ព័ត៌មានជាតិ

- សាលាអន្តរជាតិ ជីង ម៉ី ហ័រ ផ្តល់អាហារូបករណ៍ ៥០% រយៈពេល ៣ឆ្នាំ សម្រាប់ សិស្សចុះឈ្មោះ ៥០ដំបូង។ - 金美华国际学校在3年内为前50名学生提供50%的奖学金 - JIN MEI HUA INTERNATIONAL ACADEMY offered 50% in 3 years scholarship for the first 50 students. - Tel: 015 717 007 /078 717 007 /060 717 007 - Facebook Page: JIN MEI HUA INTERNATIONAL ACADEMY https://www.youtube.com/watch?v=ZdTtPV-PT1A&feature=youtu.be&fbclid=IwAR1RG1ON3AX3A_veFLMjT64ww5U0c-jytj_AfWSbJSIJOx90Cx9tSg6aXgc

ភ្នំពេញ៖ លោកស្រីកិត្តិសង្គហបណ្ឌិត ម៉ែន សំអន អំពាវនាវឲ្យពុទ្ធបរិស័ទ្ធ ត្រូវបន្តរក្សាការប្រុង ប្រយ័ត្នខ្ពស់ក្នុងការបង្ការ និងការពារនូវការឆ្លងរីករាលដាលនៃជំងឺកូវីដ.១៩ ក្នុងឱកាសបុណ្យភ្ជុំបិណ្ឌនេះ ។ លោកស្រីកិត្ដិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្រ្ដីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានក្រុមការងាររាជរដ្ឋាភិបាល ចុះជួយរាជធានីភ្នំពេញ បានអំពាវនាវបែបនេះ ខណៈ លោកជំទាវ បានអញ្ជើញចូលរួមពិធីរាប់បាត្រ ដាឆ្លងបុណ្យកាន់បិណ្ឌវេណទី៦ និងបាននាំយកទេយ្យវត្ថុ និងថវិកាទៅប្រគេនដល់ព្រះសង្ឃ នៅវត្តចំនួន៥ គឺវត្តមុន្នីប្រសិទ្ធិវង្ស វត្តអង្គសិរីសួស្តី វត្តច័ន្ទបុរីវង្ស វត្តសុវណ្ណវារី និងវត្តមហានន្ទិយនេរញ្ចរារាមនិវេទ ឬ(វត្តព្រែកប្រាំង) ដែលស្ថិតនៅតាមបណ្តោយផ្លូវជាតិលេខ ៥ នៃខេត្តកណ្តាល និងរាជធានីភ្នំពេញ នាព្រឹកថ្ងៃអង្គារ ៦រោច ខែភទ្របទ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី៨ ខែកញ្ញា ...

សារទាំងស្រុងរបស់សម្តេចតេជោ៖ ក្នុងដំណាក់កាលទី២ នៃបើកសាលារៀនឡើងវិញនេះ ខ្ញុំសូមអំពាវនាវដល់គណៈគ្រប់គ្រង លោកគ្រូ អ្នកគ្រូ និងសិស្សានុសិស្សទាំងអស់ សូមប្រ​កាន់ភ្ជាប់នូវការអនុវត្តវិធានការពារសុវត្ថិភាពសុខភាពជានិច្ច ដើម្បីការពារការចម្លងជំងឺកូវីដ១៩ទាំងអស់គ្នា ជាពិសេសបន្តបង្ហាត់បង្រៀន​សិស្សដោយឧស្សាហ៍ដុសលាងសម្អាតដៃជាមួយសាប៊ូ ចឹល ទឹកអាល់កុល និងពាក់ម៉ាស ឲ្យបានញឹកញាប់ ហើយអនុវត្តទៅតាមការណែនាំរបស់ក្រសួងសុខាភិបាល។ សូមថ្លែងអំណរគុណដល់គណៈគ្រប់គ្រងគ្រឹះស្ថានសិក្សារដ្ឋ និងឯកជនទាំងអស់ ដែលចូលរួមជាមួយរាជរដ្ឋាភិបាលក្នុងការប្រយុទ្ធប្រឆាំងនឹងជំងឺកូវីដ១៩ ឲ្យធានាបាននូវសុវត្ថិភាព ដល់សិស្សានុសិស្ស បុគ្គលិកអប់រំ មាតាបិតា ក៏ដូចជាសហគមន៍ទាំងមូល៕...

ស្វាយរៀង៖ លោកស្រី​​កិត្ដិសង្គហបណ្ឌិត ម៉ែន សំអន រាជរដ្ឋាភិបាលកម្ពុជា នូវតែផ្ដល់ការលើកទឹកចិត្ដ ដល់បងប្អូន អតីតយុទ្ធជនកម្ពុជា នូវទូទាំងប្រទេស ទោះបីបងប្អូនបាត់បង់សមត្ថភាពយ៉ាងណាក៏ដោយគឺ រាជរដ្ឋាភិបាលនូវតែបន្ដជួយជ្រោមជ្រែងផ្នែកជីវភាព គ្រួសារជានិច្ច ។ លោកស្រី​​ឧបនាយករដ្ឋមន្ត្រី រដ្ឋមន្រ្ដីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច បានបញ្ជាក់បែបនេះ នៅក្នុងពិធី ចុះសួរសុខទុក្ខ និងសំណេះសំណាលជាមួយអតីតយុទ្ធជនកម្ពុជាចំនួន៤០០គ្រួសារ រស់នៅក្នុងភូមិជីកដី ឃុំអណ្ដូងត្របែក ស្រុករមាសហែក ខេត្ដ ស្វាយរៀង នាព្រឹកថ្ងៃទីចន្ទ៥រោច ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៧ ខែកញ្ញា ឆ្នាំ២០២០ ។ ក្នុងឱកាសនោះ លោកស្រី​​ក៏បានពាំនាំការផ្តាំផ្ញើសួរសុខទុក្ខពីសំណាក់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដី នៃព្រះរាជាណចក្រកម្ពុជា និងសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្...

កំពង់ចាម៖ លោក អ៊ុន ចាន់ដា អភិបាលខេត្តកំពង់ចាម បានលើកឡើងអំពីបញ្ហាផ្សារទាំងពីរនេះ ក្នុងកិច្ចប្រជុំសាមញ្ញលើកទី១៦ អាណត្តិទី៣ របស់ក្រុមប្រឹក្សាខេត្តកំពង់ចាម នៅព្រឹកថ្ងៃទី៧ ខែកញ្ញា ឆ្នាំ២០២០ ដើម្បីពិភាក្សារកដំណោះស្រាយរួមគ្នា។ លោកបានលើកឡើងនៅក្នុងអង្គប្រជុំថា «ដោយមានការគាំទ្រពីក្រុមប្រឹក្សាខេត្ត យើងមិនខ្លាចនឹងធ្វើនោះទេ» ហើយបញ្ហាសណ្តាប់ធ្នាប់នៅផ្សារផ្អាវ ស្រុកបាធាយ និងនៅផ្សារព្រែកដំបូក ស្រុកស្រីសន្ធរ ក្រោយពីដោះស្រាយហើយ អភិបាលស្រុកត្រូវទទួលខុសត្រូវ។ លោកអភិបាលបានលើកឡើងទៀតថា «បើសិនជាសណ្ដាប់ធ្នាប់នៅផ្សារផ្អាវ ស្រុកបាធាយ វិលមករកភាពដើមវិញ ធ្វើឲ្យមានការកកស្ទះដល់ការធ្វើចរាចរណ៍របស់ប្រជាពលរដ្ឋ និងមានការលក់ដូរតាមចិញ្ចើមផ្លូវដូចកាលពីមុន អភិបាលស្រុកជាអ្នកទទួលខុសត្រូវមុនគេ ពីព្រោះគណៈកម្មការខេត្តបានដោះស្រាយបញ្ហាធំៗបានសម្រេច១០០ភាគរយហើយ នៅសល់តែបញ្ហាតិចតួច ប្រគល់ឲ្យគណៈកម្មការស្រុក អនុវត្តបន្ត»។ ចំណែកឯផ្សារព...

កំពង់ចាម៖ នារសៀល ថ្ងៃទី៥ ខែកញ្ញា ឆ្នាំ២០២០ លោក អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអនុញ្ញាតឲ្យលោក ហ៊ូ ជៀនហៃ (HU JIANHAI) ប្រធានក្រុមហ៊ុន ជេសាន ចូលជួបសម្តែងការគួរសម និងពិភាក្សាការងារ ពាក់ព័ន្ធលើវិស័យអប់រំ ក្នុងខេត្តកំពង់ចាម។  ក្រោយបញ្ចប់ជំនួប និងកិច្ចពិភាក្សាការងារ ប្រកបដោយភាពស្និទ្ធស្នាល លោកអភិបាលខេត្ត និងសហការី បានអមដំណើរភ្ញៀវដោយផ្ទាល់ អញ្ជើញចុះពិនិត្យ សិក្សាទីតាំងសាលាបឋមសិក្សា និងអនុវិទ្យាល័យស្រក ស្ថិតនៅក្នុងឃុំស្រក ស្រុកកំពង់សៀម ខេត្តកំពង់ចាមដែលកំពុងខ្វះអគារសិក្សា។ ក្រោយការពិនិត្យ សិក្សារួច លោកប្រធានក្រុមហ៊ុន ជេសាន បានសម្រេចជួយកសាងអគារសិក្សា០១ខ្នង មាន០៦បន្ទប់ និងបំពាក់សូឡាប្រើដោយថាមពលព្រះអាទិត្យទំហំទទឹង១០ម៉ែត្រ បណ្តោយ៥០ម៉ែត្រ រួមនឹងសម្ភារៈបរិក្ខារចំនួនទៀត៕...

លោកឧកញ៉ាឡូវ ហ៊ឺង ទីប្រឹក្សាសម្តេចអគ្គមហាសេនាបតីតេជោ ហ៊ុន សែន លោកឧកញ៉ា អែល សារ៉ុម អគ្គនាយកក្រុមហ៊ុន K E P GROUP និង លោក ប៊ុន វុត្ថា និងភរិយា អគ្គនាយកក្រុមហ៊ុន S-Auto  លោកឧកញ៉ា ប៊ុន រតនា អគ្គនាយក S-Auto និងលោកជំទាវ បានអញ្ជេីញចូលរួមពិធី ដាក់សម្ពោធអោយប្រេីប្រាស់អគារអនុសាខាកាកបាទក្រហមស្រុកស្រីសន្ធរខេត្តកំពង់ចាម។ ក្រោមការយកចិត្តទុកដាក់ដ៏ខ្ពង់ខ្ពស់ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន កាកបាទ ក្រហមកម្ពុជា ចំពោះប្រជាពលរដ្ឋគ្រប់ស្រទាប់វណ្ណៈ ពិសេស ប្រជាពលរដ្ឋដែលរងគ្រោះ និង ងាយរងគ្រោះ អនុសាខាកាកបាទក្រហមស្រុកស្រីសន្ធរ បានកសាងអាគារមួយខ្នង និងដាក់សម្ភោធឲ្យ ប្រើប្រាស់ជាផ្លូវការនាពេលកន្លងទៅថ្មីៗនេះ។ លោកឧកញ៉ា ឡូវ ហ៊ឺង ទីប្រឹក្សាសម្តេចអគ្គមហាសេនាបតីតេជោ ហ៊ុន សែន  និង លោកឧកញ៉ា ប៊ុន រតនា អគ្គនាយក S-Auto និងបានមានប្រសាសន៍ថា អគារអនុសាខាកាកបាទក្រហមនេះ ពិតជាមាន សារៈសំខាន់ ណាស់សម្រាប់ក្រុ...

កំពង់ចាម៖ នៅរសៀលថ្ងៃទី០៣ ខែកញ្ញា ឆ្នាំ២០២០ លោក អ៊ុន ចាន់ដា អភិបាលនៃគណៈអភិបាលខេត្ត និងជាប្រធានគណៈកម្មការខេត្តប្រយុទ្ធប្រឆាំង និងជំងឺកូវីដ-១៩ខេត្តកំពង់ចាម បានទទួលជួបពិភាក្សាការងារ ជាមួយប្រតិភូក្រសួងសុខាភិបាល និងមកពីអង្កការសុខភាពពិភពលោក ដឹកនាំដោយលោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាអ្នកនាំពាក្យក្រសួងសុខាភិបាល និងលោកស្រីវេជ្ជបណ្ឌិត Li Ailan ប្រធានអង្គការសុខភាពពិភពលោកប្រចាំប្រទេសកម្ពុជា។ ក្នុងជំនួបពិភាក្សានេះ មានការអញ្ជើញចូលរួមពីសំណាក់ អភិបាលរងខេត្ត មន្ទីរសុខាភិបាលខេត្ត មន្ទីរធម្មការ និងសាសនាខេត្ត ព្រមទាំងអ្នកពាក់ព័ន្ធមួយចំនួននៅសាលប្រជុំសាលាខេត្ត។ គោលបំណងនៃដំណើរទស្សនកិច្ចរបស់ប្រតិភូក្រសួងសុខាភិបាល គឺដើម្បីពិនិត្យ វាយតម្លៃលើការគ្រប់គ្រង និងការអនុវត្តវិធានការការពារ និងការទប់ស្កាត់ការរីករាលដាលនៃជំងឺកូវីដ-១៩ ក្នុងខេត្តកំពង់ចាម។  លោកស្រីវេជ្ជបណ្ឌិត ឱ វណ្ណឌីន បានផ្ដ...