សេដ្ឋកិច្ច និងវិនិយោគ

លោកឧកញ៉ាបណ្ឌិត គីម ហ៊ាង ប្រធានក្រុមហ៊ុន Khmer Real Estate និងជាប្រធាន KW Cambodia ចាប់ផ្តើម​បុកគ្រឺះ​សាងសង់នូវ បុរី KS Residence លក់ជាផ្លូវការ​​ហើយ ​​​ដែលមានទីតាំងស្ថិតនៅគៀនស្វាយ ក្នុងខេត្តកណ្តាល កាលពីថ្ងៃទី២៦ ខែគុម្ភៈនេះ។ យោងតាមម្ចាស់គម្រោងឲ្យដឹងថា គម្រោងនេះជាការវិនិយោគមួយដែលមានឯកសារ និងអាជ្ញាបណ្ណ័តាមផ្លូវច្បាប់គ្រប់គ្រាន់​១០០%ពីក្រសួងដែនដី និងក្រសួងសេដ្ឋកិច្ច ក្នុងនាមជាក្រុមហ៊ុនអភិវឌ្ឍន៍ផ្នែកអចលនទ្រព្យ។ លោកឧកញ៉ាបណ្ឌិត គីម ហ៊ាងបានបញ្ជាក់ថា ក្រុមហ៊ុនលោកសង់បុរីនេះ គឺមានប្លង់រឹងដី សម្រាប់សាងសង់បុរី KS Residence​ គឺមិនជាប់បញ្ចាំនៅធនាគារទេ។ក្រុមហ៊ុននឹងបំបែកក្បាលដីរួចជាស្រេច ដើម្បីអាចផ្ទេរឈ្មោះទៅអ្នកទិញបានគ្រប់ពេលវេលា។ បុរី KS Residence នឹងរត់ការផ្ទេរឈ្មោះក្នុងប្លង់រឹងបង់ពន្ធប្រថាប់ត្រានិងពន្ធគ្រប់ប្រភេទ អោយអ្នកទិញ១០០%ហើយផ្ទះមាន ៣បន្ទប់គេង ៣បន្ទប់ទឹក កន្លែងចតឡានក្នុងរបងផ្ទះទំហំ សរុប ១១០ម៉ែត្...

តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនប័ត្រចុះបញ្ជីជាស្ថាពរ ជូនដល់ក្រុមហ៊ុនចំនួន ៥ទៀត ដែលអាចមានសិទ្ធិវិនិយោគជាផ្លូវការនៅក្នុងប្រទេសកម្ពុជា ស្របតាមគោលនយោបាយបើកចំហរជើងមាឃរបស់សម្តេចតេជោនាយករដ្ឋមន្រ្តី​។​​ ក្រុមហ៊ុនទទួលបានសិទ្ធិវិនិយោគនោះទី ១ ឈ្មោះ  “ JOVIAL CHARM CO., LTD” គម្រោងបង្កើតរោងចក្រចាក់ និងកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិកំពង់ព្រីង សង្កាត់សិត្បូ ក្រុងតាខ្មៅ ខេត្តកណ្តាល មានទុនវិនិយោគប្រមាណ ២,២លានដុល្លារអាមេរិក និងអាចបង្កើតការងារបានចំនួន ៩០៩កន្លែង។ ក្រុមហ៊ុនទី ២ ឈ្មោះ- “PINYTEX CO., LTD” គម្រោងបង្កើតរោងចក្រកាត់ដេរសម្លៀកបំពាក់ ត្បាញក្រណាត់ និងជ្រលក់ពណ៌ ដែលមានទីតាំងវិនិយោគស្ថិតនៅភូមិតាំងស្នោ ឃុំទំព័រមាស ស្រុកសំរោងទង ខេត្តកំពង់ស្ពឺ មានទុនវិនិយោគប្រមាណ ៨,៣លានដុល្លារអាមេរិក និងអាចបង្កើតការងារបាន...

ក្នុងកាលៈទេសៈដែលសេដ្ឋកិច្ចពិភពលោក និងតំបន់កំពុងប្រ ឈមនឹងការរំខានដោយជំងឺ កូវីដ ១៩ (កូរ៉ូណា) គឺ សម្តេចតេ ជោ ហ៊ុន សែន នាយករដ្ឋមន្រ្តីកម្ពុជា បានបញ្ជាក់ច្បាស់ សារជាថ្មីនៅថ្ងៃនេះ ជូនដល់បងប្អូនជនរួមជាតិទូទាំងប្រទេសអោយបានជ្រាបថា បើបងប្អូនទិញផ្ទះ ទិញខុនដូ ឬផ្ទះល្វែង ក្រោមតម្លៃ ៧ ម៉ឺនដុល្លារ គឺមិនមានបង់ពន្ធប្រថាប់ត្រាទេ។ នេះជាឱកាសដ៏ល្អបំផុត សម្រាប់បងប្អូនប្រជាពលរដ្ឋដែលចង់បានផ្ទះសម្បែងរស់នៅក្នុងតម្លៃសមរម្យនៅក្នុងកាលៈទេសៈនេះ។ លើសពីនេះ រាជរដ្ឋាភិបាលកម្ពុជាដឹកនាំដោយ CPPមិនយកពន្ធដីកសិកម្ម ១០០ឆ្នាំតទៅមុខទៀត សុខទុក្ខប្រជាពលរដ្ឋ គឺជាសុខទុក្ខផ្ទាល់របស់ សម្តេចតេជោ ហ៊ុន សែន ។ ប្រសិនបើប្រជាពលរដ្ឋខ្មែរនៅតែបន្តគាំទ្រ និងបោះឆ្នោតអោយ គណបក្សប្រជាជនកម្ពុជា ដឹកនាំប្រទេសជាតិតទៅមុខទៀត គឺរាជរដ្ឋាភិបាលកម្ពុជា ក្រោមការដឹកនាំរបស់​ សម្តេចតេជោ ហ៊ុន សែន គឺប្តេជ្ញាមិនយកពន្ធដីកសិកម្មពីប្រជាពលរដ្ឋខ្មែរ រយៈពេល ១០០ ឆ្នាំត...

លោក  ប៉ាន សូរស័ក្ដិ រដ្ឋមន្ត្រី​ក្រសួងពាណិជ្ជកម្ម បានទទួលជួបជាមួយសហព័ន្ធឧស្សាហកម្មយានយន្តកម្ពុជា (Cambodian Automotive Industry Federation) ដើម្បីពិភាក្សាការងារមួយចំនួនទាក់ទងនឹងវិស័យយានយន្តនៅកម្ពុជានៅរសៀលថ្ងៃទី២៥ ខែកុម្ភៈ ឆ្នាំ២០២០នេះ​។ អង្គប្រជុំបានពិភាក្សាអំពីចំណុចមួយចំនួនរួមមាន ការលើកកម្ពស់ការប្រើប្រាស់រថយន្តថ្មី តាមរយៈការផ្សព្វផ្សាយ និងចូលរួមពិព័រណ៍នានា ការចូលរួមរបស់សហព័ន្ធក្នុងការកាត់បន្ថយគ្រោះថ្នាក់ចរាចរណ៍ និងសកម្មភាពដទៃទៀតសម្រាប់ប្រយោជន៍សង្គម។ ជាមួយនោះដែរ លោក​​រដ្ឋមន្ត្រី បានលើកទឹកចិត្តឲ្យសហព័ន្ធឧស្សាហកម្មយានយន្តកម្ពុជា បន្តការវិនិយោគនៅកម្ពុជា ព្រមទាំងនាំមកនូវម៉ាករថយន្តល្បីៗ ដើម្បីបម្រើតម្រូវការដ៏សម្បូរបែប របស់ប្រជាជនកម្ពុជានាពេលបច្ចុប្បន្ន។...

ប៉ោយប៉ែត៖ សហគ្រិននឹងម្ចាស់អាជីវកម្មចំណានប្រមាណជាង50 នាក់ បានចូលរួមយ៉ាងយកចិត្តទុកដាក់ក្នុងការស្រូបយកចំនេះដឹងនឹងចំនេះធ្វើពីលោកគ្រូ អោម សេងបូរ៉ា ដោយ​​បាន​​​បង្វឹកនូវជំនាញភាពជាអ្នកដឹកនាំឆ្ពោះទៅរកភាពជោគជ័យកម្រិតកំពូល ក្នុងរយៈពេល០២ថ្ងៃ ដល់ទីក្រុងប៉ោយប៉ែត ខេត្តបន្ទាយមាន​ជ័យ កាលពីថ្ងៃទី២៣-២៤ ខែកុម្ភៈ ឆ្នាំ២០២០នៅសាលាអន្តរជាតិអេឡាហ្គឺន។​​ លោក អោម សេងបូរ៉ា ដែលគេស្គាល់ថា ជាម្ចាស់ពានស្ថាបនិកឆ្នើមនិងជាគ្រូបង្វឹកផ្ទាល់ក្នុងកម្មវិធី បានមានប្រ​សាសន៏​ថា “ថ្នាក់ដឹកនាំដែលមានភាពជោគជ័យ និងត្រូវបានគេឱ្យតម្លៃខ្ពស់ជាបុគ្គលម្នាក់​ ដែលមានសេចក្ដីសុខមាន​កិត្តិយសនិងមានទ្រព្យសម្បត្តិខ្ពង់ខ្ពស់»។ បន្ថែមពីនេះ លោកថា« ឥទ្ធិពលខ្លាំងក្នុងការដឹកនាំគឺ ភាពរឹងមាំផ្នែកអារម្មណ៍និងស្មារតីដែលអាចចាកចេញពីសេចក្ដីស្អប់ ការច្រណែន ភាពអវិជ្ជមាន និងធ្វើឱ្យអ្នកជុំវិញមានសេចក្ដីសុខដូចខ្លួនឯងដែរ»។ គិតមកត្រឹមខែកុម្ភៈឆ្នាំ២០២០នេះ CEO Mast...

លោករដ្ឋមន្រ្តី វេង សាខុន បានទទួលជួបលោក Yuichi Sugano (Chief Representative, JICA Cambodia) និង លោក NAKADA Shunichi (Senior Advisor of Agriculture Policy, Rural Development Depart​ment of JICA in Japan) និងសហការីដើម្បីសម្តែងការគួរសម និងរាយការណ៍ជួនជ្រាបអំពីលទ្ធផលបឋមនៃការធ្វើសិក្សាលើគុណភាពនៃការផលិតបន្លែនៅកម្ពុជាជាពិសេសសំណល់ថ្នាំពុលកសិកម្មនៅក្នុងបន្លែនិងការសិក្សាស្វែងយល់ពីដំណើការនៃការរៀបចំខ្សែច្រវាក់តម្លៃផលិកម្មកសិកម្មនៅកម្ពុជា។ សូមបញ្ជាក់ថា គោលបំណងនៃការសិក្សាបឋម របស់ក្រុមបេសកកម្ម JICA នៅពេលនេះ គឺដើម្បីប្រមូលចងក្រងរាល់ឯកសារពាក់ព័ន្ធដូចបានបញ្ជាក់ខាងលើ ឈានទៅដល់ការរៀបចំគម្រោងគាំទ្រធ្វើការអភិវឌ្ឍន៍វិស័យ​កសិកម្មមួយពេញលេញ ជាពិសេសផ្តោតទៅលើការផលិតបន្លែ ប្រកបដោយគុណភាព និងសុវត្ថភាព សម្រាប់ផ្គត់ផ្គង់ទីផ្សារបានគ្រប់គ្រាន់ ក្នុងរយៈពេលខ្លី និងរយៈពេលវែងនៅកម្ពុជា ។ លោកប្រធានក្រុមការងារ JICA បានថ្លែងអំណរ...

លោក​​ឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុនៅថ្ងៃទី២៥ ខែកុម្ភៈនេះ ​​បានចេញលិខិតផ្លូវការមួយ ឲ្យអគ្​គនាយកដ្ឋានពន្ធដារ អនុវត្តន៍ឲ្យបានប្រសិទ្ធភាពខ្ពស់ ចំពោះការសម្រេចរបស់សម្តេចតេជោ ហ៊ុន សែន លើការលើកលែងពន្ធមួយចំនួន សម្រាប់វិស័យទេសចរណ៍ក្នុងខេត្តសៀមរាប, វិស័យកាត់ដេរ និងអ្នកអភិវឌ្ឍន៍លំនៅដ្ឋាន។...

តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជាបានសម្រេចចេញវិញ្ញា​បនប័ត្រចុះបញ្ជីជាស្ថាពរដល់ក្រុមហ៊ុនចំនួន៦ សិទ្ធិវិនិយោគនៅកម្ពុជា ទោះគ្មាន EBA ក៏ដោយ​​ ដែលនេះបង្ហាញថា កម្ពុជា​នៅតែមានសក្តានុពលនិងមានការទាក់ទាញ​​ពីអ្នកវិនិយោគិន​បរទេស។​​​ ក្រុមហ៊ុន​ដែលទទួល​បានសិទ្ធិវិនិយោគ​​ នោះរួមមាន ក្រុមហ៊ុនទី ១- ឈ្មោះ ​​“ROYAL CAMBODIAN HOSPITAL CO., LTD”​គម្រោងសាងសង់និងអាជីវកម្មមន្ទីរពេទ្យអន្តរជាតិចំនួន ១.៥០០គ្រែ ដែលមានទីតាំងវិនិយោគស្ថិតនៅដីឡូតិ៍តាមបណ្តោយ​មហាវិថីសម្តេចហ៊ុនសែន ភូមិស្រុកចេកនិងភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ មាន​ទុន​វិនិយោគប្រមាណ ៤៧៨លានដុល្លារអាមេរិក និងអាចបង្កើតការងារបានចំនួន ១.៥០០កន្លែង។ ក្រុមហ៊ុន​ទី ២- ឈ្មោះ​ “ CHIP MONG RETAIL CO., LTD” គម្រោងសាងសង់ផ្សារទំនើប ដែលមានទីតាំងវិនិយោគស្ថិតនៅផ្លូវ២៧១ ភូមិព្រែកតានូ សង្កាត់ចាក់អ...

អ្នកជំនួញវ័យក្មេងម្នាក់កំពុងតែមានឈ្មោះសម្លេងលើវិស័យជំនួញ គឺ លោកឧកញ៉ាបណ្ឌិត ភិរម្យ វិចិត្រដារ៉ា និងលោកបណ្ឌិត ឡាយ គឹមឆេន ថ្មីៗនេះ ស្រាប់់់់ងាកលោកងាកមក វិនិយោគលើវិស័យហាងបញ្ចាំជាមួយនិងអ្នកជំនួញខ្មែរល្បីៗ១ ក្រុមនៅកម្ពុជា ដោយបានដាក់សម្ភោធឲ្យដំណើរការជាផ្លូវការហើយកាលពីថ្ងៃទី ២២ខែគុម្ហៈនេះស្ថិតនៅខណ្ឌសែនសុខ រាជធានីភ្នំពេញ។ លោកបណ្ឌិត ឡាយ គឹមឆេន ដៃគូរភាគហ៊ុនក្រុមហ៊ុន អេហ្វធី ឃែស អ៊ិចប្រេស ឯ.ក FT Cash Express Co ltd និងជាសហគ្រិនវ័យក្មេងបានបញ្ជាក់ថា តាមពិតនៃការសិក្សារយៈពេល២ឆ្នាំមកនេះ ដោយមើលឃើញពីតម្រូវការហាងបញ្ចាំស្របច្បាប់ច្រើន ដូច្នោះ ដើម្បីសម្រួលដល់បងប្អូនអាជីករតូចត្រូវការសាច់ប្រាក់រហ័សដូចនេះ មានតែក្រុមហ៊ុនហាងបញ្ចាំទេដែលអាចជួយពួកគាត់បាននិងមានការចុះបញ្ជីទទួលស្គាល់ពីក្រសួងសេដ្ឋកិច្ច និងហិរញ្ញវត្ថុត្រឹមត្រូវតាមច្បាប់របស់ព្រះរាជាណាចក្រកម្ពុជា។ លោកបណ្ឌិត បានមានប្រសាសន៍ថា ក្រុមហ៊ុន អេហ្វធី ឃែស អ៊ិចប្រេស...

តាមសំណើសុំវិនិយោគរបស់ក្រុមហ៊ុន “គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា” បានសម្រេចចេញវិញ្ញា​បនប័ត្រចុះបញ្ជីជាស្ថាពរ ជូនដល់ក្រុមហ៊ុនចំនួន២ទៀត​ហើយ ដែល​​ទើប​តែ​​​ទទួលបានសិទ្ធិវិនិយោគបង្កើងរោងចក្រនៅ ក្រុងច្បារមន និងស្រុកឧត្តង ខេត្តកំពង់ស្ពឺ។​ ក្រុមហ៊ុនទទួលបានសិទ្ធិវិនិយោគនោះរួមមានទី១- ក្រុមហ៊ុន“LAI MAN INTERNATIONAL CO., LTD”គម្រោងបង្កើត​រោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិពោធិ៍កោង ឃុំព្រះស្រែ ស្រុកឧដុង្គ ខេត្តកំពង់ស្ពឺ មានទុនវិនិយោគប្រមាណ ៣,៧លានដុល្លារអាមេរិក និងអាចបង្កើតការងារបានចំនួន ៧៧៧កន្លែង។ សម្រាប់ក្រុមហ៊ុនទី២- ឈ្មោះ“ TRIMAX APPAREL (CAMBODIA) CO., LTD” គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិភ្នំដីនិងភូមិសំបូរ សង្កាត់ច្បារមន ក្រុងច្បារមន ខេត្តកំពង់ស្ពឺ មាន​ទុន​វិនិ​យោគប្រមាណ ២០,៧លានដុល្លារអាមេរិក និងអាចបង្កើតការងារ...