ព័ត៌មានទាន់ហេតុការណ៍

ភ្នំពេញ៖ នៅថ្ងៃទី១៦ ខែកញ្ញា ឆ្នាំ២០១៩នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រម្ពុជា បានអញ្ជើញជួបពិភាក្សាការងារសហប្រតិបត្តិការជាមួយ លោកស្រី វិចតូរៀ ខ្វាខ្វា (Victoria Kwakwa) អនុប្រធានធនគារពិភពលោក (World Bank) ទទួលបន្ទុកតំបន់អាស៊ីខាងកើត និងប៉ាស៊ីហ្វិក ។ លោកស្រី Victoria Kwakwa ធ្លាប់បានមកកម្ពុជាកាលពី៣ឆ្នាំមុន ហើយពេលនេះបានឃើញកម្ពុជាកំពុងរីកចម្រើនយ៉ាងខ្លាំងដែលគួរឲ្យកោតសរសើរជាមួយកំណើនសេដ្ឋកិច្ចជាមធ្យមពី%ទៅ៨% ហើយអត្រាកាត់បន្ថយភាពក្រីក្រ និងអត្រាស្លាប់របស់ទារកនៅពេលកើតក៏បានថយចុះ។ នេះជាជោគជ័យបញ្ជាក់ថាកម្ពុជាកំពុងតែបោះជំហានលើផ្លូវមួយត្រឹមត្រូវ។ ក្នុងនាមធនាគារពិភពលោក លោកជំទាវ បានសម្តែងនូវការអបអរសាទរចំពោះជោគជ័យដែលកម្ពុជាទទួលបាន។ លោកស្រី Victoria Kwakwa បានបន្តទៀតថា កន្លងមកនេះ ធនាគារពិភពលោក បានធ្វើការយ៉ាងច្រើនជាមួយនឹងសហគមន៍ផ្សេងៗ ដែលសហគមន៍ទាំងនោះ ប្រជាពលរដ្ឋដែលទទួលបា...

ប្រព័ន្ធផ្សព្វផ្សាយ Reuters បានចុះផ្សាយនៅថ្ងៃចន្ទ ទី១៦ ខែកញ្ញានេះថា ក្រសួងការបរទេសរបស់ប្រទេសចិន បានចេញសេចក្តីថ្លែងការណ៍ច្រានចោលនូវការចោទប្រកាន់របស់ភ្នាក់ងារស៊ើបអង្កេតផ្នែកបច្ចេកវិទ្យាព័ត៌មានវិទ្យាតាមប្រព័ន្ធ Internet របស់ប្រទេសអូស្ត្រាលី Australian Signals Directorate ហៅកាត់ថា ASD ដែលបានចោទប្រកាន់ប្រទេសចិនពីបទវាយប្រហារលើបច្ចេកវិទ្យា Internet របស់រដ្ឋសភាជាតិ និងគណបក្សនយោបាយ៣ទៀតរបស់អូស្ត្រាលី ។ សេចក្តីថ្លែងការណ៍របស់ក្រសួងការបរទេសចិន បានបញ្ជាក់ថា ការចោទប្រកាន់របស់ ASD គឺជាការចោទប្រកាន់ដែលមិនមានហេតុផល និងភស្តុតាងពិតប្រាកដ ដែលជាការចោទប្រកាន់មិនអាចទទួលយកបាន ។ ចំណែករដ្ឋាភិបាលអូស្ត្រាលី មិនទាន់ចោទប្រកាន់ចិន ឫបង្ហាញអោយបានច្បាស់លាស់ពីប្រភពចោរព័ត៌មានវិទ្យា ដែលបានវាយប្រហារលើច្ចេកវិទ្យា Internet របស់រដ្ឋសភាជាតិ និងគណបក្សនយោបាយ៣ទៀតរបស់ខ្លួននោះទេ ៕...

ភ្នំពេញ​៖  ក្រសួង​ធនធានទឹក និង​ឧតុនិយម បានប្រកាស​ដល់​សាធារណជនឲ្យដឹងថា ចាប់ពី​ថ្ងៃទី​១៦-២២ ខែកញ្ញា ឆ្នាំ​២០១៩ សូម​បង្កើន​ការប្រុងប្រយ័ត្ន​ខ្ពស់ ចំពោះ​បាតុភូត ផ្គរ រន្ទះ ទឹកជំនន់ និង​រលក​សមុទ្រ ​។​ សេចក្តីជូនដំណឹងស្តីពី ស្ថានភាព​អាកាសធាតុ ប្រចាំ​សប្តាហ៍ ចេញផ្សាយ​នៅ​ព្រឹក​ថ្ងៃ​ចន្ទ ទី​១៦ ខែកញ្ញា​នេះ ក្រសួង​ធនធានទឹក និង​ឧតុនិយម បានប្រកាសថា ចាប់ពី​ថ្ងៃទី​១៦-១៨ ខែកញ្ញា ប្រព័ន្ធ​សម្ពាធ​ទាប ( ITCZ ) បន្ត​អូសបន្លាយ​លើ​ប្រទេស​កម្ពុជា​យើង និង​ចាប់ពី​ថ្ងៃទី​១៦-២២ ខែកញ្ញា នឹង​រំកិល​ឡើង​ទៅលើ កាត់​លើ​ភាគ​ខាងជើង​ប្រទេស​កម្ពុជា​យើង​។​ ​ក្រសួង​ធនធានទឹក និង​ឧតុនិយម បានបញ្ជាក់ថា ស្ថានភាព​បែបនេះ ធ្វើ​ឲ្យ​ភ្លៀង​បន្ត​ធ្លាក់​រាយប៉ាយ​លើ​ផ្ទៃ​ប្រទេស​៖ ១-​បណ្តា​ខេត្ត​ភាគខាងត្បូង ភាគ​ពាយ័ព្យ និង​តំបន់​មាត់សមុទ្រ នឹងមាន​ភ្លៀង​ធ្លាក់​ពី​បង្គួរ ទៅ​ខ្លាំង ដែល​ធ្វើ​ឲ្យ​ផ្នែក​មួយចំនួន​នៃ​បណ្តា​ខេត្ត​ទាំងនេះ បន្ត​ប្រ...

ប្រព័ន្ធផ្សព្វផ្សាយ Reuters បានចុះផ្សាយនៅថ្ងៃចន្ទ ទី១៦ ខែកញ្ញានេះថា តម្លៃប្រេងឥន្ធនៈសកលអាចនឹងកើនឡើងខ្ពស់នៅពេលខាងមុខ ក្រោយពីការវាយប្រហារលើស្ថានីយ៍បូមប្រេងរបស់ប្រទេសអារ៉ាប៊ី សាអូឌីត កាលពីចុងសប្តាហ៍មុន ។ សូមរំលឹកជូនថា កាលពីថ្ងៃសៅរ៍ ទី១៤ ខែកញ្ញានេះ យានដ្រូនមិនស្គាល់អត្តសញ្ញាណ បានវាយប្រហារលើស្ថានីយ៍បូមប្រេងពីរកន្លែងរបស់ប្រទេសអារ៉ាប៊ី សាអូឌីត នៅជាប់ព្រំដែនជាមួយប្រទេសយេមែន ។ ស្ថានីយ៍បូមប្រេងនេះ មានសមត្ថភាពអាចបូមប្រេងឥន្ធនៈបានប្រមាណជាង៥.៧លានបារ៉ែលក្នុងមួយថ្ងៃ ដែលស្មើនឹងជាងពាក់កណ្តាលនៃទិន្នផលប្រេងសរុបរបស់អារ៉ាប៊ី សាអូឌីត នៅទូទាំងប្រទេស ៕...

សមាជិកសភាចំនួន៩រូបរបស់ចក្រភពអង់គ្លេស បានចេញផ្សាយរបាយការណ៍មួយ ដែលបង្ហាញពីផលប៉ះពាល់នានាក្នុងចក្រភពមួយនេះ ក្រោយពីចាកចេញពីសមាជិកភាពនៃសហភាពអឺរ៉ុប ដោយមិនមានកិច្ចព្រមព្រៀង (No deal Brexit) ។ របាយការណ៍បានបង្ហាញថា ផលប៉ះពាល់ធ្ងន់ធ្ងរជាងគេដែលអង់គ្លេសនឹងទទួលរងនៅពេលខាងមុខ គឺវិបត្តិខ្វះស្បៀងអាហារ និងថ្នាំពេទ្យ រួមទាំងបរិក្ខាពេទ្យផងដែរ ប្រសិនបើចក្រភពមួយនេះចាកចេញពីអឺរ៉ុប ដោយមិនមានកិច្ចព្រមព្រៀង ដែលនេះមិនរាប់បញ្ចូលទាំងវិបត្តិសន្តិសុខផង ។ របាយការណ៍ដដែលបានបញ្ជាក់ថា វិបត្តិធ្ងន់ធ្ងរនឹងកើតឡើងនៅអង់គ្លេស ក្រោយអង់គ្លេសចាកចេញពីអឺរ៉ុបដោយគ្មានកិច្ចព្រមព្រៀង គឺដោយសារការផ្គត់ផ្គង់ផ្នែកស្បៀងអាហារ និងថ្នាំពេទ្យ រវាងអឺរ៉ុប និងអង់គ្លេស នឹងត្រូវផ្អាកមួយរយៈដើម្បីរៀបចំឡើងវិញ ៕  ...

  ភ្នំពេញ៖ មជ្ឈមណ្ឌលអាស៊ាន-ជប៉ុន បង្ហាញសុទិដ្ឋិនិយមនៅចំពោះមុខថ្នាក់ដឹកនាំក្រសួងទេសចរណ៍កម្ពុជា នៅពេលមានជើងហោះហើរត្រង់ពីទីក្រុងធំៗមួយចំនួនរបស់ជប៉ុនមកកាន់សៀមរាប-អង្គរ នៅចុងឆ្នាំ២០១៩ នេះ។ភ្ញៀវទេសចរជប៉ុន ព្រមទាំងភ្ញៀវទេសចរមកពីប្រទេសទី៣ នឹងមានការកើនឡើងកាន់តែច្រើននៅកម្ពុជា ដូច្នេះហើយកម្ពុជាត្រូវពង្រីកសមត្ថភាពអ្នកជំនាញទេសចរណ៍បន្ថែមទៀត។ កញ្ញា Mizuho Kanda ប្រធានផ្នែកទទួលបន្ទុកទេសចរណ៍ និងជាតំណាងមជ្ឈមណ្ឌលអាស៊ាន-ជប៉ុន និងជាសាស្រ្តាចារ្យនៃមជ្ឈមណ្ឌលបណ្តុះបណ្តាលភាសាជប៉ុនយ៉ាម៉ាម៉ូតុ បានថ្លែងបែបនេះក្នុងពិធីសិក្ខាសាលាបណ្តុះបណ្តាលពង្រឹងសមត្ថភាពជំនាញភាសាជប៉ុនដល់អ្នកជំនាញទេសចរណ៍ កាលពីថ្ងៃទី១២ ខែកញ្ញា ឆ្នាំ២០១៩នៅខេត្តសៀមរាប ក្រោមអធិបតីភាពលោក ប៉ាក់ សុខុម រដ្ឋលេខាធិការក្រសួងទេសចរណ៍ ។ កញ្ញា Mizuho Kanda មជ្ឈមណ្ឌលអាស៊ាន-ជប៉ុន បានប្ដេជ្ញាជួយភាគីកម្ពុជាបង្កើនការបណ្ដុះបណ្ដាល និងពង្រឹងសមត្ថភាពអ្នកជំនាញទេស...

  ភ្នំពេញ៖ លោកជា ចាន់តូ ទេសាភិបាល ធនាគារជាតិនៃកម្ពុជា បានអនុញ្ញាតឱ្យ លោក Yasuhisa Ojima តំណាងមូលនិធិរូបិយវត្ថុអន្តរជាតិ (IMF) ថ្មីប្រចាំនៅកម្ពុជា ចូលជួបនិងពិភាក្សាការងារនៅធនាគារជាតិនៃកម្ពុជា កាលពីថ្ងៃទី១២ ខែកញ្ញា ឆ្នាំ២០១៩។ លោក Yasuhisa Ojima បានប្តេជ្ញារួមចំណែកក្នុងការអភិវឌ្ឍវិស័យសេដ្ឋកិច្ច និងហិរញ្ញវត្ថុកម្ពុជា តាមរយៈការជួយតាមដានស្ថានភាពសេដ្ឋកិច្ច និងផ្តល់ជំនួយបច្ចេកទេស។ លោកបានវាយតម្លៃខ្ពស់ចំពោះការសម្រេចបានកំណើនសេដ្ឋកិច្ចខ្ពស់ ជាមួយស្ថិរភាពម៉ាក្រូសេដ្ឋកិច្ចក្នុងរយៈពេលជាង២ទសវត្សរ៍ចុងក្រោយ។ លោកជា ចាន់តូ ទេសាភិបាល បានបញ្ជាក់ពីប្រវត្តិ និងវឌ្ឍនភាពសេដ្ឋកិច្ចកម្ពុជានិងថ្លែងអំណរគុណចំពោះការចូលរួមរបស់ IMF ក្នុងការអភិវឌ្ឍវិស័យធនាគារ ការផ្តល់ជំនួយបច្ចេកទេស អាហារូបករណ៍ និងវគ្គបណ្តុះបណ្តាលសម្រាប់កសាងធនធានមនុស្សនៅកម្ពុជា។ ក្នុងនាម ធនាគារជាតិនៃកម្ពុជា សូមកោតសរសើរពីតួនាទីយ៉ាងសំខាន់របស់ក...

ភ្នំពេញ៖ អគ្គនាកដ្ឋានកាំកុងត្រូល នៃម បានពង្រីកសមត្ថភាពដល់មន្រ្តីកាំកុងត្រូលឲ្យក្លាយជានគរបាលយុត្តិធម៌ ដើម្បីប្រយុទ្ធប្រឆាំងនឹងបទល្មើសក្លែងបន្លំគុណភាពផលិតនិងសេវា ក្នុងគោលដៅថែរក្សាសុវត្ថិភាពនិងផលប្រយោជន៍អ្នកប្រើប្រាស់។ លោកផាន អូន អគ្គនាយករង នៃអគ្គនាយកដ្ឋានកាំកុងត្រូល បានបញ្ជាក់ឲ្យដឹងបែបនេះនៅក្នុងពិធីបិទវគ្គបណ្តុះបណ្តាល ស្តីពីមន្រី្តនគរបាលយុត្តិធម៌ កាលពីព្រឹកថ្ងៃទី១៣ កញ្ញា ឆ្នាំ២០១៩ ។ លោកស្វាយ សំណាង ព្រះរាជ្ញារងសាលាឧទ្ធរណ៍ នៃក្រសួងយុត្តិធម៌ លើកឡើងថា មុននឹងក្លាយជាមន្ត្រីយុត្តិធម៌ ក្រសួងយុត្តធម៌បានបំពេញបន្ថែមសមត្ថភាពដល់មន្ត្រីកាំកុងត្រូល ដូចជា ជំនាញស្វែងរកភស្តុតាង កំណត់មុខសញ្ញាបទល្មើស ដំណើរការស៊ើបអង្កេត និងនីតិវិធីបញ្ជូនសំណុំរឿងទៅកាន់តុលាការ ដើម្បីអាចផ្តន្ទាទោសជនល្មើសទៅតាមច្បាប់។ វគ្គបណ្តុះបណ្តាល ស្តីពីមន្ត្រីនគរបាលយុត្តិធម៌ ត្រូវបានបង្កើតឡើងក្រោមកិច្ចសហការរួមគ្នា រវាងអគ្គនាយកដ្ឋានកាំកុ...