ព័ត៌មានអន្តរជាតិ

ប្រព័ន្ធផ្សព្វផ្សាយ Worldometer បានចុះផ្សាយថា ចំនួនមនុស្សឆ្លងវីរុសខូវីដ-១៩ នៅជុំវិញពិភពលោក បានកើនឡើងដល់ជិត៥លាននាក់ គឺចំនួន ៤ ៨៩៤ ២៣៣នាក់ហើយ គិតត្រឹមថ្ងៃទី១៩ ខែឧសភានេះ ។ ចំណែកចំនួនមនុស្សដែលបានបាត់បង់ជីវិតដោយសារតែវីរុសផ្លូវដង្ហើមមួយនេះ ក៏បានកើនឡើងដល់ជាង៣២ម៉ឺននាក់ហើយដែរ គឺចំនួន៣២០ ១៨១នាក់ នៅជុំវិញពិភពលោក ខណៈដែលអ្នកជំងឺខូវីដ-១៩ ចំនួន ១ ៩០៨ ០៦៥នាក់ បានជាសះស្បើយពីវីរុសនេះ ។ សូមបញ្ជាក់ថា រុស្ស៊ីគឺជាប្រទេសដែលមានករណីឆ្លងវីរុសខូវីដ-១៩ ច្រើនជាងគេ ដែលរហូតមកដល់ពេលនេះ រុស្ស៊ីបានឡើងដល់លំដាប់ទី២នៅលើពិភពលោកបន្ទាប់ពីសហរដ្ឋអាមេរិក ដែលប្រទេសអេស្ប៉ាញបានធ្លាក់មកនៅលំដាប់លេខ៣វិញ ដែលមានការឆ្លងរាលដាលវីរុសនេះច្រើនជាងគេ ៕...

ទីស្តីការគណៈរដ្ឋមន្ត្រីរបស់ប្រទេសជប៉ុន បានបញ្ជាក់ថា ផលិតផលសរុបក្នុងស្រុក(GDP) របស់ប្រទេសនេះ បានធ្លាក់ចុះ៣,៤%នៅចន្លោះពីខែមករាដល់ខែមីនាឆ្នាំ២០២០នេះដោយសារការឆ្លងរាលដាលនៃវីរុសខូវីដ-១៩។ នេះបើតាមការចុះផ្សាយរបស់ NHK ។ ប្រភពដដែលបានបន្តថា ការចំណាយជាលក្ខណៈផ្ទាល់ខ្លួនរបស់ប្រជាពលរដ្ឋទូទៅនៅក្នុងប្រទេស ក៏បានធ្លាក់ចុះរហូតដល់០.៧%ផងដែរ ខណៈដែលរដ្ឋាភិបាលបានដាក់ប្រទេសក្នុងគ្រាអាសន្ន និងអំពាវនាវឲ្យប្រជាពលរដ្ឋស្នាក់នៅក្នុងផ្ទះ ដើម្បីទប់ស្កាត់ការឆ្លងរាលដាលនៃវីរុសខូវីដ-១៩ ។ ក្រុមសេដ្ឋវិទូរបស់ប្រទេសជប៉ុន បានឲ្យដឹងថា នៅត្រីមាសទី២នៃ២០២០នេះ GDP របស់ប្រទេសនេះ អាចនឹងធ្លាក់ចុះកាន់តែទាបជាងត្រីមាសទី១ទៅទៀត ដោយសារការឆ្លងរាលដាលនៃវីរុសខូវីដ-១៩ នៅតែបន្តកើនឡើងនៅឡើយ ហើយគិតត្រឹមថ្ងៃទី១៨ ខែឧសភានេះ ការឆ្លងវីរុសខូវីដ-១៩ សរុបនៅជប៉ុន បានកើនឡើងដល់១៦២៨៥នាក់ និងមនុស្សចំនួន ៧៤៤នាក់បានបាត់បង់ជីវិត ៕...

ការឆ្លងរាលដាលនៃវីរុសខូវីដ-១៩ នៅជុំវិញពិភពលោក នៅតែបន្តកើនឡើងឥតឈប់ឈរជារៀងរាល់ថ្ងៃ រហូតដល់ថ្ងៃទី១៨ ខែឧសភា ឆ្នាំ២០២០នេះ កំណើនមនុស្សឆ្លងវីរុសនេះ បានកើនឡើងដល់ជិត ៥លាននាក់ហើយ គឺចំនួន ៤ ៧៩៩ ០៨៨ នាក់នេះបើតាមការចុះផ្សាយរបស់ Worldometer ។ ចំនួនមនុស្សស្លាប់សរុបនៅជុំវិញពិភពលោក ដោយសារវីរុសខូវីដ-១៩ ក៏បានកើនឡើងដល់ ៣១៦ ៥១៤ នាក់ផងដែរ និងអ្នកជំងឺវីរុសខូវីដ-១៩ ប្រមាណ ១ ៨៥៥ ១៥០ នាក់បានជាសះស្បើយពីវីរុសផ្លូវដង្ហើមមួយនេះ ។ ក្នុងចំណោមប្រទេស១០នៅលើពិភពលោក សហរដ្ឋអាមេរិក គឺជាប្រទេសឈរក្នុងលំដាប់ថ្នាក់លេខ១ ដែលមានមនុស្សឆ្លង និងមនុស្សបាត់បង់ជីវិត ច្រើនជាងគេ គឺមានមនុស្សឆ្លងសរុបរហូតដល់ ១៥២៧ ៤៨៦នាក់ និងមនុស្សស្លាប់សរុបមានចំនួន៩០ ៩៧៣នាក់ ៕...

ប្រព័ន្ធផ្សព្វផ្សាយ Xinhua បានចុះផ្សាយថា កំណើននៃប្រជាពលរដ្ឋអាមេរិក ដែលបានដាក់ពាក្យសុំប្រាក់អត្ថប្រយោជន៍ពីរដ្ឋាភិបាលរបស់ខ្លួន បានកើនឡើងដល់ជាង៣៦លាន៥សែននាក់ហើយ គិតត្រឹមថ្ងៃទី១៥ ខែឧសភានេះ ខណៈដែលប្រជាពលរដ្ឋទាំងនោះ បានបាត់បង់ការងារធ្វើ ស្របពេលដែលមានការឆ្លងរាលដាលនៃវីរុសខូវីដ ១៩ ។ រដ្ឋាភិបាលសហរដ្ឋអាមេរិក បានបិទសេដ្ឋកិច្ចអស់រយៈពេលជាង៦សប្តាហ៍ ដែលរុញច្រានកំណើននៃប្រជាពលរដ្ឋអត់ការងារធ្វើនៅក្នុងប្រទេសនេះ ឲ្យកើនឡើងដល់ជិត៣៧លាននាក់ ហើយអ្នកអត់ការងារធ្វើទាំងនោះ មិនមានប្រាក់គ្រប់គ្រាន់ក្នុងការចំណាយប្រចាំថ្ងៃ ។ សូមបញ្ជាក់ថា នេះគឺជាមូលហេតុសំខាន់ ដែលនាំឲ្យអភិបាលរដ្ឋមួយចំនួននៅសហរដ្ឋអាមេរិក បានបង្ខំចិត្តបើកសេដ្ឋកិច្ចឡើងវិញ និងបន្ធូរបន្ថយវិធានការបិទប្រទេស ទោះបីជាការឆ្លងរាលដាលវីរុសខូវីដ ១៩ នៅក្នុងប្រទេសមហាអំណាចមួយនេះ នៅតែបន្តកើនឡើងក្នុងកម្រិតខ្ពស់ក៏ដោយ ៕...

ការវិនិយោគលើវីស័យអចលនទ្រព្យនៅប្រទេសចិន បានធ្លាក់ចុះក្នុងអត្រា៣.៣% ដែលមានតម្លៃទឹកប្រាក់ប្រមាណជាង៣.៣១សែនកោដិយ័ន ប្រហាក់ប្រហែលទឹកប្រាក់ប្រមាណ៤៦៦ពាន់លានដុល្លារអាមេរិក ក្នុងរយៈពេល៤ខែដំបូងនៃឆ្នាំ២០២០នេះ គឺចាប់ពីខែមករារហូតដល់ខែមេសាកន្លងទៅ នេះបើតាមការចុះផ្សាយរបស់ NBS ។ អ្នកនាំពាក្យការិយាល័យស្ថិតិជាតិរបស់ប្រទេសចិន បាននិយាយថា មូលហេតុសំខាន់ដែលនាំឲ្យការវិនិយោគលើវិស័យអចលនទ្រព្យនៅក្នុងប្រទេសនេះធ្លាក់ចុះ គឺដោយសារការឆ្លងរាលដាលនៃវីរុសខូវីដ ១៩ និងការដាក់វិធានការបិទប្រទេសរបស់រដ្ឋាភិបាលចិនក្នុងអំឡុងពេល៤ខែនេះ ។ អ្នកនាំពាក្យដដែលបានបន្តថា ការវិនិយោគលើការសាងសង់ផ្ទះសម្បែងនៅក្នុងប្រទេសនេះ ក៏បានធ្លាក់ចុះក្នុងរង្វង់២.៨%ផងដែរ ដែលមានតម្លៃទឹកប្រាក់រហូតដល់២.៤២សែនកោដិយ័ន ការវិនិយោគសរុបធ្លាក់ចុះរហូតដល់៤.៤%កាលពីត្រីមាសទី១ ៕  ...

កំណើនមនុស្សបាត់បង់ជីវិតដោយសារវីរុសខូវីត១៩នៅជុំវិញពិភពលោក នៅតែបន្តកើនឡើងក្នុងកម្រិតខ្ពស់ដដែល ដែលគិតត្រឹមថ្ងៃសុក្រ ទី១៥ ខែឧសភានេះ កំណើនមនុស្សស្លាប់បានកើនឡើងដល់ជាង៣០ម៉ឺននាក់ហើយ គឺចំនួន៣០៣ ០៦៥នាក់ នេះបើតាមការចុះផ្សាយរបស់ Worldometer ។ ចំនួនមនុស្សឆ្លងវីរុសខូវីត១៩ នៅជុំវិញពិភពលោក ក៏បានកើនឡើងក្នុងកម្រិតខ្ពស់ដូចគ្នា បើគិតត្រឹមថ្ងៃសុក្រនេះ មនុស្សឆ្លងវីរុសនេះ បានកើនឡើងដល់ជាង៤លានកន្លះហើយ គឺចំនួន ៤ ៥២០ ៦៨៦នាក់ ខណៈដែលអ្នកជំងឺវីរុសខូវីត១៩ ចំនួន ១ ៧០១ ៩៨៥នាក់ បានជាសះស្បើយពីវីរុសនេះ ។ សូមបញ្ជាក់ថា សហរដ្ឋអាមេរិក និងប្រទេសអេស្ប៉ាញ គឺជាប្រទេសដែលមានមនុស្សស្លាប់ច្រើនជាងគេ គឺសហរដ្ឋអាមេរិកមានមនុស្សស្លាប់ចំនួន ៨៦ ៨៩៥នាក់ និងប្រទេសអេស្ប៉ាញមានមនុស្សស្លាប់ចំនួន២៧ ៣២១នាក់ ៕...

ប្រព័ន្ធផ្សព្វផ្សាយ BBC បានចុះផ្សាយថា កំណើននៃការឆ្លងរាលដាល និងបាត់បង់ជីវិតមនុស្សដោយសារវីរុសខូវីដ១៩នៅលើទឹកដីសហរដ្ឋអាមេរិក ស្ថិតក្នុងកម្រិតខ្ពស់នៅឡើយ គឺឆ្លងក្នុងរង្វង់ជាង២ម៉ឺននាក់ និងមនុស្សស្លាប់ជាង១ពាន់នាក់ក្នុងមួយថ្ងៃ ។ ក្នុងរយៈពេល២៤ម៉ោងចុងក្រោយ គិតត្រឹមថ្ងៃព្រហស្បតិ៍ ទី១៤ ខែឧសភានេះ មនុស្សថ្មីចំនួន២០ ៨០៩នាក់បានឆ្លងវីរុសខូវីដ១៩ នៅអាមេរិក ខណៈដែលមនុស្សស្លាប់ថ្មីនៅប្រទេសមហាអំណាចមួយនេះ មានចំនួន១៧៣៩នាក់ ។ នៅពេលបច្ចុប្បន្ននេះ ការឆ្លងរាលដាលវីរុសខូវីដ១៩ សរុបនៅសហរដ្ឋអាមេរិក មានចំនួន១ ៤២៩ ៤៤៥នាក់ និងមនុស្សសរុបចំនួន៨៥ ១៦៤នាក់បានបាត់បង់ជីវិត ខណៈដែលអ្នកជំងឺខូវីដ១៩ ចំនួន៣០៨ ១៦៥បានជាសះស្បើយពីវីរុសនេះ ៕...

ក្រុមហ៊ុន Honda Motor របស់ប្រទេសជប៉ុន បានចេញរបាយការណ៍មួយ នៅថ្ងៃទី១៣ ខែឧសភានេះ ស្តីពីការបាត់បង់ប្រាក់ចំណេញរបស់ក្រុមហ៊ុន ក្នុងអត្រា២៥.៣% ស្មើនឹងតម្លៃទឹកប្រាក់៤៥៥ ៧ពាន់លានយ៉េន ប្រហែល៤២ពាន់លានដុល្លារអាមេរិកចាប់តាំងពីដើមឆ្នាំរហូតដល់ដំណាច់ខែមីនា ឆ្នាំ២០២០នេះ ដោយសារការឆ្លងរាលដាលនៃវីរុសកូវីដ១៩ នៅជុំវិញពិភពលោក រួមទាំងនៅប្រទេសជប៉ុនផងដែរ។ យោងតាមការផ្សាយរបស់ទូរទស្សន៍ NHK World របស់ជប៉ុន បានឲ្យដឹងថា ការលក់ផលិតផលរថយន្តក្រុមហ៊ុន Honda Motor នៅជុំវិញពិភពលោក បានធ្លាក់ចុះប្រាំមួយភាគរយ ចាប់តាំងពីដើមឆ្នាំ២០២០ រហូតដល់ពេលបច្ចុប្បន្ននេះ ដែលមានតម្លៃទឺកប្រាក់ប្រមាណជាង១៤០ពាន់លានដុល្លារអាមេរិក។ ក្នុងរយៈពេលមួយត្រីមាសដំបូងនៃឆ្នាំ២០២០នេះ ចាប់ពីខែមករា រហូតដល់ខែមីនា ក្រុមហ៊ុន Honda Motor បានបាត់បង់ប្រាក់ចំណេញប្រមាណ២៧០លានដុល្លារអាមេរិក ដោយសារតែការលក់ផលិតផលរថយន្តបានធ្លាក់ចុះខ្លាំងនៅប្រទេសចិន៕...

(បារាំង)៖ ទីភ្នាក់ងារព័ត៌មាន Associated Press  របស់អាមេរិក បានផ្សាយថា អាជ្ញាធរបារាំង នៅថ្ងៃទី១១ ខែឧសភា ឆ្នាំ២០២០នេះ បានចាប់ផ្តើមបន្ធូរបន្ថយវិធានការបិទប្រទេស ខណៈការឆ្លងរាលដាល និងការបាត់បង់ជីវិតមនុស្ស ដោយសារវីរុសកូវីដ១៩ នៅក្នុងប្រទេសនេះ បានថយចុះជាបណ្តើរៗ។  ការបន្ធូរបន្ថយវិធានការដំបូងនេះ គឺប្រជាពលរដ្ឋអាចធ្វើដំណើរ បានតែក្នុងរង្វង់តិចជាង១០០គីឡូម៉ែត្រ ហើយបើការធ្វើដំណើរឆ្ងាយជាងនេះ ត្រូវមានលិខិតបញ្ជាក់ពីសុខភាព។ ចំណែកផ្សារលក់ទំនិញខ្នាតតូច អាចបើកទ្វារដំណើរការលក់ដូរបាន រួមទាំងហាងកាហ្វេ ភោជនីយដ្ឋាន និងអាហារដ្ឋានផ្សេងទៀត ប៉ុន្តែស្ថិតនៅក្នុងការរឹតបន្តឹងផ្នែកសុខភាព។ គិតត្រឹមថ្ងៃចន្ទនេះ ប្រទេសបារាំងមានអត្រាឆ្លងវីរុសកូវីដ១៩ចំនួន១៧៦ ៩៧០ករណី និងមនុស្សចំនួន២៦ ៣៨០នាក់ បានបាត់បង់ជីវិត ដោយសារវីរុសនេះ ខណៈដែលអ្នកជំងឺកូវីដចំនួន៥៦២១៧នាក់ បានជាសះស្បើយ៕...

(អាមេរិក)៖ ប្រព័ន្ធផ្សព្វផ្សាយ ស៊ីអិនអិន (CNN) របស់អាមេរិក បានផ្សាយថា កំណើននៃប្រជាពលរដ្ឋអត់ការងារធ្វើនៅសហរដ្ឋអាមេរិក បានកើតឡើងដល់១៤.៧ភាគរយ គឺស្មើជាង២០លាននាក់ គិតត្រឹមថ្ងៃទី១១ ខែឧសភានេះ ខណៈការឆ្លងរាលដាលនៃវីរុសកូវីដ១៩ នៅក្នុងប្រទេសនេះ នៅតែបន្តកើនឡើងឥតឈប់ឈរ។ មូលហេតុដែលនាំឲ្យប្រជាពលរដ្ឋអត់ការងារធ្វើ នៅអាមេរិក កើនឡើងឡើងបែបនេះ គឺដោយសាររដ្ឋាភិបាល និងអភិបាលរដ្ឋមួយចំនួន នៅក្នុងប្រទេសនេះ បានដាក់បទបញ្ជាឲ្យប្រជាពលរដ្ឋស្នាក់នៅក្នុងផ្ទះ និងចេញវិធានការបិទសេដ្ឋកិច្ច ក្នុងគោលដៅទប់ស្កាត់ការឆ្លងរាលដាលនៃវីរុសដ៏កាចសាហាវនេះ ។  សូមបញ្ជាក់ជូនថា នៅពេលបច្ចុប្បន្ននេះ អត្រាអ្នកឆ្លងវីរុសកូវីដ១៩ នៅសហរដ្ឋអាមេរក បានកើនឡើងដល់ចំនួនរហូតដល់១ ៣៦៧ ៦៣៨ករណី និងអ្នកជំងឺចំនួន៨០ ៧៨៧នាក់ បានបាត់បង់ជីវិត៕...