សង្គម និងកម្សាន្ត

គណៈប្រតិភូនាវាកងទ័ពជើងទឹក នៃកងទ័ពរំដោះប្រជាជនចិន មានមនុស្ស៦៩៥នាក់ ដឹកនាំដោយ លោកឧត្តមសេនីយ៍ទោ Xu Hai Han នាយរងសេនាធិការ កងនាវាតំបន់សមុទ្រខាងជើងនៃកងទ័ពរំដោះប្រជាជនចិន បានមកដល់ប្រទេសកម្ពុជាហើយ នៅព្រឹកថ្ងៃទី០៩ ខែមករា ឆ្នាំ២០១៩នេះ ដើម្បីបំពេញទស្សនកិច្ចរយៈពេល៤ថ្ងៃ ពីថ្ងៃទី០៩ ដល់១២ ខែមករា ឆ្នាំ២០១៩។ ដំណើរទស្សនកិច្ចគណៈប្រតិភូនាវាកងទ័ពជើងទឹកនេះ ដើម្បីរឹតចំណងមិត្តភាព និងពង្រីកកិច្ចសហប្រតិបត្តិការណ៍រវាងកងយោធពលខេមរភូមិន្ទ និង កងទ័ពរំដោះប្រជាជនចិន  និងពង្រីកកិច្ចសហប្រតិបត្តិការណ៍ល្អជាមួយ កងទ័ពជើងទឹករបស់ព្រះរាជាណាចក្រកម្ពុជា។ ក្នុងដំណើរទស្សនកិច្ចរយះពេល៤ថ្ងៃនេះ លោកឧត្តមសេនីយ៍ទោ Xu Hai Han នឹងចូលជួបសម្តែងការគួរសមជាមួយ លោកយន្ត មីន អភិបាលខេត្តព្រះសីហនុ ។ លោក ឧត្តមនាវីឯក អ៊ុក សីហា មេបញ្ជាំការរងកងទ័ពជើងទឹក និងជាមេបញ្ជាការ បញ្ជាការដ្ឋានមូលដ្ឋានសមុទ្ររាម ។ លោក នាយឧត្តមនាវី ទៀ វិញ អគ្គមេបញ្ជាការរង កងយោធពលខ...

អ្នកតំណាងរាស្ត្រពីរនាក់មកពីគណបក្សប្រជាធិបតេយ្យរបស់សហរដ្ឋអាមេរិក បានយកសម្រាមទៅដាក់នៅមុខសេតវិមាន និងបានដាក់ឈ្មោះថា សម្រាមត្រាំ ។ មូលហេតុដែលតំណាងរាស្ត្រដាក់ឈ្មោះសម្រាមនេះថា សម្រាមត្រាំ គឺដោយសារលោកប្រធានាធិបតីអាមេរិក លោក ដូណាល់ ត្រាំ បានបិទផ្នែកខ្លះនៃរដ្ឋាភិបាល ដែលជានាំឲ្យបុគ្គលិកផ្នែកអនាម័យមិនទៅធ្វើការ ដែលនាំឲ្យសម្រាមនៅគរកកកុញនៅតាមសួនសាធារណៈ ។ សូមរំលឹកថា លោក ត្រាំ បានប្រកាសបិទផ្នែកខ្លះនៃរដ្ឋាភិបាល ដែលជាយុទ្ធសាស្ត្របង្ខំឲ្យសមាជិកព្រឹទ្ធសភាអនុម័តផ្តល់ប្រាក់ជាង៥ពាន់លានដុល្លារឲ្យប្រធានាធិបតីរូបនេះយកទៅធ្វើរបងព្រំដែន ហើយការបិទផ្នែកខ្លះនៃរដ្ឋាភិបាលនេះ គឺចំលើផ្នែកអនាម័យ ដែលបុគ្គលិកមិនទៅធ្វើការ នាំអោយសល់សម្រាមចោលជាច្រើននៅតាមសួនសាធារណៈ ដែលត្រូវបានដាក់ឈ្មោះថា សម្រាមត្រាំ ៕...

ចិនបានបញ្ជូននាវាចម្បាំងទៅកាន់សមុទ្រចិនខាងត្បូង ក្នុងគោលដៅរារាំងនាវាចម្បាំងអាមេរិក មិនឲ្យចូលទៅជិតកោះសិប្បនិមិត្ត Paracel Islands នៅក្នុងសមុទ្រនេះ ។ ការបញ្ជូននាវាចម្បាំងទៅកាន់សមុទ្រចិនខាងត្បូងរបស់ក្រសួងការពារជាតិចិន ត្រូវបានធ្វើឡើងក្រោយពីមន្ទីរបញ្ចកោណអាមេរិក បានបញ្ជូននាវាពិឃាតបាញ់មីស៊ីលតម្រង់គោលដៅ U.S. guided-missile destroyer រួមទាំងនាវាចម្បាំងជាច្រើនគ្រឿងផ្សេងទៀត ទៅកាន់កោះសិប្បនិមិត្ត Paracel Islands ដែលចិនបានអះអាងថាជាកម្មសិទ្ធិរបស់ខ្លួន ។ ចិនមានជម្លោះជាមួយនឹងប្រទេសផ្សេងៗទៀតចំនួន៤ប្រទេសនៅជុំវិញដែនទឹកក្នុងសមុទ្រចិនខាងត្បូង ដែលមានប្រទេសព្រុយណេ ឥណ្ឌូនេស៊ី ហ្វីលីពីន និងប្រទេសវៀតណាម ដោយប្រទេសទាំងនោះ បានចោទប្រកាន់ចិនពីបទវ៉ាងទីយកដែនទឹកតែម្នាក់ឯងនៅសមុទ្រចិនខាងត្បូង ប៉ុន្តែចិនបានអះអាងថាជាកម្មសិទ្ធរបស់ខ្លួន ៕...

ប្រព័ន្ធផ្សព្វផ្សាយ Aljazeera របស់ប្រទេសកាតា បានឲ្យដឹងថា ប្រធានាធិបតីរបស់ប្រទេសទួរគី​ លោក រ៉េសិប តៃយីប អឺដូហ្កាន (Recep Tayyip Erdogan) បានក្រើនរំលឹកប្រធានាធិបតីសហរដ្ឋអាមេរិក លោក ដូណាល់ ត្រាំ ក្នុងការរកដៃគូឲ្យបានល្អ មុននឹងសម្រេចដកកងទ័ពរបស់ខ្លួនចេញពីប្រទេសស៊ីរី ។ ការក្រើនរំលឹករបស់លោក អឺដូហ្កាន ត្រូវបានធ្វើឡើងក្រោយពីទីប្រឹក្សាសន្តិសុខជាតិអាមេរិក លោក ចន បុលតុន (John Bolton) បានព្រមានថា ភាគីណាក៏មិនអាចប៉ះពាល់ក្រុមកុលសម្ព័ន្ធ ខឺត (Kurd) បានដែរ ក្រោយពីអាមេរិកដកកងទ័ពចេញពីប្រទេសស៊ីរី ។ សូមបញ្ជាក់ថា អាមេរិកបានបំពាក់អាវុធដល់ក្រុមកុលសម្ព័ន្ធ ខឺត នៅប្រទេសស៊ីរី ដើម្បីវាយប្រហារលើក្រុមសកម្មប្រយុទ្ធរដ្ឋអ៊ីស្លាម ISIS ប៉ុន្តែទួរគីបារម្ភខ្លាចក្រុមនេះ វាយប្រហារផ្តាច់ទឹកដីពីទួរគី ខណៈខ្លួនមានកម្លាំង និងអាវុធគ្រប់គ្រាន់ពីអាមេរិក ៕  ...

  មេដឹកនាំកំពូលវ័យក្មេងរបស់កូរ៉េខាងជើង លោគីម ជុងអ៊ុន បានធ្វើដំណើរទៅដល់ទីក្រុង ប៉េកាំង ប្រទេសចិនហើយ នៅព្រឹកថ្ងៃអង្គារ ទី០៨ ខែមករា ឆ្នាំ២០១៩នេះ ។ តាមប្រភពពីCNN បានបញ្ជាក់ថា នេះជាដំណើរទស្សនកិច្ចលើកទី៤ហើយរបស់ លោក គីម ជុងអ៊ុន ទៅកាន់ប្រទេសចិន ហើយក៏ជាលើកដំបូងដែរសម្រាប់ឆ្នាំ២០១៩នេះ ដែលកាលពីឆ្នាំ២០១៨កន្លងទៅមានចំនួន៣កើក ។ ប្រភពដដែលបានបន្ថែមថា លោក គីម ជុងអ៊ុន នឹងបំពេញទស្សនកិច្ចរយៈពេល៣ថ្ងៃនៅប្រទេសចិនតាមការអញ្ជើញរបស់ប្រធានាធិបតីចិន លោក ស៊ី ជីនពីង ៕...

(ភ្នំពេញ) ច្បាប់ស្តីពីវិសោធនកម្មមាត្រា ៤៥ថ្មី (ស្ទួន) នៃច្បាប់ស្តីពីគណបក្សនយោបាយ ដែលជាការបើកផ្លូវឲ្យអ្នកនយោបាយជាប់បំរាម អាចធ្វើសកម្មភាពនយោបាយរបស់ខ្លួនឡើងវិញនោះ ត្រូវបានព្រះ​ករុណា ព្រះបាទ​សម្ដេច ​ព្រះបរមនាថ នរោត្ដម សីហមុនី ព្រះមហាក្សត្រ​នៃកម្ពុជា ចេញព្រះរាជក្រម ប្រកាសដាក់ឲ្យប្រើប្រាស់ជាផ្លូវការហើយ។ នេះបើយោងតាមព្រះរាជក្រមដែលបណ្តាញព័ត៌មាន ទើបទទួលបាននៅព្រឹកថ្ងៃទី០៨ ខែមករា ឆ្នាំ២០១៩នេះ។ សូមបញ្ជាក់ថា ច្បាប់ស្តីពីវិសោធនកម្មច្បាប់គណបក្សនយោបាយ គឺជាការបើកផ្លូវឲ្យអ្នកនយោបាយ ដែលតុលាការហាមឃាត់សិទ្ធិ ធ្វើនយោបាយមានសិទ្ធិពេញលេញ ក្នុងការធ្វើនយោបាយឡើងវិញ។ ច្បាប់វិសោធនកម្មច្បាប់គណបក្សនយោបាយ ត្រូវបានចុះហត្ថលេខា ដោយតំណាងរាស្រ្តចំនួន៨៧រូប ដោយធ្វើវិសោធនកម្ម ទៅលើមាត្រា៤៥ថ្មី (ស្ទួន) នៃច្បាប់ស្តីពីគណបក្សនយោបាយ ដោយបន្ថែមនូវវាក្សខណ្ឌមួយថ្មីក្នុងមាត្រា៤៥ថ្មី (ស្ទួនមួយ) ដូចមាននៅក្នុងព្រះរាជក្រម៖...

(បន្ទាយមានជ័យ)៖ ឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមាជ័យ បានបញ្ជាក់ឲ្យបណ្តាញព័ត៌មាន ឲ្យដឹងនៅព្រឹកថ្ងៃទី០៨ ខែមករា ឆ្នាំ២០១៩នេះថា ករណីអគ្គិភ័យឆេះអាគារកាស៊ីណូ កម្ពស់១៨ជាន់របស់ឧកញ៉ា កុក អាន ដែលមានទីតាំងស្ថិតនៅក្នុងភូមិក្បាលស្ពាន សង្កាត់.ក្រុងប៉ោយប៉ែត ខេត្តបន្ទាយមានជ័យ បណ្តាលឲ្យមានមនុស្ស៦នាក់រងរបួស ក្នុងនោះមានជនជាតិខ្មែរ៥នាក់ និងជនជាតិចិនម្នាក់ និងខូចខាតសម្ភារមួយចំនួនទៀត។ លោកស្នងការបានបញ្ជាក់ទៀតថា អគ្គិភ័យនេះចាប់ផ្តើមឆេះនៅម៉ោង៩៖៣៥នាទីយប់ បណ្តាលមកពីឆ្លងចរន្តអគ្គិសនីជណ្តើរយន្ត នៅជាន់ទី៤។ ជនរងគ្រោះទាំង៦នាក់ ត្រូវបានបញ្ជូនទៅសង្រ្គោះ នៅមន្ទីរពេទ្យបង្អែកដីថ្មី តែមិនបណ្តាលឲ្យគ្រោះថ្នាក់ដល់អាយុជីវិតទេ គ្រាន់តែថប់ដង្ហើមដោយសារត្រូវផ្សែងភ្លើងនិង ខូចខាតសម្ភារមួយចំនួន។ អគ្គិភ័យខាងលើនេះ ត្រូវបានសមត្ថកិច្ចពន្លត់បានទាំងស្រុងនៅម៉ោង២រំលងអាធ្រាត្រ ឈានចូលថ្ងៃទី០៨ ខែមករា ឆ្នាំ២០១៩ ដោយប្រើប្រាស់...

ប្រភពពី RT បានឲ្យដឹងថា មន្ទីរបញ្ចកោណសហរដ្ឋអាមេរិក បានបញ្ជូននាវាចម្បាំង USS Fort McHenry ទៅកាន់សមុទ្រខ្មៅ ខណៈប្រទេសអ៊ុយក្រែនកំពុងមានភាពតានតឹងជាមួយប្រទេសរុស្ស៊ី ។ សូមរំលឹកថា កាលពីចុងឆ្នាំ២០១៨កន្លងទៅ កងទ័ពជើងទឹករបស់រុស្ស៊ី និងអ៊ុយក្រែន បានប៉ះទង្គិចគ្នានៅក្នុងសមុទ្រខ្មៅ ភាគខាងកើតនៃប្រទេសអ៊ុយក្រែន ដោយរុស្ស៊ីបានចាប់ខ្លួនកងទ័ពជើងទឹកអ៊ុយក្រែន២៣នាក់ ។ នាយទាហានជើងទឹកអាមេរិក វរៈសេនីយ៍ Lisa M. Franchetti បានឲ្យដឹងថា បេសកកម្មនាវាចម្បាំងអាមេរិកទៅកាន់សមុទ្រខ្មៅ គឺត្រូវបានធ្វើឡើងក្នុងការធានាស្ថិរភាពសន្តិសុខអោយប្រទេសអ៊ុយក្រែន និងនៅតំបន់អឺរ៉ុបទាំងមូល ៕...

មន្ត្រីសេតវិមានបាននិយាយថា ប្រធានាធិបតីអាមេរិក លោកដូណាល់ ត្រាំ​ អាចនឹងប្រកាសដាក់រដ្ឋក្នុងគ្រាអាសន្ននៅពេលខាងមុខនេះ ប្រសិនបើលោកមិនបានលុយជាង៥ពាន់លានដុល្លារយកទៅធ្វើរបងព្រំដែនជាប់ជាមួយប្រទេសម៉ិកស៊ិក ។ មន្ត្រីសេតវិមានដដែលបានបន្តថា នៅពេលបច្ចុប្បន្ននេះ លោក ត្រាំ កំពុងពិភាក្សាជាមួយមន្ត្រីរដ្ឋបាល និងអ្នកតំណាងរាស្ត្រមកពីគណបក្សទាំងពីរ ប្រសិនបើកិច្ចពិភាក្សាមិនបានទទួលលទ្ធផលវិជ្ជមាន លោក ត្រាំ នឹងប្រកាសដាក់រដ្ឋក្នុងគ្រាអាសន្ន ដើម្បីចាយលុយដោយមិនចាំបាច់ឆ្លងសភា និងព្រឹទ្ធសភា ។ លោកដូណាល់ ត្រាំ បានប៉ុនប៉ងយូរហើយ ក្នុងការសាងសង់របងព្រំដែនជាប់ជាមួយប្រទេសម៉ិកស៊ិក ក្នុងការទប់ស្កាត់លំហូរជនអន្តោប្រវេសន៍ខុសច្បាប់ចូលអាមេរិក ប៉ុន្តែបំណងនេះ ត្រូវបានជំទាស់យ៉ាងខ្លាំងពីមន្ត្រី សមាជិករដ្ឋសភា និងព្រឹទ្ធសភារបស់គណបក្សទាំងពីរ ដោយសារតែការចំណាយសរុបក្នុងការធ្វើរបងព្រំដែននេះ អាចអស់ទឹកប្រាក់រហូតដល់២៣ពាន់លានដុល្លារ ៕...