ប្រជាពលរដ្ឋមួយក្រុមទៀត នៅស្រុកគាស់ក្រឡ ខេត្តបាត់ដំបង បន្តឯកភាពប្រគល់ដីឲ្យភាគីអ្នកទិញ ស្របតាមយុទ្ធសាស្ត្រឈ្នះឈ្នះ ដើម្បីបញ្ចប់ទំនាស់ដណ្ដើមសិទ្ធិគ្នាកាន់កាប់
បាត់ដំបង៖ ប្រជាពលរដ្ឋប្រាំគ្រួសារ រស់នៅក្នុងស្រុកគាស់ក្រឡ ខេត្តបាត់ដំបង កាលពីរសៀលថ្ងៃទី១៦ ខែសីហា ឆ្នាំ២០២២ បានឯកភាពគ្នាប្រគល់ដីទំហំជាង១០ហិកតាឲ្យម្ចាស់ដើមវិញ ស្របតាមយុទ្ធសាស្ត្រឈ្នះ-ឈ្នះរបស់ប្រមុខដឹកនាំកម្ពុជា ដើម្បីបញ្ចប់ទំនាស់ដណ្តើមសិទ្ធិកាន់កាប់ ដែលបានអូសបន្លាយអស់រយៈពេលជាច្រើនឆ្នាំកន្លងមកហើយ។
ការឯកភាពគ្នានេះ ត្រូវបានធ្វើឡើងនៅចំពោះមុខមន្ត្រីអាជ្ញាធរមូលដ្ឋាន ដោយចុះកិច្ចព្រមព្រៀងប្រគល់ និងទទួលដីប្រភេទកសិកម្ម រវាងតំណាងភាគីក្រុមហ៊ុន និងតំណាងគ្រួសារប្រជាពលរដ្ឋ នៅក្នុងស្មារតីចែករំលែកគ្នា និងអនុគ្រោះគ្នាទៅវិញទៅមក គឺចែកគ្នាពាក់កណ្តាលម្នាក់ ឬ៥០ភាគរយនៃផ្ទៃដីកាន់កាប់អាស្រ័យផលជាកស្តែងដោយមិនមានភាគីណាមួយខាតបង់ច្រើនឡើយ។
លោក ខុន ធន អាយុ៥១ឆ្នាំ អនុប្រធានភូមិគោករកា ឃុំដូនបា ស្រុកគាស់ក្រឡ ខេត្តបាត់ដំបង និងជាតំណាងបងប្អូនសាច់ញាតិរបស់លោកចំនួនប្រាំគ្រួសារ បានសម្តែងសេចក្តីរីករាយនៅមុខអាជ្ញាធរឃុំ ក្នុងពេលផ្ត...
