Author: daily-khmer

(ភ្នំពេញ)៖ ឯកឧត្តម នាយឧត្តមសេនីយ៍ កុយ ប៊ុនថា អតីតរដ្ឋមន្ត្រីក្រសួងការពារប្រទេស និងជាអតីតរដ្ឋមន្ត្រីក្រសួងសង្គមកិច្ច អតីតយុទ្ធជន បានប្រសូតិនៅថ្ងៃទី០១ ខែមករា ឆ្នាំ១៩៥២ ក្នុងគ្រួសារកសិករមួយ នៅភូមិទ្រាសរ ឃុំខ្នារសរ ស្រុកស្រីសន្ធរ ខេត្តកំពង់ចាម។ លោកឪពុកមាននាម ហែម បូ និងអ្នកម្តាយមាននាម អ៊ុំ សៀក។ ឯកឧត្តម មានបងប្អូនបង្កើតចំនួន៦នាក់ ប្រុស២នាក់ ស្រី៤នាក់ ហើយឯកឧត្តម គឺជាកូនច្បងក្នុងគ្រួសារ ដែលត្រូវទទួលភារកិច្ចដ៏ធំក្នុងគ្រួសារ ដើម្បីជួយដល់ការរែកពន់ និងការមើលថែប្អូនប្រុសស្រីទាំង៥នាក់។ ឯកឧត្តម នាយឧត្តមសេនីយ៍ បានទទួលមរណៈភាព កាលពីវេលាម៉ោង១១:៣៥នាទីព្រឹក ថ្ងៃអង្គារ ១០ កើត ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៥ ខែមករា ឆ្នាំ២០១៩ ក្នុងជន្មាយុ៦៧ឆ្នាំ ដោយរោគាពាធ។ យោងតាមការស្រាវជ្រាវ និងចងក្រងរបស់មន្ត្រីក្រសួងការពារជាតិ អំពីប្រវត្តិរូបសង្ខេបរបស់ឯកឧត្តម នាយឧត្តមសេនីយ៍ កុយ ប៊ុនថា បានឲ្យដឹងថា៖...