Author: daily-khmer

កំពង់ចាម៖  ដើម្បីសម្រួលដល់ការធ្វើចរាចរណ៍ទៅមក និងការដឹកជញ្ជូនកសិផលរបស់ប្រជាពលរដ្ឋ ដែលត្រូវធ្វើដំណើរឆ្លងកាត់ផ្លូវកៀនជ្រៃ-ស្ទឹងត្រង់ ឲ្យមានភាពល្អប្រសើរ នៅព្រឹកថ្ងៃទី០៤ ខែកក្កដា ឆ្នាំ២០២០ លោក អ៊ុន ចាន់ដា អភិបាលខេត្តកំពង់ចាម បានដឹកនាំមន្ត្រីជំនាញ អាជ្ញាធរមូលដ្ឋាន អញ្ជើញពិនិត្យការស្ថាបនាស្ពានថ្មី មួយកន្លែង ឆ្លងកាត់ព្រែកអាចារ្យសួន ស្ថិតក្នុងឃុំពាមកោះស្នា ស្រុកស្ទឹងត្រង់ ខេត្តកំពង់ចាម។ ស្ពាននេះ កន្លងទៅមានសភាពចាស់ទ្រុឌទ្រោមខ្លាំង ហើយត្រូវបានទឹកជំនន់ឆ្នាំ២០១៩ ហូរច្រោះ បាក់ស្រុតរលំសរសគ្រឹះស្ពាន ទើបមិនអាចឲ្យរថយន្តធុនធំដឹកទំនិញ និងកសិផលឆ្លងកាត់បានឡើយ។  ស្ពាននេះត្រូវកសាងថ្មីទាំងស្រុង ធ្វើអំពីបេតុង មានប្រវែង៩០ម៉ែត្រ និងទទឹងប្រាំបីម៉ែត្រ ជំនួសស្ពានបេឡេចាស់ដែលមានប្រវែង៧៥ម៉ែត្រ ទទឹងបូនម៉ែត្រ ជាគម្រោងរបស់ក្រសួងអភិវឌ្ឍន៍ជនបទ ហើយត្រូវអនុវត្តការសាងសង់ដោយកងវិស្វកម្មនៃក្រសួងការពារជាតិ  ដោយគ្រោងនឹងបញ្ចប់ការស...

(កណ្តាល)៖ ដោយទទួលបានព័ត៌មានពីក្រុមការងារចំពោះកិច្ចនៃអគ្គនាយកដ្ឋានការពារប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.) រាជធានីភ្នំពេញ នៅនឹងថ្ងៃទី៣០ ខែមិថុនា ឆ្នាំ២០២០ មន្ត្រីសាខា ក.ប.ប. ខេត្តកណ្តាល បានត្រួតពិនិត្យទីតាំងសិប្បកម្មផលិតពពុះសណ្តែកចំនួនប្រាំពីរកន្លែង ក្នុងស្រុកខ្សាច់កណ្តាល ខេត្តកណ្តាល ហើយបានបង្ខំឲ្យផ្អាកសកម្មភាពផលិតជាបណ្ដោះអាសន្ន។ ប្រតិបត្តិការបង្ក្រាបនេះ ធ្វើឡើងនៅក្នុងភូមិពុកឫស្សី ឃុំពុកឫស្សី និងភូមិស្វាយអាត់ ឃុំព្រែកតាម៉ាក់ ដោយមានការសហការពីមន្រ្តីមន្ទីរពាណិជ្ជកម្ម និងអាជ្ញាធរដែនដី ដោយមានការសម្របសម្រួល និងដឹកនាំពីលោកព្រះរាជអាជ្ញារង នៃអយ្យការអមសាលាដំបូងខេត្ត គោលបំណងនៃការត្រួតពិនិត្យ គឺដើម្បីស្រាវជ្រាវស្វែងរកសារធាតុគីមីហាមឃាត់បូរ៉ាក់ ដែលធ្វើឲ្យប៉ះពាល់ដល់សុខភាពប្រជាពលរដ្ឋ។ ជាលទ្ធផល មន្រ្តីជំនាញបានដកហូតពពុះសណ្តែក ដែលមានផ្ទុកសារធាតុគីមីហាមឃាត់បូរ៉ាក់ ពីទីតាំង...

ព្រះវិហារ៖ នាព្រឹកថ្ងៃទី២៤ ខែមិថុនា ឆ្នាំ ២០២០ លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម រួមដំណើរដោយលោក លោកស្រី ជារដ្ឋលេខាធិការ អនុរដ្ឋលេខាធិការ និងមន្រ្តីបច្ចេកទេសរបស់ក្រសួង រួមជាមួយគណៈអភិបាលខេត្តព្រះវិហារ បានអញ្ជើញពិនិត្យគម្រោងអភិវឌ្ឍន៍អាងទឹករក្សា មានទីតាំងស្ថិតនៅតាមបណ្តោយស្ទឹងសែន ដែលទំនប់ខាងឆ្វេងស្ថិតនៅក្នុងឃុំពុទ្រា ស្រុកជ័យសែន និងទំនប់ខាងស្តាំស្ថិតនៅក្នុងឃុំរក្សា ស្រុករវៀង ខេត្តព្រះវិហារ។  គម្រោងអភិវឌ្ឍន៍អាងទឹករក្សា ត្រូវបានចាប់ផ្តើមសាងសង់កាលថ្ងៃទី០១ ខែវិច្ឆិកា ឆ្នាំ២០១៩ ដោយក្រុមហ៊ុន The Consortium of Guangdong Foreign Construction Co., Ltd. & Guangdong Yuantian Engineering Co., Ltd. ដែលរហូតមកដល់ពេលនេះសម្រេចការងារសាងសង់បានប្រមាណ៤១,៥ភាគរយហើយ​។ លេីទំហំការងាររួមមាន៖ - សាងសង់ទំនប់បេតុង មានប្រវែង៥០ម៉ែត្រ ទទឹងខ្នងលើ ប្រាំពីរម៉ែត្រ កម្ពស់អតិបរិមា២៤,៥ម៉ែត្រ និងសាងសង់សំណង...

ព្រះវិហារ៖ ពលរដ្ឋប្រមាណ៥៤៦គ្រួសារ ដែលមានវិវាទដីធ្លីដ៏រ៉ាំរ៉ៃ ជាមួយក្រុមហ៊ុនមេត្រីភាព នៅថ្ងៃនេះ បានព្រមទទួលយកដីផ្នែកកសិកម្មមករក្សាទុកជាសិទ្ធិផ្ទាល់ខ្លួនដែលមានទំហំពីរហិកតា សម្រាប់ក្នុងមួយគ្រួសារ តាមការសម្របសម្រួលរបស់លោកអភិបាលខេត្តព្រះវិហារ។ ដីរបស់ក្រុមហ៊ុនមេត្រីភាព ដែលមានវិវាទដីធ្លីជាមួយ ប្រជាពលរដ្ឋនេះ ស្ថិតនៅភូមិអន្ទិល ឃុំយាង ស្រុកជាំក្សាន្ត ខេត្តព្រះវិហារ ត្រូវបានលោក ប្រាក់ សុវណ្ណអភិបាលខេត្តព្រះវិហារ ដោះស្រាយឲ្យចប់សព្វគ្រប់ ដើម្បីបង្កើនភាពសុខដុមរមនារវាងក្រុមហ៊ុន និងប្រជាពលរដ្ឋនៅក្នុងមូលដ្ឋាន។ ប្រជាពលរដ្ឋទាំង៥៤៦គ្រួសារខាងនេះ ព្រមទទួលយកដីសប្បទានសង្គមកិច្ច ដែលរាជរដ្ឋាភិបាលសម្រេចផ្តល់ឲ្យពួកគាត់ក្នុងមួយគ្រួសារទំហពីរហិកតា ក្រោមការសម្របសម្រួលរបស់លោកប្រាក់ សុវណ្ណអភិបាលខេត្តព្រះវិហារដោយក្តីរីករាយជាទីបំផុត។ គួរបញ្ជាក់ផងដែរថា កាប្រគល់ និងព្រមទទួលយកនេះ មានឯកសារបញ្ជាក់បណ្ណកម្មសិទ្ធិកាន់កាប់លើដ...

(កំពង់ស្ពឺ)៖ អ្នកគួកជេដីល្បីពេញស្រុកឧដុង្គ ខេត្តកំពង់ស្ពឺ ដែលធ្លាប់ប្រកាសខ្លួនថា ជាឧកញ៉ា ឈ្មោះ សូ សារឹម ត្រូវបានកងរាជអាវុធហត្ថខេត្តកំពង់ស្ពឺចាប់ខ្លួនជាលើកទី២ នាព្រឹកថ្ងៃទី១៦ ខែមិថុនា ឆ្នាំ២០២០នេះ តាមដីកាបង្គាប់ឲ្យចាប់ខ្លួនរបស់ចៅក្រមស៊ើបសួរនៃសាលាដំបូងខេត្តកំពង់ស្ពឺ ពាក់ព័ន្ធករណីលក់ដីខ្យល់។ មន្ត្រីកងរាជអាវុធហត្ថខេត្ថកំពង់ស្ពឺ បានឲ្យដឹងថា ជនត្រូវចោទឈ្មោះ សូ សារឹម ភេទប្រុស អាយុ៤១ឆ្នាំ មុខរបរគ្រូពេទ្យ រស់នៅភូមិអង្គ្រង ឃុំព្រះស្រែ ស្រុកឧដុង្គ ខេត្តកំពង់ស្ពឺ ត្រូវបានតុលាការចោទប្រកាន់ពីបទ ឆបោក ប្រព្រឹត្តនៅភូមិរំលេច ឃុំព្រះស្រែ និងភូមិស្ដុកក្រល ឃុំវាលពង់ ស្រុកឧដុង្គ ខេត្តកំពង់ស្ពឺ កាលពីថ្ងៃទី១៣ និងថ្ងៃទី១៥ ខែកញ្ញា ឆ្នាំ២០១៨ យោងតាមមាត្រា៣៧៧ និងមាត្រា៣៧៨ នៃក្រមព្រហ្មទណ្ឌ។ យោងតាមមន្ត្រីដដែលនេះ បានឲ្យដឹងថា កាលពីអំឡុងខែកញ្ញា ឆ្នាំ២០១៨ ជនរងគ្រោះឈ្មោះ ហម សាវុធ ចង់ទិញដីនៅខេត្តកំពង់ស្ពឺ និងបានទាក់ទងឈ្...

ភ្នំពេញ៖ ស្ពានអាកាសថ្មើរជើង នៅមុខសាលាបឋមសិក្សាសន្ធរម៉ុក នៅលើចំណុចផ្លូវប្រសព្វទាំង៤ទិស គឺកាត់ទទឹងផ្លូវម៉ៅសេទុង និងកាត់ទទឹងផ្លូវកម្ពុជាក្រោម ក្នុងខណ្ឌទួលគោក រាជធានីភ្នំពេញ ត្រូវបានសាងសង់រួចរាល់ ហើយគ្រោងដាក់ឲ្យប្រើប្រាស់នៅចុងសប្ដាហ៍នេះ។ លោក ឃួង ស្រេង អភិបាលរាជធានីភ្នំពេញ នៅថ្ងៃទី១៥ ខែមិថុនា ឆ្នាំ២០២ បានដឹកនាំមន្ដ្រីជំនាញពាក់ព័ន្ធ និងមន្រ្តីជំនាញនៃទីចាត់ការរៀបចំក្រុង របស់រដ្ឋបាលរាជធានីភ្នំពេញ ទៅពិនិត្យការស្ថាបនាស្ពានថ្មើរជើងនេះ។ ក្នុងឱកាសនេះ លោកអភិបាលក្រុង បានបញ្ជាក់ថា ស្ពានអាកាសថ្មើរជើងនេះ គឺធ្វើឡើងស្របតាមកំណើនប្រជាសាស្ត្រ នៅក្នុងរាជធានីភ្នំពេញ ដែលចេះតែកើនឡើងជាលំដាប់ ដោយនៅមកដល់ពេលនេះ ទាំងប្រជាពលរដ្ឋដែលរស់នៅអចិន្ត្រៃយ៍ និងប្រជាពលរដ្ឋដែលរស់នៅ អាស្រ័យនឹងការរកស៊ី និងធ្វើការផ្សេងទៀត មានសរុបប្រមាណជាជាងបីលាន។ លោកបានបន្ថែមទៀតថា ដោយសារកំណើនប្រសាស្ត្រនេះហើយ រដ្ឋបាលរាជធានីភ្នំពេញ ក៏គ្រោងស្ថាបនា...

កំពង់ធំ៖ មន្ត្រីនគរបាលស្រុកសណ្ដាន់ ខេត្តកំពង់ កាលពីថ្ងៃទី១៣ ខែមិថុនា ឆ្នាំ២០២០ បានចាប់ខ្លួនស្ត្រីពីរនាក់ តាមបញ្ជាពីព្រះរាជអាជ្ញាអមសាលាដំបូង ខេត្តកំពង់ធំ ពីបទសង្ស័យរកស៊ីបំភ័ន្តភ្នែកជញ្ជីង ដោយយកកៅស៊ូស្បែកជើង មកកល់ម៉ូរឺស័រនៅក្នុងជញ្ជីង ព្រោះចង់បានចំណេញក្នុងការទិញលក់ទំនិញ ដែលក្នុង១០០គីឡូក្រាម បាត់អស់២០គីឡូក្រាម។ ស្ត្រីទុច្ចរិតពីរនាក់ម្តាយ និងកូន ពូកែខាងលួចបន្លំភ្នែកជញ្ជីង ត្រូវបានស្គាល់ឈ្មោះថា យន បុប្ឋា ជាម្តាយ និងឈ្មោះ ឡុង ចន្ថា ជាកូនស្រី ដែលជាអ្នកទិញជ័រកៅស៊ូ ប្រចាំភូមិលែង ឃុំទំរីង ស្រុកសណ្ដាន់ ខេត្តកំពង់ធំ។ ចំណែកអ្នកលក់កៅស៊ូម្នាក់ ដែលបានរកស៊ីលក់ជ័រឲ្យស្ត្រីពីរនាក់ច្រើនឆ្នាំមកហើយ ប៉ន្តែពុំបានដឹងថា អ្នកទិញ ឈ្មោះ យន បុប្ឋា និងឈ្មោះ ឡុង ចន្ថា បានប្រើល្បិចលួចកល់កៅស៊ូស្បែកជើងផ្ទាត់ បង្កប់នៅក្នុងជញ្ជីង ដើម្បីស៊ីភ្នែកជញ្ជីងទាល់តែសោះ។ ប៉ុន្តែ នាពេលថ្មីៗនេះ អ្នកលក់ជ័រកៅស៊ូបានប្តឹងម្តាយ និងកូន មក...