Author: daily-khmer

ទាហានរបស់ប្រទេសបារាំងចំនួន១៣នាក់បានបាត់បង់ជីវិត នៅថ្ងៃអង្គារ ទី២៦ ខែវិច្ឆិកានេះ ក្នុងឧបទ្ទវហេតុធ្លាក់​ឧទ្ធម្ភាគចក្រយោធា​ចំនួន​ពីរគ្រឿង ក្នុងសង្គ្រាមប្រយុទ្ធប្រឆាំងក្រុមភេរវជននៅប្រទេសម៉ាលី ដែលនេះបើតាមការចុះផ្សាយរបស់ Reuters ។ ការិយាល័យប្រធានាធិបតីរបស់ប្រទេសបារាំងបានអោយដឹងថា នេះគឺជាលើកដំបូងហើយចាប់តាំងពីឆ្នាំ២០១៣កន្លងមក ដែលមានការ​បាត់​ប​ង់​ជីវិតទាហានបារាំងច្រើនបំផុតនៅម៉ាលី ក្នុងសង្គ្រាមប្រយុទ្ធប្រឆាំងជាមួយក្រុមភេរវនិយមនៅក្នុងប្រទេសនេះ ។ នៅពេលបច្ចុប្បន្ននេះ រដ្ឋាភិបាលបារាំងបានដាក់ពង្រាយទាហានរបស់ខ្លួនប្រមាណជាង៤៥០០នាក់នៅតំបន់ Sahel ប្រទេសម៉ាលី ក្នុងសង្គ្រាម​ប្រយុទ្ធប្រឆាំងនឹងក្រុមភេរវនិយម ដែលជាក្រុមសកម្មប្រយុទ្ធរបស់អង្គការភេរវកម្ម អាល់កៃដា ក្រុមរដ្ឋអ៊ីស្លាម ISIS និងក្រុម​ជ្រុលនិយម​ផ្សេង​ទៀត ៕ ​  ...

ព្រះរាជាណាចក្រកម្ពុជា រួមជាមួយសាធារណរដ្ឋប្រជាមានិតចិនបានបង្កើតព្រឹត្តិ​ការណ៍សម្ដែងសិល្បៈរួមគ្នាមួយ ដើម្បីពង្រឹង​កិច្ចសហ​ប្រតិ​បត្តិការលើវិស័យវប្បធម៌ និងទេស​ចរណ៍ ព្រមទាំងដើម្បីអបអរសាទរដល់ឆ្នាំវប្បធម៌ទេសចរណ៍កម្ពុជា-ចិន ដែលជាការចូល​រួមចំ​ណែក​យ៉ាង​​​សកម្មដល់ការអនុវត្តយុទ្ធសាស្រ្ត «ខ្សែក្រវាត់ និងវិថី» រវាងកម្ពុជា-ចិន។ តាមរយៈការសម្ដែងសិល្បៈរបាំ ចម្រៀង កំប្លែង សៀករហ័សកម្ម និងការពិពណ៌នាអំពីវប្បធម៌នៃប្រទេសទាំងពីរហាក់បង្ហាញថា មហាមិត្ត​កម្ពុជា-ចិន កំពុងឈានឆ្ពោះទៅសម្រេចបានការកសាង «សហគមន៍ជោគវាសនារួមគ្នា»។ ព្រឹត្តិការណ៍ដ៏អធិកអធមនេះដែរ ត្រូវបានធ្វើឡើងក្រោមអធិបតីភាពលោក ថោង ខុន រដ្ឋមន្ត្រីក្រសួងទេសចរណ៍ និងលោក វ៉ាង វិនធាន ឯក​អគ្គរដ្ឋទូតចិនប្រចាំកម្ពុជានិងមានការចូលរួមពីសំណាក់លោកស្រី ម៉ិញ កុសនី រដ្ឋលេខាធិការក្រសួងវប្បធម៌ និងវិចិត្រសិល្បៈ ព្រម​ទាំង​​ថ្នាក់ដឹកនាំ មន្ត្រីរាជការ ភ្ញៀវជាតិ-អន្តរជាតិជាច្រើនក...

កាសែតអនឡាញ VnExpress របស់វៀតណាមបានចុះផ្សាយថា សាកសពជនជាតិវៀតណាមចំនួន១៦នាក់ ក្នុងចំណោមសាកសព៣៩នាក់ ដែលត្រូវបានសម្លាប់ដោយដាក់ក្នុងទូក្លាសេទឹកកករថយន្តនៅអង់គ្លេសត្រូវបានដឹកជញ្ជូនទៅដល់​ប្រទេសវៀតណាម​ហើយ​នៅ​ថ្ងៃ​ពុធ ទី២៧ ខែវិច្ឆការនេះ ។ មន្ត្រីប៉ូលីសវៀតណាមបាននិយាយថា សាកសពទាំង៣៩នាក់នោះគឺជាជនជាតិវៀតណាមមកពីខេត្តចំនួន៦ខេត្ត ហើយការដឹកជញ្ជូន​សាក​​​​សពត្រឡប់មកប្រទេសកំណើតវិញនេះ គឺគ្រួសារសពជាអ្នកចេញសោហ៊ុយថ្លៃដឹកជញ្ជូន ដោយគ្រសារសពត្រូវបង់ប្រាក់ចំនួន២២០៨ផោន ស្មើនឹង២៨៣២.៨៦ដុល្លារអាមេរិកសម្រាប់សាកសពម្នាក់ ប៉ុន្តែរដ្ឋាភិបាលវៀតណាមបង់​ថ្លៃដឹកជញ្ជូនមុន​រួចហើយនិងចាំ​ទារសំណង​ពី​គ្រួ​សារសពជាក្រោយ ។ កាលពីខែមុន សាកសពជនជាតិវៀតណាមចំនួន៣៩នាក់ត្រូវបានដាក់ក្នុងទូក្លាសេទឹកកកក្នុងរថយន្ត និងត្រូវបានយកទៅចោលនៅចក្រ​ភព​អង់​គ្លេស ដោយមិនដឹងថា ជនរងគ្រោះជាជនជាតិវៀតណាមទាំង៣៩នាក់នោះបានបាត់បង់ជីវិតដោយសារអ្វី និងមកពីតំបន់ណា ៕...

ប្រព័ន្ធផ្សព្វផ្សាយ Nikkei Asian Review បានចុះផ្សាយថា ឥណ្ឌូនេស៊ី និងកូរ៉េខាងត្បូងបានបញ្ចប់កិច្ចចរចាស្តីពីកិច្ចព្រមព្រៀងពាណិជ្ជកម្មសេ រីរវាងភាគីទាំងពីរហើយកាលពីថ្ងៃចន្ទទី២៥ខែវិច្ឆិកានេះ ក្រោយពីប្រទេសទាំងពីរបានចំណាយពេលរហូតដល់ជាង៧ ឆ្នាំកន្លះក្នុងការចរ​ចា​ស្វែងរកកិច្ចព្រមព្រៀងពាណិជ្ជកម្មសេរីនេះ។ កិច្ចព្រមព្រៀងនេះមានឈ្មោះថា កិច្ចព្រមព្រៀងដៃគូសេដ្ឋកិច្ចទូលំទូលាយកូរ៉េខាងត្បូង-ឥណ្ឌូនេស៊ី (South Korea –Indonesia Comprehensive Economic Partnership Agreement) ដែលហៅកាត់ថា CEPA ដែលអាចនឹងត្រូវបានចុះហត្ថលេខានៅដើមឆ្នាំ២០២០ខាង មុខនេះ ក្រោយពីភាគីទាំងពីរបានពិនិត្យលើខ្លឹមសារនៃកិច្ចព្រមព្រៀងទាំងស្រុងរួចរាល់ហើយនោះ ។ ខ្លឹមសារនៃកិច្ចព្រមព្រៀងពាណិជ្ជកម្មសេរី CEPAនេះ គឺតម្រូវអោយឥណ្ឌូនេស៊ី បើកចំហរទីផ្សាររបស់ខ្លួន៩៣%សម្រាប់ទទួលទំនិញពីកូរ៉េខាង ត្បូង មានដូចជា ដែកថែប គ្រឿងបន្លាស់រថយន្ត វាយនភណ្ឌ និងរថយន្តជាដ...