សង្គម និងកម្សាន្ត

ប្រទេសរុស្ស៊ី បានដាក់លក្ខខណ្ឌឲ្យអាមេរិកព្រមព្រៀងជាមុនសិន នូវការបំផ្លាញចោលនូវជើងទម្រសម្រាប់បាញ់មីស៊ីលតម្រង់គោលដៅ Tomahawk និងបំផ្លាញចោលផងដែរនូវយន្តហោះចម្បាំងគ្មានមនុស្សបើកបរ Attack drone មុននឹងវិលទៅរកការចរចាក្នុងសំណុំរឿងសន្ធិសញ្ញាអាវុធនុយក្លេអ៊ែរកម្លាំងមធ្យម Intermediate-Range Nuclear Forces Treaty ដែលហៅកាត់ថា INF ។ រឿងនេះ បានកើតឡើងដោយសារតែសហរដ្ឋអាមេរិកប្រកាសដកខ្លួនចេញពីសន្ធិសញ្ញា INF ជាមួយរុស្ស៊ីរយៈពេល៦ខែ ដើម្បីទុកពេលឲ្យរុស្ស៊ីកែខ្លួន និងចរចាគ្នាសារជាថ្មី ប៉ុន្តែមួយថ្ងៃក្រោយមកទៀត រុស្ស៊ីក៏ប្រកាសដកខ្លួនចេញពីសន្ធិសញ្ញានេះដែរ ដោយមិនមានកាលកំណត់នឹងវិលទៅវិញ ៕...

ក្នុងរយៈពេលជាងមួយសប្តាហ៍កន្លងមកនេះ ថ្នាក់ដឹកនាំរបស់ប្រទេសបារាំង និងអ៊ីតាលី បានចង្អុលមុខគ្នាទៅវិញទៅមក ដោយសារតែសំណុំរឿងរបស់ក្រុមបាតុករអាវកាក់លឿងនៅប្រទេសបារាំង ។ ថ្នាក់ដឹកនាំអ៊ីតាលី បានរីះគន់ប្រធានាធិបតីបារាំង លោក អេម៉ានូអែល ម៉ាក្រុង ពីបទប្រើដៃធ្ងន់ពេកក្នុងការបង្ក្រាបលើក្រុមបាតុករអាវកាក់លឿងនៅបារាំង ប៉ុន្តែថ្នាក់ដឹកនាំបារាំងបានរិះគន់មន្ត្រីអ៊ីតាលី ពីបទកេងយកចំណេញសន្លឹកឆ្នោតក្នុងការបោះឆ្នោតរបស់ខ្លួន ដោយយកបារាំងធ្វើជាប្រធានបទ ។ ប្រព័ន្ធផ្សព្វផ្សាយ CNN បានចុះផ្សាយថា ក្រសួងការបរទេសរបស់ប្រទេសបារាំង បានកោះហៅអគ្គរដ្ឋទូតរបស់ខ្លួនប្រចាំនៅប្រទេសអ៊ីតាលីមកពិគ្រោះយោបល់ ខណៈដែលបារាំង និងអ៊ីតាលី មានភាពតានតឹងខាងនយោបាយកាន់តែខ្លាំង ៕...

  ​ភ្នំពេញ៖ លោក ហង់​ជួន ណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា បានចេញ​សេចក្តីណែនាំ ស្តីពី វិធានការ​ទប់ស្កាត់​សកម្ម​ភាពមិន​ប​ប្រក្រតី ក្នុង​ទិវា​បុណ្យ​នៃ​ក្តី​ស្រឡាញ់ នៅតាម​គ្រឹះស្ថានសិក្សា​សាធារណៈ និង​ឯកជន​។ លោក​រដ្ឋមន្ត្រី បាន​ណែនាំ ៤​ចំណុច ដើម្បី​ពង្រឹង​ការអនុវត្ត​បទបញ្ជា​ផ្ទៃ ដែលជា​វិធានការ​ទប់ស្កាត់​សកម្ម​ភាពមិនប្រក្រតី ក្នុង​ទិវា​បុណ្យ​នៃ​ក្តី​ស្រឡាញ់ នៅតាម​គ្រឹះស្ថានសិក្សា​សាធារណៈ និង​ឯកជន​។​ ​សេចក្តីណែនាំ​របស់​រដ្ឋ​មន្ត្រី​ក្រសួង​អប់រំ យុវជន និង​កីឡា បានបញ្ជាក់ថា ជា​រៀងរាល់ឆ្នាំ នៅ​ថ្ងៃទី​១៤ ខែកុម្ភៈ ដែលជា​ទិវា​បុណ្យ​នៃ​ក្តី​ស្រឡាញ់ ( Valentine’s Day ) ជា​ឱកាស​មួយ​ធ្វើ​ឲ្យ​សិស្សានុសិស្ស​មួយចំនួន​យល់​ច្រឡំ​ថា បុណ្យ​នេះ ជា​ថ្ងៃបុណ្យ​សង្សារ ឬ​ជា​ថ្ងៃ​ណាត់ជួប​គ្នា​រវាង​គូស្នេហ៍​។ ទិវា​នេះ ពុំមែន​ជា​ពិធីបុណ្យ​ប្រពៃណី​របស់​ជ​ន​ជាតិខ្មែរ​យើង​ទេ ហើយ​នៅ​អំឡុង​ប៉ុន្មា...

ភ្នំពេញ​៖ មន្ត្រី​ក្រសួងទេសចរណ៍ បានឲ្យដឹងថា ក្នុងអំឡុងពេល​បុណ្យចូលឆ្នាំ​ចិន នៅ​ឆ្នាំនេះ  នៅ​ទូទាំងប្រទេស​កម្ពុជា ទទួលបាន​អ្នកទេសចរ កើនឡើង​ក្នុង​រង្វង់​ជាង ១០% បើ​ធៀប​នឹង​​បុណ្យចូលឆ្នាំ​ចិន កាលពី​ឆ្នាំមុន​។ លោក ទិ​ត្យ ចន្ថា រដ្ឋលេខាធិការ និង​ជា​អ្នកនាំពាក្យ​ក្រសួងទេសចរណ៍ មិនបាន​បញ្ជាក់​ពី​ចំនួន​អ្នកទេសចរ​ប៉ុន្មាន​នាក់នោះទេ ដែល​បាន​ដើរ​កម្សាន្ត​តាម​តំបន់​រមណីយដ្ឋាន​ទេសចរណ៍ នៅ​ទូទាំងប្រទេស​កម្ពុជា ក្នុងអំឡុងពិធីបុណ្យ​ចូលឆ្នាំ​ចិន​នេះ​ទេ ដោយ​លោក អះអាងថា មន្ត្រី​ជំនាញ កំពុង​បូកសរុប​។ ​លោក ទិ​ត្យ ចន្ថា បាន​បញ្ជាក់ថា “​កំណើន​អ្នកទេសចរ មាន​ច្រើនជាង​ឆ្នាំមុន​។ ដោយសារ​អី​? ដោយសារ​ហេ​ដ្ឋា​ន​រចនាសម្ព័ន្ធ​ល្អ ជាពិសេស​ទេសចរ​ក្នុងស្រុក គឺ​បងប្អូន​ប្រជាពលរដ្ឋ​យើង មាន​ចំណូល មាន​មធ្យោបាយ មាន​យានយន្ត មាន​ឡាន អាច​ទៅ​ទស្សនា​បាន​គ្រប់កន្លែង​បាន​ទាំងអស់នៅ ទូទាំងប្រទេស​។ អញ្ចឹង កើនឡើង​ប្រហែល​ជាង ១០%​។ ប៉ុន្...

ធិការក្រសួងធនធានទឹក និងឧតុនិយម  កាលពីថ្ងៃទី០៦ ខែកុម្ភៈ ឆ្នាំ២០១៩ បានសំណូមពរឲ្យលោកអភិបាលខេត្តបាត់ដំបង ធ្វើយ៉ាងណាជួយតាមដាន និងការពារទំនប់បង្វែរទឹក ដែលក្រុមការងារ បានរៀបចំកន្លងមក កុំឲ្យមានការបំផ្លាញ និងបង្វែរទឹកទៅទីកន្លែងផ្សេងៗ ឬប្រើប្រាស់ក្នុងគោលដៅផ្សេង ព្រោះថាទឹក ដែលក្រុមការងារបញ្ជូនមកពេលនេះ គឺសម្រាប់តែប្រើប្រាស់ក្នុងជីវភាពប្រចាំថ្ងៃរបស់ប្រជាពលរដ្ឋនៅក្នុងស្រុកមោងឫស្សី និងស្រុកគាស់ក្រឡតែប៉ុណ្ណោះ។ លោករដ្ឋលេខាធុការបានថ្លែងថា ក្នុងឱកាសធ្វើអន្តរាគមន៍បូមទឹក និងស្តារប្រឡាយ ដើម្បីនាំទឹកពីស្រុករតនៈមណ្ឌល ឲ្យប្រជាពលរដ្ឋប្រមាណ២៨.០០០គ្រួសារ ក្នុងស្រុកមោងឫស្សី និងស្រុកគាស់ក្រឡ ។ ក្នុងកិច្ចចុះអន្តរាគមន៍នេះដែរ លោក ងួន រតនៈ អភិបាលខេត្តបាត់ដំបង បានផ្តល់ប្រេងម៉ាស៊ូតចំនួន៥០០លីត្របន្ថែមទៀត ដល់រដ្ឋបាលស្រុកគាស់ក្រឡ សម្រាប់បូមទឹកបន្ត និងបានថ្លែងអំណរគុណទៅដល់លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម ដ...

​ភ្នំពេញ​ យោងតាមរបាយការណ៍​របស់​ប៉ូលិស​ចរាចរណ៍ បង្ហាញថា ក្នុងអំឡុងពេល​បុណ្យចូលឆ្នាំ​ចិន នៅ​ឆ្នាំនេះ​ចាប់ ពីថ្ងៃ​ទី​០៤ ដល់​ថ្ងៃទី​០៧ ខែកុម្ភៈ ឆ្នាំ​២០១៩ នៅ​ទូទាំងប្រទេស គ្រោះថ្នាក់​ចរាចរណ៍​ផ្លូវគោក បានកើត​ឡើង ៦៧​លើក បណ្តាល​ឲ្យ​ស្លាប់ ៣៦​នាក់ និង​របួស ៨៩​នាក់​។ ក្នុងចំណោម​អ្នកស្លាប់​ទាំង ៣៦​នាក់ មាន ២៩​នាក់ ជា​អ្នកធ្វើដំណើរ​តាម​ម៉ូតូ និង​មិន​ពាក់មួក​សុវត្ថិភាព ២៤​នាក់​។ បើ​ធៀប​នឹង​ឆ្នាំមុន អំឡុងពេល​ចូលឆ្នាំ​ចិន នៅ​ឆ្នាំនេះ ចំនួន​គ្រោះថ្នាក់​ចរាចរណ៍ បាន​កើនឡើង តែ​ចំនួន​អ្នកស្លាប់ និង​អ្នករបួស បាន​ថយចុះ​។​ ​របាយការណ៍​ដដែល បង្ហាញថា មូលហេតុ​គ្រោះថ្នាក់​ចរាចរណ៍ ក្នុងអំឡុងពេល​ចូលឆ្នាំ​ចិន នៅ​ឆ្នាំនេះ កើតឡើង​ច្រើនជាងគេ ដោយសារ​ការបើកបរ​លឿន​ល្មើស​ល្បឿន​កំណត់ បើកបរ​ក្នុងស្ថានភាព​ស្រវឹង ប្រជែង មិន​គោរព​សិទ្ធិ មិន​ប្រកាន់​ស្តាំ បត់​គ្រោះថ្នាក់ ងងុយដេក និង​កត្តា​យាន​។ ដោយឡែក រាជធានី​-​ខេត្ត ដែល​គ្រោះថ្...

ខេត្តព្រះសីហនុ ៖ លោក​នាយឧត្តមសេនីយ៍​ គៀត​ ច័ន្ទថារិទ្ធ​ អគ្គនាយកអន្តោប្រវេសន៍ នៃអគ្គស្នងការដ្ឋាននគរបាលជាតិ​ បានអញ្ជើញដឹកនាំកិច្ចប្រជុំ​នៅសាលាខេត្តព្រះសីហនុ ដើម្បីស្តាប់របាយការណ៍ដំបូងស្តីពីការចុះស្រង់ស្ថិតិជនបរទេសក្នុងខេត្តព្រះសីហនុ​ នៅព្រឹកថ្ងៃទី៧ ខែកុម្ភៈ ឆ្នាំ២០១៩នេះ ។ លោក យន្ត មីន អភិបាល នៃគណៈអភិបាលខេត្តព្រះសីហនុមានប្រសាសន៍ថា វត្តមានជនបរទេសចម្រុះជាតិសាសន៍នៅក្នុងខេត្តព្រះសីហនុកើនឡើងច្រើននាពេលបច្ចុប្បន្ននេះ ពិសេសជនជាតិចិន។ ការកើនឡើងនេះ អភិបាលខេត្តបញ្ជាក់ថា ដោយសារតែខេត្តព្រះសីហនុ កំពុងតែមានសន្ទុះនៃការអភិវឌ្ឍន៍តាមរយៈនៃគម្រោងវិនិយោគជាច្រើនគម្រោង ហើយគម្រោងវិនិយោគទាំងអស់នេះ មានសំណង់ហេដ្ឋារចនាសម្ពន្ធ័ជាច្រើនបានកើតឡើងដូចជាសំណង់អគារពាណិជ្ជកម្មកម្ពស់ខ្ពស់ៗជាដើម ដែលពីមុនមិនធ្លាប់មានទេ។ លោកយន្ត មីន បានបញ្ជាក់​ថា ចំពោះជនបរទេសគឺបែងចែកជា៣ប្រភេទ ទី១ជនបរទេសដែលជាម្ចាស់ក្រុមហ៊ុនវិនិយោគ ។ ទី២ ជនបរទេសដ...

រដ្ឋមន្ត្រីការបរទេសរបស់ប្រទេសស្លូវ៉ាគី លោក Miroslay Lajcak បានប្រកាសថា ស្លូវ៉ាគី មិនទទួលស្គាល់ លោក Juan Guaido ប្រធានគណបក្សប្រឆាំង និងជាប្រធានរដ្ឋសភារបស់ប្រទេសវែណេស៊ុយអេឡា ជាប្រធានាធិបតីស្តីទីរបស់ប្រទេសនេះនោះទេ ។ លោក Miroslay Lajcak បាននិយាយថា ការប្រកាសទទួលស្គាល់មេដឹកនាំគណបក្សប្រឆាំងវែណេស៊ុយអេឡាជាប្រធានាធិបតីស្តីទីរបស់ប្រទេសនេះ គឺជាការរុញច្រានឲ្យមានអំពើហិង្សាកាន់តែខ្លាំងថែមទៀត ។ ស្លូវ៉ាគី ជាប្រទេសទីពីរហើយបន្ទាប់ពីប្រទេសអ៊ីតាលី ដែលជាប្រទេសសមាជិករបស់សហភាពអឺរ៉ុប តែមិនទទួលស្គាល់លោក Juan Guaido ជាប្រធានាធិបតីស្តីទីរបស់ប្រទេសវែណេស៊ុយអេឡា ទៅតាមសមាជិកផ្សេងទៀត ។ ​សូមបញ្ជាក់ថា មានប្រទេសប្រហែល២០ ដែលជាសមាជិករបស់សហភាពអឺរ៉ុប បានប្រកាសទទួលស្គាល់ប្រធានគណបក្សប្រឆាំងវែណស៊ុយអេឡា លោក Juan Guaido ជាប្រធានាធិបតីស្តីទីរបស់ប្រទេសនេះ ទៅតាមសហរដ្ឋអាមេរិកផងដែរ ៕...