អ្នកភូមិក្រីក្រជាង៥០គ្រួសារនៅខេត្តព្រះសីហនុ ដង្ហើយហៅយុត្តិធម៌ បន្ទាប់ពីមន្ត្រីមូលដ្ឋានគប់គិតបន្លំយកដីពួកគាត់លក់ឲ្យអ្នកមាន
ព្រះសីហនុ៖ ប្រជាពលរដ្ឋជាង៥០គ្រួសារ រស់នៅក្នុងស្រុកកំពង់សិលា ខេត្តព្រះសីហនុ ដង្ហើយហៅរកយុត្តិធម៌ បន្ទាប់ពីឈ្មួញ និងមន្ត្រីខិលខូចនៅក្នុងមូលដ្ឋាន គៃបន្លំយកដីរបស់ពួកគាត់ ដែលបានកាន់កាប់ និងអាស្រ័យលផល ជាច្រើនឆ្នាំកន្លងហើយ ប៉ុន្តែនៅតែមិនអាចទទួលសិទ្ធិជាម្ចាស់ ខណៈអាជ្ញធរ និងសាច់ញាតិមន្រ្តីជំនាញសូរិយោដី មានឈ្មោះជំនួសទៅវិញ។
ប្រជាពលរដ្ឋខាងលើនេះ មានស្រុកកំណើត និងទីលំនៅ នាភូមិថ្មី ឃុំកំពង់សិលា ស្រុកកំពង់សិលា ខេត្តព្រះសីហនុ។
អ្នកស្រី សេន ម៉េត អាយុ៥៦ឆ្នាំ បាននិយាយរំឭកពីសាវតានៃដំណើររឿងអយុត្តិធម៌ ដែលខ្លួនធ្លាប់ឆ្លងកាត់ និងកំពុងតែឈឺចាប់ ដោយលើកឡើងថា អ្នកស្រីបានកើត និងរស់នៅក្នុងភូមិនេះ តជំនាន់ពីជីដូនជីតា ហើយបានធ្វើចម្ការដាំដំណាំងលើដីរបស់ខ្លួន ប៉ុន្តែមន្ត្រីក្នុងជួររាជរដ្ឋាភិបាល គឺជាអ្នកមានឈ្មោះជាម្ចាស់ទៅវិញ។
អ្នកស្រីបាននិយាយថា «បើមិនវាស់វែងឲ្យទេ ទុកដីនៅទីហ្នុងទៅ ប៉ុន្តែខ្ញុំតែមិនអស់ចិត្ត ...