ព័ត៌មានជាតិ

ភ្នំពេញ៖ លោកស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឲ្យដឹងថា តាមសិក្សាជំហានដំបូងដោយទីភ្នាក់ងារ JICA ផ្លូវល្បឿនលឿន ភ្នំពេញ-បាវិត នឹងត្រូវចំណាយថវិកាប្រមាណជាង ២ពាន់លានដុល្លារសហរដ្ឋអាមេរិក។ លោករដ្ឋមន្ត្រីក្រសួងសាធារណការ និងដឹកជញ្ជូន ឲ្យដឹងបែបនេះ ក្នុងពេលចុះពិនិត្យមើលស្ថានភាពកក ស្ទះចរាចរណ៍ផ្លូវជាតិលេខ១ ឋិតនៅច្រកទ្វារព្រំដែនអន្តរជាតិបាវិត ខេត្តស្វាយរៀង រវាង​កម្ពុជា និងវៀតណាម នៅថ្ងៃទី១៩ ខែធ្នូ ឆ្នាំ២០១៩។ លោកស៊ុន ចាន់ថុល បញ្ជាក់ថា គម្រោងផ្លូវល្បឿនលឿន ភ្នំពេញ-បាវិតនេះ ក្រសួងបានចុះហត្ថលេ​ខា​​លើកិច្ចព្រមព្រៀងក្របខណ្ឌជាមួយក្រុមហ៊ុនឯកជនរួចហើយដោយទុករយៈពេល១៨ខែ ដើម្បី​ឱ្យសិក្សាលម្អិត និងដាក់ជូនរាជរដ្ឋាភិបាលពិនិត្យ និងឈានទៅរកការចរចាកិច្ចព្រមព្រៀងសម្បទានរវាងរដ្ឋា ភិបាល និងក្រុមហ៊ុនឯកជន។ ផ្លូវល្បឿនលឿន គឺជាផ្លូវសម្រាប់យានយន្តធ្វើចរាចរណ៍ មានបែងចែកទ្រូងផ្លូវជាពីរ​ចំណែ​ក​​ខុសទិសគ្នា​ឬ​ចែ...

យោងតាមការស្ទង់មតិរបស់ Ipsos opinion poll ដែលត្រូវបានផ្សព្វផ្សាយតាម Reuters កាលពីថ្ងៃព្រហស្បតិ៍ ទី១៩ ខែធ្នូនេះ បានបង្ហាញថា ប្រជាពលរដ្ឋអាមេរិក ៤២% ចង់ឲ្យប្រធានាធិបតីរបស់សហ​រដ្ឋអាមេរិក លោក ដូណាល់ ត្រាំ ចាកចេញពីតំណែង ទៅតាមការចោទប្រកាន់របស់គណបក្សប្រជាធិប តេយ្យ ។ Ipsos opinion poll ក៏បានធ្វើការស្ទង់មតិប្រជាពលរដ្ឋផងដែរ ពាក់ព័ន្ធនឹងការចោទប្រកាន់លោក ត្រាំ ពីបទរំលោភអំណាច ដោយប្រជាពលរដ្ឋអាមេរិក ៥៣% យល់ថា លោក ត្រាំ ពិតជារំលោភអំណាចហួស ដែនកំណត់របស់ខ្លួន ទៅតាមការចោទប្រកាន់របស់គណបក្សប្រជាធិបតេយ្យមែន ។ ចំណុចមួយទៀត Ipsos opinion poll បានស្ទង់មតិប្រជាពលរដ្ឋលើសំនួរថាតើលោក ត្រាំ ពិតជាបានរារាំងរដ្ឋសភាមិនអោយចោទប្រកាន់រូបលោកមែនឫ? ការស្ទង់មតិបង្ហាញថា ប្រជាពលរដ្ឋអាមេរិក ៥១% យល់ថា លោក ត្រាំ ពិតជារារាំងរដ្ឋសភាមិនអោយចោទប្រកាន់ប្រធានាធិបតីរូបនេះមែន ។ សូមបញ្ជាក់ជូនថា កាលពីថ្ងៃពុធ ទី១៨ ខែធ្នូនេះ សមាជិករដ្ឋសភារបស់សហ...

លោក ហ្កៅ ហ្វឹង (Gao Feng) អ្នកនាំពាក្យក្រសួងពាណិជ្ជកម្មរបស់ប្រទេសចិន បានប្រកាសថា ក្រុមតំណាង ផ្នែកពាណិជ្ជកម្មចិន និងសហរដ្ឋអាមេរិក កំពុងភ្ជាប់ទំនាក់ទំនងគ្នា ក្នុងការចុះហត្ថលេខាលើកិច្ចព្រមព្រៀងពាណិជ្ជជំហ៊ានទី១ (Phase 1 deal) រវាងប្រទេសទាំងពីរ ។ នេះបើយោងតាមការចុះផ្សាយរបស់ ទីភ្នាក់ងារ Reuters នៅទី១៩ ខែធ្នូ ឆ្នាំ២០១៩នេះ។ លោក ហ្កៅ ហ្វឹង បានឲ្យដឹងថា កិច្ចព្រមព្រៀងពាណិជ្ជជំហ៊ានទី១រវាងចិន និងអាមេរិកត្រូវបានប្រកាសចាប់តាំងពីចុងសប្តាហ៍មុន ។ ប៉ុន្តែមេដឹកនាំនៃប្រទេសទាំងពីរមិនទាន់បានចុះហត្ថលេខានោះទេ ។ កិច្ចព្រមព្រៀងពាណិជ្ជជំហ៊ានទី១ចិន និងអាមេរិក គឺភាគីចិនបានព្រមព្រៀងបង្កើនការទិញទំនិញ និងសេវាកម្មពីសហរដ្ឋអាមេរិកក្នុងតម្លៃទឹកប្រាក់យ៉ាងហោចណាស់២០០ពាន់លានដុល្លារក្នុងមួយឆ្នាំ និងបង្កើនការទិញផលិតផលកសិកម្មក្នុងតម្លៃទឹកប្រាក់៤០ពាន់លានដុល្លារបន្ថែមទៀត លើទឹកប្រាក់ ២៤ពាន់លានដុល្លារ ដែលចិនបានទិញកាលពីឆ្នាំ២០១៧កន្ល...

​សភា​សហរដ្ឋអាមេរិក​បាន​បោះឆ្នោត ​ដើម្បី​ឈាន​ទៅ​រក​ការចោទប្រកាន់​ទម្លាក់​តំណែង​លោក​ប្រធានា ធិបតីដូណាល់ ត្រាំ Donald Trump ក្នុង​ការ​បោះឆ្នោត​ទាំង​យប់​ជា​ប្រវត្តិសាស្ត្រ ដែល​ធ្វើ​ឲ្យ​តំណាង​រាស្ត្រ​​ទាំង​២ ​គណបក្ស​បែកបាក់​គ្នា​។ នៅ​ក្នុង​ការបោះឆ្នោត​ជា​លើកដំបូង​នៃ​គណបក្ស​ទាំង​២ សមាជិក​សភា​ត្រូវ​បាន​ផ្ដល់​រយៈពេល​ឲ្យ​ត្រឹម ​១៥​នាទី​ដើម្បី​បោះឆ្នោត​លើ​មាត្រា​ចោទប្រកាន់​ពី​បទ​លោកត្រាំ រំលោភ​អំណាច​ ។ ​បន្ទាប់ពី​​ជជែក​ដេញដោល​ក្នុង​រយៈពេល​មួយថ្ងៃ​មក​ ប្រធាន​សភា​របស់​គណបក្ស​ប្រជា​ធិប​តេយ្យ​ លោកស្រី Nancy Pelosi បាន​ប្រកាស​ថា ​សមាជិក​សភា​កំពុង​បង្កើន​ការពារ​លទ្ធិ​ប្រជា​ធិប​តេយ្យ​ ។ ប៉ុន្តែ​លោក ត្រាំ បាន​ទទូច​ថា ​ពួកគេ​ពិតជា​បាន​ប្រព្រឹត្ត​ឧក្រិដ្ឋ​ ដោយ​ការ​វាយ​ប្រហារ​ទៅ​លើ​សហរដ្ឋអាមេរិក​ខ្លួនឯង ។ សូមបញ្ជាក់ថា លោក ​ត្រាំ នឹង​ក្លាយ​ជា​ប្រធានាធិបតី​អាមេរិក​ទី៣ ដែល​ត្រូវ​បាន​គេ​ចោទប្រកាន់​។ ប្រសិនបើ...

សមាជិកព្រឹទ្ធសភារបស់សហរដ្ឋអាមេរិក បានសម្រេចដាក់ទណ្ឌកម្មលើក្រុមហ៊ុនមួយ ចំនួនរបស់ប្រទេស អាល្លឺម៉ង់ ដែលជាប់ពាក់ព័ន្ធជាមួយនឹងគម្រោងតភ្ជាប់បំពង់បង្ហូរឧស្ម័ន ណត ស្ទ្រីមធូ (Nord Stream 2) ពីប្រទេសរុស្ស៊ីទៅកាន់អាល្លឺម៉ង់ ​។​ នេះយោងតាមការចុះ ផ្សាយរបស់ RT ។ ទណ្ឌកម្មអាមេរិកត្រូវបានធ្វើឡើងជាការឆ្លើយតបទៅអាល្លឺម៉ង់ ដែលបានចុះកិច្ចព្រម ព្រៀងជាមួយរុស្ស៊ីក្នុងការតភ្ជាប់បំពង់បង្ហូរឧស្ម័ន Nord Stream 2 ពីរុស្ស៊ីទៅអាល្លឺម៉ង់ ដែល រុស្ស៊ីអាចបង្ហូរឧស្ម័នប្រមាណជាង៥៥ពាន់លានម៉ែត្រគូបក្នុងមួយឆ្នាំតាមបំពង់បង្ហូរឧស្ម័ន Nord Stream 2 នេះទៅឲ្យអាល្លឺម៉ង់ ។ សូមបញ្ជាក់ថា គម្រោងតភ្ជាប់បំពង់បង្ហូរឧស្ម័ន Nord Stream 2 ពីរុស្ស៊ីទៅ អាល្លឺម៉ង់ ត្រូវបានចាប់ផ្តើម សាងសង់ចាប់តាំងពីដើមឆ្នាំ២០១៨ និងត្រូវបញ្ចប់នៅឆ្នាំ២០២០ ខាងមុខនេះ ដែល Nord Stream 2 នេះ មានប្រវែង ១២២២ គីឡូម៉ែត្រ ដោយតភ្ជាប់ពីរុស្ស៊ី កាត់តាមបាតសមុទ្រ បាល់ទិក (Baltic...

ភ្នំពេញ៖ លោកវេង សាខុន រដ្ឋមន្រ្តីក្រសួងកសិកម្មរុក្ខាប្រមាញ់ និងនេសាទ និងលោក MIKAMI Masahiro ឯកអគ្គរាជទូតជប៉ុនប្រចាំកម្ពុជា បានអញ្ជើញជាអធិបតីក្នុងកិច្ចសន្ទនាទ្វេភាគីកម្ពុជា-ជប៉ុនលើកទី៥ ស្ដីពី "ខ្សែច្រវាក់តម្លៃផលិតកម្មស្បៀង" កាលពីថ្ងៃទី១៨ ខែធ្នូ ឆ្នាំ២០១៩ ។ លោក MIKAMI- Masahiro ឯកអគ្គរាជទូតជប៉ុន បានមានចំណាប់អារម្មណ៍ចំពោះការរីកចម្រើនរបស់ប្រទេសកម្ពុជា ដែលគួរជាទីមោទនរបស់រាជរដ្ឋាភិបាល ក៏ដូច ជាប្រជាជនកម្ពុជា ។ លោកបានបញ្ជាក់ថា វិស័យកសិកម្មកម្ពុជាបានដើរតួនាទីយ៉ាងសំខាន់ក្នុងការចូលរួមចំណែកអភិវឌ្ឍប្រទេស កម្ពុជា ។  ដើម្បីឲ្យវិស័យនេះមានការរីកចម្រើនបន្ថែមទៀត ចាំបាច់ត្រូវជំរុញឲ្យបានសកម្ម និងមានប្រសិទ្ធភាពក្នុងការដោះស្រាយញ្ហាដែលកសិករកំពុងប្រឈម ដើម្បីលើកកម្ពស់ផលិតភាពផលិតកម្ម តម្លៃ បន្ថែម ជំរុញការកែច្នៃ វេចខ្ចប់ គុណភាព និងអនាម័យ ឈានឆ្ពោះទៅធ្វើការប្រកួតប្រជែងដើម្បីនាំចេញ។ លោកអគ្គរាជទូត សង្ឃឹមថា គ្រឹះក្ន...

ប្រព័ន្ធផ្សព្វផ្សាយ RT បានចុះផ្សាយថា អង្គការសហប្រជាជាតិបានបើកវេទិកាជាលើកដំបូង រយៈពេលពីរថ្ងៃ គឺនៅថ្ងៃអង្គារ និងថ្ងៃពុធ ទី១៨ ខែធ្នូនេះ នៅទីក្រុងសឺណែវ ប្រទេសស្វីស ស្តីពីវិបត្តិជនភៀសខ្លួននៅជុំវិញពិភពលោកសម្រាប់ឆ្នាំ២០១៩ និងឆ្នាំបន្ទាប់ទៀត ដែលចេះតែកើនឡើងជាលំដាប់ ។ ក្នុងវេទិកានេះ នាយករដ្ឋមន្ត្រីរបស់ប្រទេសប៉ាគិស្ថាន លោក អ៊ីមរ៉ាន់ ខាន់ (Imran Khan) បានព្រមាន ថា ប្រសិនបើមេដឹកនាំរបស់ប្រទេសឥណ្ឌា នៅតែប្រកាន់យកគោលនយោបាយថ្មី ក្នុងជម្លោះនៅតំបន់ កាស្មៀរ (Kashmir region) បន្តទៀត វិបត្តិជនភៀសខ្លួននៃប្រទេសទាំងពីរនឹងអាចកើតឡើងនៅពេលខាងមុខ ។ របាយការណ៍របស់អង្គការសហប្រជាជាតិបានបង្ហាញថា ជនភៀសខ្លួននៅជុំវិញពិភពលោកក្នុងឆ្នាំ ២០១៩នេះ បានកើនឡើងខ្ពស់បំផុតមិនធ្លាប់មានក្នុងបរិមាណជាង២៦លាននាក់ ក្នុងចំណោមជន បម្លាស់ទីសរុបប្រមាណជាង៧១លាននាក់ ដែលបានរត់ចេញពីប្រទេសកំណើតរបស់ខ្លួនដោយសារសង្គ្រាម ក្រីក្រ និងគ្រោះទុរ្ភិក្ស ៕ ...

ភ្នំពេញ៖ រដ្ឋមន្ត្រីក្រសួងពាណិជ្ជកម្មលោក ប៉ាន សូរស័ក្តិ បានបញ្ជាក់​ថា​ កិច្ចខិតខំប្រឹងប្រែងរបស់ក្រសួងពាណិជ្ជកម្ម ដើម្បីជំរុញការអភិវឌ្ឍកំណើនសេដ្ឋកិច្ចប្រកបដោយចីរភាព តាមរយៈការពង្រឹងសមត្ថភាពផលិត និងផ្គត់ផ្គង់របស់សហគ្រិនក្នុងស្រុក ការធ្វើពិពិធកម្មទីផ្សារនាំចេញក្នុងតំបន់ និងដៃគូអាស៊ាន ការចរចាបង្កើតតំបន់ពាណិជ្ជកម្មសេរីនានា ដំណាលគ្នានឹងការយកចិត្តទុកដាក់លើវិស័យកម្មសិទ្ធិបញ្ញា និងកិច្ចការពារអ្នកប្រើប្រាស់ ជាពិសេសបង្កើនប្រសិទ្ធភាពត្រួតពិនិត្យ និងបង្ក្រាបការក្លែងបន្លំទំនិញ និងសេវាកម្មគ្រប់ប្រភេទ។ លោករដ្ឋមន្ត្រី ក្រសួងពាណិជ្ជកម្ម បានលើកឡើងបែបនេះ ក្នុងឱកាសអញ្ជើញបើកសន្និបាតបូកសរុបការងារពាណិជ្ជកម្មឆ្នាំ២០១៩ និងទិសដៅអនុវត្តន៍ការងារពាណិជ្ជកម្មឆ្នាំ២០២០ កាលពីព្រឹកថ្ងៃទី១៨ ខែធ្នូ ឆ្នាំ២០១៩ នៅទីស្តីការក្រសួងពាណិជ្ជកម្ម ។ លោក ប៉ាន សូរស័ក្តិ បានបញ្ជាក់ថា ក្រសួងបានយកចិត្តទុកដាក់ ពង្រឹងសមត្ថភាពស្ថាប័ន តាមរយ...

ប្រធានាធិបតីរបស់ប្រទេសចិន លោក ស៊ី ជីនពីង បានប្រកាសដាក់ឲ្យប្រើប្រាស់ជាផ្លូវការនូវនាវាដឹកយន្តហោះចម្បាំងទី២របស់ខ្លួន ឈ្មោះ ហ្សានតុង (Shandong) ដែលនេះបើតាមការចុះផ្សាយរបស់ប្រព័ន្ធផ្សព្វផ្សាយ South China Morning Post ។ កាលពីថ្ងៃអង្គារ ទី១៧ ខែធ្នូ ឆ្នាំ២០១៩នេះ ។ ពិធីប្រគល់នាវាដឹកយន្តហោះចម្បាំងទី២ទៅឲ្យកងទ័ពជើងទឹកចិន ត្រូវបានធ្វើឡើងនៅមូលដ្ឋានកងទ័ពជើងទឹកចិន សាន់យ៉ា (Sanya) ដែលមានទីតាំងនៅភាគខាងត្បូងនៃកោះហៃណាន នៅក្នុងសមុទ្រចិនខាងត្បូង ដែលចិនកំពុងមានជម្លោះដណ្តើមកម្មសិទ្ធិដែនទឹកជាមួយប្រទេសវៀតណាម ព្រុយណេ ហ្វីលីពីន និងម៉ាឡេស៊ី ។ សូមរំលឹកជូនថា កាលពីឆ្នាំ២០១២កន្លងទៅ ប្រមុខដឹកនាំកំពូលរបស់ប្រទេសចិន បានប្រគល់នាវាដឹកយន្តហោះចម្បាំងចម្បាំងទី១ឈ្មោះ លីអៅនីង (Liaoning) ដែលជានាវាដឹកយន្តហោះចម្បាំងរបស់អតីតសហភាពសូវៀត ហើយចិនបានទិញពីប្រទេសអ៊ុយក្រែន និងយកទៅជួសជុលឡើងវិញ ប៉ុន្តែនាវាដឹកយន្តហោះចម្បាំងទី២របស់ចិន ហ្សានតុង ...

ធនាគាររបស់ប្រទេសអង់គ្លេស Bank of England បានចេញផ្សាយរបាយការណ៍មួយ នៅថ្ងៃអង្គារ ទី១៧ ខែធ្នូនេះ ស្តីពីស្ថិរភាពហិរញ្ញវត្ថុរបស់ធនាគារកណ្តាល (Central Bank’s Financial Stability Report) ដែលបង្ហាញថា ទីក្រុងហុងកុង បានខាតបង់ទឹកប្រាក់វិនិយោគ ប្រមាណជាង៥ពាន់លានដុល្លារអាមេរិក ដោយសារតែក្បួនបាតុ កម្មរបស់ប្រជាបាតុករ ដែលនេះបើតាមការចុះផ្សាយរបស់ CNN ។ របាយការណ៍បានឲ្យដឹងថា ក្បួនបាតុកម្មរបស់ក្រុមប្រជាបាតុករនៅទីក្រុងហុងកុង បានអូសបន្លាយអស់រយៈពេលជាង៦ខែហើយ ហើយក្នុងរយៈពេលនេះ លំហូរចូលទឹកប្រាក់សម្រាប់ទុនវិនិយោគជាង៥ពាន់លានដុល្លារអាមេរិក ស្មើនឹង១.២៥%នៃផលិត ផលសរុបក្នុងស្រុកត្រូវបានអាក់ខាន ដោយសារក្បួនបាតុកម្ម ។ របាយការណ៍របស់ធនាគាររបស់ប្រទេសអង់គ្លេស Bank of England ដដែលបានបន្តថា ក្បួនបាតុកម្មរបស់ក្រុមប្រជាបាតុករហុងកុង មិនត្រឹមតែបំផ្លាញលំហូរចូលទឹកប្រាក់សម្រាប់ទុនវិនិយោគ ជាង៥ពាន់លានដុល្លារអាមេរិកទេ ក្បួនបាតុកម្មនៅហុងកុ...