សង្គម និងកម្សាន្ត

ប្រធានាធិបតីរបស់ប្រទេសទួរគី លោក តៃយីប អឺដូហ្កាន (Tayyip Erdogan) បានប្រកាសថា កងកម្លាំងយោធាទួរគី នឹងបើកប្រតិបត្តិការវាយប្រហារលើក្រុមអ្នកប្រយុទ្ធរបស់ក្រុមកុលសម្ព័ន្ធ ខឺត (Kurd) ដែលគាំទ្រដោយអាមេរិកនៅប្រទេសស៊ីរីម្តងទៀតនៅពេលខាងមុខ ។ ការប្រកាសបើកប្រតិបត្តិការយោធាលើក្រុមកុលសម្ព័ន្ធ ខឺត (Kurd) នៅស៊ីរី គឺត្រូវបានធ្វើឡើងដោយទួរគីបារម្ភខ្លាចក្រុមកុលសម្ព័ន្ធ ខឺត នៅស៊ីរី ចាប់ដៃជាមួយក្រុមកុលសម្ព័ន្ធ ខឺតនៅទួរគី និងវាយប្រហារបំបែកទឹកដីទួរគី ។ សូមរំលឹកជូនថា កាលពីឆ្នាំ២០១៧កន្លងទៅ កងកម្លាំងយោធារបស់ប្រទេសទួរគី បានវាយប្រហារទៅលើក្រុមកុលសម្ព័ន្ធ ខឺត ដែលគាំទ្រដោយអាមេរិកនៅស៊ីរីម្តងរួចមកហើយ ៕  ...

កងកម្លាំងទ័ពអាកាសរបស់ប្រទេសរុស្ស៊ី បានហោះហើរបង្ហាញសមត្ថភាពយន្តហោះចម្បាំង MiG-35 ដែលជាប្រភេទយន្តហោះចម្បាំងធុនធ្ងន់ និងត្រូវបានអភិវឌ្ឍន៍ទៅជាយន្តហោះចម្បាំងជំនាន់ថ្មី ។ យន្តហោះចម្បាំង MiG-35​ ជំនាន់ថ្មីនេះ ត្រូវបានបំពាក់ដោយប្រព័ន្ធការពារសុវត្ថិភាពខ្ពស់ រួមទាំងប្រព័ន្ធបច្ចេកវិទ្យាក្នុងការបាញ់មីស៊ីលរយៈចម្ងាយខ្លីផងដែរ ។ អ្នកជំនាញខាងបច្ចេកវិទ្យាយោធារុស្ស៊ីបាននិយាយថា យន្តហោះចម្បាំង MiG-35​ ជំនាន់ថ្មីមួួយគ្រឿង អាចមានតម្លៃក្នុងរង្វង់១៧៥ដុល្លារអាមេរិក ដោយមិនរាប់បញ្ចូលទាំងគ្រឿងសព្វាវុធដែលត្រូវបំពាក់លើយន្តហោះនោះទេ៕...

អ្នកនយោបាយរបស់គណបក្សសាធារណរដ្ឋ និងគណបក្សប្រជាធិបតេយ្យមួយចំនួន បានហៅការគម្រាមបិទរដ្ឋាភិបាល និងបំណងសាងសង់របងព្រំដែនរបស់លោក ដូណាល់​ ត្រាំ ថាជាបេសកកម្មអត្តឃាត ។ ការហៅបែបនេះ គឺត្រូវបានធ្វើឡើងក្រោយពីលោក ត្រាំ បានព្រមានសារជាថ្មីថា លោកនឹងបិទរដ្ឋាភិបាលលែងអោយដំណើរការ ប្រសិនបើសមាជិកសភារបស់គណបក្សប្រជាធិបតេយ្យ មិនអនុម័តលើសំណើសុំថវិកាសាងសង់របងជាប់ព្រំដែនជាមួយប្រទេសម៉ិកស៊ិក ។ សូមបញ្ជាក់ជូនថា លោក ត្រាំ បានស្នើសុំថវិកាប្រមាណ៥ពាន់លានដុល្លារទៅរដ្ឋសភា ដើម្បីយកទៅសាងសង់របង ប៉ុន្តែសំណើនេះទំនងជាសភាជិកសភាខាងគណបក្សប្រជាធិបតេយ្យមិនឯកភាពទេ ៕...

ក្រុមបាតុកររាប់ពាន់នាក់នៅប្រទេសបារាំង នៅតែបន្តចេញទៅធ្វើបាតុកម្មប្រឆាំងរដ្ឋាភិបាលដដែល ទោះបីជាប្រមុខដឹកនាំកំពូលរបស់រដ្ឋាភិបាល បានធ្វើតាមការទាមទាររបស់ក្រុមបាតុករហើយក៏ដោយ ។ លោកប្រធានាធិបតី អេម៉ានូអែល ម៉ាក្រុង បានសម្រេចលុបចោលការដំឡើងពន្ធប្រេងឥន្ធនៈទៅតាមការទាមទាររបស់ក្រុមបាតុករហើយ និងប្រកាសដមឡើងប្រាក់ខែដល់បុគ្គលិករដ្ឋថែមទៀត។ ក្រុមអ្នកតាមដានស្ថានការណ៍នយោបាយនៅបារាំងបានអោយដឹងថា ក្រុមបាតុករកំពុងលង់ខ្លួនក្នុងក្បួនបាតុកម្មហើយ ទោះបីជារដ្ឋាភិបាលផ្តល់គ្រប់យ៉ាងតាមការទាមទារក៏ដោយ ៕...

នាយទាហានអាមេរិកប្រចាំនៅប្រទេសជប៉ុន បានអះអាងថា កងទ័ព៥នាក់ដែលបានបាត់ខ្លួនក្នុងឧបទ្ទវហេតុយន្តហោះប៉ះគ្នានៅលើសមុទ្រជប៉ុន បានបាត់បង់ជីវិតហើយ។ សូមរំលឹកជូនថា កាលពីសប្តាហ៍មុន យន្តហោះចាក់ប្រេង និងយន្តហោះចម្បាំងអាមេរិក បានប៉ះទង្គិចជាមួយគ្នា ខណៈដែលយន្តហោះទាំងពីរកំពុងធ្វើប្រតិបត្តិការចាក់ប្រេង និង បណ្តាលអោយធ្លាក់ចូលទៅក្នុងសមុទ្រនៅភាគខាងត្បូងនៃប្រទេសជប៉ុន ។ កងទ័ពចំនួន៥នាក់បានបាត់ខ្លួនក្នុងឧបទ្ទវហេតុនេះ ដោយក្រុមជួយសង្គ្រាមមិនអាចរកឃើញរហូតមកដល់ពេលនេះ ៕...

តុលាការរបស់ប្រទេសកាណាដា បានសម្រេចអោយលោកស្រី ម៉េង វ៉ាន់ចូវ នៅក្រៅឃុំជាបណ្តោះអាសន្ន ដោយបង់ប្រាក់ធានាចំនួន៧.៥ដុល្លារអាមេរិក ។ សូមបញ្ជាក់ជូនថា លោកស្រី ម៉េង វ៉ាន់ចូវ គឺជាប្រធានគ្រប់គ្រងផ្នែកហិរញ្ញវត្ថុ ជាអនុប្រធានក្រុមប្រឹក្សាភិបាល និងជាកូនស្រីបង្កើតរបស់ស្ថានិកក្រុមហ៊ុនបច្ចេកវិទ្យា Huawei ប្រទេសចិន ។ លោកស្រី ម៉េង ត្រូវបានចាប់ខ្លួននៅប្រទេស កាណាដា កាលពីថ្ងៃទី០១ ខែធ្នូ ឆ្នាំ២០១៨នេះ ទៅតាមការទាមទាររបស់អាមេរិក ដែលចោទប្រកាន់លោកស្រីពីលក់ប្រព័ន្ធបច្ចេកវិទ្យាទៅអោយក្រុមហ៊ុន Sky com របស់ប្រទេសអ៊ីរ៉ង់ ដោយបំពានលើទណ្ឌកម្មសេដ្ឋកិច្ចរបស់អាមេរិកលើអ៊ីរ៉ង់ ៕...

សូមបងប្អូនជនរួមជាតិ ស្វែងយល់ពីអត្ថន័យបទចំរៀងទី២​ មានចំណងជើងថា “អក្ខរាទឹកភ្នែក”​ដែលជារឿងពិតរបស់ខ្ញុំ​ និងភរិយាក្នុង​របបប្រល័យ​ពូជសាសន៍​ប៉ុលពត​។ អក្ខរាទឹកភ្នែក * I. អក្ខរាដួងចិត្ត ដិតស្នាមទឹកភ្នែក អានទាំងយំយែក ស្ទើរបែកឱរ៉ា អារម្មណ៍ខ្សឹកខ្សួល អួលណែនខ្លោចផ្សា ឧិះឧិវាសនា អនិច្ចាកម្មកាយ ។ * II. បងអឺយអូនស្លុត ស្ទើរផុតវិញ្ញាណ មើលពាក្យឧទាន ពុំមានបរិយាយ គ្រាន់តែផ្តាំពៅ ថាបងនៅឆ្ងាយ រូបកាយបងហ្នឹង ដឹងនៅទីណា ។ * III. អានហើយអានទៀត សៀតលាក់នឹងទ្រូង ខ្សឹបប្រាប់បេះដូង លួងកូនស្នេហា ស្រមៃឃើញភក្រ ដាក់ផ្ទាប់នាសា ស្រង់ក្លិនអក្ខរា ហត្ថាស្វាមី ។ * IV. កម្មអឺយកម្មខ្ញុំ ធំលើសចក្កវាឡ ដល់ភ្លើងឆេះកាល្ប ឬបានជុំប្តី? ចាំបងរហូត ប្រសូតិកូនខ្ចី ផ្លាស់សករាជថ្មី ស្រីនៅតែទោម្នេញ ។ * V. លាក់ក្នុងចិន្តា អក្ខរាចុងក្រោយ បងលាអូនហើយ ថ្ងៃក្រោយជួបវិញ ជីវិតមេទ័ព ជាប់ដៃបំពេញ ជោគជ័យពេញលេញ វិលវិញជួបអូន ។ * VI. នាវ...

ប្រជាពលរដ្ឋខ្មែរដែលទៅលេងបុណ្យសមុទ្រក្នុងរយៈពេល៣ថ្ងៃ ក៏អាចឆ្លងទៅលេងដល់ខេត្តត្រាតប្រទេសថៃបាន ដោយគ្រាន់តែយកអត្តសញ្ញាណប័ណ្ណទៅជាមួយ បើចង់បើករថយន្តចូលខ្លួនឯង ត្រូវមានប័ណ្ណសម្គាល់យានយន្ត និងប័ណ្ណបើកបរ ហើយបើមានក្មេងតូចៗទៅជាមួយត្រូវយករូបថតទៅផង ពោលគឺមិនចាំបាច់មានលិខិតឆ្លងដែនក៏បាន។ លោកបណ្ឌិត  ថោង ខុន រដ្ឋមន្ត្រីក្រសួងទេសចរណ៍ បានអះអាងថា ភាគីកម្ពុជា និងភាគីថៃបានសម្របសម្រួលការធ្វើដំណើររបស់ប្រជាពលរដ្ឋទាំងសងខាង ក្នុងការទៅមកទស្សនាកម្សាន្តនៅខេត្តកោះកុង និងខេត្តត្រាតរយៈពេលបីថ្ងៃនៃពិធីបុណ្យសមុទ្រខាងមុខ។ លោកមានប្រសាសន៍ទៀតថា  ប្រជាពលរដ្ឋដែលទៅទស្សនាពិធីបុណ្យសមុទ្រហើយមានបំណងចង់ទៅលេងកម្សាន្តនៅខេត្តត្រាត ប្រទេសថៃ ត្រូវយកមកជាមួយនូវអត្តសញ្ញាណប័ណ្ណសញ្ជាតិខ្មែរ ប័ណ្ណសម្គាល់យានយន្ត និងប័ណ្ណបើកបរ ហើយប្រសិនបើមានកូនចៅក្មេងៗទៅជាមួយ ត្រូវដាក់រូបថតរបស់ពួកគេទៅជាមួយផង ដើម្បីបញ្ជាក់ជូនសមត្ថកិច្ចប្រចាំនៅច្រកព្រំដែនចាំយាម។ ...

ប្រធានគ្រប់គ្រងផ្នែកហិរញ្ញវត្ថុរបស់ក្រុមហ៊ុនបច្ចេកវិទ្យា Huawei របស់ប្រទេសចិន លោកស្រី ម៉េង វ៉ាន់ចូវ កំពុងស្វះស្វែងរកការបង់ប្រាក់ធានាអោយនៅក្រៅឃុំ ក្រោយពីប៉ូលីរបស់ប្រទេសកាណាដា បានចាប់ខ្លួនលោកស្រី កាលពីថ្ងៃទី០១ខែធ្នូ ឆ្នាំ២០១៨នេះ ។ ប៉ូលីសកាណាដា បានចាប់ខ្លួនលោកស្រី ម៉េង វ៉ាន់ចូវ ទៅតាមការទាមទាររបស់អាមេរិក ដែលបានចោទប្រកាន់ប្រធានគ្រប់គ្រងផ្នែកហិរញ្ញវត្ថុរបស់ក្រុមហ៊ុន Huawei រូបនេះ ពីបទរំលោភបំពានលើទណ្ឌកម្មរបស់អាមេរិកលើប្រទេសអ៊ីរ៉ង់ ។ ការចោទប្រកាន់របស់អាមេរិកលើលោកស្រី វ៉ាន់ចូវ ក៏ត្រូវបានធ្វើឡើងក្រោយពីលោកស្រី បានលក់ប្រព័ន្ធបច្ចេកវិទ្យាទៅអោយក្រុមហ៊ុន Sky com នៅប្រទេសអ៊ីរ៉ង់ កាលពីឆ្នាំ២០១៣កន្លងទៅ ៕...

យន្តហោះទម្លាក់គ្រាប់បែកធុនធ្ងន់ Tu-160 របស់ប្រទេសរុស្ស៊ី បានចុះចតនៅអាកាសយានដ្ឋានក្នុងប្រទេសវេណេស៊ុយអេឡា ក្រោយពីបានហោះហើរក្នុងរយៈចម្ងាយជាង១០០០០គីឡូម៉ែត្រ ឆ្លងកាត់មហាសាគរ អាត្លង់ទិក ។ យន្តហោះទម្លាក់គ្រាប់បែក Tu-160 របស់រុស្ស៊ី គឺជាយន្តហោះទម្លាក់គ្រាប់បែកធុនធ្ងន់ និងជាយន្តហោះចម្បាំងជាយុទ្ធរបស់រុស្ស៊ីផងដែរ ដែលការហោះហើររយៈចម្ងាយឆ្ងាយនេះ គឺជាការសាកល្បងកម្លាំង និងគុណភាពរបស់យន្តហោះមួយនេះ ។ មន្ត្រីការពារជាតិរុស្ស៊ីបានអោយដឹងថា ការចុះចតយន្តហោះចម្បាំងធុនធ្ងន់របស់រុស្ស៊ីនៅវេណេស៊ុយអេឡា គឺត្រូវបានធ្វើឡើងដើម្បីផ្តល់ទំនុកចិត្តដល់មេដឹកនាំរបស់ប្រទេសនេះ ក្នុងការធានាពីស្ថិរភាពសន្តិសុខនៅក្នុងប្រទេសមួយនេះ ៕...