ព័ត៌មានអន្តរជាតិ

រដ្ឋតិចសាស់៖ ខ្មាន់កាំភ្លើងម្នាក់ បានសម្លាប់ក្មេងសិស្សសាលារយ៉ាងតិច១៩នាក់ និងមនុស្សពេញវ័យពីរនាក់ កាលពីថ្ងៃអង្គារ ក្នុងសាលាបឋមសិក្សាមួយកន្លែង នៅរដ្ឋតិចសាស់ ក្នុងសហរដ្ឋអាមេរិក។ អាជ្ញាធរអាមេរិក បានចាត់អំពើអមនុស្សធម៌នេះ ជាការបាញ់ប្រហារដ៏សាហាវបំផុតមួយ នៅប្រវត្តិសាស្ត្រអាមេរិក ចាប់តាំងពីការបាញ់យ៉ាងសម្លាប់រង្គាលនៅសាលាបឋមសិក្សា កាលពី១០ឆ្នាំមុន ដែលសម្លាប់មនុស្សជិត៣០នាក់ ភាគច្រើនជាកុមារ។ កាលពីថ្ងៃទី១៤ ខែធ្នូ ឆ្នាំ២០១២ ខ្មាន់កាំភ្លើងអាយុ២០ឆ្នាំម្នាក់ បានបាញ់ប្រហារនៅសាលាបឋមសិក្សា ឈ្មោះ សែនឌី ហូក (Sandy Hook) នៅក្នុងរដ្ឋចន់ណិចទីខាត់ (Connecticut) ដោយសម្លាប់មនុស្សសរុប២៦នាក់ ក្នុងនោះក្មេងសិស្សសាលា​​ ដែលមានអាយុចន្លោះពី៦ឆ្នាំ ទៅ៧ឆ្នាំ និងប្រាំមួយនាក់ជាបុគ្គលិករបស់សាលា។ មន្ត្រីនគរបាលអាមេរិក បានបញ្ជាក់ថា ការសម្លាប់នេះ កើតឡើងនៅវេលាថ្ងៃជិតត្រង់ ក្នុងសាលាបឋមសិក្សា ដែលកូនសិស្សតូចៗ រៀននៅថ្នាក់ទី២ ដល់ទី៤ ន...

តូក្យូ៖ ប្រធានាធិបតីសហរដ្ឋអាមេរិក លោក ចូ បាយដិន (Joe Biden) នៅថ្ងៃអង្គារនេះ បាននិយាយអះអាងថា មិនមានការផ្លាស់ប្តូរណាមួយចំពោះគោលនយោបាយរបស់សហរដ្ឋអាមេរិក លើដែនដីកោះតៃវ៉ាន់ គឺមួយថ្ងៃបន្ទាប់ពីលោកបង្ហាញឆន្ទៈក្នុងការប្រើប្រាស់កម្លាំងយោធា ដើម្បីការពារពីការវាយសង្គ្រប់យកមកគ្រប់គ្រងវិញ ពីសំណាក់រដ្ឋាភិបាលចិន។ ការកើនកម្តៅជុំវិញបញ្ហាកោះតៃវ៉ាន បានកើតឡើងនៅក្នុងកិច្ចប្រជុំ នាទីក្រុងតូក្យូ របស់មេដឹកនាំបួនប្រទេស មានសហរដ្ឋអាមេរិក ជប៉ុន អូស្ត្រាលី និងឥណ្ឌា ដែលបានសង្កត់ធ្ងន់លើការប្តេជ្ញាចិត្ត ក្នុងការធានាពីសេរីភាព និងការបើកចំហ ក្នុងតំបន់ឥណ្ឌូប៉ាស៊ីហ្វិក ដើម្បីប្រឈមមុខជាមួយប្រទេសចិន។ នៅពេលអ្នកសារព័ត៌មានសួរបញ្ជាក់ជាថ្មីថា ​ តើ​មាន​ការ​ផ្លាស់​ប្តូរ​គោល​នយោបាយ​របស់​សហរដ្ឋ​អាមេរិក​លើ​កោះ​តៃវ៉ាន់​ដែរ​ឬ​ទេ​ លោក ចូ បាយដិន បាន​ឆ្លើយ​តប​ថា «ទេ គោលការណ៍មិនផ្លាស់ប្តូរទាល់តែសោះ។ ខ្ញុំបានបញ្ជាក់ក្នុងសេចក្តីថ្លែងការណ៍របស់...

មូស្គូ៖ រដ្ឋាភិបាលរុស្ស៊ី របស់លោក ពូទីន កាលពីម្សិលមិញ បានបដិសេធចំពោះសំណើរដោះដូរឈ្លើយសឹក អ៊ុយក្រែនរាប់ពាន់នាក់ ដែលទាហានរុស្ស៊ីចាប់ខ្លួនបាន នាពេលថ្មីៗកន្លងមកនេះ នៅឯរោងចក្រស្លដែក អាសូវស្តាល់ (Azovstal) ក្នុងទីក្រុង ម៉ារីយូប៉ូល (Mariupol) បន្ទាប់ពីពួកគេដាក់អាវុធលើកទង់សចុះចាញ់។ អ្នកនាំពាក្យវិមានក្រឹមឡាំង លោក ឌីមីទ្រី ប៉េស្កូវ (Dmitry Peskov) បាននិយាយថា រុស្ស៊ីគ្មានចេតនាធ្វើការផ្លាស់ប្តូរទេ ទោះបីជាអ្នកនយោបាយអ៊ុយក្រែន ស្នើសុំក៏ដោយ។ សំណើរដោះដូរឈ្លើយសឹក ធ្វើឡើងពីអ្នកនយោបាយ អ៊ុយក្រែន គឺសំដៅទៅលើទាហានអ៊ុយក្រែន ២ ៥០០នាក់ ដែលជាប់គាំងអស់រយៈពេលរាប់ខែ នៅក្នុងរោងចក្រស្លដែក អាសូវស្តាល់ ប៉ុន្តែបានទម្លាក់អាវុធចុះចាញ់ កាលពីសប្តាហ៍មុន។ ទាហានអ៊ុយក្រៃនទាំងនេះ ត្រូវទាហានរុស្ស៊ីព័ទ្ធជាប់តាំងពីថ្ងៃទី២១ ខែមេសា ឆ្នាំ២០២២ គឺក្នុងរយៈពេលតែប៉ុន្មានថ្ងៃប៉ុណ្ណោះ ក្រោយរុស្ស៊ីលើកទ័ពចូលឈ្លានពាន អ៊ុយក្រែន និងធ្វើឲ្យពួកគេនៅឯកោ...

ចិន៖ យោងតាមទិន្នន័យដឹកជញ្ជូននិងក្រុមពាណិជ្ជករប្រេង ដែលបាននិយាយប្រាប់ទីភ្នាក់ងារព័ត៌មានរ៉យទ័របានឲ្យដឹងថា ប្រទេសចិន បានបង្កើនការទិញប្រេងតម្លៃថោករបស់រុស្ស៊ីដោយស្ងាត់ៗ គឺជាប្រេងសល់ពីអ្នកទិញលោកខាងលិច ដែលងាកចេញពីការធ្វើមុខជំនួញជាមួយរុស្ស៊ី បន្ទាប់ពីការវាយលុកចូលអ៊ុយក្រែន កាលខែកុម្ភៈកន្លងទៅ ។ ការទិញប្រេងដោយប្រទេសនាំចូលប្រេងធំបំផុតរបស់ពិភពលោកមួយនេះ បានកើតមានឡើងរយៈពេល ១ខែ ប៉ុណ្ណោះ ក្រោយពួកគេកាត់បន្ថយការផ្គត់ផ្គង់របស់រុស្សី ដោយសារការព្រួយបារម្ភចំពោះការគាំទ្រទីក្រុងម៉ូស្គូ ដោយបើកចំហរ ក៏ដូចជាជំរុញឲ្យក្រុមហ៊ុនប្រេងខ្នាតយក្សគ្រប់គ្រងដោយរដ្ឋរបស់ពួកកេ ប្រឈមនឹងព្រនុងទណ្ឌកម្ម ។ យោងតាមការប៉ាន់ស្មានរបស់ក្រុមអ្នកវិភាគ Vortexa បានឲ្យដឹងថា ការនាំចូលប្រេងរុស្ស៊ីតាមសមុទ្ររបស់ចិន នឹងកើនឡើងខ្ពស់បំផុតជិត ១.១លានបារ៉ែលក្នុង១ថ្ងៃ ក្នុងខែឧសភានេះ ពោលគឺកើនឡើងពីចំនួន ៧៥ម៉ឺនបារ៉ែលក្នុង១ថ្ងៃ នៅត្រីមាសដំបូង និង ៨០ម៉ឺនបារ៉...

បរទេស៖ កាលពីថ្ងៃពុធម្សិលមិញ ប្រទេសរុស្ស៊ីបានលើកឡើងថា ខ្លួនបានប្រើអាវុធឡាស៊ែរជំនាន់ថ្មីដ៏មានឥទ្ធិពលក្នុងប្រទេសអ៊ុយក្រែន ដើម្បីបាញ់កម្ទេចយានដ្រូន និងការពង្រាយគ្រឿងសព្វាវុធសំងាត់របស់ក្រុង Moscowដើម្បីប្រឆាំងនឹងការសម្រុកផ្ដល់អាវុធរបស់លោកខាងលិចឲ្យអ៊ុយក្រែន ។ កាលពីឆ្នាំ ២០១៨កន្លងទៅ ប្រធានាធិបតីរុស្ស៊ី លោក Vladimir Putin បានបង្ហាញមីស៊ីលបាលីស្ទីកអន្តរទ្វីប យានដ្រូននុយក្លេអ៊ែរក្រោមទឹក អាវុធល្បឿនលឿនជាងសំឡេង និងអាវុធឡាស៊ែរ ហើយនៅពេលនេះ ពួកគេចាប់ផ្តើមបញ្ចេញវាបណ្តើរៗហើយ ។ លោក Yury Borisov ឧបនាយករដ្ឋមន្ត្រីរុស្ស៊ី ទទួលបន្ទុកផ្នែកអភិវឌ្ឍន៍យោធា បាននិយាយប្រាប់សន្និសីទនៅទីក្រុង Moscow ថាអាវុធឡាស៊ែរមានឈ្នោះថា Peresvet កំពុងត្រូវបានដាក់ពង្រាយយ៉ាងទូលំទូលាយ ហើយវាអាចគេចចេញពីការតាមដានដោយផ្កាយរណប រហូតដល់ ១.៥០០គីឡូម៉ែត្រពីលើដី ។ នៅពេលត្រូវបានសួរថាតើអាវុធប្រភេទនេះមែនទេ ដែលត្រូវបានប្រើនៅក្នុងប្រទេសអ៊ុយ...

បរទេស៖ លោក Josep Borrell គឺជាប្រធានគោលនយោបាយកិច្ចការបរទេសរបស់សហភាពអឺរ៉ុប បានប្រាប់ក្រុមអ្នកសារព័ត៌មាន ក្រោយជំនួបថ្នាក់រដ្ឋមន្ត្រីការពារជាតិអឺរ៉ុបថា សហ ភាពអឺរ៉ុប នឹងមិនបណ្ដោយឲ្យប្រទេសអ៊ុយក្រែនអស់គ្រឿងសព្វាវុធឡើយ ពោលគឺពួកគេនៅតែបន្តជួយពាំងមុខអ៊ុយក្រែនដូចអាមេរិកដែរ ក្នុងការផ្តល់អាវុធជួយធ្វើសង្រ្គាមជាមួយរុស្ស៊ី ។ មន្រ្តីការទូតជាន់ខ្ពស់រូបនេះបានបញ្ជាក់ថា រុស្ស៊ីអាចរង ការខាត បង់ដ៏ធំធេង ចាប់តាំងពីការវាយលុកលើអ៊ុយក្រែន ដោយបានលើកឡើង ថាកងទ័ពស្លាប់ និងរបួសដល់ទៅ ១៥ភាគរយ ប៉ុន្តែបានបដិសេធនៅពេលត្រូវបានសួរថា តើ លោកមានអារម្មណ៍ ថាសង្រ្គាមនេះនឹងបន្តអូសបន្លាយរយៈពេលប៉ុណ្ណាទៀត ដោយគ្រាន់តែនិយាយថា លោកមិនទាន់ហ៊ានធ្វើសម្មតិកម្ម នៅឡើយទេ ថាតើរុស្ស៊ីអាចទប់ទល់បានយូរប៉ុណ្ណាទៀតនោះ ។ កាលពីថ្ងៃសុក្រសប្ដាហ៍មុន ប្រមុខការទូតសហភាពអឺរ៉ុបរូបនេះ បានប្រកាសពីកញ្ចប់ជំនួយ សម្រាប់ទិញគ្រឿងសព្វាវុធ មួយវគ្គផ្សេងទៀត ដែលមានទំហំទឹកប្រា...

បរទេស៖ ប្រធានាធិបតីរុស្ស៊ី លោកVladimir Putinបាននិយាយកាលពីថ្ងៃច័ន្ទថា ពុំមានការគំរាមចំពោះរុស្ស៊ីទេប្រសិនបើប្រទេសហ្វាំងឡង់ និងស៊ុយអែត ចូលជាសមាជិកសម្ព័ន្ធណាតូ ប៉ុន្តែលោកបានព្រមានថា ទីក្រុង Moscowអាចនឹងឆ្លើយតបវិញ បើសម្ព័ន្ធយោធាដឹកនាំដោយសហរដ្ឋអាមេរិកមួយនេះ ពង្រឹងហេដ្ឋរចនាសម្ព័ន្ធយោធា នៅក្នុងរដ្ឋជាសមាជិកថ្មីរបស់អឺរ៉ុបខាងជើង ។ ការលើកឡើងរបស់លោក Putinគេអាចសន្និដ្ឋានបានថា លោកទំនងជាទទួលស្គាល់ការពិតហើយថា រុស្ស៊ីមិនបានជោគជ័យនោះទេនៅក្នុងសង្រ្គាមអ៊ុយក្រែន ហើយសូម្បីតែហ្វាំងឡង់ ដែលមានព្រំដែនដ៏វែងអន្លាយជាប់ខ្លួន ក៏លោកបើកភ្លើងខៀវឲ្យចូលជសមាជិកណាតូដែរបើទោះបីជាគេមើលឃើញថា វាអាចគំរាមកំហែងដល់សន្តិសុខរបស់ទីក្រុង Moscowក៏ដោយ ។ លោក Putin ដែលជាមេដឹកនាំដ៏មានឥទ្ធិពលរបស់រុស្ស៊ីតាំងពីឆ្នាំ ១៩៩៩ បានលើកឡើងម្តងហើយម្តងទៀតអំពីការពង្រីកខ្លួនក្រោយសម័យសូវៀតរបស់សម្ព័ន្ធយោធាណាតូឆ្ពោះទៅទិសខាងកើត ឆ្ពោះទៅព្រំដែនរុស្ស៊ីថាជាហេតុផ...

រុស្ស៊ី៖ ក្រុមហ៊ុនបម្រើសេវាកម្មអាហារទាន់ចិត្តដ៏ធំ McDonald's របស់សហរដ្ឋអាអាមេរិក នឹងបិទទីផ្សារនៅក្នុងប្រទេសរុស្ស៊ី ហើយលក់អាជីវកម្មរបស់ខ្លួននៅក្នុងប្រទេសដែលកាន់តែឯកាខ្លាំងឡើងៗមួយនេះ បន្ទាប់ពីប្រតិបត្តិការអស់រយៈពេលជាង ៣០ឆ្នាំ ។ ក្រុមហ៊ុនលោកខាងលិចជាច្រើនបានដកខ្លួនចេញពីប្រទេសរុស្ស៊ីចាប់តាំងពីការវាយលុករបស់ខ្លួនចូលអ៊ុយក្រែនកាលពីថ្ងៃទី២៤ខែកុម្ភៈ។ ដោយឡែក កាលពីព្រឹកថ្ងៃច័ន្ទ ក្រុមហ៊ុនផលិតរថយន្តបារាំង Renaultបានប្រកាសថាខ្លួនបានប្រគល់ទ្រព្យសម្បត្តិរបស់រុស្ស៊ីឲ្យទៅរដ្ឋាភិបាលក្រុងទីក្រុង Moscow ។ គួរឲ្យដឹងថាកាលពីខែមីនាកន្លងទៅនេះ ក្រុមហ៊ុន McDonald's បានបិទភោជនីយដ្ឋានចំនួន ៨៥០ ទីតាំង នៅក្នុងប្រទេសនេះជាទីដែលខ្លួននិយាយថា ក្រុមហ៊ុនលក់អាហារទាន់ចិត្តមួយនេះ បានជួលកម្លាំងពលកម្ម ចំនួន ៦២.០០០នាក់ ។ ក្រុមហ៊ុននិយាយនៅក្នុងសេចក្ដីថ្លែងការណ៍មួយថា សាជីវកម្ម McDonald's បានប្រកាសថា ខ្លួនបានបិទទ្វារនៅក្នុងទីផ...

ក្រុងព្យុងយ៉ាង៖ នៅថ្ងៃអង្គារនេះ កូរ៉េខាងជើង បានរាយការណ៍ការហក់ឡើងខ្ពស់ករណីឆ្លងទ្រង់ទ្រាយធំមួយទៀត ដែលគេជឿថាជាជំងឺ COVID-19 នៅក្នុងចំណោមប្រជាពលរដ្ឋមិនបានចាក់វ៉ាក់សាំងរបស់ពួកគេ ហើយក្រុមមន្រ្តីសុខាភិបាលយោធា ត្រូវបានដាក់ពង្រាយ ដើម្បីចែកចាយថ្នាំពេទ្យ ។ សារព័ត៌មានរដ្ឋ បានរាយការណ៍ថា ទីស្នាក់ការកណ្តាលប្រឆាំងវីរុសកូរ៉េខាងជើង បានរាយការណ៍ថា មនុស្ស ២៦៩.៥១០នាក់ មានជំងឺគ្រុនក្តៅ ហើយមនុស្ស ៦នាក់ បានស្លាប់ ។ ករណីស្លាប់ថ្មីនេះដែរ បានធ្វើឲ្យករណីស្លាប់សរុបនៅកូរ៉េខាងជើង កើនឡើងដល់ ៥៦នាក់ និងមនុសសជាង ១.៤៨លាននាក់ បានធ្លាក់ខ្លួនឈឺដោយសារគ្រុនក្តៅ ចាប់តាំងពីចុងខែមេសារហូតមក ។ កូរ៉េខាងជើង ជួបកង្វះខាតការផ្គត់ផ្គង់ឧបករណ៍ធ្វើតេស្ត បញ្ជាក់ពីការឆ្លងជំងឺ COVID-19 ក្នុងបរិមាណដ៏ច្រើន ហើយសេចក្តីរាយការណ៍ មិនបាននិយាយថា ករណីគ្រុនក្តៅប៉ុន្មាននាក់ គឺជាករណីជំងឺ COVID-19នោះទេ ។ ករណីឆ្លងនេះ ច្បាស់ណាស់ថាមានច្រើនជាងករណីគ្រុនក្តៅដ...

បរទេស:ក្រុមហ៊ុនប្រេងខ្នាតយក្សAramco របស់អារ៉ាប៊ីសាអូឌីត បានបង្ហោះតារាងប្រាក់ចំណូលខ្ពស់បំផុតរបស់ខ្លួន ចាប់តាំងពីឆ្នាំ ២០១៩ ខណៈដែលតម្លៃប្រេង និងឧស្ម័នហក់ឡើងខ្ពស់ នៅជុំវិញពិភពលោក ។ ក្រុមហ៊ុនប្រេងគ្រប់គ្រងដោយរដ្ឋមួយនេះ បានមើលឃើញប្រាក់ចំណេញហក់ឡើងខ្ពស់ចំនួន ៨២ភាគរយ ជាមួយនឹងប្រាក់ចំណូល ៣៩.៥ពាន់លានដុល្លារ នៅត្រីមាសដំបូងក្នុងឆ្នាំ ២០២២នេះ ។ នៅក្នុងការចេញផ្សាយព័ត៌មាន ក្រុមហ៊ុន Aramco និយាយថា ប្រាក់ចំណេញ និងប្រាក់ចំណូលហក់ឡើងខ្ពស់បែបនេះ គឺដោយសារតែតម្លៃប្រេងកើនឡើងខ្ពស់ ក៏ដូចជាកំណើនការផលិត ។ ការវាយលុករបស់រុស្ស៊ីកមកលើអ៊ុយក្រែន បានធ្វើឲ្យតម្លៃប្រេង និងឧស្ម័នឡើងថ្លៃខ្ពស់កប់ពពក ។ រុស្ស៊ី ស្ថិតនៅក្នុងចំណោមប្រទេសនាំចេញប្រេង និងឧស្ម័នធំបំផុតរបស់ពិភពលោក ប៉ុន្តែបណ្តាប្រទេសលោកខាងលិច បានសន្យាថា នឹងកាត់ផ្តាច់ការពឹងផ្អែករបស់ពួកគេលើថាមពលប្រទេសមួយនេះ ។ តម្លៃប្រេង បានហក់ឡើងខ្ពស់រួចទៅហើយមុនពេលសង្រ្គាមអ៊ុយក្រ...