ខេត្តស្វាយរៀង៖លោកបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀងបានថ្លែងប្រាប់ក្រុមអ្នកសារព័ត៌មានអង្គភាពគេហ ទំព័រដេលីខ្មែរ(Daily-khmer)ប្រចាំខេត្តស្វាយរៀលកាលពីថ្ងៃទី១០ ខែមិថុនា ឆ្នាំ២០២១នេះថា៖ ស្ថានភាពជំងឺកូវីដ-១៩នៅខេត្តស្វាយរៀងនាបច្ចុប្បន្ននេះមិនទាន់ថមថយនៅឡើយនោះទេ ខណៈដែលក្រុមការងារនៅតែបន្តរកឃើញវិជ្ជមានជំងឺ covid-19 នៅក្នុងសហគមន៍ និងនៅតាមរោងចក្រ ។
លោកបណ្ឌិត មានប្រសាសន៍ថា មន្ទីរសុខាភិបាលខេត្ត នឹងសហការជាមួយអាជ្ញាធរខេត្ត និងភាគីពាក់ព័ន្ធ ទប់ស្កាត់ ប្រយុទ្ធប្រឆាំងនឹងជំងឺកូវីដ-១៩ បំបាត់ឱ្យអស់ចេញពីខេត្តស្វាយរៀង។
លោកបណ្ឌិតបានបន្ថែមទៀតថា ជំងឺកូវីដ-១៩ នៅសហគមន៍ និងរោងចក្រសហគ្រាស មិនទាន់បានថមថយនោះមូលហេតុ៖
ទី១.ក្រុមកម្មករកម្មការិនីរោងចក្រមិនព្រមយកសំណាកនៅតាមរោងចក្រនិងមិនព្រមធ្វេីចត្តាឡីស័កនៅក្នុងរោងចក្រ ពួកគាត់ទៅផ្ទះចម្លងជំងឺកូវីដ-១៩ ចូលក្នុងសហគមន៍។
ទី២.មិនរក្សាគម្លាតក្នុងពេលធ្វើដំណើរទៅរោងចក្រសហគ្រាសដោយមានការប្រមូលផ្ដុំគ្នាជិះរថយន្តរួមគ្នាច្រើន។
ទី៣.ពលករមួយចំនួន ត្រឡប់មកពីប្រទេសថៃយកជំងឺកូវីដ-១៩ មកជាមួយនិង
ទី៤.ការមិនគោរពតាមវិធានការសុខាភិបាល និងវិធានការ ៣ការពារ ៣កុំ របស់សម្តេចតេជោ ហ៊ុន សែន ។ល។
នៅក្នុងព្រឹតិ្តការណ៍សហគម ន៍ ២០កុម្ភ: ខេត្តស្វាយរៀងមានប្រជាពលរដ្ឋខ្មែរ និងជនបរទេ ស គិតត្រឹមថ្ងៃទី៩ ខែមិថុនា ឆ្នាំ២០២១ បានឆ្លងជំងឺកូវីដ-១៩ មានចំនួន ១១៧៤នាក់ស្រីចំនួន៦៧៦នាក់ ស្លាប់ចំនួន ៧នាក់ ព្យាបាលជាសះស្បើយចំនួន ៧៣៦នាក់ ស្រី ៤១០នាក់។
បច្ចុប្បន្នអ្នកជំងឺកំពុងធ្វើការព្យាបាលចំនួន ៤៣0នាក់ ស្រី ២៦៤នាក់។
ដោយជា រដ្ឋាប្រធានអង្គភាពគេហទំព័រដេលីខ្មែរ(Daily-khmer)ប្រចាំខេត្តស្វាយរៀង