សង្គម និងកម្សាន្ត

ភ្នំពេញ៖ លោក នេត្រ ភក្ត្រា រដ្ឋលេខាធិការ និងជាមន្ត្រីនាំពាក្យក្រសួងបរិស្ថាន បានឲ្យដឹងថា «គ្មានជនណាម្នាក់មានសិទ្ធិកាន់កាប់ដីធ្លី ទិញឬលក់ដូរដីធ្លីនៅក្នុងឧទ្យានជាតិព្រះសីហនុរាម និងតំបន់ប្រើប្រាស់ច្រើនយ៉ាងព្រែកទឹកសាបក្បាលឆាយនៅក្នុងខេត្តព្រះសីហនុបានឡើយ»។ លោក នេត្រ ភក្ត្រា ឲ្យដឹងទៀតថា ដើម្បីឱ្យសាធារណជនបានជ្រាបនិង ស្នើសុំបងប្អូនប្រជាពលរដ្ឋដែលមិនបានយល់ដឹងច្បាស់ពីច្បាប់ សូមឈប់ចាញ់បោកជនខិលខូចបន្តទៀត។ លោករដ្ឋលេខាធិការ  ក៏បានស្នើឱ្យជនខិលខូចបញ្ឈប់ជាបន្ទាន់ចំពោះសកម្មភាពខុសច្បាប់ទាំងឡាយ នៅការចូលរុនរាន ទន្ទ្រាន កាប់ ឆ្ការកាន់កាប់ដីព្រៃរបស់រដ្ឋដោយខុសច្បាប់ និងបញ្ឈប់ការយកប័ណ្ណកម្មសិទ្ធិដែលត្រូវបាននិរាករណ៍ដោយរាជរដ្ឋាភិបាលកម្ពុជាកាលពីឆ្នាំ ១៩៩៩ មកទាមទារកាន់កាប់ដីធ្លីឡើងវិញនៅតំបន់ក្បាលឆាយ។ នេះជាការព្រមានទុកជាមុនថាជនទាំងឡាយណាដែលបន្តល្មើសច្បាប់ នឹងត្រូវ ប្រឈមមុខច្បាប់ជាធរមាន។ លោករដ្ឋលេខាធិការក្រសួងបរិស្ថានបានប...

សម្តេចតេជោនាយករដ្ឋមន្ត្រីនឹងមានជំនួបទ្វេភាគីជាមួយនាយករដ្ឋមន្ត្រីជប៉ុន លោក ស៊ីនហ្សូ អាបេ ហើយនាយករដ្ឋមន្ត្រីទាំងពីរ នឹងអញ្ជើញជាសាក្សីក្នុងការចុះហត្ថលេខាលើលិខិតផ្លាស់ប្តូរសារព្រមព្រៀង ស្តីពីការផ្តល់ជំនួយឥតសំណងរបស់ជប៉ុន សម្រាប់គម្រោងអភិវឌ្ឍន៍ប្រទេសកម្ពុជាចំនួន២រួមមាន ការអនុវត្តកម្មវិធីអភិវឌ្ឍន៍សេដ្ឋកិច្ច និងសង្គម (សាងសង់ស្ថានីយកុងតឺណឺ ដែលមានទឹកប្រាក់ ២០០លានយ៉េនជប៉ុននិងការអនុវត្តគម្រោងអាហារូបករណ៍អភិវឌ្ឍន៍ធនធានមនុស្ស ដែលមានទឹកប្រាក់ ៣៣៩លានយ៉េនជប៉ុន។ សម្តេចតេជោ ហ៊ុន សែន បាន​​ដឹកនាំគណៈប្រតិភូអញ្ជើញទៅបំពេញទស្សនកិច្ចការនិងអញ្ជើញចូលរួមក្នុងសន្និសីទអន្តរជាតិលើកទី២៥ ស្តីពីអនាគតរបស់អាស៊ី និងព្រឹត្តិការណ៍ជាច្រើនទៀត នៅទីក្រុងតូក្យូ​ប្រទេសជប៉ុន​ ចាប់ពីថ្ងៃទី២៩ ដល់ថ្ងៃទី៣១ ខែឧសភា ឆ្នាំ២០១៩។ នៅក្នុងសន្និសីទអន្តរជាតិលើកទី២៥នេះ សម្តេចតេជោនាយករដ្ឋមន្ត្រី នឹងថ្លែងសុន្ទរកថាគន្លឹះមួយលើមូលបទ«ការស្វែងរកសណ្តាប់ធ្នា...

កំពត៖  លោក ជាវ តា​យ អភិបាល​ខេត្តកំពត បានប្រកាសថា ដី​ក្នុង​សមុទ្រ នៅ​ភូមិ​បឹង​តា​ព្រាម សង្កាត់​ត្រើយ​កោះ ក្រុង​កំពត ​ខាងកើត​ភ្នំ​ដូង ក្នុង​សមុទ្រ​ខេត្តកំពត ដែល​គេ​បោះបង្គោល​ក្នុង​ទឹក ដើម្បី​កំណត់​ព្រំដី​នោះ គឺជា​ដី និង​ទឹក ដែលមាន​ប័ណ្ណកម្មសិទ្ធិ​ស្របច្បាប់ តាំងពី​ឆ្នាំ​២០០៨ មក​ម្លេះ​។ ដី​សមុទ្រ​នោះ ជា​ប្រភេទ​អ៊ូ​បង្គា​របស់​ប្រជាពលរដ្ឋ ១២​គ្រួសារ​ថ្មីៗ​នេះ ត្រូវបាន​គេ​បោះបង្គោល ក្នុង​ទឹកសមុទ្រ ដើម្បី​កំណត់ព្រំដែន ក៏ត្រូវ​បាន​គេ​ថត​បង្ហោះ​តាម​ហ្វេ​ស​ប៊ុ​ក ក្នុង​រយៈពេល​ប៉ុន្មាន​ថ្ងៃនេះ​។​ ថ្លែងក្នុង​សន្និសីទកាសែត កាលពី​ថ្ងៃទី​២៧ ខែឧសភា ឆ្នាំ​២០១៩ លោក ជាវ តា​យ អភិបាល​ខេត្តកំពត បានប្រកាសថា ផ្អែក​តាម​របាយការណ៍​របស់​រដ្ឋបាល​ក្រុង​កំពត និង​មន្ត្រី​ជំនាញ ដែល​បាន​ចុះ​សិក្សា​ស្រាវជ្រាវ ​គ្រប់ផ្នែក​ពាក់ព័ន្ធ បង្ហាញថា ដី​សមុទ្រ ទំហំ ៤៥,៦១៤ ហិកតានោះជា​កម្មសិទ្ធិ​របស់​ប្រជាពលរដ្ឋ ១២​គ្រួសារ ដែលជា​អ៊ូ​ប...

កណ្តាល៖ ក្រុមហ៊ុនសាងសង់សំណង់បុរី ប៉េង ហ៊ួត ជាក្រុមហ៊ុនដ៏ល្បីនៅក្នុងស្រុក កំពុងទន្ទ្រាន រំលោភយកដីបឹងវាលសំណាប ប្រមាណ ៧គីឡូម៉ែត្រការ៉េ មកធ្វើជាកម្មសិទ្ធិផ្ទាល់ខ្លួន ដើម្បីសាងសង់សំណង់ រំលោភលើ អនុក្រឹត្យ របស់ប្រមុខរាជរដ្ឋាភិបាលកម្ពុជា ។ កាលពីថ្ងៃទី៨ ខែកុម្ភៈ ឆ្នាំ២០១៦ ដោយបានកំណត់ ផ្ទៃបឹងវាលសំណាប ទំហំ៤ ៨១៥ហិកតា ស្ថិតក្នុងខេត្តកណ្ដាល ជាសម្បត្តិសាធារណៈរបស់រដ្ឋ ខណៈដែលបច្ចុប្បន្ន សកម្មភាពឈូសឆាយ ទន្រ្ទានដីបឹងនេះ បានចាប់ផ្តើម កាយដីទប់ជាទំនប់ ដោយគ្រឿងចក្រជាច្រើនគ្រឿង និងដំណើរការប្រមាណជា ១៥% លើផ្ទៃដីដែលបានគ្រោងទុក ។ ការទប់ទំនប់ បឹងវាលសំណាប របស់ក្រុមហ៊ុនសាងសង់សំណង់បុរី ប៉េង ហួត ទៅលើដីបឹងដ៏ធំ ស្ថិតក្នុងខេត្តកណ្តាល គឺជាការលុបបឹងដ៏មានសក្តានុពល ឬអាចនិយាយបានថា ជាបឹងទន្លេសាបទីពីរ ដែលជួយរំដោះទឹកជំនន់ ក្នុងរដូវវស្សា ហើយការទន្ទ្រានលុបបឹងនេះ នឹងអាចបង្កឲ្យមានផល់ប៉ះពាល់ ដូចជាជំនន់លិចលង់ ដល់រាជធានីភ្នំពេញផងដែរ ។ ប...

លោក អ៊ី ម៉េងលាង ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកោះកុង ដែលរងការរិះគន់ថា បានប្រើប្រាស់អំណាចតួនាទីជាប្រធានយកដីរដ្ឋលក់ និងប្រព្រឹត្តិនូវទង្វើអសកម្មមួយចំនួនរហូតដល់ថ្នាក់ក្រសួងបានចេញលិខិតព្រមានចំនួនពីរលើកមកហើយ។ ប៉ុន្តែប្រធាន មន្ទីរកសិកម្មខេត្តកោះកុងរូបនេះមិនបានអនុវត្តន៍តាមអ្វីដែលក្រសួង បានណែនាំនោះឡើយ។ សកម្មភាពរបស់លោក អ៊ី ម៉េងលាង ហាក់មិនខ្លាចរអារឡើយចំពោះចំណាត់ការរបស់ឯកឧត្តម វេង សាខន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ដែលបានបញ្ជាឲ្យលោក អ៊ី ម៉េងលាង ធ្វើ។ ត្រង់ចំណុចនេះ មានការចោទសួរថា តើលោក អ៊ី ម៉េងលាង មានខ្សែរ(អ្នកកាង) ជាអ្នកណាបានហ៊ានធ្វើបែបនេះបើទោះបីជាក្រសួងបានធ្វើលិខិតព្រមានម្តងជាពីររួចមកហើយជុំវិញការងារអនុវត្តន៍របស់ លោកដែលបានធ្វើកន្លងមកដែលបានធ្វើផ្ទុយទៅនឹងច្បាប់ និងបទបញ្ជាថ្នាក់លើ។ មហាជនទូទៅ ជាពិសេសប្រជាពលរដ្ឋរស់នៅខេត្តកោះកុងតែម្តងកំពុងរងចាំមើលថា ភាពអសកម្មរបស់ប្រធាន...

ប្រធានាធិបតីរបស់ប្រទេសប៉េរូ លោក Martin Vizcarra និងប្រធានាធិបតីរបស់ប្រទេសកូឡុំប៊ី លោក Ivan Dque បានចេញសេចក្តីថ្លែងការណ៍រួមមួយ កាលពីថ្ងៃចន្ទ ទី២៧ ខែឧសភានេះ ដោយអំពាវនាវរកជំនួយមនុស្សធម៌ពីសហគមន៍អន្តរជាតិ ទៅជួយជនភៀសខ្លួនវែណេស៊ុយអេឡា ដែលមានចំនួនកាន់តែច្រើននៅក្នុងប្រទេសទាំងពីរនេះ ។ សេចក្តីថ្លែងការណ៍ដដែលបានបញ្ជាក់ថា ជនភៀសខ្លួនវែណេស៊ុយអេឡាប្រមាណជាង៣លាននាក់ កំពុងរស់នៅក្នុងប្រទេសទាំងពីរនេះ ហើយចំនួនជនភៀសខ្លួនវែណេស៊ុយនៅតែបន្តកើនឡើងជាបន្តបន្ទាប់ ខណៈដែលវិបត្តិនយោបាយនៅវែណេស៊ុយអេឡាមិនទាន់ត្រូវបានដោះស្រាយ ។ សូមបញ្ជាក់ថា ក្រុមតំណាងមកពីរដ្ឋាភិបាល និងគណបក្សប្រឆាំងរបស់ប្រទេសវែណេស៊ុយអេឡា បានជួបចរចាគ្នាចំនួនពីរលើករួចមកហើយ ប៉ុន្តែមិនទាន់ឈានដល់ការបញ្ចប់វិបត្តិនយោបាយនៅក្នុងប្រទេសនោះទេ ៕...

កណ្តាល៖ ប្រជាពលរដ្ឋមួយចំនួនបានសំដែងការមិនពេញចិត្តចំពោះមន្រ្តីច្រកចេញចូលតែមួយ និង ភូមិបាលស្រុក ស្រុកខ្សាច់កណ្តាលគាបយកលុយពីបងប្អូនប្រជាពលរដ្ឋលក់ដីបន្តិចបន្តួចដើម្បីយកទៅដោះស្រាយក្នុងជីវភាព ដោយអូសបន្លាយពេលវេលា ទាល់តែមានសំណែនសែនព្រេនគ្រប់ចំនួន ទើបមន្ត្រីជំនាញទាំងនោះចុះធ្វើការវាស់វែងឲ្យពួកគាត់បានយ៉ាងរលូន។ ប្រជាពលរដ្ឋដែលលក់ដីឬទិញដី ទៅសុំសេវាកម្ម តាមតម្រូវការកំណត់ថ្មីនេះ ធ្វើឯកសារជូនអ្នកទិញទៅតាមច្បាប់ តែបើគ្មានសេវាជូនពួកមន្ត្រីជំនាញពាក់ព័ន្ធទាំងនោះទេឯកសារ អ្វីក៏មិនឃើញ ឬការណែនាំឱ្យគាត់ មិនដឹងនោះទេ​ ។​ តែបើមានដុល្លារទៅឲ្យពួកមន្ត្រីទាំងនោះគឺគេប្រើពាក្យសម្តីផ្អែមជាងទឹកឃ្មុំទៅទៀត ហើយឯកសារលក់ដីនោះនឹងបានលឿនបំផុត មិនខ្វះនេះ មិនខ្វះនោះទេយ៉ាងរលូនតែម្តង ប៉ុន្តែបើសិនយើងរត់ឯកសារខ្លួនឯងខ្វះមិនចេញចប់។ ប្រជាពលរដ្ឋបានលើកជាចម្ងល់ថា ការលក់ដីនេះគឺពួកគាត់ត្រូវតែបងពន្ធចូលរដ្ឋ តាមការកំណត់នៃទីតាំងដីភូមិសាស្ត្រ ដែលបានកំ...

ភ្នំពេញ ៖ លោកបណ្ឌិត រស់ ច័ន្ទត្រាបុត្រ អ្នកសិក្សាវិទ្យាសាស្រ្តនយោបាយ បានលើកឡើងពីប្រវត្តិសាស្រ្តខ្លះៗទាក់ទង“តំបន់បឹងវាលសំណាប ឬ តំបន់ទួលបាសាន្ត” ដើម្បីឲ្យប្រជាពលរដ្ឋខ្មែរបានដឹងអំពីប្រវត្តិ ខណៈពលរដ្ឋមួយចំនួនមិនសូវបានដឹង។ លោកបណ្ឌិតបានបង្ហាញថា បឹងវាលសំណាប ជាតំបន់អតីតរាជធានីខ្មែរមុនគេ ក្រោយសម័យអង្គរ ក្នុងរាជ្យព្រះបាទ ពញាយ៉ាត បានចាកចេញពីអង្គរ។ ឯព្រះ បាទស្រីសុរិយោពណ៌ (ដើមសតវត្សទី១៧) ក៏បានរៀបចំរាជធានីនៅល្វាឯមនេះដែរ ដោយយោងទៅលើភូមិយុទ្ធសាស្ត្រ។ លោកថា តំបន់នេះ ក៏ជាទឹកដីយុទ្ធសាស្ត្រ ដែលមានទន្លេមេគង្គ ,ទន្លេតូច , បឹងតូចធំ៤ និងបឹងវាលសំណាបព័ទ្ធការពារជុំវិញ ហើយអាចចេញទៅដល់ស្រុក យួនទៀត តាមទន្លេតូច។ លើកលើកឡើងទៀតថា ជាមូលដ្ឋានប្រមូលកម្លាំង ទ័ពទៅប្រយុទ្ធវាយរំដោះទឹកដីមហាពីការគ្រប់គ្រងរបស់សៀម (២ដង) ក្នុងសម័យព្រះបាទស្រីសុរិយោទ័យ និងព្រះបាទពញាយ៉ាត (សតវត្សទី១៤-១៥)។ ក្នុងនោះ ព្រះបទុមវរវង្ស បានជួបនាងនាគ ឬនាង ស នៅទី...

ភ្នំពេញ៖ បើយោងតាមទំព័រហ្វេសប៊ុករបស់នាយកដ្ឋានប្រឆាំងបទល្មើសបច្ចេកវិទ្យាបានបង្ហោះសារដោយបញ្ជាក់ថាសមត្ថកិច្ចជំនាញបានឃាត់ខ្លួនជនសង្ស័យជាជនជាតិចិនពីរនាក់នៅថ្ងៃទី២៦ ខែឧសភា ឆ្នាំ២០១៩ ម្សិលមិញ ពាក់ព័ន្ធនឹងករណីជំរិតទារប្រាក់តាមបណ្ដាញសង្គមWeChat។ ជនសង្ស័យទី១ ឈ្មោះ Wang Dao Dong អាយុ៤៩ឆ្នាំ និងទី២ ឈ្មោះJiang Feng អាយុ ៣៧ឆ្នាំ។ សមត្ថកិច្ចបានបញ្ជាក់ថា ការឃាត់ខ្លួនក្រុមជនសង្ស័យទាំងពីរនាក់ខាងលើ បានធ្វើឡើងដោយមានកិច្ចសហការរវាងកម្លាំងនគរបាលជំនាញក្រសួងមហាផ្ទៃ និងកម្លាំងនគរបាលមូលដ្ឋានក្រុងប៉ោយប៉ែតនិងដោយមានកិច្ចសម្របសម្រួលរបស់លោក មាស ច័ន្ទពិសិដ្ឋ ព្រះរាជអាជ្ញានៃអយ្យការអមសាលាដំបូងខេត្តបន្ទាយមានជ័យ។ បច្ចុប្បន្ន នគរបាលជំនាញបានកសាងសំណុំរឿង និងបញ្ជូនជនសង្ស័យទាំងពីរនាក់ទៅសាលារដំបូងខេត្តបន្ទាយមានជ័យដើម្បីចាត់ការតាមនីតិវិធី៕...

ភ្នំពេញ៖ លោក អ៊ី ម៉េងលាង ប្រធានមន្ទីរកសិកម្ម រុក្ខាប្រមាញ់ និងនេសាទ​ខេត្តកោះ​កុង បានយកប្រព័ន្ធតុលាការជាខែល​សម្រាប់ប្តឹងអ្នកកាសែត​ប្រសិនបើស្ថាប័ន​ណា​មួយរចុះផ្សាយជុំវិញរឿងរ៉ាវអាស្រូវ របស់លោកក្នុងតួនាទី​ជាប្រធានមន្ទីរកសិកម្ម​ខេត្តកោះកុង។ ដើម្បីទប់ស្កាត់កុំឲ្យអ្នកសារព័ត៌មានបន្តចុះផ្សាយរឿងអាស្រូវរបស់ខ្លួនតទៅទៀត ប្រ​ធាន​មន្ទីរកសិកម្មរូបនេះបានប្រើប្រាស់ក្បាច់ចុងក្រោយ គឺប្តឹងអ្នកកាសែតទៅ​តុលា​ការដើម្បីជាការព្រមាន កុំឲ្យចេះតែហ៊ាន។ ការប្រើប្រាស់ប្រព័ន្ធតុលាការ​​ក្នុងខេត្តកោះកុង ដែលជាទឹកដីរបស់លោកស្រាប់ ត្រូវបាន​ប្រភពព័ត៌មានពីខេត្តកោះកុងបង្ហើបឲ្យដឹងនៅថ្ងៃទី២២ ខែឧសភា ឆ្នាំ២០១៩​នេះថាតើ​តុលាការខេត្តកោះកុងនឹងអនុវត្តន៍បែបនេះចំពោះអ្នកកាសែតដែលលោកប្រធានមន្ទីរកសិកម្មខេត្ត កោះកុងខាងលើនេះប្តឹងដែរឬទេ? បើតាមខ្លឹមសារនៃពាក្យបណ្តឹងរបស់លោក អ៊ី ម៉េងលាង ប្រធានមន្ទីរកសិកម្មខេត្តកោះ​កុង ដែលប្តឹងអ្នកសារព័ត៌មានក្នុងស្រុកជា...