ២០២០ ខាងមុខនេះ។ ក្នុងកិច្ចប្រជុំនេះ ភាគីវិស័យឯកជន គឺដឹកនាំដោយឧកញ៉ា វ៉ាន់ ស៊ូអៀង ប្រធានសមាគមរោងចក្រកាត់ដេរនៅកម្ពុជា ជាសហប្រធានក្រុមការងារ។ លោក​​រដ្ឋមន្ត្រី បានមានប្រសាសន៍ថា ​ចំពោះកិច្ចប្រជុំកន្លងមក ដែលជាយន្តការដ៏ល្អប្រសើរមួយដែលបាននិងកំពុងទទួលនូវការកោតសរសើរពីវិស័យឯកជន អ្នកវិនិយោគិន និងមហាជនទាំងក្នុង និងក្រៅប្រទេស។ ក្រុមការងារក៏បានជួបប្រជុំជាបន្តបន្ទាប់ ដោយបានពិភាក្សា និងរកដំណោះស្រាយនូវបណ្តាបញ្ហាប្រឈមនានា ដែលបានលើកឡើងដោ...