ព័ត៌មានទាន់ហេតុការណ៍

សូមអរគុណ​ដល់មហាមិត្តចិន​ ! អរគុណសន្តិភាព ក្រោមការដឹកនាំរបស់សម្តេចតេជោ ! ក្រុមគ្រូពេទ្យជំនាញព្យាបាលជំងឺកូវីត១៩នៃប្រទេសចិន នឹងមកដល់ព្រលានយន្តហោះអន្តរជាតិ​ភ្នំពេញ ច្រកវីអាយភី នៅវេលា​ម៉ោង០៨:៣០ព្រឹក ថ្ងៃទី២៣ខែមីនាឆ្នាំ២០២០ តាមជើងយន្តហោះពិសេស។ នេះជាក្រុមគ្រូពេទ្យជំនួយទីមួយរបស់ប្រទេសចិនទៅកាន់ប្រទេសអាស៊ាន ខណៈដែលជំងឺកូវីត១៩កំពុ រាតត្បាតក្នុងតំបន់ និងទូទាំងសកលលោកគួរអោយបារម្ភ។ ឯកឧត្ដម​ វ៉ាង​ វិនធាន ឯកអគ្គ​រដ្ឋទូតចិនប្រចាំកម្ពុជា និងឯកឧត្ដម​ រដ្ឋមន្រ្តី​ក្រសួងសុខាភិបាល​កម្ពុជា នឹងមានវត្តមានក្នុងពិធីបដិសណ្ឋារកិច្ចនៅព្រលានយន្តហោះ។...

(ភ្នំពេញ) ៖ ថ្ងៃទី ២០​ ខែមីនា​ ឆ្នាំ២០២០ នេះ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានទូលថ្វាយនូវសារលិខិតថ្លែងអំណរព្រះរាជគុណថ្វាយចំពោះ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។ ក្នុងសារលិខិតនោះមានខ្លឹមសារថា ៖ «ខ្ញុំម្ចាស់ ព្រមទាំងសហការីទាំងអស់នៃកាកបាទក្រហមកម្ពុជា មានសេចក្ដីរីករាយឥតឧបមាដោយបានទទួលនូវព្រះរាជទ្រព្យចំនួន ១.០០០USD (មួយពាន់ដុល្លារអាមេរិក)​ របស់ ព្រះករុណាជាអម្ចាស់ជីវិតលើត្បូង ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត។ ព្រះអង្គសព្វព្រះរាជហឫទ័យប្រោសព្រះរាជូបត្ថម្ភចំពោះកាកបាទក្រហមកម្ពុជា សម្រាប់ខែមីនា ឆ្នាំ២០២០​ តាមរយៈ សម្ដេចចៅហ្វាវាំង គង់ សំអុល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង។ ក្នុងនាមថ្នាក់ដឹកនាំ សមាជិក សមាជិកា មន្រ្តី និងបុគ្គលិកទាំងអស់នៃកាកបាទក...

ស្ថានឯកអគ្គរាជទូតព្រះរាជាណាចក្រកម្ពុជាប្រចាំទីក្រុងប៉ារីសសូមអំពាវឲបងប្អូនប្រជាពលរដ្ឋខ្មែរ សិស្ស និស្សិតដែលកំពុងរស់នៅក្នុងប្រទេសបារាំង អុីតាលី អេស្ប៉ាញ ព័រទុយហ្គាល ក្រិក ម៉ាល់តា សុីប អង់ដូរ៉ានិងម៉ណាកូ សូមស្ថិតនៅក្នុងផ្ទះ ដោយហាមមិនឲ្យធ្វើដំណើរចេញក្រៅផ្ទះលើកលែងមានករណីចាំបាច់បំផុតដើម្បីបង្ការទប់ស្កាត់ការរីករាលដាលវីរុសកូវីដ-១៩ ។ នេះបើយោងតាមសេចក្តីជូនដំណឹងរបស់ស្ថានឯកអគ្គរាជទូតកម្ពុជាប្រចាំសាធារណរដ្ឋបារាំង ស្របពេលដែលរដ្ឋាភិបាលបារាំងមិនអនុញ្ញាតឲ្យចេញពីផ្ទះរយ:ពេល ១៥ថ្ងៃ និងបានសម្រេចពន្យាសុពលភាពពិសេសរយ: ពេល៣ខែក្នុងការអនុញ្ញាតឲស្នាក់នៅដែលចេញរួចហើយសម្រាប់ជនបរទេសនៅក្នុងប្រទេសបារាំង។ ស្ថានឯកអគ្គរាជទូតកម្ពុជាប្រចាំសាធារណរដ្ឋបារាំងសូមក្រើនរំលឹកដល់បងប្អូនទាំងអស់មេត្តាយកចិត្តទុកដាក់ខ្ពស់និងប្រុងប្រយ័ត្នបំផុតក្នុងការការពារសុខភាពរបស់ខ្លួន តាមរយ:ការណែនាំរបស់អង្គការសុខភាពពិភពលោក និងគោរពតាមអនុសាសន៍និងសេចក្...