សារព័ត៌មានដេលីខ្មែរ

កងទ័ពជំនាញរបស់ប្រទេសឥណ្ឌា បានបាញ់សាកល្បងបានដោយជោគជ័យនូវមីស៊ីលប្រភេទថ្មី កាលពីថ្ងៃចន្ទ ទី២៣ ខែធ្នូនេះ ដែលជាប្រភេទមីស៊ីល បាញ់ពីដីទៅលើអាកាសក្នុងប្រតិកម្មលឿនបំផុត (Quick Reaction Surface-to-Air Missile ដែល ហៅកាត់ថា QRSAM  នេះបើតាមការចុះផ្សាយរបស់ទីភ្នាក់ងារព័ត៌មានឥណ្ឌា ANI ។ ប្រភពដដែលបានបន្តថា ការបាញ់សាកល្បងមីស៊ីលប្រភេទថ្មីនេះ ត្រូវបានធ្វើឡើងនៅឆ្នេរសមុទ្រភាគខាងកើតឥណ្ឌា តាមគម្រោង មេដឹកនាំឥណ្ឌានឹងប្រគល់មីស៊ីលប្រភេទថ្មីនេះទៅឲ្យកងទ័ពរបស់ខ្លួននៅឆ្នាំ២០២១ខាងមុខ ដែលមីស៊ីលនេះអាចវាយប្រហារទៅលើសត្រូវក្នុងប្រតិកម្មក្នុងរយៈចម្ងាយ៣០គីឡូម៉ែត្រ និងអាចវាយប្រហារចំគោលដៅបានល្អបំផុតក្នុងសមរភូមិ ។ សូមរំលឹកថា កាលពីថ្ងៃព្រហស្បតិ៍សប្តាហ៍មុន អង្គការស្រាវជ្រាវ និងអភិវឌ្ឍន៍ការពារជាតិឥណ្ឌា (India’s Defense Research and Development Organization) ដែលហៅកាត់ថា DRDO បានសាកល្បងប្រព័ន្ធបាញ់គ្រាប់រ៉ូកែតរយៈចម្ងាយឆ្ងាយពហុជំនាញ...

ត្បូងឃ្មុំ៖ សម្តេចតេជោ ហ៊ុន សែន បានស្នើឱ្យប្រទេសវៀតណាម បង្កើនការទិញទំនិញ ពីប្រទេសកម្ពុជា ព្រោះបច្ចុប្បន្នទំហំពាណិជ្ជកម្មរវាងកម្ពុជា និងវៀតណាមខុសគ្នាឆ្ងាយណាស់។ សម្តេចតេជោបានលើកឡើងបែបនេះនៅក្នុងឱកាសសម្ពោធដាក់ ឱ្យប្រើប្រាស់ផ្សារ ដោះដូរទំនិញកម្ពុជា និងវៀតណាម ជាលើកដំបូងនៅព្រំដែនកម្ពុជា-វៀតណាម ក្នុងស្រុកមេមត់ ខេត្តត្បូងឃ្មុំ នៅថ្ងៃទី២៤ ខែធ្នូ ឆ្នាំ២០១៩នេះ ។ សម្តេចបានស្នើឲ្យលោក ជីញ ឌិញ ស៊ុង (TRINH DINH DUNG) ឧបនាយករដ្ឋមន្ត្រី វៀតណាម និងលោករដ្ឋមន្ត្រីក្រសួងពាណិជ្ជកម្ម និងឧស្សាហកម្មវៀតណាម ត្រូវពិនិត្យឃើញអំពីចំនួនដែលវៀតណាម នាំចូលមកកម្ពុជា និងទំនិញពីកម្ពុជានាំចូលទៅវៀត ណាម គឺមានចំណុចខុសគ្នា ។ «ខ្ញុំស្នើដោយទទូចឱ្យវៀតណាមបង្កើននូវចំនួនដែលត្រូវទិញពីកម្ពុជា ក្នុងហ្នឹងវៀត ណាម បាននឹងកំពុងទិញអង្ករពីកម្ពុជា ចំនួន៣០ម៉ឺនតោន និងមានការទិញនូវផលិតផលមួយចំនួនផ្សេងទៀត ។ ខ្ញុំស្នើឱ្យវៀតណាម មើលទិញនូវទំនេញផ្សេងទៀត...

ត្បូងឃ្មុំ ៖  សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានមានប្រសាសន៍ណែនាំ អភិបាលខេត្តត្បូងឃ្មុំ មន្រ្តីគយ និងប៉ូលិសអន្តោប្រវេសន៍ ឱ្យយកចិត្តទុកដាក់ ចំពោះផ្សារដោះដូរទំនិញកម្ពុជា និងវៀតណាម ព្រោះថា ប្រសិនបើផ្សារគំរូដោះដូរទំនិញកម្ពុជា និងវៀតណាមដែលសម្ភោធ នាពេលនេះបរាជ័យមិន ដំណើរការនោះ តំណែងចៅហ្វាយខេត្តត្បូងឃ្មុំក៏មិនអាចរក្សាបានដែរ។ សម្តេចតេជោ ហ៊ុន សែន បានបញ្ជាក់ថា ទាំងមន្ត្រីគយ និងមន្ត្រីនគរបាលអន្តោប្រវេសន៍ មិនត្រូវធ្វើការរំខានណាមួយដល់ប្រជាពលរដ្ឋ ដែលរកស៊ីនៅផ្សារគំរូព្រំដែនកម្ពុជានោះឡើយ​។ ប្រសិនជា មានការរំខានណាមួយ ប្រជាពលរដ្ឋនឹងបង្កើតច្រករបៀងរកស៊ីដោយខ្លួនឯង នោះហើយជាបញ្ហាដែលគ្រប់គ្រងអត់បាន ហើយនៅពេលដែលគ្រប់គ្រងអត់បាន អាចបើកឱកាសឱ្យឧក្រិដ្ឋជនគ្រឿងញៀន និងការធ្វើឧក្រិដ្ឋកម្មផ្សេងៗដោយប្រើច្រក របៀងទាំងនេះ ដូច្នេះហើយបានស្នើឱ្យធ្វើកិច្ចការនេះឱ្យបានម៉ត់ចត់។ សម្តេចតេជោ ហ៊ុន សែន បានសង្កត់ធ្ងន់ថា យ៉ា...

លោក អេម៉ានូអែល ម៉ាក្រុង (Emmanuel Macron) ប្រធានាធិបតីប្រទេសបារាំង បានប្រកាសថា ចាប់ពីឆ្នាំ២០២០ខាងមុខនេះទៅ បារាំងលែងផ្គត់ផ្គង់រូបិយប័ណ្ណ ហ្វ្រង់សេអេហ្វអា (Franc CFA) ដល់ប្រទេសទាំង៨នៅតំបន់អាហ្វ្រិកខាងលិចទៀតហើយ ។ នេះបើតាមការចុះផ្សាយរបស់ CNN ។ លោក អេម៉ានូអែល ម៉ាក្រុង បានថ្លែងថា ចាប់ពីពេលនេះទៅ ប្រទេសទាំង៨មានសិទ្ធិសម្រេចលើការចាយវាយរូបិយប័ណ្ណថ្មី អេកូ (Eco) ដោយខ្លួនឯង ហើយរូបិយប័ណ្ណនេះ នឹងត្រូវចាយវាយជំនួសរូបិយប័ណ្ណ ហ្វ្រង់សេអេហ្វអា ដែលផ្គត់ផ្គង់ដោយប្រទេស បារាំងនៅក្នុងប្រទេស៨នៅអាហ្វ្រិកខាងលិច ។ ប្រទេស៨នៅអាហ្វ្រិកខាងលិច ដែលចាយរូបិយប័ណ្ណ ហ្វ្រង់សេអេហ្វអា របស់បារាំងនោះ គឺមានប្រទេស ហ្គីណេប៊ីសាអូ កូឌីវ័រ នីហ៊្សេ សេណេហ្កាល់ បេណាំង តុងហ្គោ ម៉ាលី និងប្រទេសបួគីណាហ្វ ដែលជាសមាជិកនៃសហភាពសេដ្ឋកិច្ច និងរូបិយវត្ថុអាហ្រ្វិកខាងលិច (UEMAO) ។ សូមបញ្ជាក់ថា រូបិយប័ណ្ណ ហ្វ្រង់សេ​អេហ្វអា ត្រូវបានបង្កើតឡើងចាប់តាំ...