ព័ត៌មានជាតិ

(ភ្នំពេញ)៖ ក្រុមប្រឹក្សារាជធានីភ្នំពេញ បានស្នើឲ្យរដ្ឋបាលរាជធានីភ្នំពេញ មានវិធានការពិនិត្យមើលសុច្ចរិតភាពរបស់មជ្ឍមណ្ឌលឯកជនបន្សាបអ្នកញៀនគ្រឿងញៀន នៅក្នុងរាជធានីភ្នំពេញ។ ការស្នើឡើងរបស់ក្រុមប្រឹក្សារាជធានីភ្នំពេញបែបនេះបានធ្វើឡើង កាលពីព្រឹកថ្ងៃទី១២ ខែឧសភា ឆ្នាំ២០២០ នៅក្នុងកិច្ចប្រជុំសាមញ្ញលើកទី១២ របស់ក្រុមប្រឹក្សារាជធានីភ្នំពេញ នៅសាលារាជធានីភ្នំពេញ។ សមាជិកក្រុមប្រឹក្សារាជធានីភ្នំពេញ បានស្នើឲ្យអាជ្ញាធរមានសមត្ថកិច្ចពាក់ព័ន្ធពិនិត្យមជ្ឈមណ្ឌលឯកជន សម្រាប់កែប្រែជនរងគ្រោះដោយគ្រឿងញៀន ក្រោយពីមានព័ត៌មានលេចឮថា មជ្ឈមណ្ឌលឯកជនទាំងនោះ តម្រូវឲ្យមានការបង់ថ្លៃច្រើន ដែលជាបន្ទុកដ៏ធ្ងន់ធ្ងររបស់អាណាព្យាបាលជនរងគ្រោះនោះ។ លោក ឃួង ស្រេង បានបញ្ជាក់ថា ពាក់ព័ន្ធនឹងមជ្ឈមណ្ឌលឯកជនសម្រាប់ការកែប្រែជនរងគ្រោះដោយគ្រឿងញៀន ហើយខាងមជ្ឈមណ្ឌលយកតម្លៃខ្ពស់នោះ គឺជាតម្លៃដែលអាណាព្យាបាល និង មជ្ឈមណ្ឌលឯកជននិយាយត្រូវគ្នាទៅនឹងការកំណត់តម្លៃ...

ទិន្នន័យផ្លូវការរបស់ក្រសួងសុខាភិបាលចំនួនអ្នកឆ្លង អ្នកជាសះស្បើយកូវីដ-១៩នៅព្រឹកថ្ងៃទី ១២ខែឧសភា ឆ្នាំ២០២០ នេះអ្នកជាសះស្បើយថ្មីចំនួន ១នាក់ហើយសរុបអ្នកជាសះស្បើយមានចំនួន ១២១នាក់។ អ្នកបន្តព្យាបាលកូវីដ-១៩មានចំនួន ១នាក់មិនមានបាត់បង់ជីវីតសរុបចំនួនអ្នកឆ្លងជម្ងឺកូវីដ-១៩ចាប់ពីខែមករា រហូតដល់បច្ចុប្បន្ននេះមានចំនួន ១២២នាក់។...

(ភ្នំពេញ)៖ នាវេលារសៀល ថ្ងៃទី១១ ខែឧសភា ឆ្នាំ២០២០នេះ ព្រះករុណាជាអម្ចាស់ ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត បានយាងនិវត្តន៍ពីប្រទេសចិន មកដល់កម្ពុជាវិញ ប្រកបដោយសុវត្ថិភាព។ ព្រះអង្គទាំងទ្វេសព្វព្រះរាជហឫទ័យស្តេចយាងមាតុភូមិនិវត្តន៍មកដល់ព្រះរាជាណាចក្រកម្ពុជា ប្រកបដោយព្រះរាជសុវត្ថិភាព តាមព្រះរាជទីនាំង យន្តហោះពិសេស ពីសាធារណរដ្ឋប្រជាមានិតចិន បន្ទាប់ពីស្តេចយាងគង់ប្រថាប់ ដើម្បីពិនិត្យ និងព្យាបាលព្រះរាជសុខភាព ក្នុងរដ្ឋធានីប៉េកាំង អ់រយៈពេលជាងមួយខែកន្លងទៅ។ ក្នុងឱកាសដ៏វិសេសវិសាលនេះ មានការយាង និងអញ្ជើញថ្វាយព្រះរាជបដិសណ្ឋារកិច្ចពីសំណាក់ព្រះរាជវង្សានុវង្ស ឥស្សរជនជាន់ខ្ពស់ និងថ្នាក់ដឹកនាំនៃរាជរដ្ឋាភិបាលកម្ពុជ...

(ភ្នំពេញ)៖ នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ បានបញ្ជាយ៉ាងដាច់ណាត់ មិនឲ្យមន្ដ្រី នគរបាលចរាចរណ៍ហៅ ឬឃាត់អ្នកបើកបរយានយន្ដគ្រប់ប្រភេទ ដើម្បីត្រួតពិនិត្យឯកសារផ្សេងៗនោះឡើយ លើកលែងតែមានអំពើល្មើសជាក់ស្ដែង ដែលមានកំណត់នៅក្នុងអនុក្រឹត្យថ្មីតែប៉ុណ្ណោះ។ នាយឧត្តមសេនីយ៍ ហ៉ឹម យ៉ាន អគ្គស្នងការរងនគរបាលជាតិ បានលើកឡើងពីបញ្ជាបែបនេះ ក្រោយបញ្ចប់កិច្ចប្រជុំផ្សព្វផ្សាយវិធានការពង្រឹងការអនុវត្តច្បាប់ ស្ដីពីចរាចរណ៍ផ្លូវគោក នៅព្រឹកថ្ងៃទី១១ ឧសភា ឆ្នាំ២០២០ នៅអគ្គស្នងការដ្ឋាននគរបាលជាតិ ដែលមានការចូលរួមពីអគ្គស្នងការរង ស្នងការរាជធានី-ខេត្ត, ស្នងការរងទទួលការងារចរាចរណ៍។   នាយឧត្តមសេនីយ៍ បានបញ្ជាក់ទៀតថា «ករណីនេះត្រូវបានការណែនាំពីឯកឧត្តម នាយឧត្តមសេនីយ៍ អគ្គស្នងការនគរបាលជាតិ យ៉ាងច្បាស់ ដោយអនុវត្តតាមអនុសាសន៍របស់សម្ដេចក្រឡាហោម ស ខេង គឺយានយន្ដទាំងអស់ ដែលត្រូវត្រួតពិនិត្យ គឺជាយានយន្ដ ដែលប្រព្រឹត្តល្មើស ហ...

(ភ្នំពេញ)៖ អង្គការអន្ដរជាតិប្រចាំកម្ពុជា បានឲ្យដឹង  កាលពីម្សិលមិញថា អ្នកវិទ្យាសាស្រ្ត បានអះអាងអំពីការរកឃើញជាថ្មីនូវប្រភេទខ្យងកម្រមួយប្រភេទ នៅក្នុងទឹកដីនៃព្រះ រាជាណាចក្រកម្ពុជា។ តាមសេចក្ដីព័ត៌មានបានឲ្យដឹងថា ខ្យងកម្រមួយប្រភេទនេះ វាមានឈ្មោះវិទ្យាសាស្រ្តថា Bertia camb ojiensis ដែលអាចត្រូវគេហៅថា ខ្យងដីយក្ស ដែលខ្យងមួយប្រភេទនេះ ត្រូវបានកត់ត្រាដំបូងនៅក្នុងប្រទេសកម្ពុជា តាំងតែពីឆ្នាំ១៨៦០ ដោយអ្នកវិទ្យាសាស្រ្តបរទេស ហើយបច្ចុប្បន្នត្រូវបានគេកត់ត្រានៅក្នុងបញ្ជីនៃសត្វ ដែលជិតផុតពូជ។  ប៉ុន្តែគេបានរកឃើញវត្តមានរបស់វាជាថ្មី នៅក្នុងស្រុកអូរាំង ខេត្តមណ្ឌលគីរី។ កន្លែងដែលរកឃើញវត្តមាននៃសត្វខ្យងកម្រប្រភេទនេះ គឺជាផ្នែកមួយនៃតំបន់ដែនជម្រកសត្វព្រៃកែវសីម៉ា ដែលជាកន្លែងអភិរក្សធម្មជាតិ៕  ...

លោកវេជ្ជបណ្ឌិត ម៉ម ប៊ុនហេង រដ្ឋមន្រ្តីក្រសួងសុខាភិបាល បានថ្លែងនៅថ្ងៃទី១១ឧសភានេះ​​ថា  រហូតមកដល់ពេលនេះ​ អ្នកជំងឺកូវីដ១៩ ដែលនៅសល់ ចំនួនពីរនាក់ចុងក្រោយគេ ដោយបច្ចុប្បន្នពួកគេទាំងពីរ ត្រូវបានផ្ទេរពីមន្ទីរពេទ្យថ្នាក់ខេត្តឲ្យមកសម្រាកព្យាបាលនៅមនន្ទីរពេទ្យខ្មែរ-សូវៀត នៅរាជធានីភ្នំពេញវិញនោះ ហើយបច្ចុប្បន្ននេះ​ ពួកគេមានសុខភាពល្អ នឹងឆាប់បានជាសះស្បើយ ចេញពីមន្ទីរពេទ្យ ក្នុងពេលឆាប់ៗនេះ ។ លោករដ្ឋមន្រ្តី​ អះអាងថា “ខ្ញុំព្រួយបារម្ភអំពីសុខភាពទាំងពីរនាក់នេះ ដូច្នេះខ្ញុំបានណែនាំឲ្យប្រធានមន្ទីរសុខាភិបាលខេត្ត បន្ទាយមានជ័យនិងកំពង់ឆ្នាំង បញ្ជូនអ្នកជំងឺពីរនាក់នេះ មកកាន់មន្ទីរពេទ្យ មិត្តភាពខ្មែរ-សូវៀត មិនមែនបានសេចក្ដីថា នៅខាងនោះគេធ្វើអត់កើតទេ ប៉ុន្តែមន្ទីរពេទ្យមិត្តភាពខ្មែរសូវៀត គឺជាមន្ទីរពេទ្យមួយ ដែលមានអ្នកឯកទេសច្រើន ដូច្នេះគេអាចពិគ្រោះ គេអាចផ្ដល់យោបល់គ្នា ដើម្បីធ្វើការថែទាំសុខភាពជូនគាត់ ឲ្យបានឆាប់ជារហ័ស ឥឡូវឃើញថា...

សម្តេចតេជោហ៊ុន សែន និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ព្រមទាំងកូនបង្កើត កូនប្រសារ ចៅ និងចៅទួតទាំងអស់នៅថ្ងៃទី ១០ ខែឧសភា ឆ្នាំ២០២០នេះ បានរៀបចំពិធីបុណ្យទក្ខិណានុប្បទានគម្រប់ ៧ថ្ងៃ ឧទ្ទិសកុសលជូនដល់វិញ្ញាណក្ខន្ធ លោកយាយអ្នកឧកញ៉ាព្រឹទ្ធមហាឧបាសិកាធម្ម ញ្ញាណ វិវឌ្ឍនា ប៊ុន ស៊ាងលី ដែលបានទទួលមរណភាពកាលពីថ្ងៃទី៤ឧ ២០២០កន្លងទៅថ្មីៗនេះដោយជរាពាធ។ នៅក្នុងពិធីបុណ្យគម្រប់៧ថ្ងៃថ្ងៃនេះ គឺមានវត្តមានសម្តេចព្រះរាជាគណះទាំង៩អង្គ ព្រះសង្ឃ ៩៦អង្គ និងវត្តមានមន្រ្តីរាជរដ្ឋាភិបាល សមាជិករដ្ឋសភា និងវត្តមាន បងប្អូនប្រជាពលរដ្ឋដែលគោរពស្រឡាញ់ក្រុមគ្រសារសម្តេចទាំងទ្វេបាននិមន្តនិងអញ្ជើញចូលរួមយ៉ាងច្រើនកុះករដើម្បីឧទ្ទិសបញ្ញកុសលជូនដល់វិញ្ញាណក្ខន្ធលោកយាយ អ្នកឧកញ៉ាព្រឹទ្ធមហា ឧបាសិកា ធម្មញ្ញាណ វិវឌ្ឍនា ប៊ុន ស៊ាង លី ដែលបានទទួល មរណភាពទៅហើយបានទៅដល់ទីបរមសុខ។ នៅក្នុងពិធីសាសនានេះ គឺមានការប្រគេនយាគូ និង វេរភត្តាហារប្រគេនដល់...