ព័ត៌មានអន្តរជាតិ

ប្រព័ន្ធផ្សព្វផ្សាយ Jakarta Post បានចុះផ្សាយថា ហាងលក់ទំនិញរាយស្ទើរទាំងអស់នៅប្រទេស ឥណ្ឌូនេស៊ី បានបើកទ្វារឡើងវិញហើយ នៅថ្ងៃទី១១ ខែមិថុនានេះ ក្រោយពីប្រមុខដឹកនាំរដ្ឋាភិបាលបានប្រកាសបន្ធូរបន្ថយវិធានការទប់ស្កាត់ការឆ្លងរាលដាលនៃវីរុសកូវីដ-១៩ ។ សមាគមមជ្ឈមណ្ឌលលក់ទំនិញឥណ្ឌូនេស៊ី Indonesian Shopping Center Association ) បានឲ្យដឹងថា ហាងលក់ទំនិញរាយបានបើកទ្វារឡើងវិញមែន ប៉ុន្តែមិនសូវមានអតិថិជនចូលទិញទំនិញនោះទេ ដោយសារប្រជាពលរដ្ឋនៅតែមានការព្រួយបារម្ភពីការឆ្លងរាលដាលនៃវីរុសកូវីដ-១៩ដដែល ។ សូមបញ្ជាក់ជូនថា គិតត្រឹមថ្ងៃទី១១ ខែមិថុនា ឆ្នាំ២០២០នេះ ប្រទេសឥណ្ឌូនេស៊ីមានមនុស្សឆ្លងវីរុសកូវីដ-១៩សរុបចំនួន៣៤ ៣១៦នាក់ និងមនុស្សចំនួន១៩៥៩នាក់បានបាត់បង់ជីវិត និងចំនួន១២១២៩នាក់បានជាសះស្បើយពីវីរុសនេះ ៕...

ប្រព័ន្ធផ្សព្វផ្សាយ Worldometer បានចុះផ្សាយថា កំណើនមនុស្សឆ្លងវីរុសកូវីដ-១៩ នៅជុំវិញពិភពលោក បានកើនឡើងដល់ជិត១លានកន្លះហើយ គឺចំនួន ៧ ៤៤៥ ២៨៩ នាក់ គិតត្រឹមព្រឹកថ្ងៃទី១១ ខែមិថុនានេះ ដែលជាកំណើនឆ្លងក្នុងល្បឿនលឿនដដែល ។ ចំពោះកំណើនមនុស្សស្លាប់ ក៏បានកើនឡើងយ៉ាងលឿនផងដែរ ដែលគិតត្រឹមថ្ងៃទី១១ ខែមិថុនានេះ មនុស្សស្លាប់បានកើនឡើងដល់ចំនួន ៤១៨ ១២៧ នាក់ ខណៈដែលអ្នកជំងឺកូវីដ-១៩ចំនួន ៣ ៧២៣ ៥៩០ នាក់ បានជាសះស្បើយពីវីរុសនេះ ។ សូមបញ្ជាក់ជូនថា ក្នុងរយៈពេល២៤ម៉ោងចុងក្រោយ គិតត្រឹមព្រឹកថ្ងៃទី១១ ខែមិថុនានេះ មនុស្សឆ្លងថ្មីនៃវីរុសកូវីដ-១៩នៅជុំវិញពិភពលោក មានចំនួន ១៣៣ ៧៦៥ នាក់ និងអ្នកជំងឺចំនួន ៥ ១៥៥ នាក់ បានបាត់បង់ជីវិតដោយសារវីរុសនេះ ក្នុងរយៈពេលពេល២៤ម៉ោងចុងក្រោយនេះ ៕...

ភ្នំពេញ៖ លោក ឯកអគ្គរដ្ឋទូត នៃ​សាធារណរដ្ឋ​ប្រជាធិបតេយ្យ​ទី​ម័​រ​ឡេ​ស្តេ ប្រចាំ​ព្រះរាជាណាចក្រ​កម្ពុជា​ លោក Ermenegildo “Kupa” Lopes បាន​កោតសរសើរ​យ៉ាងខ្លាំង ចំពោះ​ការរីកចំរើន​របស់​កម្ពុជា​លើ​គ្រប់​វិស័យ។ លើសពីនេះលោកថ្លែងថា ប្រទេស​កម្ពុជា ទើប​បញ្ចប់​សង្គ្រាម និង​សុំ​យក​ប្រទេស​កម្ពុជា​ជា​ប្រទេស​គំរូ​ដើម្បី​អភិវឌ្ឍ​ប្រទេស​របស់​ខ្លួន​តែម្តង​។​   ​ក្នុង​កិច្ច​ជំនួប​ជាមួយ​សម្តេច​ក្រឡាហោម ស ខេង ឧបនាយករដ្ឋមន្ត្រី និង​ជា​រដ្ឋមន្ត្រី​ក្រសួងមហាផ្ទៃ នា​រសៀល​ថ្ងៃទី​១០ ខែ​មិថុនា ឆ្នាំ​២០២០ នេះ នៅ​ទីស្តីការ​ក្រសួងមហាផ្ទៃ លោក Ermenegildo “Kupa” Lopes បានថ្លែងថា រដ្ឋាភិបាល​នៃ​ប្រទេស​ទី​ម៉​ឡេ​ស្តេ​សូម​ថ្លែងអំណរគុណ​យ៉ាង​ជ្រាលជ្រៅ និង​សូម​កោតសរសើរ​យ៉ាង​ស្មោះស្ម័គ្រ​ចំពោះ​ភាព​រីកចំរើន​របស់​ប្រទេ ស​កម្ពុជា ដែលមាន​ការអភិវឌ្ឍ​បាន​យ៉ាង​ឆាប់រហ័ស ដែល​ភាព​រីកចម្រើន​នេះ គឺ​ដោយសារតែ​ការដឹកនាំ​ដ៏​ល្អ​របស់​...

អត្រាគ្មានការងារធ្វើនៅសហរដ្ឋអាមេរិក បានធ្លាក់ចុះបន្តិចវិញហើយ កាលពីខែឧសភា មកនៅ ១៣.៣ភាគរយ ពីអត្រាគ្មានការងារធ្វើ១៤.៧ភាគរយកាលពីខែមេសា ដែលជាអត្រាគ្មានការងារធ្វើខ្ពស់បំផុតមិនធ្លាប់មានចាប់តាំងពីឆ្នាំ១៩៣៩កន្លងទៅ ។ នេះបើតាមការចុះផ្សាយរបស់ Trading Economics ។ ក្រុមសេដ្ឋវិទូនៅប្រទេសមហាអំណាចមួយនេះ បានឲ្យដឹងថា មូលហេតុដែលនាំឲ្យអត្រាគ្មានការងារធ្វើកើនឡើងខ្ពស់បែបនេះ គឺដោយសារការឆ្លងរាលដាលវីរុសកូវីដ-១៩ ដែលនាំឲ្យប្រមុខដឹកនាំរដ្ឋាភិបាលរបស់សហរដ្ឋអាមេរិក សម្រេចចិត្តបិទប្រទេស ។ បច្ចុប្បន្ននេះ មនុស្សអត់ការងារធ្វើនៅសហរដ្ឋអាមេរិក បានកើនឡើងដល់ជាង២០លាននាក់ ហើយនៅប្រទេសផ្សេងទៀតនៅជុំវិញពិភពលោក ក៏មានកំណើននៃអត្រាគ្មានការងារធ្វើខ្ពស់ដែរ ដោយសារតែការឆ្លងរាលដាលនៃវីរុសកូវីដ-១៩ ៕...

ប្រព័ន្ធផ្សព្វផ្សាយ Worldometer បានចុះផ្សាយថា ប្រទេសប្រេស៊ីលបានឈរក្នុងលំដាប់លេខ១នៅលើពិភពលោក ដែលមានមនុស្សស្លាប់ និងមនុស្សឆ្លងវីរុសកូវីដ-១៩ប្រចាំថ្ងៃច្រើនជាងគេបំផុត ក្នុងរយៈពេល២៤ម៉ោងចុងក្រោយ គិតត្រឹមព្រឹកថ្ងៃទី១០ ខែមិថុនានេះ មានមនុស្សឆ្លងថ្មីនៃវីរុសកូវីដ-១៩  ចំនួន៣១ ១៩៧នាក់ និងមនុស្សថ្មីចំនួន១១៨៥នាក់ បានបាត់បង់ជីវិតដោយសារវីរុសនេះ ។ បន្ទាបពីប្រទេសប្រេស៊ីល គឺសហរដ្ឋអាមេរិកជាប់លេខ២នៅលើពិភពលោក ដែលមានមនុស្សស្លាប់ថ្មី និងមនុស្សឆ្លងថ្មីប្រចាំនៃវីរុសកូវីដ-១៩ ខ្ពស់ជាងគេ ដែលក្នុងរយៈពេល២៤ម៉ោងចុងក្រោយនេះ អាមេរិកមានអ្នកឆ្លងថ្មីចំនួន១៩០៥៦នាក់ និងមនុស្សចំនួន០៩៣នាក់ បានបាត់បង់ជីវិតក្នុងមួយថ្ងៃដោយសារវីរុសនេះ ។ សូមបញ្ជាក់ជូនថា គិតត្រឹមថ្ងៃទី១០ ខែមិថុនានេះ ការឆ្លងវីរុសកូវីដ-១៩ នៅជុំវិញពិភពលោក បានកើនឡើងដល់ ៧ ៣១១ ៦៦០នាក់ និងមនុស្សចំនួន ៤១២ ៩៩៧ នាក់បានបាត់បង់ជីវិត ខណៈដែលអ្នកជំងឺកូវីដ-១៩ចំនួន ៣ ៥៩៦ ០៩៥នាក់ បា...

ក្រុមប្រឹក្សាទីក្រុងមីនីអ៊ែប៉ូលី (Minneapolis) រដ្ឋមីណេសូតា (Minnesota) សហរដ្ឋអាមេរិក បានសន្យាថា ខ្លួននឹងរំលាយកងកម្លាំងនគរបាលទាំងអស់នៅក្នុងទីក្រុងនេះ និងបង្កើតកងម្លាំងថ្មី ដោយសារតែនគរបាលចាស់ បានប្រើអំពើហិង្សាក្នុងការសម្លាប់បុរសអាមេរិកស្បែកខ្មៅគឺលោក George Floyd ដែលនាំឲ្យកើតមានអំពើហិង្សា ។ សូមរំលឹកថា កាលពីថ្ងៃទី២៥ ខែឧសភា ឆ្នាំ២០២០នេះ នគរបាល៤នាក់នៅទីក្រុង មីនីអ៊ែប៉ូលីស បានយកជង្គង់ទៅសង្កត់ ក លោក George Floyd ក្នុងរង្វង់៨នាទី ដោយមិនបានសួររកមូលហេតុ រហូតដល់បុរសជនជាតិអាមេរិកស្បែកខ្មៅរូបនេះ បានបាត់បង់ជីវិត ក្រោយពីទទួលបានពាក្យបណ្តឹងតាមទូរស័ព្ទពីប្រជាពលរដ្ឋ ដែលប្តឹងបុរសជនជាតិអាមេរិកស្បែកខ្មៅរូបនេះពីបទយកលុយក្លែងក្លាយ ២០ដុល្លារទៅចាយ ។ ចាប់តាំងពីពេលនោះមក ក្រុមប្រជាបាតុកររាប់សែននាក់ បានចេញធ្វើបាតុកម្មនៅទូទាំងសហរដ្ឋ អាមេរិក ប្រឆាំងទៅនឹងការសម្លាប់ លោក George Floyd ដែលក្រុមបាតុករបានចោទប្រកាន់ប៉ូលីសនៅ...

ការសែតរដ្ឋកូរ៉េខាងជើង Rodong Sinmun បានចុះផ្សាយនៅថ្ងៃទី០៨ ខែមិថុនានេះថា លោក គីម ជុងអ៊ុន បានចូលរួមក្នុងកិច្ចប្រជុំបក្ស ដើម្បីពិភាក្សាពីបញ្ហាសេដ្ឋកិច្ច និងវិធានការក្នុងការទប់ស្កាត់ការឆ្លងរាលដាលនៃវីរុសកូវីដ-១៩នៅក្នុងប្រទេសកូរ៉េខាងជើង ។ កាសែត Rodong Sinmun មិនបានបង្ហាញពីប្រភព ឬវិធីសាស្ត្រក្នុងការរុញច្រានកំណើនសេដ្ឋកិច្ចតាមវិធីណានោះទេ ក្នុងកិច្ចប្រជុំនេះ កូរ៉េខាងជើងនៅតែមានជាប្រទេសរួមរឹតដោយទណ្ឌកម្មសេដ្ឋកិច្ចពីសំណាក់អង្គការសហប្រជាជាតិ និងសហរដ្ឋអាមេរិក ។ សូមបញ្ជាក់ថា នេះជាលើកទី២ហើយសម្រាប់មេដឹកនាំកំពូលកូរ៉េខាងជើង លោក គីម ជុងអ៊ុន ដែលបានបង្ហាញមុខជាសាធារណៈ ក្រោយពីមានពាក្យចរចាមអារ៉ាមកាលពីខែឧសភាកន្លងទៅដែលថា មេដឹកនាំកំពូលរូបនេះ បានធ្លាក់ខ្លួនឈឺរធ្ងន់ធ្ងរ និងពាក្យខ្លះថាបានបាត់បង់ជីវិត៕...

ក្រសួងសុខាភិបាលរបស់សាធារណរដ្ឋកុងហ្គោ បានចេញសេចក្តីប្រកាសមួយនៅថ្ងៃទី៥ ខែមិថុនា ឆ្នាំ២០២០នេះ ស្តីអំពីការផ្ទុះឡើងសាជាថ្មីនៃជំងឺអេបូឡាលើមនុស្សចំនួន៦នាក់នៅខេត្ត Equateur  នេះបើតាមការចុះផ្សាយរបស់ NHK World-Japan ។ សូមបញ្ជាក់ជូនថា មេរោគអេបូឡា ធ្វើឲ្យអ្នកជំងឺរលាកស្បែក ឬពងបែកលើស្បែករហូតដល់ដំបៅរលួយសាច់ ហើយជំងឺនេះអាចឆ្លងពីមនុស្សម្នាក់ទៅមនុស្សម្នាក់ទៀត តាមរយៈការប៉ះពាល់ដោយផ្ទាល់ជាមួយអ្នកជំងឺ ឬឆ្លងតាមរយៈការប៉ះពាល់វត្ថុរាវ មានទឹកមាត់ ឬញើសជាដើមរបស់អ្នកជំងឺ ។ ការផ្ទុះឡើងនៃជំងឺអេបូឡា គឺកើតឡើងចំពេលដែលប្រទេសនេះ មានការឆ្លងរាលដាលវីរុសកូវីដ-១៩ ចំនួន៣១៩៥ករណី និងមនុស្សចំនួន៧២នាក់បានស្លាប់ដោយសារវីរុសនេះ ដែលបង្កការលំបាកកាន់តែខ្លាំងដល់ប្រជាពលរដ្ឋនៅប្រទេសកុងហ្គោ ៕...

ក្រសួងកិច្ចការផ្ទៃក្នុងរបស់ប្រទេសជប៉ុន បានចេញផ្សាយរបាយការណ៍មួយ នៅថ្ងៃទី៥ ខែមិថុនា ឆ្នាំ២០២០នេះ ស្តីអំពីការចំណាយជាលក្ខណៈគ្រួសារនៅក្នុងប្រទេសនេះ បានធ្លាក់ចុះរហូតដល់១១.១ ភាគរយ កាលពីខែមេសា ឆ្នាំ២០២០នេះ ដោយសារការឆ្លងរាលដាលនៃវីរុសកូវីដ-១៩ ។ នេះបើតាមការចុះផ្សាយរបស់ NHK World-Japan ។ របាយការណ៍ដដែលបានបន្តថា ការចំណាយជាលក្ខណៈគ្រួសារបានធ្លាក់ចុះទៅក្នុងកម្រិតទាប់បំផុតបែបនេះ គឺដោយដោយសារប្រជាពលរដ្ឋជប៉ុនភាគច្រើន បានស្នាក់នៅក្នុងផ្ទះដែលជាការអនុវត្តតាមការដាក់រដ្ឋក្នុងគ្រាអាសន្នរបស់រដ្ឋាភិបាល ។ សូមបញ្ជាក់ថា នៅប្រទេសជប៉ុន គ្រួសារមួយដែលមានចំនួនសមាជិកចាប់ពី២នាក់ ឬច្រើនជាងនេះ បានចំណាយប្រចាំខែជាមធ្យមក្នុងរង្វង់ ២៦៧ ៩២២ យ៉េន ស្មើនឹង២៤៥០ដុល្លារអាមេរិក ប៉ុន្តែការចំណាយបានធ្លាក់ចុះកាលពីខែមេសាបានធ្លាក់ចុះខ្លាំង ៕  ...