Author: daily-khmer

ភ្នំពេញ៖លោក ឱក ប៊ុង រដ្ឋលេខាធិការក្រសួងពាណិជ្ជកម្ម បានឲ្យដឹងថា វគ្គបណ្តុះបណ្តាលស្តីពីមជ្ឈត្តការពាណិជ្ជកម្ម ជាការរួមចំណែកលើកស្ទួយប្រពន្ធ័យុត្តិធម៌នៅកម្ពុជា តាមរយៈការផ្តល់នូវចំណេះដឹងថ្មីៗដល់សិក្ខាកាម ដើម្បីចូលរួមអនុវត្តន៍យន្តការដោះស្រាយវិវាទក្រៅប្រព័ន្ធតុលាការ ដែលអាចជួយសន្សំថវិកា និងពេលវេលាជូនវិស័យឯកជន និងទាក់ទាញទំនុកចិត្តកាន់តែខ្ពស់ពីវិនិយោគិនអន្តរជាតិ ជាពិសេសក្រុមហ៊ុនធំៗលំដាប់ពិភពលោក។ វគ្គបណ្តុះបណ្តាលស្តីពីមជ្ឈត្តការពាណិជ្ជកម្ម ដែលរៀបចំឡើងដោយវិទ្យាស្ថានបណ្តុះបណ្តាលពាណិជ្ជកម្ម និងស្រាវជ្រាវ នៃក្រសួងពាណិជ្ជកម្ម នៅថ្ងៃទី១៣ ខែកុម្ភៈ ឆ្នាំ២០១៩ មានសិក្ខាចូលរួមចំនួន ៧០នាក់ជាមន្ត្រីមកពីទីស្តីការក្រសួង និងមន្ទីរពាណិជ្ជកម្មរាជធានី-ខេត្ត។ លោកឱក ប៊ុង បានលើកឡើងអំពីសារៈសំខាន់ និងអត្ថប្រយោជន៍នៃប្រព័ន្ធមជ្ឈត្តការ សម្រាប់បម្រើការអភិវឌ្ឍវិស័យពាណិជ្ជកម្ម និងកិច្ចប្រឹងប្រែងរបស់រាជរដ្ឋាភិបាល ក្នុងការពង្រ...

ឆ្មាំបដិវត្តន៍ចំនួន ២៧នាក់ បានបាត់បង់ជីវិត និងជាង១០នាក់ផ្សេងទៀតរងរបួស ក្នុងការវាយប្រហារ ភេរវកម្មអត្តឃាត ដោយបំផ្ទុះគ្រាប់បែកក្នុងរថយន្តនៅប្រទេសអ៊ីរ៉ង់ កាលពីល្ងាចថ្ងៃពុធ ទី១៣ ខែកុម្ភៈ ឆ្នាំ២០១៩នេះ ។ ទីភ្នាក់ងារព័ត៌មានរដ្ឋអ៊ីរ៉ង់ State run IRNA News Agency បានចុះផ្សាយថា ខ្មាន់បំផ្ទុះគ្រាប់ បែកអត្តឃាត បានបង្កប់គ្រឿងផ្ទុះដ៏មានឥទ្ធិពលក្នុងរថយន្តរបស់ខ្លួន និងបានបើកបរទៅក្បែរ រថយន្តដឹកកងកម្លាំងឆ្មាំបដិវត្តន៍ ដែលកំពុងធ្វើដំណើរតាមផ្លូវដូចគ្នា ហើយក៏បំផ្ទុះរថយន្តតែម្តង ។ ប៉ុន្មានម៉ោងក្រោយពីវាយប្រហារភេរវកម្មអត្តឃាតនេះ ក្រុមប្រដាប់អាវុធ Jaish al-Adl armed group ដែលជាក្រុមជ្រុលនិយមដែរនោះ បានអះអាងទទួលខុសត្រូវចំពោះការវាយប្រហារភេរវកម្មនេះ ៕...

ថ្លែងនៅក្នុងពិធីសន្និបាតការងារឆ្នាំ២០១៨ និងលើកទិសដៅការងារឆ្នាំ២០១៩ របស់ក្រសួងមហាផ្ទៃនាព្រឹកថ្ងៃទី១៣ ខែកុម្ភៈ ឆ្នាំ២០១៩នេះសម្តេចក្រឡាហោម ស ខេងបានបញ្ជាក់ថានៅសល់តែមួយឆ្នាំទៀតប៉ុណ្ណោះ នៅតាមឃុំនានាទូទាំងប្រទេសនឹងកើនថវិកាសម្រាប់អភិវឌ្ឍន៍រហូតដល់ជិត៥០ភាគរយ ពោលគឺមានចំនួន៧៣០០០ដុល្លារអាមេរិក ដោយមិនគិតប្រាក់ខែរបស់មន្រ្តីប្រាក់អ្វីផ្សេងៗទៀតឡើយ។ រាជរដ្ឋាភិបាលនឹងបង្កើនថវិកាអភិវឌ្ឍន៍តាមឃុំនានារហូតដល់ជាងប្រាំពីរម៉ឺនដុល្លារ ខណៈសព្វថ្ងៃមានត្រឹមតែជាងបីម៉ឺន សម្តេចក្រឡាហោម ស ខេង ឧបនាយករដ្ឋមន្រ្តីរដ្ឋមន្រ្តីក្រសួងមហាផ្ទៃបានថ្លែងថា នៅឆ្នាំ២០២០ខាងមុខនេះរាជរដ្ឋាភិបាលកម្ពុជានឹងបង្កើនថវិកាជាតិសម្រាប់អភិវឌ្ឍន៍នៅតាម ឃុំនានាទូទាំងប្រទេសរហូតដល់ជាងប្រាំពីរម៉ឺនដុល្លារ ខណៈបច្ចុប្បន្នមានត្រឹមតែជាងបីម៉ឺនប្រាំពាន់ដុល្លារអាមេរិកតែប៉ុណ្ណោះ។ សម្តេចក្រឡាហោមបន្ថែមទៀតថា រាជរដ្ឋាភិបាលនឹងបង្កើនថវិកាសម្រាប់ការអភិវឌ្ឍន៍នៅឆ្នាំបន្...

ភ្នំពេញ៖ ក្រសួង​ព័ត៌មាន បានប្រកាសថា សេចក្តីព្រាងច្បាប់​ស្តីពី​សិទ្ធិ​ទទួល​ព័ត៌មាន ត្រូវបាន​ព្រាង​រួចរាល់​ជា​ស្ថាពរ​ហើយ​។ ក្រសួង ជឿជាក់ថា សេចក្តីព្រាងច្បាប់​នេះ នឹង​ត្រូវបាន​បញ្ជូន ទៅសុំ​ការអនុម័ត​ពី​រដ្ឋសភា ក្នុងពេល​ដ៏​ខ្លី​ខាងមុខ​។​ ​ក្រសួង​ព័ត៌មាន នៅ​ថ្ងៃទី​១២ ខែកុម្ភៈ ឆ្នាំ​២០១៩ បានចេញ​លិខិត​តប​ឆ្លើយតប​នឹង​បណ្តា​អង្គការ​សង្គម​ស៊ីវិល ចំនួន ១៩​ស្ថាប័ន ដែល​បាន​រួមគ្នា សរសេរ​លិខិត​មក​ក្រសួង​ព័ត៌មាន កាលពី​ថ្ងៃទី​៣០ ខែមករា ឆ្នាំ​២០១៩ កន្លងទៅនេះ ដោយ​សម្តែង​ពី​ការគាំទ្រ​ក្រសួង​ព័ត៌មាន លើ​ការងារ​ដឹកនាំ ដំណើរការ​ពិនិត្យ​សេចក្តីព្រាងច្បាប់​ស្តីពី​សិទ្ធិ​ទទួល​ព័ត៌មាន និង​ដាក់បញ្ចូល​ក្នុង​ផែនការ​យុទ្ធសាស្ត្រ ៥​ឆ្នាំ ចាប់ពី​២០១៨ ដល់​ឆ្នាំ​២០២៣​។​ ​ក្រសួង​ព័ត៌មាន បញ្ជាក់ថា ក្រសួង​បាន​បញ្ចូល​សេចក្តីព្រាងច្បាប់​ស្តីពី​សិទ្ធិ​ទទួល​ព័ត៌មាន ទៅក្នុង គម្រោង​កម្មវិធី​នៃ​តម្រូវការ​សេចក្តីព្រាងច្បាប់ និង​...

អ្នកនាំពាក្យក្រសួងការបរទេសចិន លោកស្រី Hua Chunying បានរិះគន់យ៉ាងខ្លាំងចំពោះមេដឹកនាំរបស់សហរដ្ឋអាមេរិក ដែលបានបង្ករឿងមិនចេះឈប់ជាមួយចិន តាមរយៈការបញ្ជូននាវាចម្បាំងទៅកាន់សមុទ្រចិនខាងត្បូង ។ ចិន បានបញ្ជូននាវាចម្បាំងរបស់ខ្លួនទៅកាន់សមុទ្រចិនខាងត្បូង ដើម្បីឃ្លាំមើលនាវាចម្បាំងរបស់សហរដ្ឋអាមេរិក ដែលត្រូវបានបញ្ជូនទៅកាន់សមុទ្រចិខាងត្បូង កាលពីថ្ងៃចន្ទ ទី១១ ខែកុម្ភៈ ឆ្នាំ២០១៩នេះ ។ មន្ទីរបញ្ចកោណអាមេរិក បានបញ្ជូននាវាចម្បាំងបាញ់មីស៊ីលតម្រង់គោលដៅ (Guided-missile destroyers) ចំនួនពីរគ្រឿងទៅសមុទ្រចិនខាងត្បូង ដែលមានចម្ងាយប្រមាណ១២ម៉ាយពីកោះ Spratly ដែលចិនបានចាត់ទុកថាជាដែនដីរបស់ខ្លួន ៕...

ក្រុមតំណាងរបស់ប្រទេសចិន និងសហរដ្ឋអាមេរិក បានចាប់ផ្តើមជួបចរចាគ្នាសារជាថ្មី និងជាលើកចុងក្រោយផងដែរ ស្តីពីសង្គ្រាមពាណិជ្ជកម្មរវាងប្រទេសទាំងពីរ ចាប់តាំងពីថ្ងៃចន្ទ ទី១១ ខែកុម្ភៈ ឆ្នាំ២០១៩នេះ ខណៈឱសានវាទរបស់លោកដូណាល់ ត្រាំ ខិតជិតមកដល់ ។ ឱសានវាទរបស់លោក ត្រាំ គឺជាការទុកឱកាសរយៈពេល៩០ថ្ងៃ ចាប់ពីថ្ងៃទី០១ ខែធ្នូ ចុងឆ្នាំ២០១៨កន្លងទៅ រហូតដល់ដំណាច់ខែកុម្ភៈ ឆ្នាំ២០១៩នេះ ដើម្បីឲ្យភាគីចិន និងសហរដ្ឋអាមេរិក ជួបចរចាគ្នាស្តីពីសង្គ្រាមពាណិជ្ជកម្មរវាងប្រទេសទាំងពីរ ។ លោកដូណាល់ ត្រាំ បានលើកឡើងថា ប្រសិនបើរយៈពេល៩០ថ្ងៃនេះកន្លងផុតទៅ ហើយភាគីចិន និងអាមេរិកមិនអាចសម្រេចបាននូវកិច្ចព្រមព្រៀងថ្មីស្តីពីពាណិជ្ជកម្ម លោកនឹងដំឡើងពន្ធនាំចេញពីចិនចូលអាមេរិក២៥%ក្នុងតម្លៃទឹកប្រាក់២០០ពាន់លានដុល្លារ ៕...

រតនគិរី​ នាយ​ឧត្តមសេនីយ៍​ ខេ​ង​ សុមេធ​ អគ្គស្នងការ​រង​នគរបាល​ជាតិ​ មាន​ប្រសាសន៍​ថា​ ក្នុង​នាម​ជា​មន្ត្រី​នគរបាល​ ជា​អ្នកបម្រើ​ប្រជាជន​ ត្រូវ​តែ​បំពេញ​នូវ​កាតព្វកិច្ច​របស់​ខ្លួន​រៀងៗ​ខ្លួន​ និង​រក្សា​​នូវ​សេចក្តី​ថ្លៃថ្នូ​ សាមគ្គី​ផ្ទៃក្នុង​អង្គភាព​ឲ្យ​បាន​រឹង​មាំ​ ដើម្បី​ធានា​បាន​នូវ​ការ​បំពេញ​ កិច្ច​ការងារ​ប្រកបដោយ​ប្រសិទ្ធភាព​ តម្លាភាព​កាន់តែ​ប្រសើរ​ឡើង​។​ នាយ​ឧត្តមសេនីយ៍​ ខេ​ង​ សុមេធ​ បាន​ព្រមាន​ដល់​មន្ត្រី​ក្រោម​ឱវាទ​ មិន​ត្រូវ​យក​តួនាទី​របស់​ខ្លួន​ធ្វើ​ជា​មុខរបរ​ឡើយ​ ដើម្បី​ចៀសវាង​ការ​ចោទប្រកាន់​ពី​មហាជន​ទូទៅ​ ដែល​នាំ​ឲ្យ​ប៉ះពាល់​ដល់​តម្លៃ​ និង​សេចក្តី​ថ្លៃថ្នូ​ វិន័យ​របស់​មន្ត្រី​នគរបាល​ ប្រសិនបើ​រក​ឃើញ​ថា​មន្ត្រី​រូប​ណា​ប្រព្រឹត្ត​ទ​ង្វើ​បែប​មិនគប្បី ត្រូវ​ទទួលទោស​ទៀត​ផង​។​ ​នាយ​ឧត្តមសេនីយ៍​ ថ្លែងបែបនេះ​ ​នៅ​ក្នុង​ពិធី​ប្រកាស​ផ្ទេរ​ភារកិច្ច​ និង​តែងតាំង​មុខ​តំណែង​ស្នងការ​ នៃ​ស...

បញ្ជីរាយនាមបេក្ខជននាយករដ្ឋមន្ត្រីរបស់ប្រទេសថៃ ក្នុងការបោះឆ្នោតនៅខែមីនាខាងមុខនេះ មិនមានព្រះនាមម្ចាស់ក្សត្រី Ubolratana Rajakanya Sirivadhana Barnavadi នោះទេ ។ គណៈកម្មការរៀបចំការបោះឆ្នោតរបស់ប្រទេសថៃ បានច្រានចោលនូវបេក្ខភាពនាយករដ្ឋមន្ត្រីរបស់ម្ចាស់ក្សត្រី Ubolratana Rajakanya Sirivadhana Barnavadi ដោយមិនដាក់បញ្ចូលព្រះនាមម្ចាស់ក្សត្រីអង្គនេះក្នុងបញ្ជីបេក្ខជននាយករដ្ឋមន្ត្រីសម្រាប់ការ បោះឆ្នោតនៅខែមីនា ឆ្នាំ២០១៩ខាងមុខនោះទេ ។ ម្ចាស់ក្សត្រី Ubolratana Rajakanya Sirivadhana Barnavadi មានព្រះជន្ម ៦៧ព្រះវស្សា និងជាព្រះរៀមរបស់ព្រះមហាក្សត្រ Maha Vajiralongkorn ។ ការច្រានចោលរបស់គណៈកម្មការរៀបចំការបោះឆ្នោតថៃ ត្រូវបានធ្វើឡើងក្រោយពីម្ចាស់ក្សត្រី Ubolratana Rajakanya Sirivadhana Barnavadi បានប្រកាសឈរព្រះនាមជាបេក្ខជននាយករដ្ឋមន្ត្រីរបស់គណបក្ស Thai Raksa Chart party ៕...

ស្ថានភាពនយោបាយ សង្គម និងសេដ្ឋកិច្ច នៅក្នុងប្រទេសជាតិសព្វថ្ងៃ គឺកំពុងឆ្ពោះទៅរកភាពកាន់តែល្អប្រសើរ។ ចំពោះចំណូលពន្ឋគយ គឺបានកើនឡើងជាបន្តបន្ទាប់។ សេដ្ឋកិច្ចកម្ពុជាដែលពីមុនហ៊ុមព័ទ្ឋដោយទារុណកម្ម និងការកៀបសង្កត់ ប៉ុន្តែពេលនេះគឺបានងើបលូតលាស់កាន់តែរឹងមាំ។ សូមអរគុណដល់បងប្អូនអាជីវករ ពាណិជ្ជករ និងវិនិយោគគិន ដែលបានបំពេញកាតព្វកិច្ចបង់ពន្ឋ និងបានពង្រីកទំហំពាណិជ្ជកម្ម និងវិនិយោគឲ្យកាន់តែធំឡើងនៅក្នុងប្រទេសជាតិ។ ប្រទេសយើងពីមុនដែលធ្លាប់ជាប្រទេសក្រីក្រ ប៉ុន្តែឥឡូវគឺបានងើបលេចធ្លោររួចផុតពីភាពក្រីក្រជាមួយនឹងកំណើនសេដ្ឋកិច្ចក្នុងរង្វង់ ៧%។ ដោយសារចំណូលពន្ឋកាន់តែខ្ពស់ ការព្យាករណ៍របស់យើងទៅថ្ងៃអនាគត គឺកម្ពុជានឹងក្លាយជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ ២០៣០ និងប្រាក់ចំណូលខ្ពស់នៅឆ្នាំ ២០៥០។ កម្ពុជាមិនអាចរំពឹងលើជំនួយបរទេសតែមួយមុខទេ ហើយកម្ពុជាក៏មិនត្រូវយកឯករាជភាព និងអធិបតេយ្យភាពរបស់ខ្លួនទៅដោះដូរជាថ្នូរ...