ព័ត៌មានអន្តរជាតិ

ប្រព័ន្ធផ្សព្វផ្សាយ Worldometer បានចុះផ្សាយថា ចំនួនមនុស្សឆ្លងវីរុសកូវីដ-១៩ នៅជុំវិញពិភព លោក នៅតែបន្តកើនឡើងក្នុងអត្រាខ្ពស់ដដែល ដែលគិតត្រឹមថ្ងៃទី២៤ ខែឧសភានេះ ចំនួនមនុស្សឆ្លងវីរុសកូវីដ-១៩ សរុបជាង ៥ ៤០១ ២២២ នាក់ ។ ចំនួនមនុស្សស្លាប់ដោយសារតែវីរុសផ្លូវដង្ហើមមួយនេះ បានកើនឡើងក្នុងអត្រាខ្ពស់ផងដែរ ដែលគិតត្រឹមថ្ងៃទី២៤ ខែឧសភា ឆ្នាំ២០២០នេះ ចំនួនមនុស្សស្លាប់សរុបឡើងដល់ ៣៤៣ ៧៩៩នាក់ ខណៈដែល ចំនួនមនុស្ស ២ ២៤៧ ១១០ នាក់ បានជាសះស្បើយពីវីរុសនេះ ។ ក្នុងចំណោម១០ប្រទេសនៅលើពិភពលោក ដែលមានការឆ្លងរាលដាលនៃវីរុសកូវីដ-១៩ ច្រើនជាងគេ គឺសហរដ្ឋអាមេរិក ប្រទេសប្រេស៊ីល រុស្ស៊ី អេស្ប៉ាញ អង់គ្លេស អ៊ីតាលី បារាំង អាល្លឺម៉ង់ ទួរគី និងប្រទេសអ៊ីរ៉ង់ ។ ចំណែកប្រទេសឥណ្ឌា បានឡើងដល់លំដាប់លេខ១១នៅលើពិភពលោក បន្ទាប់ពីប្រទេសទាំង ១០ខាងលើនេះ ៕...

ក្រសួងការបរទេសរបស់សហរដ្ឋអាមេរិក បានចេញសេចក្តីប្រកាសមួយ កាលពីថ្ងៃទី២១ ខែឧសភានេះ ស្តីពី ការលក់គ្រាប់មីស៊ីលបំពាក់លើនាវាមុជទឹកចំនួន១៨ដើម ក្នុងតម្លៃទឹកប្រាក់ប្រមាណ១៨០លានដុល្លារឲ្យទៅកោះតៃវ៉ាន់ ដែលនេះបើតាមការចុះផ្សាយរបស់ South China Morning Post ។ សេចក្តីសម្រេចនេះ ត្រូវបានធ្វើឡើងខណៈដែលលោកស្រី សៃ អ៊ីងវិន (Tsai Ing-wen) បានជាប់ឆ្នោតជាប្រធានាធិបតីនៃកោះនេះសាជាថ្មី ហើយក្នុងពិធីឡើងកាន់តំណែង លោកស្រី សៃ អ៊ីងវិន បានប្រកាស ប្តេជ្ញាពង្រឹងសមត្ថភាពការពារជាតិរបស់សខ្លួនឲ្យបានរឹងមាំ ។ សូមបញ្ជាក់ថា មីស៊ីលបំពាក់លើនាវាមុជទឹកទាំង១៨ដើម ដែលអាមេរិកបានលក់ឲ្យកោះតៃវ៉ាន់នោះ គឺជាមីស៊ីលប្រភេទ 18MK-48Mod ដែលត្រូវបានផលិតឡើងដោយប្រព័ន្ធបច្ចេកវិទ្យាទំនើប ដែលអាចបាញ់កម្ទេចនាវាមុជទឹកបានដោយងាយ ៕...

មនុស្សស្លាប់ដោយសារវីរុសកូវីដ-១៩ នៅជុំវិញពិភពលោក បានកើនឡើងក្នុងអត្រាខ្ពស់ជារៀងរាលថ្ងៃ ដែលគិតត្រឹមថ្ងៃទី២២ ខែឧសភា ឆ្នាំ២០២០នេះ ចំនួនមនុស្សស្លាប់បានកើនឡើងជាង៣៣ម៉ឺននាក់ហើយ ។ នេះបើតាមការចុះផ្សាយរបស់ Worldometer ។ ចំណែកចំនួនមនុស្សឆ្លងវីរុសផ្លូវដង្ហើមមួយនេះ បានកើនឡើងជាលំដាប់ផងដែរ ដែលគិតត្រឹមថ្ងៃសុក្រដដែលនេះ ចំនួនមនុស្សឆ្លងវីរុសកូវីដ-១៩ នៅជុំវិញពិភពលោក បានកើនឡើងដល់ជាង៥លាននាក់ហើយ គឺចំនួន ៥១៨៩ ១៧៧នាក់ ខណៈដែលអ្នកជំងឺកូវីដ-១៩ ចំនួន២ ០៧៨ ៥៣៦នាក់ បានជាសះស្បើយពីវីរុសនេះ ។ សូមបញ្ជាក់ថា សហរដ្ឋអាមេរិកនៅតែជាប្រទេសឈរក្នុងលំដាប់ថ្នាក់លេខ១នៅលើពិភពលោក ដែលមានមនុស្សឆ្លង និងមនុស្សស្លាប់ច្រើនជាងគេ ដែលគិតត្រឹមថ្ងៃសុក្រនេះ អាមេរិកមានអ្នកឆ្លងវីរុសកូវីដ-១៩ សរុបចំនួន ១ ៦២០ ៤៥៧នាក់ និងមនុស្សស្លាប់សរុបមានចំនួន៩៦ ២៩៥នាក់ ៕...

ប្រព័ន្ធផ្សព្វផ្សាយ Xinhua បានចុះផ្សាយថា កំណើនមនុស្សស្លាប់ដោយសារខ្យល់ព្យុះស៊ីក្លូន អាំផាន (Amphan) បានកើនឡើងដល់ចំនួន១៧នាក់ហើយ នៅទី២១ ខែឧសភា ឆ្នាំ២០២០នេះ នៅប្រទេសឥណ្ឌា ក្នុងខេត្ត វេស បែងហ្កាល់ និងខេត្ត អូឌីហ្សា បានទទួលរងផលប៉ះពាល់ធ្ងន់ធ្ងរជាងគេ ។ ខ្យល់ព្យុះស៊ីក្លូន អាំផាន បានបោកបក់ឆ្លងកាត់ប្រទេសបង់ក្លាដែសទៅកាន់ប្រទេសឥណ្ឌាក្នុងល្បឿន២៧០គីឡូម៉ែត្រក្នុងមួយម៉ោង ទៅភាគខាងត្បូងនៃប្រទេសឥណ្ឌា តាមបណ្តោយតំបន់ឆ្នេរសមុទ្រ ដោយនាំយកទឹកភ្លៀងជាច្រើនមេទៅចាក់ស្រោចលើតំបន់នោះផងដែរ ។ អាជ្ញាធរឥណ្ឌា បានជម្លៀសប្រជាពលរដ្ឋប្រមាណជាងកន្លះលាននាក់ចេញពីតំបន់ដែលរងផលប៉ះពាល់ដោយសារខ្យល់ព្យុះនេះ ខណៈប្រទេសនេះ កំពុងទទួលរងផលប៉ះពាល់ដោយសារការឆ្លងរាលដាលនៃវីរុសខូវីដ-១៩ ដែលមានការឆ្លងសរុបចំនួន១១២ ៣៥៩នាក់ និងមនុស្សស្លាប់សរុបចំនួន ៣៤៣៥នាក់ ៕  ...

ប្រព័ន្ធផ្សព្វផ្សាយ NHK World-Japan បានចុះផ្សាយថា ការនាំចេញផលិតផលនានារបស់ប្រទេសជប៉ុនទៅកាន់ទីផ្សារអន្តរជាតិ បានធ្លាក់ចុះក្នុងអត្រា២១.៩ ភាគរយ កាលពីខែមេសា ឆ្នាំ២០២០នេះ ដោយសារការឆ្លងរាលដាលនៃវីរុសខូវីដ-១៩នៅជុំវិញពិភពលោក ។ យោងតាមទិន្នន័យរបស់ក្រសួងហិរញ្ញវត្ថុជប៉ុន បានឲ្យដឹងថា ការធ្លាក់ចុះនូវការនាំចេញកាលពីខែមេសា គឺដោយសារតម្រូវការសកលបានធ្លាក់ចុះដែរ ខណៈដែលរដ្ឋាភិបាលនៃប្រទេសមួយចំនួន បាន បិទប្រទេសដោយសារក្តីបារម្ភពីការឆ្លងរាលដាលនៃវីរុសខូវីដ-១៩ និងដាក់បទបញ្ជាឲ្យប្រជាពលរដ្ឋស្នាក់នៅក្នុងផ្ទះ ។ ទិន្នន័យរបស់ក្រសួងហិរញ្ញវត្ថុជប៉ុនដដែលបានបង្ហាញថា ការនាំចូលប្រទេសនេះពីប្រទេសនៅជុំវិញពិភពលោក ក៏បានធ្លាក់ចុះ៧.២ ភាគរយ ផងដែរ ដែលជាការធ្លាក់ចុះនូវការនាំចូលទៅក្នុងកម្រិតទាបបំផុតដែលមិនធ្លាប់មាន ៕...

ប្រព័ន្ធផ្សព្វផ្សាយ Worldometer បានចុះផ្សាយថា ចំនួនមនុស្សឆ្លងវីរុសខូវីដ-១៩នៅជុំវិញពិភព លោក បានកើនឡើងដល់ ៥ ០៨៤ ៩២០ នាក់  ដែលជាកំណើនឆ្លងនៅតែបន្តកើនឡើងខ្ពស់នៅឡើយ ។ គិតត្រឹមថ្ងៃទី២១ ខែឧសភា ឆ្នាំ២០២០នេះ មនុស្សចំនួន ៣២៩ ៧១៨នាក់ បានបាត់បង់ជីវិតដោយ សារវីរុសនេះ ដែលជាកំណើនខ្ពស់ផងដែរ ខណៈដែលអ្នកជំងឺវីរុសខូវីដ-១៩ ចំនួន ២ ០២១ ៧៣៩ នាក់ បានជាសះស្បើយពីវីរុសផ្លូវដង្ហើមមួយនេះ ។ សូមបញ្ជាក់ថា ប្រទេសប្រេស៊ីលមានករណីឆ្លងវីរុសខូវីដ-១៩ ប្រចាំថ្ងៃច្រើនជាងគេនៅលើពិភពលោក ដែលគិតក្នុងរយៈពេល២៤ម៉ោងចុងក្រោយនេះ ប្រេស៊ីលមានករណីឆ្លងថ្មីចំនួន២១ ៤៧២នាក់ និងបន្ទាប់មកគឺសហរដ្ឋអាមេរិក ដែលមានការឆ្លងថ្មីក្នុងរយៈពេល២៤ម៉ោងចុងក្រោយ ចំនួន២១ ៣៧៨នាក់ ៕...

សហរដ្ឋអាមេរិក នៅតែជាប្រទេសជាប់លំដាប់ថ្នាក់លេខ០១នៅលើពិភពលោក ដែលបាត់បង់ជីវិតមនុស្សដោយសារវីរុសខូវីដ-១៩ និងឆ្លងរាលដាលនៃវីរុសនេះច្រើនជាងគេ គិតត្រឹមថ្ងៃទី២០ ខែឧសភានេះ មនុស្សស្លាប់សរុបនៅអាមេរិកបានកើនឡើងដល់ចំនួន៩៣ ៥៣៣នាក់ និងមនុស្សឆ្លងសរុបបានកើនឡើងដល់១ ៥៧០ ៥៨៣នាក់ ។ នេះបើយោងតាមប្រព័ន្ធផ្សព្វផ្សាយ Worldometer ។ ក្នុងរយៈពេល២៤ម៉ោង ការឆ្លងថ្មីនៃវីរុសខូវីដ-១៩ នៅអាមេរិក មានរង្វង់ជាង២ម៉ឺននាក់ និងមនុស្សស្លាប់មានក្នុងរង្វង់ជាង១០០០នាក់ ក្នុងរយៈពេល២៤ម៉ោងចុងក្រោយនេះ ក្នុងចន្លោះពីថ្ងៃអង្គារដល់ថ្ងៃពុធនេះ ការឆ្លងថ្មីនៃវីរុសខូវីដ-១៩ នៅអាមេរិកមានចំនួន២០ ២៨៩នាក់ និងមនុស្សស្លាប់ថ្មីចំនួន១៥៥២នាក់ ។ សូមបញ្ជាក់ថា គិតត្រឹមថ្ងៃទី២០ ខែឧសភា ឆ្នាំ២០២០នេះ ការឆ្លងសរុបនៃវីរុសខូវីដ-១៩ នៅជុំវិញពិភពលោក បានកើនឡើងដល់ចំនួន ៤ ៩៨២ ៨៧៥នាក់ មនុស្សស្លាប់សរុបដោយសារវីរុសនេះបានកើនឡើងដល់ចំនួន ៣២៤ ៥៣៥នាក់ និងអ្នកជំងឺខូវីដ-១៩ សរុបចំនួន ១...

ប្រព័ន្ធផ្សព្វផ្សាយ CNN បានចុះផ្សាយថា លោក ដូណាល់ ត្រាំ ប្រធានាធិបតីរបស់សហរដ្ឋអាមេរិក បានគំរាម នៅថ្ងៃអង្គារ ទី១៩ ខែឧសភានេះ ក្នុងការដកអាមេរិកចេញពីសមាជិកភាពរបស់អង្គការសុខភាពពិភពលោក (WHO) ដោយដោយចោទប្រកាន់អង្គការនេះពីបទលំអៀងទៅខាងប្រទេសចិន និងគ្រប់គ្រងការឆ្លងរាលដាលនៃវីរុសCovid-19មិនបានល្អ ។ លោក ត្រាំ មិនត្រឹមតែគំរាមដកអាមេរិកចេញពីអង្គការ WHO ទេ ប្រធានាធិបតីអាមេរិករូបនេះ ក៏បានគំរាមកាត់ផ្តាច់ជាអចិន្ត្រៃយ៍នូវមូលនិធិវិភាគទានរបស់ខ្លួនដល់អង្គការសុខភាពមួយនេះដែរ ក្រោយពីសហរដ្ឋអាមេរិក បានសម្រេចបង្កកប្រាក់មូលនិធិវិភាគទានដល់អង្គការសុខភាពពិភពលោករួចហើយ ។ ជារៀរាល់ឆ្នាំ សហរដ្ឋអាមេរិកបានផ្តល់មូលនិធិវិភាគទានដល់អង្គការ WHO ជាទឹកប្រាក់ពី៤០០លានទៅ៥០០លានដុល្លារ ប៉ុន្តែដោយសារការឆ្លងរាលដាលវីរុសCovid-19 ប្រធានាធិបតីអាមេរិករូបនេះ ក៏គំរាមនឹងដកអាមេរិកចេញពីសមាជិករបស់អង្គការសុខភាពពិភពលោក ៕...

ប្រព័ន្ធផ្សព្វផ្សាយ Worldometer បានចុះផ្សាយថា ចំនួនមនុស្សឆ្លងវីរុសខូវីដ-១៩ នៅជុំវិញពិភពលោក បានកើនឡើងដល់ជិត៥លាននាក់ គឺចំនួន ៤ ៨៩៤ ២៣៣នាក់ហើយ គិតត្រឹមថ្ងៃទី១៩ ខែឧសភានេះ ។ ចំណែកចំនួនមនុស្សដែលបានបាត់បង់ជីវិតដោយសារតែវីរុសផ្លូវដង្ហើមមួយនេះ ក៏បានកើនឡើងដល់ជាង៣២ម៉ឺននាក់ហើយដែរ គឺចំនួន៣២០ ១៨១នាក់ នៅជុំវិញពិភពលោក ខណៈដែលអ្នកជំងឺខូវីដ-១៩ ចំនួន ១ ៩០៨ ០៦៥នាក់ បានជាសះស្បើយពីវីរុសនេះ ។ សូមបញ្ជាក់ថា រុស្ស៊ីគឺជាប្រទេសដែលមានករណីឆ្លងវីរុសខូវីដ-១៩ ច្រើនជាងគេ ដែលរហូតមកដល់ពេលនេះ រុស្ស៊ីបានឡើងដល់លំដាប់ទី២នៅលើពិភពលោកបន្ទាប់ពីសហរដ្ឋអាមេរិក ដែលប្រទេសអេស្ប៉ាញបានធ្លាក់មកនៅលំដាប់លេខ៣វិញ ដែលមានការឆ្លងរាលដាលវីរុសនេះច្រើនជាងគេ ៕...

ទីស្តីការគណៈរដ្ឋមន្ត្រីរបស់ប្រទេសជប៉ុន បានបញ្ជាក់ថា ផលិតផលសរុបក្នុងស្រុក(GDP) របស់ប្រទេសនេះ បានធ្លាក់ចុះ៣,៤%នៅចន្លោះពីខែមករាដល់ខែមីនាឆ្នាំ២០២០នេះដោយសារការឆ្លងរាលដាលនៃវីរុសខូវីដ-១៩។ នេះបើតាមការចុះផ្សាយរបស់ NHK ។ ប្រភពដដែលបានបន្តថា ការចំណាយជាលក្ខណៈផ្ទាល់ខ្លួនរបស់ប្រជាពលរដ្ឋទូទៅនៅក្នុងប្រទេស ក៏បានធ្លាក់ចុះរហូតដល់០.៧%ផងដែរ ខណៈដែលរដ្ឋាភិបាលបានដាក់ប្រទេសក្នុងគ្រាអាសន្ន និងអំពាវនាវឲ្យប្រជាពលរដ្ឋស្នាក់នៅក្នុងផ្ទះ ដើម្បីទប់ស្កាត់ការឆ្លងរាលដាលនៃវីរុសខូវីដ-១៩ ។ ក្រុមសេដ្ឋវិទូរបស់ប្រទេសជប៉ុន បានឲ្យដឹងថា នៅត្រីមាសទី២នៃ២០២០នេះ GDP របស់ប្រទេសនេះ អាចនឹងធ្លាក់ចុះកាន់តែទាបជាងត្រីមាសទី១ទៅទៀត ដោយសារការឆ្លងរាលដាលនៃវីរុសខូវីដ-១៩ នៅតែបន្តកើនឡើងនៅឡើយ ហើយគិតត្រឹមថ្ងៃទី១៨ ខែឧសភានេះ ការឆ្លងវីរុសខូវីដ-១៩ សរុបនៅជប៉ុន បានកើនឡើងដល់១៦២៨៥នាក់ និងមនុស្សចំនួន ៧៤៤នាក់បានបាត់បង់ជីវិត ៕...