សារព័ត៌មានដេលីខ្មែរ

ប្រជាពលរដ្ឋខ្មែរដែលទៅលេងបុណ្យសមុទ្រក្នុងរយៈពេល៣ថ្ងៃ ក៏អាចឆ្លងទៅលេងដល់ខេត្តត្រាតប្រទេសថៃបាន ដោយគ្រាន់តែយកអត្តសញ្ញាណប័ណ្ណទៅជាមួយ បើចង់បើករថយន្តចូលខ្លួនឯង ត្រូវមានប័ណ្ណសម្គាល់យានយន្ត និងប័ណ្ណបើកបរ ហើយបើមានក្មេងតូចៗទៅជាមួយត្រូវយករូបថតទៅផង ពោលគឺមិនចាំបាច់មានលិខិតឆ្លងដែនក៏បាន។ លោកបណ្ឌិត  ថោង ខុន រដ្ឋមន្ត្រីក្រសួងទេសចរណ៍ បានអះអាងថា ភាគីកម្ពុជា និងភាគីថៃបានសម្របសម្រួលការធ្វើដំណើររបស់ប្រជាពលរដ្ឋទាំងសងខាង ក្នុងការទៅមកទស្សនាកម្សាន្តនៅខេត្តកោះកុង និងខេត្តត្រាតរយៈពេលបីថ្ងៃនៃពិធីបុណ្យសមុទ្រខាងមុខ។ លោកមានប្រសាសន៍ទៀតថា  ប្រជាពលរដ្ឋដែលទៅទស្សនាពិធីបុណ្យសមុទ្រហើយមានបំណងចង់ទៅលេងកម្សាន្តនៅខេត្តត្រាត ប្រទេសថៃ ត្រូវយកមកជាមួយនូវអត្តសញ្ញាណប័ណ្ណសញ្ជាតិខ្មែរ ប័ណ្ណសម្គាល់យានយន្ត និងប័ណ្ណបើកបរ ហើយប្រសិនបើមានកូនចៅក្មេងៗទៅជាមួយ ត្រូវដាក់រូបថតរបស់ពួកគេទៅជាមួយផង ដើម្បីបញ្ជាក់ជូនសមត្ថកិច្ចប្រចាំនៅច្រកព្រំដែនចាំយាម។ ...

ប្រធានគ្រប់គ្រងផ្នែកហិរញ្ញវត្ថុរបស់ក្រុមហ៊ុនបច្ចេកវិទ្យា Huawei របស់ប្រទេសចិន លោកស្រី ម៉េង វ៉ាន់ចូវ កំពុងស្វះស្វែងរកការបង់ប្រាក់ធានាអោយនៅក្រៅឃុំ ក្រោយពីប៉ូលីរបស់ប្រទេសកាណាដា បានចាប់ខ្លួនលោកស្រី កាលពីថ្ងៃទី០១ខែធ្នូ ឆ្នាំ២០១៨នេះ ។ ប៉ូលីសកាណាដា បានចាប់ខ្លួនលោកស្រី ម៉េង វ៉ាន់ចូវ ទៅតាមការទាមទាររបស់អាមេរិក ដែលបានចោទប្រកាន់ប្រធានគ្រប់គ្រងផ្នែកហិរញ្ញវត្ថុរបស់ក្រុមហ៊ុន Huawei រូបនេះ ពីបទរំលោភបំពានលើទណ្ឌកម្មរបស់អាមេរិកលើប្រទេសអ៊ីរ៉ង់ ។ ការចោទប្រកាន់របស់អាមេរិកលើលោកស្រី វ៉ាន់ចូវ ក៏ត្រូវបានធ្វើឡើងក្រោយពីលោកស្រី បានលក់ប្រព័ន្ធបច្ចេកវិទ្យាទៅអោយក្រុមហ៊ុន Sky com នៅប្រទេសអ៊ីរ៉ង់ កាលពីឆ្នាំ២០១៣កន្លងទៅ ៕...

យន្តហោះទម្លាក់គ្រាប់បែកធុនធ្ងន់ Tu-160 របស់ប្រទេសរុស្ស៊ី បានចុះចតនៅអាកាសយានដ្ឋានក្នុងប្រទេសវេណេស៊ុយអេឡា ក្រោយពីបានហោះហើរក្នុងរយៈចម្ងាយជាង១០០០០គីឡូម៉ែត្រ ឆ្លងកាត់មហាសាគរ អាត្លង់ទិក ។ យន្តហោះទម្លាក់គ្រាប់បែក Tu-160 របស់រុស្ស៊ី គឺជាយន្តហោះទម្លាក់គ្រាប់បែកធុនធ្ងន់ និងជាយន្តហោះចម្បាំងជាយុទ្ធរបស់រុស្ស៊ីផងដែរ ដែលការហោះហើររយៈចម្ងាយឆ្ងាយនេះ គឺជាការសាកល្បងកម្លាំង និងគុណភាពរបស់យន្តហោះមួយនេះ ។ មន្ត្រីការពារជាតិរុស្ស៊ីបានអោយដឹងថា ការចុះចតយន្តហោះចម្បាំងធុនធ្ងន់របស់រុស្ស៊ីនៅវេណេស៊ុយអេឡា គឺត្រូវបានធ្វើឡើងដើម្បីផ្តល់ទំនុកចិត្តដល់មេដឹកនាំរបស់ប្រទេសនេះ ក្នុងការធានាពីស្ថិរភាពសន្តិសុខនៅក្នុងប្រទេសមួយនេះ ៕...

យោងតាមរបាយការណ៍ពីក្រុមហ៊ុន អាយអាយអេស បង្ហាញពីអត្ថប្រយោជន៍នៃការជ្រើសរើសពលករ ពលការិនីទៅធ្វើការនៅក្រៅប្រទេសមាន ដូចជា នៅប្រទេសថៃ  ម៉ាឡេស៊ី និងជប៉ុន ដោយស្រប ច្បាប់ទៅតាមចំណុច សំខាន់ៗ ដូចខាងក្រោមៈ ក្រុមហ៊ុន អាយ អាយ អេស ក្រុមហ៊ុន អាយ អាយ អេស គឺជាក្រុមហ៊ុន មួយដែលមានបទពិសោធន៍ខ្ពស់ជាច្រើនឆ្នាំ និងមានជំនាញច្បាស់លាស់ ក្នុងការ បណ្តុះណ្តាល បញ្ជូន និងគ្រប់គ្រងពលករ​ ពលការិនីដើម្បីទៅបំរើការងារនៅប្រទេសថៃឡង់ដ៏ ប្រទេសម៉ាឡេស៊ី និង ប្រទេសជប៉ុន ។ ក្រុមហ៊ុន អាយ អាយ អេស​​ ត្រូវបានទទួលស្គាល់ ដោយរាជរដ្ឋាភិបាលកម្ពុជាដែលមានការអនុញ្ញាត ពីក្រសួងការងារ និងបណ្តុះបណ្តាលវិជ្ជាជីវៈ ជាសេនាធិការដែលគាំទ្រ ដោយក្រសួងការបរទេស និងសហប្រតិបត្តិការអន្តរជាតិ ក្រសួងមហាផ្ទៃ ក្រសួងពាណិជ្ជកម្ម។ ជាពិសេស ស្ថានទូតព្រះរាជាណាចក្រថៃឡង់ដ៏ ស្ថានទូតប្រទេសម៉ាឡេស៊ី និងស្ថានទូតប្រទេសជប៉ុនដែលមានសមត្ថកិច្ច ប្រចាំនៅកម្ពុជាក្នុងការចេញទិដ្ឋិការការង...

អនុរដ្ឋមន្ត្រីការបរទេសរបស់ប្រទេសចិន លោក Le Yucheng បានកោះហៅអគ្គរដ្ឋទូតរបស់ប្រទេសកាណាដា និងអគ្គរដ្ឋទូតរបស់សហរដ្ឋអាមេរិកប្រចាំនៅទីក្រុង ប៉េកាំង អោយទៅជួប ដែលជាការជំទាស់ទៅនឹងការចាប់ខ្លួនលោកស្រី ម៉េង វ៉ាន់ចូវ ដែលជាប្រធានគ្រប់គ្រងផ្នែកហិរញ្ញវត្ថុរបស់ក្រុមហ៊ុនបច្ចេកវិទ្យា Huawei របស់ប្រទេសចិន។ លោក Le Yucheng បានព្រមានកាណាដា និងអាមេរិកថា ប្រទេសទាំងពីរនឹងទទួលបនផលវិបាកនៅពេលខាងមុខ ប្រសិនបើមិនព្រមដោះលែងលោកស្រី វ៉ាន់ចូវ ។ សូមបញ្ជាក់ជូនថា ភាពតានតឹងរវាងចិន កាណាដា និងអាមេរិក បានកើនឡើងកាន់តែខ្លាំង ក្រោយពីកាណាដា បានចាប់ខ្លួនលោកស្រី ម៉េង វ៉ាន់ចូវ ទៅតាមការទាមទាររបស់អាមេរិក ៕...

ក្រុមប្រជាបាតុករកាន់តែច្រើន នៅតែបន្តចេញទៅធ្វើបាតុកម្មនៅទីក្រុងប៉ារីស ប្រទេសបារាំង ប្រឆាំងរដ្ឋាភិបាលរបស់លោកប្រធានាធិបតី អេម៉ានូអែល ម៉ាក្រុង ។ ក្បួនបាតុកម្មរបស់ប្រជាបាតុករ ត្រូវបានធ្វើឡើងប្រឆាំងនឹងការដំឡើងតម្លៃពន្ធប្រេងឥន្ធនៈ ប៉ុន្តែកាលពីដើមសប្តាហ៍នេះ រដ្ឋាភិបាលបារាំងបានលុបចោលច្បាប់ដំឡើងពន្ធនេះហើយ ។ ក្រុមអ្នកវិភាគនយោបាយបារាំងបានអោយដឹងថា ក្បួនបាតុកម្មរបស់ក្រុមបាតុករ បានប្រែក្លាយពីការធ្វើបាតុកម្មប្រឆាំងនឹងការដំឡើងពន្ធប្រេងឥន្ធនៈ ទៅជារឿងនយោបាយយ៉ាងពិតប្រាកដ ។ ក្នុងរយៈពេល៤សប្តាហ៏នេះ ប៉ូលីសបារាំងបានចាប់ខ្លួនក្រុមបាតុករប្រមាណ១៣៨៥នាក់យកទៅសួរចម្លើយ ៕...

តាកែវ៖ ក្រុមអាជីវករផ្សារព្រៃសណ្តែកប្រមាណជាង៦០នាក់ នៅតែទទួលដល់អាជ្ញាធរស្រុកទ្រាំង ពិសេសឯកឧត្តម អ៊ូច ភា អភិបាលខេត្តតាកែវ សូមជួយដោះស្រាយជូនពួកគាត់ជាមួយនឹងម្ចាស់វិនិយោគផ្សារព្រៃសណ្តែក ខណៈដែលក្រុមពួកគាត់មានខ្លះបាត់បង់តូប និងបាត់ម៉ែត្រជាដើម ពិសេសគឺតម្លៃតូបក្រោយពីបានវិនិយោគហើយ នៅតម្លៃខ្ពស់មិនអាចទទួលបានចំពោះអាជីវករដែលមានតូបលក់ក្នុងផ្សារនេះជាយូរមកហើយ ។ នៅក្នុងកិច្ចប្រជុំដោះស្រាយរវាងក្រុមអាជីវករផ្សារ និងម្ចាស់វិនិយោគផ្សារព្រៃសណ្តែក ក្រោមការសម្រួលសម្រួលពីលោក ឈួន ផាន់នី អភិបាលស្រុកទ្រាំង និង លោក ខឹម ឆន អនុប្រធានមន្ទីរសេដ្ឋកិច្ចខេត្តតាកែវ រយៈពេលជាង២ម៉ោង កាលពីរសៀលថ្ងៃទី ០៦ ខែធ្នូ ឆ្នាំ២០១៨កន្លងមកនេះ គឺពុំមានលទ្ធផលវិជ្ជាមានសម្រាប់ក្រុមអាជីវករឡើយ ពោលគឺក្រុមអាជីវករនៅតែមិនអាចទទួលយកបានឡើយពីសំណាក់ម្ចាស់វិនិយោគផ្សារព្រៃសណ្តែកនេះ ។ លោកស្រី សុខ ថាវរី ដែលជាអាជីវករចាស់លក់ដូរក្នុងផ្សារព្រៃសណ្តែក ដែលបានចូលរួមដ...

ប្រព័ន្ធផ្សព្វផ្សាយ CNN បានអោយដឹងថា តុលាការរបស់ប្រទេស កាណាដា បានបើកសវនាការជំនំជំរះលើលោកស្រី ម៉េង វ៉ាន់ចូវ (Meng Wanzhou) ដែលជាប្រធានគ្រប់គ្រងផ្នែកហិរញ្ញវត្ថុ ជាអនុប្រធានក្រុមប្រឹក្សាភិបាល និងជាកូនស្រីរបស់ស្ថាបនិកក្រុមបច្ចេកវិទ្យា Huawei របស់ប្រទេសចិន ។ តុលាការ កាណាដា បានចោទប្រកាន់លោកស្រី ម៉េង វ៉ាន់ចូវ ពីបទរំលោភបំពានលើទណ្ឌកម្មអាមេរិកដែលបានដាក់លើប្រទេសអ៊ីរ៉ង់ ។ តុលាការ កាណាដា បានអោយដឹងថា លោកស្រី វ៉ាន់ចូវ អាចប្រឈមនឹងការបញ្ជូនទៅកាន់សហរដ្ឋអាមេរិក ដើម្បីទទួលទោសទៅតាមច្បាប់របស់អាមេរិក ៕...

សមាជិកសភាចំនួន៧០នាក់ បានជំរុញប្រធានាធិបតីរបស់សហរដ្ឋអាមេរិក លោក ដូណាល់ ត្រាំ កុំអោយកាត់បន្ថយថវិកាការពារជាតិទៅតាមការចង់បានរបស់លោក។ ក្រុមសមាជិកសភាបានព្រមានថា ​ គ្រោះមហន្តរាយនឹងអាចកើតឡើងនៅអាមេរិក ប្រសិនបើលោក ត្រាំ កាត់បន្ថយថវិកាការពារជាតិ៣៣ពាន់លានដុល្លារសម្រាប់ឆ្នាំ២០២០ខាងមុខ ។ សូមបញ្ជាក់ជូនថា មន្ទីរបញ្ចកោណអាមេរិក បានស្នើសុំទឹកប្រកាក់ប្រមាណ៧៣៣ពាន់លានដុល្លារសម្រាប់ចំណាយក្នុងវិស័យការពារជាំតិនៅឆ្នាំ២០២០ខាងមុខ ប៉ុន្តែលោក ត្រាំ ចង់កាត់បន្ថយ៣៣ពាំន់លានដុល្លារ ដោយចំណាយទឹកប្រាក់ត្រឹមតែ៧០០ពាន់លានដុល្លារបានហើយ ៕...