ព័ត៌មានអន្តរជាតិ

រដ្ឋាភិបាលកណ្តាលរបស់ទីក្រុងតូក្យូ ប្រទេសជប៉ុន បានសម្រេចបើកទ្វារប៉មខ្ពស់បំផុតនៅទីក្រុងនេះទទួលសាធារណជនវិញហើយ នៅថ្ងៃទី០១ ខែមិថុនានេះ ក្រោយពីបានបិទទ្វារប៉មនេះអស់រយៈពេល៣ខែ ដោយសារការឆ្លងរាលដាលនៃវីរុសកូវីដ-១៩ នេះបើយោងតាមការចុះផ្សាយរបស់ NHK World-Japan ។ ប៉មនេះ ជាប៉មខ្ពស់បំផុតជាប្រវត្តិសាស្ត្រ ដែលមានកម្ពស់ប្រវែង៦៣៤ម៉ែត្រ ជាប៉មសម្រាប់ផ្សាយ និងអង្កេតការណ៍ ជាទីដែលទាក់ទាញភ្ញៀវទេសចរជាតិ និងអន្តរជាតិច្រើនជាងគេនៅក្នុងទីក្រុងតូក្យូ ប៉ុន្តែទោះបីជាប៉មនេះត្រូវបានបើកទ្វារទទួលភ្ញៀវទេសចរឡើវិញក៏ដោយ ក៏ក្រុមការងារនៅប៉មនេះ នៅតែរឹតបន្តឹងវិធានការទប់ស្កាត់ការឆ្លងរាលដាលនៃវីរុសកូវីដ-១៩ ។ អ្នកគ្រប់គ្រងទូទៅនៅប៉មនេះ បានឲ្យដឹងថា ប៉មនេះមានលទ្ធភាពអាចទទួលភ្ញៀវទេសចរប្រមាណជាង២០០០នាក់ ប៉ុន្តែជំហានដំបូងនេះ គឺអាចទទួលភ្ញៀវទេសចរត្រឹមតែពី២០ទៅ៣០ភាគរយប៉ុណ្ណោះ ដែលជាវិធានការទប់ស្កាត់ការឆ្លងរាលដាលនៃវីរុសកូវីដ-១៩ ខណៈដែលទីក្រុងនេះនៅមាន...

ប្រព័ន្ធផ្សព្វផ្សាយ Worldometer បានចុះផ្សាយថា ចំនួនមនុស្សឆ្លងវីរុសកូវីដ-១៩ សរុបនៅជុំវិញពិភពលោក បានកើនឡើងដល់ជាង៦លានាក់ហើយ គឺចំនួន ៦ ២៥៩ ២៤៣នាក់ គិតត្រឹមថ្ងៃទី១ ខែមិថុនា ឆ្នាំ២០២០នេះ កំណើននៃការឆ្លងក្នុងល្បឿនលឿននៅឡើយ ។ ចំនួនមនុស្សស្លាប់ដោយសារវីរុសផ្លូវដង្ហើមមួយនេះ បានកើនឡើងដល់ជាង៣៧ម៉ឺននាក់ គឺចំនួន ៣៧៣ ៦៩៦នាក់ គិតត្រឹមថ្ងៃទី១ ខែមិថុនានេះ ខណៈដែលអ្នកជំងឺកូវីដ-១៩ចំនួន ២ ៧៨៥ ៥១៦នាក់ បានជាសះស្បើយ។ សូមបញ្ជាក់ថា ក្នុងរយៈពេលមួយថ្ងៃ ឬរយៈពេល២៤ម៉ោងចុងក្រោយនេះ ចំនួនមនុស្សឆ្លងថ្មីនៃវីរុស កូវីដ-១៩នៅជុំវិញពិភពលោក មានចំនួន ១០៨ ៧៦១នាក់ និងមនុស្សស្លាប់ថ្មីដោយសារវីរុសនេះ មានចំនួន ៣១៩០នាក់ ៕...

ប្រព័ន្ធផ្សព្វផ្សាយ NHK World-Japan បានចុះផ្សាយថា អត្រាគ្មានការងារធ្វើនៅប្រទេសជប៉ុន បានធ្លាក់ចុះ២.៦ភាគរយ កាលពីខែមេសា ឆ្នាំ២០២០នេះ ដោយសារផលប៉ះពាល់ពីការឆ្លងរាលដាលនៃវីរុសកូវីដ-១៩ ។ កំណើននៃអត្រាមនុស្សការងារធ្វើនៅប្រទេសជប៉ុន បានកើនឡើងខ្ពស់កាលខែមេសា នៅពេលដែលរដ្ឋាភិបាលនៃប្រទេសនេះ បានដាក់ប្រទេសក្នុងគ្រាអាសន្ន ដើម្បីទប់ស្កាត់ការឆ្លងរាលដាលនៃវីរុស កូវីដ-១៩ ខណៈដែលវីរុសនេះបានឆ្លងរាលដាលខ្លាំង ។ រហូតដល់បច្ចុប្បន្ននេះ រដ្ឋាភិបាលនៅមិនទាន់បើកប្រទេសឡើងវិញទាំងស្រុងនៅឡើយទេ ខណៈដែលការឆ្លងរាលដាលនៃវីរុសផ្លូវដង្ហើមមួយនេះបានស្ងប់ស្ងាត់បន្តិចហើយ ហើយចំនួនមនុស្សអត់ការងារធ្វើនៅតែបន្តកើនឡើង ៕...

ប្រមុខការទូតរបស់សហរដ្ឋអាមេរិក ចក្រភពអង់គ្លេស ប្រទេសអូស្ត្រាលី និងកាណាដា បានចេញសេចក្តីថ្លែងការណ៍រួមមួយ នៅថ្ងៃទី២៩ ខែឧសភានេះ បង្ហាញពីក្តីបារម្ភយ៉ាងខ្លាំង ចំពោះសកម្មភាពផ្នែកនយោបាយរបស់ប្រទេសចិនទៅលើទីក្រុងហុងកុង ។ នេះយោងតាមការចុះផ្សាយរបស់ NHK World-Japan ។ សេចក្តីថ្លែងការណ៍រួមរបស់ប្រមុខការទូតនៃប្រទេសទាំង៤ ត្រូវបានធ្វើឡើងក្រោយពីសមាជិកសភាប្រជាជនចិន បានបោះឆ្នោតកាលពីថ្ងៃទី២៨ ខែឧសភានេះ ដោយអនុម័តច្បាប់សន្តិសុខជាតិសម្រាប់ដាក់ឲ្យទីក្រុងហុងកុងអនុវត្តនៅពេលខាងមុខ ក្នុងសម្លេង២៨០០សម្លេងគាំទ្រ ១សម្លេងប្រឆាំង និង៦សម្លេងអនុប្បវាទ ។ ច្បាប់សន្តិសុខជាតិដែលប្រទេសចិននឹងដាក់ឲ្យទីក្រុងហុងកុងអនុវត្តនោះ គឺត្រូវបានចែកពីការហាមឃាត់អំពើអប្បគមន៍ ឬការផ្តាច់ខ្លួន ហាមឃាត់ការជ្រៀតជ្រែក ឬលូកដៃពីប្រទេសដទៃ និងការប្រយុទ្ធប្រឆាំងនឹងអំពើភេរវនិយម ៕...

យោងតាមការចុះផ្សាយរបស់ Worldometer បានឲ្យដឹងថា គិតត្រឹមព្រឹកថ្ងៃសុក្រ ទី២៩ ខែឧសភានេះ មនុស្សឆ្លងវីរុសកូវីដ-១៩  នៅតែបន្តកើនឡើងដល់ជិត៦លាននាក់ហើយ គឺសរុបចំនួន៥ ៩០០ ៨៨០នាក់ នៅជុំវិញពិភពលោក។ Worldometer ចុះផ្សាយថា គិតត្រឹមថ្ងៃសុក្រនេះ មនុស្សស្លាប់ដោយសារវីរុសកូវីដ-១៩ បានកើនឡើង  ដល់ជាង៣៦ម៉ឺននាក់ គឺចំនួន៣៦១ ៧៧៦នាក់ ខណៈដែលអ្នកជំងឺចំនួន ២ ៥៧៧ ២២៥នាក់បានជាសះស្បើយពីវីរុសនេះ ។ សូមបញ្ជាក់ថា ក្នុងរយៈពេល២៤ម៉ោងចុងក្រោយ គិតត្រឹមថ្ងៃសុក្រនេះ នៅជុំវិញពិភពលោក មនុស្សឆ្លងថ្មីនៃវីរុសកូវីដ-១៩ មានចំនួន១១៦ ២៧៧នាក់ និងមនុស្សស្លាប់ថ្មីដោយសារវីរុសនេះ មានចំនួន៤ ៨៣៩នាក់ ៕...

ប្រព័ន្ធផ្សព្វផ្សាយ CNA បានចុះផ្សាយថា នៅសប្តាហ៍នេះគឺជាសប្តាហ៍ទី១០ហើយ ដែលប្រជាពលរដ្ឋអាមេរិករហូតដល់ជាង២លាននាក់ បានដាក់ពាក្យសុំប្រាក់អត្ថប្រយោជន៍ពីរដ្ឋាភិបាលដោយសារតែអត់ការងារធ្វើ ដែលកើតឡើងដោយសារការឆ្លងរាលដាលនៃវីរុសកូវីដ-១៩ ។ ការិយាល័យការងារអាមេរិក បានឲ្យដឹងថា កំណើននៃប្រជាពលរដ្ឋដែលនឹងដាក់ពាក្យសុំប្រាក់អត្ថប្រយោជន៍ពីរដ្ឋាភិបាល អាចនឹងកើនឡើងបន្ថែមទៀតនៅពេលខាងមុខ ដែលជាបន្ទុកលើរដ្ឋាភិបាលក្នុងការចំណាយថវិការដ្ឋ ខណៈដែលការឆ្លងរាលដាលនៃវីរុសកូវីដ-១៩ នៅតែបន្តកើនឡើង និងសកម្ម ភាពសេដ្ឋកិច្ចនៅតែបន្តបិទ ។ យោងតាមទិន្នន័យរបស់កម្មវិធីជំនួយភាពអង់ការងារធ្វើដោយសារការឆ្លងរាលដាលនៃវីរុសកូវីដ-១៩ របស់សហរដ្ឋអាមេរិក ដែលហៅកាត់ថា PUA បានឲ្យដឹងថា គិតត្រឹមថ្ងៃទី២៨ ខែឧសភា ឆ្នាំ២០២០នេះ ចំនួនពលរដ្ឋអាមេរិកដែលបានដាក់ពាក្យសុំការងារធ្វើបានកើនឡើងដល់ជាង៤០លាននាក់ហើយ ក្នុងចំណោមប្រជាជនអាមេរិកសរុបប្រមាណជាង៣៦០លាននាក់ ៕...

ក្នុងរយៈពេល២៤ម៉ោងចុងក្រោយ គិតត្រឹមថ្ងៃទី២៨ ខែឧសភា ឆ្នាំ២០២០នេះ អ្នកជំងឺកូវីដ-១៩ ចំនួន ៥២៨៣នាក់ បានបាត់បង់ជីវិតដោយសារវីរុសកូវីដ-១៩ និងមនុស្សចំនួន១០៦៤៧៥នាក់ផ្សេងទៀត បានឆ្លងវីរុសនេះនៅជុំវិញពិភពលោក ។ នេះយោងតាមការចុះផ្សាយរបស់ Worldometer ។ គិតត្រឹមថ្ងៃទី២៨ ខែឧសភានេះ កំណើននៃមនុស្សឆ្លងរាលដាលនៃវីរុស កូវីដ-១៩ សរុបនៅជុំវិញពិភពលោក បានកើនឡើងដល់៥ ៧៨៤ ៦០៣នាក់ និងមនុស្សសរុបចំនួន៣៥៦ ៩៣៧នាក់បានបាត់បង់ជីវិតដោយសារតែវីរុសផ្លូវដង្ហើមមួយនេះ ។ សូមរំលឹកថា ក្នុងរយៈពេល២៤ម៉ោងដូចគ្នា គិតត្រឹមថ្ងៃពុធ ទី២៧ ខែដដែលនេះ វីរុសកូវីដ-១៩ បានសម្លាប់មនុស្សអស់ចំនួន៤០៥៣នាក់ និងមនុស្សចំនួន៩៤៣២៩នាក់ បានឆ្លងវីរុសនេះ នៅជុំវិញពិភពលោក ៕...

ការស្ទង់មតិមួយ ដែលត្រូវបានធ្វើឡើងទៅលើការិយាល័យឈ្មួញកណ្តាលក្នុងស្រុកចំនួន៨កន្លែងរបស់ប្រទេសកូរ៉េខាងត្បូង បានបង្ហាញថា ការនាំចេញ អាចនឹងធ្លាក់ចុះជិត២៣ភាគរយ នៅខែឧសភាពនេះ ដោយសារការឆ្លងរាលដាលនៃវីរុសកូវីដ-១៩ នៅជុំវិញពិភពលោក ។ នេះបើតាមការចុះផ្សាយរបស់ទីភ្នាក់ងារព័ត៌មាន Yonhap News Agency ។ ប្រភពដដែលបានបន្តថា ការឆ្លងរាលដាលនៃវីរុសកូវីដ-១៩ នៅជុំវិញពិភពលោក បានកាត់ផ្តាច់ខ្សែសង្វាក់ផ្គត់ផ្គង់ជាលក្ខណៈសកល និងកាត់បន្ថយការបញ្ជាទិញស្ទើរតែទាំងស្រុង ដោយសារប្រទេសមួយចំនួននៅតែបន្តអនុវត្តវិធានការបិទប្រទេស និងបិទសេដ្ឋកិច្ចផងដែរ ដែលនាំឲ្យប្រតិបត្តិការការងារត្រូរអាក់រអួល ។ ចំពោះការដឹកជញ្ជូនទៅក្រៅប្រទេសពីកូរ៉េខាងត្បូង ដែលត្រូវបានព្យាករណ៍ថា នឹងមានតម្លៃទឹកប្រាក់ប្រមាណ៣៥.៤ពាន់លានដុល្លារអាមេរិកនៅខែឧសភានេះ ហើយតម្លៃដឹកជញ្ជូនធ្លាក់ចុះទៅក្នុងកម្រិតទាបដែរ បើប្រៀបធៀបជាមួយនឹងតម្លៃដឹកជញ្ជូនក្នុងតម្លៃទឹកប្រាក់ជាង៤៥.៩ពាន់លានដុល្...

វិទ្យាស្ថានវាស់ស្ទង់ និងវាយតម្លៃសុខភាពរបស់សកលវិទ្យាល័យ វ៉ាស៊ីនតោន University of Washington’s Institute for Health Metrics and Evaluation ដែលហៅកាត់ថា IHME បានព្យាករណ៍ថា ចំនួនមនុស្សស្លាប់ដោយសារវីរុសកូវីដ-១៩ នៅប្រទេសប្រេស៊ីល នឹងកើនឡើងរហូតដល់ជាង១២៥០០០នាក់នៅខែសីហា ឆ្នាំ២០២០ ។ នេះយោងតាមការចុះផ្សាយរបស់ CNA ។ IHME បានព្យាករណ៍ពីកំណើនមនុស្សស្លាប់ច្រើនបែបនេះ ដោយសំអាងលើកំណើននៃមនុស្សឆ្លងថ្មី និងមនុស្សស្លាប់ថ្មីនៃវីរុសកូវីដ-១៩ នៅប្រទេសប្រេស៊ីល បានកើនឡើងខ្ពស់ជាលំដាប់រៀងរាល់ថ្ងៃ ។ រយៈពេល២៤ម៉ោងចុងក្រោយ គិតត្រឹមព្រឹកថ្ងៃទី២៧ ខែឧសភានេះ ការឆ្លងថ្មីនៃវីរុសកូវីដ-១៩ នៅប្រេស៊ីល មានចំនួន១៥៦៩១នាក់ និងមនុស្សស្លាប់ថ្មីដោយសារវីរុសនេះមានចំនួន១០២៧នាក់ ខណៈការឆ្លងសរុបនៅប្រទេសនេះមានចំនួន៣៩២៣៦០នាក់ និងមនុស្សស្លាប់សរុបមានចំនួន ២៤៥៤៩នាក់ ៕...