ព័ត៌មានអន្តរជាតិ

ប្រព័ន្ធផ្សព្វផ្សាយ Xinhua បានចុះផ្សាយថា ការិយាល័យស្ថិតិទូទៅរបស់ប្រទេសវៀតណាម បានចេញផ្សាយរបាយការណ៍មួយនៅថ្ងៃទី០៣ ខែមិថុនានេះ អំពីការធ្លាក់ចុះនូវការនាំចេញផលិតផលទូរស័ព្ទដៃសម្រាប់នាំចេញទៅកាន់ទីផ្សារអន្តរជាតិ ក្នុងអត្រា៨.៨ភាគរយ ក្នុងរយៈពេល៥ខែដំបូងនៃឆ្នាំ២០២០នេះ ។ របាយការណ៍ដដែលបានបញ្ជាក់ថា ក្នុងរយៈពេល៥ខែនេះ វៀតណាមទទួលបានប្រាក់ចំណូលប្រមាណជិត១៨ពាន់លានដុល្លារអាមេរិកពីការនាំចេញផលិតផលទូរស័ព្ទដៃទៅកាន់ទីផ្សារអន្តរជាតិ ដែលមានតម្លៃស្មើនឹង១៨.១ភាគរយ នៃប្រាក់ចំណូលដែលបានមកពីការនាំចេញសរុបរបស់ប្រទេសនេះ ។ សូមរំលឹកជូនថា កាលពីឆ្នាំ២០១៩កន្លងទៅ ប្រទេសវៀតណាមទទួលបានប្រាក់ចំណូលប្រមាណជាង៥១.៨ពាន់លានដុល្លារអាមេរិក ពីការនាំចេញផលិតផលទូរស័ព្ទដៃ និងគ្រឿងបង្គំ ដែលកើនឡើងដល់៥.៣ភាគរយប្រៀបធៀបនឹងប៉ុន្មានឆ្នាំកន្លងទៅ ៕...

ប្រុចហ្សែល, ប៊ែលហ្សិក៖ សហភាពអ៊ឺរ៉ុប បានចូលរួមថ្កោលទោសចំពោះការស្លាប់របស់បុរសស្បែកខ្មៅម្នាក់ ដែលគ្មានអាវុធនៅសហរដ្ឋអាមេរិក នៅពេលប៉ូលីសចាប់ខ្លួនគាត់ ហើយបានព្រមានសហរដ្ឋអាមេរិកថា លោកប្រធានាធិបតី ដូណាល់ ត្រាំ (Donald Trump) គ្មានអំណាចផ្លាស់ប្តូររបៀបនៃកិច្ចប្រជុំកំពូល G7 ទេ។ យោងតាមការផ្សាយពីទូរទស្សន៍ ស៊ីជីធីអិន (CGTN) របស់ចិន នាថ្ងៃទី០៣ ខែមិថុនា ឆ្នាំ២០២០នះ បានឲ្យដឹង អ្នកការទូតជាន់ខ្ពស់របស់សហគមន៍អឺរ៉ុប បានហៅការស្លាប់របស់លោក ចច ផ្លយ គឺជាការរំលោភអំណាច និងទង្វើនៃការប្រើប្រាស់កម្លាំងហួសប្រមាណ។ ប្រធានគោលនយោបាយការបរទេសរបស់សហភាពអឺរ៉ុប លោក ចូសេព បូរ៉ែល (Josep Borrell) បានប្រាប់អ្នកសារព័ត៌មាន នៅថ្ងៃនេះថា «ដូចប្រជាជនអាមេរិកដែរ យើងមានការភ្ញាក់ផ្អើល និងតក់ស្លុតចំពោះមរណភាពរបស់លោក ចច ផ្លយ (George Floyd។ សង្គមទាំងអស់ត្រូវតែប្រុងប្រយ័ត្នខ្ពស់ចំពោះការប្រើប្រាស់កម្លាំងហួសប្រមាណ»។ លោក ចូសេព បូរ៉ែល បានចាត់ទុ...

កំណើនមនុស្សស្លាប់សរុបដោយសារវីរុសកូវីដ-១៩នៅជុំវិញពិភពលោក បានកើនឡើងដល់ជាង៣៨ ម៉ឺននាក់ហើយ គឺចំនួន៣៨២៥០៧នាក់ គិតត្រឹមថ្ងៃរសៀលថ្ងៃពុធ ទី០៣ ខែមិថុនានេះ។​ នេះបើតាមការចុះផ្សាយរបស់ Worldometer ។ ចំនួនមនុស្សឆ្លងវីរុសនេះបានកើនឡើងដល់ជិត៦លាន៥សែននាក់ គឺចំនួន៦ ៤៥៣ ៧៨១នាក់ ខណៈដែលអ្នកជំងឺកូវីដ-១៩ សរុបប្រមាណជាង៣លាននាក់ គឺចំនួន៣ ០៦៨ ១២២នាក់ បានជាសះស្បើយពីវីរុសនេះ នៅជុំវិញពិភពលោក ។ ប្រព័ន្ធផ្សព្វផ្សាយដដែលបានបន្តថា ក្នុងរយៈពេលមួយថ្ងៃ គឺ២៤ម៉ោងចុងក្រោយនេះ មនុស្សឆ្លងថ្មីនៃវីរុសកូវីដ-១៩មានចំនួន១១០ ០២៨នាក់ និងមនុស្សស្លាប់ថ្មីសរុបដោយសារវីរុសនេះ ក្នុងរយៈពេលមួយថ្ងៃដូចគ្នា មានចំនួន៤ ៥១៦នាក់នៅជុំវិញពិភពលោក ៕...

ប្រព័ន្ធផ្សព្វផ្សាយ North America បានចុះផ្សាយថា ប៉ូលីសបានបាញ់សម្លាប់ក្រុមបាតុករចំនួនពីរនាក់ និងចាប់ខ្លួនប្រមាណជាង៦០នាក់ នៅរដ្ឋឈីកាហ្គោ កាលពីថ្ងៃទី០២ ខែមិថុនានេះ ខណៈដែលក្រុមបាតុករបានប៉ះទង្គិចដហិង្សាជាមួយកងកម្លាំងប៉ូលីស ។ ក្បួនបាតុកម្មរបស់ក្រុមប្រជាបាតុករនៅសហរដ្ឋអាមេរិក ត្រូវបានធ្វើឡើងចូលដល់ថ្ងៃទី០៨ហើយ គិតត្រឹមថ្ងៃទី៨ខែមិថុនានេះ ដែលបាតុកម្មប្រឆាំងនឹងការបាត់បង់ជីវិតរបស់ជនជាតិអាមេរិកស្បែកខ្មៅម្នាក់ គឺលោក George Floyd ក្រោយការធ្វើទារុណកម្មពីប៉ូលីសអាមេរិកស្បែកស ដោយប៉ូលីសយកជង្គង់ទៅសង្កត់ ក ជនរងគ្រោះរហូតដល់ស្លាប់ ។ សូមបញ្ជាក់ថា ក្រោយពីប៉ូលីសអាមេរិកស្បែកស បានសម្លាប់ជនជាតិអាមេរិកស្បែកខ្មៅនេះ ក្បួនបាតុកម្មប្រឆាំងការរើសអើសជាតិសាសន៍ ត្រូវបានធ្វើឡើងនៅទូទាំងអាមេរិក និងនៅប្រទេសមួយចំនួនទៀត មាននៅប្រទេសនូវ៉ែលហ្ស៊េឡង់ បារាំង អង់គ្លេស អាល្លឺម៉ង់ និងនៅប្រទេសមួយចំនួនទៀតជុំវិញពិភពលោក ៕...

ប្រព័ន្ធផ្សព្វផ្សាយ Xinhua បានចុះផ្សាយថា សហគ្រាសសរុបចំនួន៤៨៣០០អង្គភាពនៅប្រទេសវៀតណាម ដែលមានតម្លៃទឹកប្រាក់ប្រមាណ៥៥៧.៩សែនកោដិដុង ស្មើនឹងទឹកប្រាក់ជិត២៤.៣ពាន់លានដុល្លារអាមេរិក បានបាត់បង់ទុន១០.៥ភាគរយក្នុងរយៈពេល៥ខែដំបូងនៃឆ្នាំ២០២០នេះ ។ ការិយាល័យស្ថិតិទូទៅរបស់ប្រទេសវៀតណាម បានឲ្យដឹងនៅថ្ងៃទី០២ ខែមិថុនានេះថា ក្នុងចន្លោះខែមករា និងខែឧសភា ឆ្នាំ២០២០នេះ ក្រុមហ៊ុនថ្មីនៅប្រទេសនេះមានចំនួន៧៩៤ក្រុមហ៊ុន ដែលជាក្រុមហ៊ុនពាក់ព័ន្ធកសិកម្ម មានព្រៃឈើ និងនេសាទ ហើយក្រុមហ៊ុនថ្មីទាំងនេះក៏បានទទួលរងផលប៉ះពាល់ដែរ ។ ប្រភពដដែលបានបន្តថា មូលហេតុសំខាន់ដែលនាំឲ្យទុនរបស់ក្រុមហ៊ុនថ្មីនៅវៀតណាមធ្លាក់ចុះ គឺដោយសារវិធានការរបស់រដ្ឋាភិបាល ក្នុងការទប់ស្កាត់ការឆ្លងរាលដាលវីរុសកូវីដ-ុ ដែលកំពុងឆ្លងរាលដាលនៅប្រទេសនេះ និងនៅជុំវិញពិភពលោក ៕...

ប្រធានាធិបតីរបស់សហរដ្ឋអាមេរិក លោក ដូណាល់ ត្រាំ បានគំរាមប្រើកងកម្លាំងយោធាទៅបង្ក្រាបក្រុមបាតុករ ដែលនៅតែបន្តធ្វើបាតុកម្ម ដែលរីកាន់តែធំឡើងនៅទូទាំងប្រទេស និងនៅលើឆាកអន្តរជាតិផងដែរ នេះបើតាមការចុះផ្សាយរបស់ Aljazeera ។ ក្នុងរយៈពេលជិតមួយសប្តាហ៍កន្លងមកនេះ ក្បួនបាតុកម្មរបស់ក្រុមប្រជាបាតុករ បានរីកធំឡើងជាលំដាប់ និងប្រែក្លាយទៅជាអំពើហិង្សា ដោយសារក្រុមបាតុករបានវាយបំបែកកញ្ចក់ហាងមួយចំនួន និងចូលទៅយកទំនិញគ្រប់ប្រភេទនៅក្នុងហាង ។ សូមរំលឹកថា ក្បួនបាតុកម្មនៅសហរដ្ឋអាមេរិក បានផ្ទុះឡើងចាប់តាំងពីថ្ងៃពុធ ទី២៧ ខែឧសភាឆ្នាំ២០២០នេះ ក្រោយពីប៉ូលីសបានចាប់ខ្លួនលោក George Floyd ដែលជាជនជាតិអាមេរិកស្បែកខ្មៅ ទៅតាមការទូរស័ព្ទប្តឹងរបស់អ្នកលក់ ដែលថា ជនជាតិអាមេរិកស្បែកខ្មៅរូបនេះបានយកលុយ ២០ ដុល្លារក្លែងក្លាយទៅចាយ ហើយប៉ូលីសបានយកជង្គង់សង្កត់ ក ជនរងគ្រោះរហូតដល់បាត់បង់ជីវិត ៕...

ខណៈដែលកងកម្លាំងប៉ូលីសរបស់រដ្ឋាភិបាលសហរដ្ឋអាមេរិក បានវាយបង្ក្រាបយ៉ាងចាស់ដៃលើក្រុម បាតុករ ក្រសួងការបរទេសរបស់ប្រទេសអ៊ីរ៉ង់ បានអំពាវនាវឲ្យមេដឹកនាំរបស់សហរដ្ឋអាមេរិក បញ្ឈប់អំពើហិង្សាប្រឆាំងប្រជាពលរដ្ឋរបស់ខ្លួន ក្នុងក្បួនបាតុកម្មទាមទាររកយុត្តិធម៌ ដែលប៉ូលីសអាមេរិកស្បែកស បានធ្វើទារុណកម្មសម្លាប់ជនជាតិអាមេរិកស្បែកខ្មៅ ។ ក្រោយពីប៉ូលីសអាមេរិកស្បែកស បានសម្លាប់លោក George Floyd ក្បួនបាតុកម្មបានផ្ទុះឡើងនៅទូទាំងសហរដ្ឋអាមេរិក ដែលបណ្តាលកើតចេញជាអំពើហិង្សា រហូតដល់រដ្ឋាភិបាលបានសម្រេចដាក់បម្រាមគោចរទៅលើទីក្រុងចំនួន២៥ ក្នុងរដ្ឋចំនួន១៥ ។ សូមរំលឹកថា កាលពីថ្ងៃចន្ទ ទី០៥ ខែឧសភា ឆ្នាំ២០២០នេះ ប៉ូលីសជនជាតិអាមេរិកស្បែកស បានចាប់ខ្លួនលោក George Floyd អាយុ៤៦ឆ្នាំ ដែលជាជនជាតិអាមេរិកស្បែកខ្មៅ និងយកជង្គង់សង្កត់លើបំពង់កជនរងគ្រោះរហូតដល់ស្លាប់ ដោយមិនបានសាកសួររកហេតុផល ក្រោយពីទទួលបានពាក្យបណ្តឹងតាមទូរស័ព្ទថា លោក George Floyd ចាយល...

រដ្ឋាភិបាលកណ្តាលរបស់ទីក្រុងតូក្យូ ប្រទេសជប៉ុន បានសម្រេចបើកទ្វារប៉មខ្ពស់បំផុតនៅទីក្រុងនេះទទួលសាធារណជនវិញហើយ នៅថ្ងៃទី០១ ខែមិថុនានេះ ក្រោយពីបានបិទទ្វារប៉មនេះអស់រយៈពេល៣ខែ ដោយសារការឆ្លងរាលដាលនៃវីរុសកូវីដ-១៩ នេះបើយោងតាមការចុះផ្សាយរបស់ NHK World-Japan ។ ប៉មនេះ ជាប៉មខ្ពស់បំផុតជាប្រវត្តិសាស្ត្រ ដែលមានកម្ពស់ប្រវែង៦៣៤ម៉ែត្រ ជាប៉មសម្រាប់ផ្សាយ និងអង្កេតការណ៍ ជាទីដែលទាក់ទាញភ្ញៀវទេសចរជាតិ និងអន្តរជាតិច្រើនជាងគេនៅក្នុងទីក្រុងតូក្យូ ប៉ុន្តែទោះបីជាប៉មនេះត្រូវបានបើកទ្វារទទួលភ្ញៀវទេសចរឡើវិញក៏ដោយ ក៏ក្រុមការងារនៅប៉មនេះ នៅតែរឹតបន្តឹងវិធានការទប់ស្កាត់ការឆ្លងរាលដាលនៃវីរុសកូវីដ-១៩ ។ អ្នកគ្រប់គ្រងទូទៅនៅប៉មនេះ បានឲ្យដឹងថា ប៉មនេះមានលទ្ធភាពអាចទទួលភ្ញៀវទេសចរប្រមាណជាង២០០០នាក់ ប៉ុន្តែជំហានដំបូងនេះ គឺអាចទទួលភ្ញៀវទេសចរត្រឹមតែពី២០ទៅ៣០ភាគរយប៉ុណ្ណោះ ដែលជាវិធានការទប់ស្កាត់ការឆ្លងរាលដាលនៃវីរុសកូវីដ-១៩ ខណៈដែលទីក្រុងនេះនៅមាន...

ប្រព័ន្ធផ្សព្វផ្សាយ Worldometer បានចុះផ្សាយថា ចំនួនមនុស្សឆ្លងវីរុសកូវីដ-១៩ សរុបនៅជុំវិញពិភពលោក បានកើនឡើងដល់ជាង៦លានាក់ហើយ គឺចំនួន ៦ ២៥៩ ២៤៣នាក់ គិតត្រឹមថ្ងៃទី១ ខែមិថុនា ឆ្នាំ២០២០នេះ កំណើននៃការឆ្លងក្នុងល្បឿនលឿននៅឡើយ ។ ចំនួនមនុស្សស្លាប់ដោយសារវីរុសផ្លូវដង្ហើមមួយនេះ បានកើនឡើងដល់ជាង៣៧ម៉ឺននាក់ គឺចំនួន ៣៧៣ ៦៩៦នាក់ គិតត្រឹមថ្ងៃទី១ ខែមិថុនានេះ ខណៈដែលអ្នកជំងឺកូវីដ-១៩ចំនួន ២ ៧៨៥ ៥១៦នាក់ បានជាសះស្បើយ។ សូមបញ្ជាក់ថា ក្នុងរយៈពេលមួយថ្ងៃ ឬរយៈពេល២៤ម៉ោងចុងក្រោយនេះ ចំនួនមនុស្សឆ្លងថ្មីនៃវីរុស កូវីដ-១៩នៅជុំវិញពិភពលោក មានចំនួន ១០៨ ៧៦១នាក់ និងមនុស្សស្លាប់ថ្មីដោយសារវីរុសនេះ មានចំនួន ៣១៩០នាក់ ៕...

ប្រព័ន្ធផ្សព្វផ្សាយ NHK World-Japan បានចុះផ្សាយថា អត្រាគ្មានការងារធ្វើនៅប្រទេសជប៉ុន បានធ្លាក់ចុះ២.៦ភាគរយ កាលពីខែមេសា ឆ្នាំ២០២០នេះ ដោយសារផលប៉ះពាល់ពីការឆ្លងរាលដាលនៃវីរុសកូវីដ-១៩ ។ កំណើននៃអត្រាមនុស្សការងារធ្វើនៅប្រទេសជប៉ុន បានកើនឡើងខ្ពស់កាលខែមេសា នៅពេលដែលរដ្ឋាភិបាលនៃប្រទេសនេះ បានដាក់ប្រទេសក្នុងគ្រាអាសន្ន ដើម្បីទប់ស្កាត់ការឆ្លងរាលដាលនៃវីរុស កូវីដ-១៩ ខណៈដែលវីរុសនេះបានឆ្លងរាលដាលខ្លាំង ។ រហូតដល់បច្ចុប្បន្ននេះ រដ្ឋាភិបាលនៅមិនទាន់បើកប្រទេសឡើងវិញទាំងស្រុងនៅឡើយទេ ខណៈដែលការឆ្លងរាលដាលនៃវីរុសផ្លូវដង្ហើមមួយនេះបានស្ងប់ស្ងាត់បន្តិចហើយ ហើយចំនួនមនុស្សអត់ការងារធ្វើនៅតែបន្តកើនឡើង ៕...