ព័ត៌មានអន្តរជាតិ

ប្រព័ន្ធផ្សព្វផ្សាយ CNA បានចុះផ្សាយថា ការនាំចេញរបស់ប្រទេសសិង្ហបុរី កាលពីត្រីមាសទី២នៃឆ្នាំ២០២០នេះ បានធ្លាក់ចុះ១៥.២% លើការធ្លាក់ចុះ០.៥%កាលពីត្រីមាសទី១នៃឆ្នាំដដែលនេះ ដោយសារការឆ្លងរាលដាលវីរុសCovid-19នៅក្នុងប្រទេសនេះ និងនៅទូទាំងពិភពលោក ។ ទិន្នន័យផ្លូវការដែលចេញផ្សាយដោយសហគ្រាសរបស់ប្រទេសនេះ បានបង្ហាញថា ក្នុងរយៈពេលមួយត្រីមាសទី២នេះដែរ ពាណិជ្ជកម្មដែលមិនពាក់​ព័ន្ធជាមួយនឹងប្រេងឥន្ធនៈបានធ្លាក់ចុះ៣.៣% បន្ទាប់ពីធ្លាក់ចុះរួចហើយក្នុងអត្រា៤.៤%កាលពីត្រីមាសមុន ។ ចំណែកពាណិជ្ជកម្មប្រេងឥន្ធនៈ បានធ្លាក់ចុះទាបបំផុតកាលពីត្រីមាសទី២ឆ្នាំនេះ រហូតដល់៦១.៩% បើប្រៀបធៀងនឹងការធ្លាក់ចុះ១៥.​៩%​កាល​ពីត្រីមាសទី១នៃឆ្នាំដដែលនេះ ខណៈដែលការនាំចេញផលិតផលក្នុងស្រុក ដែលមិនមែនជាគ្រឿងអេឡិចត្រូនិក បានធ្លាក់ចុះ៥.៤% ក្នុងរយៈពេលជាងមួយឆមាសកន្លងមកនេះ ៕...

មនុស្សជាង១០០នាក់បានបាត់បង់ជីវិត និងជាង១០០នាក់ផ្សេងទៀតបានបាត់ខ្លួន រួមទាំងមនុស្សប្រមាណជាង៤០០០នាក់បានរងរបួស ក្នុងឧបទ្ទវហេតុផ្ទុះឃ្លាំងស្តុកសារធាតុគីមីចំនួន២កន្លែង ក្នុងបរិមាណប្រហែល២៧៥០តោន នៅតំបន់កំពង់ផែនក្នុងទីក្រុង បេរូត ប្រទេសលីបង់ កាលពីល្ងាចថ្ងៃអង្គារ ទី៤ ខែសីហានេះ ដែលនេះបើយោងតាម CNN ។ នៅព្រឹកថ្ងៃពុធនេះ លោក Michel Aoun ប្រធានាធិបតីរបស់ប្រទេសនេះបានប្រកាសដាក់ប្រទេសក្នុងគ្រាអាសន្ន និងបានអំពាវនាវដល់ឧត្តមក្រុមប្រឹក្សាការពារជាតិអោយបើកកិច្ចប្រជុំជាបន្ទាន់ ដើម្បីគ្រប់គ្រងភាពចលាចលបន្ទាប់ពីផ្ទុះឃ្លាំងស្តុកសារធាតុគីមីនេះ ។ សូមបញ្ជាក់ជូនថា មូលហេតុសំខាន់ដែលនាំអោយមានការផ្ទុះឃ្លាំងស្តុកសារធាតុគីមីនេះ មិនទាន់ត្រូវបានបង្ហាញអោយបានជាក់ច្បាស់នោះទេ ដោយរង់ចាំការស៊ើបអង្កេតពីកងកម្លាំងប៉ូលីសជំនាញសិន ៕...

ស្ថាប័នគយរបស់ប្រទេសកូរ៉េខាងត្បូង បានបង្ហាញទិន្នន័យមួយនៅថ្ងៃអង្គារ ទី១១ ខែសីហានេះ អំពីការធ្លាក់ចុះនូវការនាំចេញរបស់ប្រទេសនេះរហូតដល់២៤%ក្នុងរយៈពេល១០ថ្ងៃនៃខែសីហា ឆ្នាំ២០២០នេះ ដែលជាការធ្លាក់ចុះទាបបំផុត ដែលនេះបើតាមការចុះផ្សាយរបស់ទីភ្នាក់ងារព័ត៌​មានកូរ៉េខាងត្បូង Yonhap ។ ទិន្នន័យពីស្ថាប័នគយដដែលបានបន្តថា ប្រទេសនេះទទួលបានប្រាក់ចំណូលប្រមាណ៨.៧ពាន់លានដុល្លារអាមេរិកពីការដឹកជញ្ជូនក្រៅប្រទេសក្នុងរយៈពេលដូចគ្នានេះ ដែលជាប្រាក់ចំណូលទាប បើប្រៀបធៀបនឹងប្រាក់ចំណូលប្រមាណ១១.៤ពាន់លានដុល្លារអាមេរិក ក្នុងរយៈពេលដូចគ្នាកាលពីឆ្នាំ២០១៩កន្លងទៅ ។ ការនាំចេញប្រចាំថ្ងៃជាមធ្យមក្នុងរយៈពេល១០ថ្ងៃនៃខែសីហានេះ បានធ្លាក់ចុះ១៣% ដែលមានចំនួនទឹកប្រាក់ប្រមាណ១.២៥ពាន់លានដុល្លារពីទឹកប្រាក់ប្រមាណ១.៤៣ពាន់លានដុល្លារ ដែលប្រទេសនេះទទួលបានក្នុងរយៈពេល១ថ្ងៃពីការនាំចេញ ៕...

លោក អេម៉ានូអែល ម៉ាក្រុង (Emmanuel Macron) ប្រធានាធិបតីរបស់ប្រទេសបារាំង បានប្រមូលជំនួយជាទឹកប្រាក់ប្រមាណជាង៣០០លានដុល្លារអាមេរិក យកទៅជួយប្រទេសលីបង់ ដែលបានរងគ្រោះដោយសារការផ្ទុះឃ្លាំងស្តុកសារធាតុគីមីនៅទីក្រុង បេរូត កាលពីថ្ងៃអង្គារ សប្តាហ៍មុន ដែលនេះបើតាមការចុះផ្សាយរបស់ CNN ។ ការប្រមូលប្រាក់ជំនួយរបស់លោក ម៉ាក្រុង ត្រូវបានធ្វើឡើងក្នុងកិច្ចប្រជុំមួយ ដែលរៀបចំឡើងដោយប្រធានាធិបតីបារាំងរូបនេះតាម Video conference ដោយមានការចូលរួមពីប្រទេសចំនួន១៥ប្រទេសនៅជុំវិញពិភពលោក រួមទាំងអង្គការសហប្រជាជាតិផងដែរ ។ ក្រុមជំនាញផ្នែកសេដ្ឋកិច្ចបានប៉ាន់ប្រមាណថា ការផ្ទុះឃ្លាំងស្តុកសាធាតុគីមីទម្ងន់ជាង២៧៥០តោន នៅទីក្រុងបេរូត ប្រទេសលីបង់ អាចបណ្តាលអោយខូចខាតក្នុងតម្លៃទឹកប្រាក់ប្រមាណជាង១៥ពាន់លានដុល្លារអាមេរិក ដែលធ្វើអោយប៉ះពាល់កាន់តែធ្ងន់ធ្ងរដល់ប្រជាពលរដ្ឋលីបង់ ដែលកំពុងមានវិបត្តិសេដ្ឋកិច្ចស្រាប់ ៕...

ប្រព័ន្ធផ្សព្វផ្សាយ Japan Today បានចុះផ្សាយថា ក្នុងរយៈពេល៦ខែចាប់ពីខែមករារហូតដល់ខែមិថុនា ឆ្នាំ២០២០នេះ ក្រុមហ៊ុនរបស់ប្រទេសជប៉ុនប្រមាណជាង៧៨០ក្រុមហ៊ុន បានប្រកាសក្ស័យធនជាបន្តបន្ទាប់ ដោយសារការឆ្លងរាលដាលវីរុសCovid-19នៅក្នុងប្រទេសនេះ និងនៅជុំវិញពិភពលោក ។ ប្រភពដដែលបានបន្តថា មូលហេតុដែលនាំអោយក្រុមហ៊ុនទាំងជាង២៤០ប្រកាសក្ស័យធន គឺដោយសារចរន្តការងាររបស់ក្រុមហ៊ុនទាំងនោះមិនដំណើរការអស់រយៈពេលជាច្រើនខែរហូតដល់៦ខែ ខណៈដែលរដ្ឋាភិបាលជប៉ុន បានប្រកាសបិទសេដ្ឋកិច្ច រួមទាំងដាក់ប្រទេសក្នុងគ្រាអាសន្ន ដែលបណ្តាលអោយដំណើរការក្រុមហ៊ុនត្រូវជាប់គាំង ។ លោក ស៊ីនហ្សូ អាបេ នាយករដ្ឋមន្ត្រីរបស់ប្រទេសជប៉ុន បានផ្តល់កញ្ចប់ថវិកាជាទឹកប្រាក់រាប់សិបពាន់លានដុល្លារអាមេរិក ដើម្បីជួយស្រោចស្រង់ និងជួយសង្គ្រោះក្រុមហ៊ុនខ្នាតតូចនិងមធ្យមនៅក្នុងប្រទេសនេះ កុំអោយក្ស័យធនដោយសារការឆ្លងរាលដាលវីរុសCovid-19 ប៉ុន្តែរដ្ឋា​ភិបាលមិនអាចជួយបានដោយសាររយៈពេលយូរខែពេក ...

លោកប្រធានាធិបតី Donald Trump ប្រឈមមុខនឹងបញ្ហាប្រឈមមួយទៀតហើយនោះគឺជាការផ្ទុះឡើងនៃ bacterial disease ហៅថា salmonella ដែលត្រូវបានផ្សារភ្ជាប់ជាមួយនឹងខ្ទឹមបារាំងដែលកំពុងតែរីករាលដាលប្រមាណ ៤៣ រដ្ឋ។ អាមេរិកមិនដែលមានឆ្នាំណាល្អនោះទេ តាំងតែពីលោក Trump មកបង្ហូរភក់ក្បាប់ (drain the swamp) នៅ Washington DC, តែឥឡូវនេះវាមើលទៅដូចជាគាត់កំពុងត្រូវបានលង់ក្នុងភក់ក្បាប់ទៅវិញ។ អាមេរិកមិនអស្ចារ្យដូចប្រធានាធិបតី Trump ធ្លាប់ចង់ធ្វើនោះទេ - សំណាងល្អមិននៅខាងគាត់ទេពីព្រោះរាល់ការធ្វើជំនួញរបស់រដ្ឋាភិបាល Trump, គឺធ្វើដើម្បី Trump មិនមែនធ្វើដើម្បីប្រជាជនទូទៅនោះទេ។...

អាជ្ញាធរស្ថិតិហ្វីលីពីន (Philippine Statistics Authority) បាននិយាយនៅថ្ងៃព្រហស្បតិ៍ ទី៦ ខែសីហានេះថា កំណើនសេដ្ឋកិច្ចរបស់ប្រទេសនេះ បានធ្លាក់ចុះទាបជាងការរំពឹងទុក នៅត្រីមាសទី២នៃឆ្នាំ២០២០នេះ ដោយសារវិធានការបិទប្រទេសរបស់រដ្ឋាភិបាល ក្នុងវិធានការទប់ស្កាត់ការឆ្លងរាលដាលវីរុសCovid-19 ដែលនេះបើតាមការចុះផ្សាយរបស់ CNA ។ ប្រភពដដែលបានបន្តថា ផលិតផលក្នុងស្រុកសរុប (GDP) ក្នុងប្រទេសនៅតំបន់អាស៊ីអាគ្នេយ៍មួយនេះ បានធ្លាក់ចុះ១៦.៥%ក្នុងរយៈពេល៣ខែនៅចន្លោះពីខែមេសារហូតដល់ខែមិថុនា លើ GDP ដែលធ្លាក់ចុះស្រាប់កាលពីត្រីមាសទី១ក្នុងចន្លោះពីខែមករារហូតដល់ខែមីនាឆ្នាំ២០២០ដដែលនេះ ។ ការឆ្លងរាលដាលវីរុសCovid-19នៅជុំវិញពិភពលោក និងនៅក្នុងប្រទេសហ្វីលីពីន គឺជាប្រភពសំខាន់បំផុត ដែលនាំអោយកំណើនសេដ្ឋកិច្ចហ្វីលីពីន បានធ្លាក់ចុះទៅក្នុងកម្រិតទាបបំផុត ស្របពេលដែលរដ្ឋាភិបាលបានប្រកាសបិទប្រទេស រួមទាំងបិទសេដ្ឋកិច្ចផងដែរ ៕...