សង្គម និងកម្សាន្ត

   ឧត្ដរមានជ័យ ៖ ​លោក តូច គន្ធា ​ប្រធាន មន្ទីររតនាគារ ​ខេត្តឧត្ដរមានជ័យ លួចលាក់ ​មាន ​ប្រពន្ធចុង ​ដែល​ជា ​មន្ត្រី​ក្រោម​ឱវាទ​ របស់​ខ្លួន ​​ ​ត្រូវ​បាន​​​ ក្រុម​អធិការកិច្ច​ នៃក្រសួង ចុះ​ធ្វើ​អធិការកិច្ច​ ។ មតិមហាជន បាន​លើក​ឡើងថា​ ក្រុម​អធិការកិច្ច​នៃក្រសួង​ ចុះធ្វើ​អធិការកិច្ច​ ​លើ​លោក តូច គន្ធា ​​ប្រធាន​ មន្ទីររតនាគារ ​ខេត្តឧត្ដរមានជ័យ ​អស់​រយៈពេល​ជាច្រើន​ថ្ងៃមកហើយ ​ ​លទ្ធ​ផល​យ៉ាងណា​ គេ​កំពុង​រង់​ចាំ​អុត​មើល​​ ក្នុង​ចន្លោះដាក់ខែហ្នឹង ?​ មហាជនខ្លះ ​បាន​លើកឡើងថា ​ ​លោក តូច គន្ធា​​​​ កំពុង​តែ​ប្រឈម​​នឹង​ដក​ចេញ ​ពី​ការងារ​ កន្លែង​ខ្លឹម​មួយ​នេះ ​ ? មហាជន​បន្តថា លោក តូច គន្ធា​ បានចំណាយ ប្រាក់ រាប់ម៉ឺន ដុល្លារ កេង បាន ពី អំពើ​ពុករលួយ មក ជា ច្រើន ឆ្នាំ ថា បាន កាត់ កញ្ចប់ ថវិកា អភិវឌ្ឍន៍​ ប្រមាណ ៥% ។ ​សង្ស័យ ប្រាក់ ដែល លោក តូច គ ន្ធា ប្រមូល បាន ពី អំពើ ពុក រលួយ ទាំងនោះ ​ បាន យក​មក ​សា...

(ភ្នំពេញ)៖ លោក​​ ថោង ខុន រដ្ឋមន្ត្រីក្រសួងទេសចរណ៍បានស្នើ ដល់ភាគីជប៉ុនជួយអភិវឌ្ឍន៍វិស័យទេស​​​ចរណ៍នៅកម្ពុជាបន្ថែម ពិសេសគឺតាមរយៈការវិនិយោគលើការបង្កើតផលិតផលទេសចរណ៍​ថ្មីៗ លើការបង្កើត​តំបន់ទេស​ចរណ៍​សម្រាប់ទេសចរចូលនិវត្ត ក៏ដូចជាការជួយកសាងផ្លូវចំនួនចូលទៅកាន់សហគមន៍ទេសចរណ៍សំខាន់ៗផងដែរ។ ការស្នើនេះធ្វើឡើងតាមរយៈ លោក​​ Hidehisa HORINOUCHI ឯកអគ្គរាជទូតជប៉ុននៅកម្ពុជាចប់អា​ណត្តិ នាឱកាសដែល​ បាន​​ជួបជាមួយ លោក រដ្ឋមន្ត្រី ថោង ខុន នៅទីស្ដីការក្រសួងទេសចរណ៍ នារសៀលថ្ងៃទី១២ ខែសីហា ឆ្នាំ​២០១៩ ដើម្បីជម្រាបលាជាចុងក្រោយ ក្រោយពេល​បំពេញ​បេសកកម្មនៅកម្ពុជាប្រមាណ ០៣ឆ្នាំ មកនេះ។ លោករដ្ឋមន្ត្រី ថោង ខុន បានលើកឡើង ​ពីការរីកចម្រើនមួយចំនួនលើវិស័យទេសចរណ៍ ក្រោម​កិច្ចសហប្រតិបត្តិការល្អជាមួយស្ថានទូតជប៉ុនប្រចាំកម្ពុជា ក៏ដូចជាជាមួយរដ្ឋាភិបាល និងប្រជាជនជប៉ុនផងដែរ ក្នុងនោះ នៅក្នុងឆ្នាំ​២០១៨ ក្នុងចំណោម ០៦ គំរោងវិនិយោគរបស់ជប៉ុន គឺមា...

ស្វាយរៀង៖ ប្រជាពលរដ្ឋ៤ភូមិនៅ ឃុំប្រសូត្រ ស្រុកស្វាយទាប និងឃុំញរ ស្រុកកំពង់រោទ៌ ខេត្តស្វាយរៀង បានអំពាវនាវដល់អាជ្ញាធរស្រុក-ខេត្ត មេត្តាជួយអន្តរាគមន៍ដោះស្រាយរឿងក្រុមហ៊ុនចិនចាក់ដីលុបអូរបុរាណ និងបិទផ្លូវទឹកបិទលូរ ធ្វើឲ្យទឹកជន់លិចស្រូវរបស់ប្រជាពលរដ្ឋជាង៣០០ហិកតា។ កាលពីថ្ងៃទី១២ ខែសីហា ឆ្នាំ២០១៩ លោក មាឃ សេងហាន អាយុ៨១ឆ្នាំតំណាងឲ្យប្រជាពលរដ្ឋក្នុងភូមិអង្គតាមោគ ឃុំប្រសូត ស្រុកស្វាយទាបបានប្រាប់ឱ្យក្រុមអ្នកសារព័ត៍មានថា ក្រុមហ៊ុនចិនបានទិញដីពីប្រជាពលរដ្ឋប្រហែលជិតខែនេះ ក្រុមហ៊ុនចិនបានដឹកដីយកមកចាក់លុបអូរបិតលូរដែលជាផ្លូវទឹកធ្វើឲ្យទឹកជន់លិចលំនៅឋាន និងលិចស្រូវប្រជាពលរដ្ឋភូមិអង្គតាមោគ អស់៨៧ហិកតាលិចស្រូវប្រជាពលរដ្ឋភូមិព្រៃទួល និងភូមិទួលតាយឹង អស់១០០ហិកតា ។ ចំណែកលោក នួន សុផល អាយុ៧០ឆ្នាំ នៅភូមិត្រពាំងឆ្លូញ ឃុំញរ ស្រុកកំពង់រោទ៌ បានឲ្យដឹងថា នៅភូមិត្រពាំងឆ្លូញលិចអស់ជិត២០០ហិកតា ។ ប្រជាពលរដ្ឋនិយាយទៀតថា៖ អូរបុរា...

ភ្នំពេញ៖ អង្គភាពប្រឆាំងអំពើពុករលួយ (ACU) កាលពីចុងខែកក្កដា ឆ្នាំ២០១៩ កន្លងទៅនេះ បានចេញសេចក្តីជូនដំណឹងចំនួន ៥ទំព័ររបស់ខ្លួនស្តីអំពី កិច្ចប្រជុំលើកទី៤៥ អាណត្តិទី២ នៃក្រមប្រឹក្សាជាតិប្រឆាំងអំពើពុករលួយ។ យោងតាមសេចក្តីជូនដំណឹងនោះ បានបញ្ជាក់អំពី ករណីបទល្មើសពុករលួយរបស់លោក លៀម ប៊ុនរឿន ប្រធានមន្ទីររៀបចំដែនដី នគរូបនីយកម្ម សំណង និងសុរិយោដី ខេត្តពោធិ៍សាត់ ផងដែរ។ អង្គភាពប្រឆាំងអំពើពុករលួយ (ACU) បានរកឃើញថា ក្នុងងរយៈពេលកាន់តំណែងមិនទាំងដល់ ៣ឆ្នាំផង លោក លៀម ប៊ុនរឿន រកប្រាក់ចំណូលបានចំនួន ៣៧២,៧៤៧ដុល្លារ និងលុយខ្មែរចំនួន ៤៩លានរៀល ពីអំពើពុករលួយចំនួន ១៤០ករណី។ ACU បន្ថែមថា លោក លៀម ប៊ុនរឿន បានយកប្រាក់ដែលបានពីការប្រព្រឹត្តអំពើពុករលួយ ទៅជួសជុលផ្ទះចាស់ អស់ចំនួន ៤០,០០០ ដុល្លារ, ទិញផ្ទះពីរកន្លែង ដោយមួយកន្លែងចំនួន ១៦៨,០០០ដុល្លារ និងមួយកន្លែងទៀតចំនួន ៧២,០០០ដុល្លារ, ទិញដីមួយកន្លែង ចំនួន ៤៤,០០០ដុល្លារ ហើយសង់ផ្ទះត្រ...

ភ្នំពេញ៖ ក្រោយពេលបំពេញបេសកកម្មជាឯកអគ្គរាជទូតជប៉ុនប្រចាំកម្ពុជា លោក Hidehisa HORINOUCHI បានវាយតម្លៃខ្ពស់ចំពោះកិច្ចប្រតិបត្តិការលើវិស័យការងារ និងបណ្ដុះបណ្ដាលវិជ្ជាជីវៈ ជាមួយក្រសួងការងារ និងបណ្ដុះបណ្ដាលវិជ្ជាជីវៈបានកត់សម្គាល់ពីការរីកចម្រើននៃវិស័យនេះយ៉ាងល្អប្រសើរ តាមរយៈការបង្កើតការងារជាច្រើនដល់ប្រជាពលរដ្ឋកម្ពុជា។ លោក HORINOUCHI បានបញ្ជាក់បែបនេះក្នុងឱកាសទទួលជួប និងជម្រាបលា លោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ នៅរសៀលថ្ងៃទី១២ ខែសីហា ឆ្នាំ២០១៩។ លោកអគ្គរាជទូតបានរំលឹកថា ក្រសួងការងារ និងបណ្តុះបណ្តាលវិជ្ជាជីវៈ បានចុះអនុស្សរណៈនៃកិច្ចសហប្រតិបត្តិការជាមួយប្រទេសជប៉ុន លើការបញ្ជូនកម្មសិក្សាការី-ពលករជំនាញទៅធ្វើការនៅប្រទេសជប៉ុនចំនួន ២ រួមមាន៖ ទី១. អនុស្សរណៈនៃកិច្ចសហប្រតិបត្តិការ (MOC) ស្តីពីកម្មវិធីបណ្តុះបណ្តាលកម្មសិក្សាការីជំនាញបច្ចេកទេស បានចុះនៅថ្ងៃទី១១ ខែកក្កដា ឆ្...

លោកឧកញ៉ា ហួត ជា នាយកប្រតិបត្តិ​ក្រុមហ៊ុន​ ហ៊ួត​ ជា​ ខូអិលធីឌី​ បាន​ដឹកនាំបុគ្គលិកស្ម័គ្រចិត្តចំនួន ១៩នាក់ ចូលរួមបរិច្ចាគឈាមជូនមជ្ឈមណ្ឌលជាតិផ្តល់ឈាម ដើម្បី​សង្គ្រោះ​ជីវិតអ្នកជំងឺដែលត្រូវការ ឈាមជាចាំបាច់ កាល ពីថ្ងៃទី១២ខែសីហានេះ ។​​ លោកឧកញ៉ា ហួត ជា នាយកប្រតិបត្តិ​ក្រុមហ៊ុន​ ហ៊ួត​ ជា​ ខូអិលធីឌី បាន​មានប្រសាសន៍បញ្ជាក់​​​​ថា តាមពិត​​​ឈាមគឺពិតជាមានសារៈបំផុតសម្រាប់អ្នកជំងឺដែលខ្វះខាតឈាម ហើយ​ត្រូវការឈាមដើម្បីប្តូរ យកជីវិតរបស់គាត់ មក វិញ ហេតុ​​ដូច្នេះការបរិច្ចាគឈាមនេះ មិនត្រឹមតែបង្ហាញនូវចិត្តមនុស្សធម៌នោះទេ ក៏ប៉ុន្តែបានបង្ហាញនូវការលះបង់សម្រាប់ជួយជនរងគ្រោះផងដែរ។ ក្នុង១ថ្ងៃមជ្ឈមណ្ឌលជាតិផ្តល់ឈាមត្រូវការឈាមប្រហែល ២០០ប្លោក សម្រាប់អ្នកជម្ងឺនៅគ្រប់មន្ទីរពេទ្យ។ តែយ៉ាងណា បច្ចុប្បន្ន​ការផ្តល់​អំណោយ​ឈាម​ដោយ​ស្ម័គ្រចិត្ត​នៅមាន​ចំនួន ​តិច​តួច​​នៅឡើយ។ ត្រឹមពាក់កណ្តាលឆ្នាំ ២០១៩ នេះ មានអ្នកបរិច្ចាគឈាមជូនមជ្ឈមណ្...

កណ្តាល៖ រថយន្តដឹកទំនិញ ដែលសង្ស័យថា ជាទំនិញគេចពន្ធ ឬបង់ពន្ធមិនគ្រប់ របស់លោកឧកញ៉ា សុខ ថៃ ដែលបានធ្វើចរាចរណ៍នាំចូលទំនិញពីប្រទេសវៀតណាម តាមច្រកកោះធំ ក្នុងខេត្តកណ្តាល ដោយមិនមានការត្រួតពិនិត្យច្បាស់លាស់ពីមន្ត្រីគយ ប្រចាំនៅច្រកទ្វារអន្តរជាតិនេះឡើយ។ តាមការបញ្ជាក់ពីក្រុមឈ្មួញដឹកទំនិញឆ្លងដែនពីប្រទេសវៀតណាម បានឲ្យដឹងថា ទំនិញរបស់លោកឧកញ៉ា សុខ ថៃ​​​ ត្រូវបានដឹកមកស្តុក នៅក្នុងឃ្លាំងជាច្រើនកន្លែង ស្ថិតនៅក្រុងតាខ្មៅ ខេត្តកណ្តាល ស្ថិតក្នុងដែនដីត្រួតត្រាបង់ពន្ធរបស់លោក អន ស៊ីនួន ប្រធានសាខាគយ និងរដ្ឋាករប្រចាំខេត្តកណ្តាល។ ប្រជាពលរដ្ឋបានអះអាងថា ឃ្លាំងស្តុកទំនិញគេចពន្ធរបស់ឧកញ៉ា សុខ ថៃ មានពីរទីតាំងផ្សេងគ្នា គឺស្ថិតនៅផ្ទះលេខ០៤៨ ផ្លូវលេខ២១ ក្នុងសង្កាត់តាខ្មៅ ក្រុងតាខ្មៅ និងមួយទីតាំងទៀត ស្ថិតនៅតាមផ្លូវលេខ២១B ភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល។ ប្រជាពលរដ្ឋក្នុងខេត្តកណ្តាល និងខេត្តតាកែវ បានប្រាប...

ព្រះសីហនុ៖ ក្រុមហ៊ុន Yunnan ចិនមានគោលបំណងវិនិយោគលើប្រព័ន្ធលូទឹកភ្លៀង និងលូទឹកកខ្វក់ក្នុងក្រុងព្រះសីហនុ ស្របពេលដែលខេត្តនេះកំពុងមានការអភិវឌ្ឍយ៉ាងឆាប់រហ័សនាពេលបច្ចុប្បន្ន ទាមទារនូវហេដ្ឋារចនាសម្ពន្ធជាច្រើន ពិសេសប្រព័ន្ធលូទឹកភ្លៀង និងលូទឹកកខ្វក់។ ក្នុងជំនួបពិភាក្សាជាមួយលោក គួច ចំរើន អភិបាលខេត្តព្រះសីហនុ នៅថ្ងៃទី១២ ខែសីហានេះ លោក Lu Guo Bing អគ្គនាយកក្រុមហ៊ុន Yunnan បានឲ្យដឹងថា ក្រុមហ៊ុនបានសិក្សាខ្លះៗនូវប្រព័ន្ធលូទាំងពីរប្រភេទនេះ នៅក្រុងព្រះសីហនុ តាំងពីឆ្នាំ២០១៣ ក៏ប៉ុន្តែមិនទាន់បានលម្អិត និងស៊ីជម្រៅ។ លោកថា ប្រសិនជារដ្ឋបាលខេត្តអនុញ្ញាតិ ក្រុមហ៊ុនលោកនឹងសិក្សាប្លង់លម្អិត ដើម្បីដាក់ជូនរដ្ឋបាលខេត្តធ្វើការពិនិត្យ។ លោក គួច ចំរើន បានស្វាគមន៍គម្រោងវិនិយោគប្រព័ន្ធលូទឹកភ្លៀង និងទឹកកខ្វក់ក្នុងក្រុងព្រះសីហនុ ក៏ប៉ុន្តែក្រុមហ៊ុនត្រូវមានផែនការគម្រោងប្លង់គោល ថាតើមានប្រព័ន្ធលូទឹកភ្លៀងប៉ុន្មានគីឡូម៉ែត្រ លូទឹក...

  ភ្នំពេញ៖ លោករដ្ឋមន្ត្រី វេង សាខុន បានដឹកនាំប្រជុំដើម្បីធ្វើការផ្សព្វផ្សាយសមាសភាពគណ:កម្មាធិការជាតិ និងអគ្គលេខាធិការដ្ឋានប្រតិបត្តិនៃគណ:កម្មាធិការជាតិដើម្បីទប់ស្កាត់ លុបបំបាត់ និងបង្រ្គាបការកាប់រាន ដុត ឈូសឆាយ និងហ៊ុមព័ទ្ធដីព្រៃឈើ ដើម្បីវាតយកធ្វើជាកម្មសិទ្ធិនៅតាមបណ្តាខេត្តមួយចំនួននៃព្រះរាជាណាចក្រកម្ពុជា។ កិច្ចប្រជុំដ៏មានសារៈសំខាន់នាព្រឹកថ្ងៃទី១២ ខែសីហា ឆ្នាំ២០១៩ នេះ ​នៅក្រសួងកសិកម្មរុក្ខាប្រមាញ់ និងនេសាទ មានវត្តមាន ប្រធាន សមាជិក សមាជិកានៃគណ:កម្មាធិការជាតិ និងអគ្គលេខាធិការដ្ឋានដែលអញ្ជើញមកពីអន្តរក្រសួង ស្ថាប័នពាក់ព័ន្ធថ្នាក់ជាតិ និងថ្នាក់ក្រោមជាតិ។ គោលបំណងសំខាន់នៃកិច្ចប្រជុំគឺដើម្បីពង្រឹង និងពង្រីកការផ្សព្វផ្សាយលិខិតបទដ្ឋាន គតិយុត្តិនានា ដែលពាក់ព័ន្ធ សេចក្តីជូនដំណឹងរបស់រាជរដ្ឋាភិបាល និងអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីពាក់ព័ន្ធនឹងប្រធានបទន...

ភ្នំពេញ៖​ លោក កាំង លាង ប្រធានសាខាគយ និងរដ្ឋាករ ខេត្តព្រៃវែង បានឲ្យដឹងថា ក្នុងរយៈពេល៧ខែ ដើមឆ្នាំ២០១៩ នេះ ពាក់ព័ន្ធនិងការចរាចរទំនិញ ក្នុងការនាំចេញតាមច្រកសំខាន់ៗនៅខេត្តព្រៃវែង ស្រូវមានចំនួនជាង ២៦ពាន់តោន មានតម្លៃប្រមាណជាង ៥០លានដុល្លារអាមេរិក និងការនាំចេញស្វាយមានចំនួន ១៨ពាន់តោន មានតម្លៃជាង ២លានដុល្លារអាមេរិក ។ លោកបានបញ្ជាក់ទៀតថា ចំណែកការនាំចូលមាន៖ ត្រីជាង ៨០០តោន មានតម្លៃគិតពន្ធជិត ២ពាន់លានរៀល អង្ករមានជាង ១ពាន់តោន តម្លៃគិតពន្ធជាង ២ពាន់លានរៀល  ជ្រូក ៣០តោន តម្លៃគិតពន្ធជាង ១២០លានរៀល ធ្យូងថ្មជាង ២ពាន់តោន តម្លៃគិតពន្ធជាង ៥០០លានរៀល ជីកសិកម្មជាង ១ម៉ឺនតោន តម្លៃគិតពន្ធជាង ១ម៉ឺនលានរៀល ចំណីសត្វជាង១ម៉ឺនតោន តម្លៃគិតពន្ធជាង២ម៉ឺនលានរៀល និងវត្ថុធាតុដើមផលិតចំពីសត្វជាង ៩ពាន់តោន តម្លៃគិតពន្ធត្រូវប្រមាណ ជាង១ពាន់លានរៀលផងដែរ។ ដូច្នេះនៅក្នុងរយៈពេល៧ខែ ឆ្នាំ២០១៩នេះ សាខាគយ និងរដ្ឋាករ ខេត្តព្រៃវែង ប្រមូលចំណូលពន្ធ និ...