លោក ជា ច័ន្ទបរិបូរណ៍ រំលឹកពីគុណតម្លៃរបស់វីរបុរសជាតិ ២រូបនៃ« ដំណើរការចរចារ រហូតសម្រេចបានជាកិច្ចព្រមព្រៀងសន្តិភាពក្រុងប៉ារីស ២៣តុលាឆ្នាំ១៩៩១»
លោក ជា ច័ន្ទបរិបូរណ៍ អ្នកតាមដានស្ថានភាពនយោបាយនៅកម្ពុជា និងជារដ្ឋលេខាធិការក្រសួងព័ត៌មាន បានរំលឹកពី ដំណើរការចរចារ រហូតសម្រេចបានជាកិច្ចព្រមព្រៀង សន្តិភាពក្រុងប៉ារីស ដោយលោកបានបញ្ជាក់ថា «សម្តេចតេជោធ្លាប់បានរំលឹកយ៉ាងដូច្នេះថា៖ដោយយល់ឃើញថា ការបន្តសង្គ្រាមមានតែធ្វើឲ្យប្រជាជនរងទុក្ខវេទនាតែប៉ុណ្ណោះ និងក្នុងគោលបំណងស្វែងរកសន្តិភាព និងការបង្រួបបង្រួមជាតិ ខ្ញុំព្រះករុណាខ្ញុំ ក៏ដូចជាគណបក្សប្រជាជនកម្ពុជា និងរដ្ឋាភិបាលនាសម័យនោះបានប្រឹងប្រែងយ៉ាងខ្លាំង ដើម្បីស្វែងរកនូវដំណោះស្រាយនយោបាយមួយ»។
លោកបានរំលឹកបន្តទៀតលើហ្វេសប៊ុកលោកថា ដើម្បីសម្រេចបាននូវដំណោះស្រាយនយោបាយ តម្រូវការចាំបាច់ត្រូវតែមានការចរចា។ ឆ្នាំ ១៩៨៤ នៅពេលដែល ខ្ញុំព្រះករុណាខ្ញុំ ស្ថិតនៅជាឧបនាយករដ្ឋមន្រ្តី និងជារដ្ឋមន្រ្តីក្រសួងការបរទេស មានការរៀបចំជំនួបមួយ រវាងខ្ញុំព្រះករុណាខ្ញុំ ជាមួយសម្តេចព្រះនរោត្តម សីហនុ នៅទីក្រុងប៉ារី...
