ព័ត៌មានទាន់ហេតុការណ៍

តំបន់ឧបទ្វីបកូរ៉េ៖ កូរ៉េខាងត្បូង និងជប៉ុន បាននិយាយនៅថ្ងៃព្រហស្បតិ៍នេះថា កូរ៉េខាងជើងបានបាញ់សាកល្បងមីស៊ីលហាមឃាត់បាលីស្ទិកអន្តរទ្វីប(ICBM)ជាលើកដំបូង ចាប់តាំងពីឆ្នាំ ២០១៧ ។ ក្រុមមន្រ្តីជប៉ុនបានប៉ានស្មានថា មីស៊ីលនេះ ហោះបានចម្ងាយ ១.១០០គ.ម និងបានធ្លាក់ក្នុងដែនសមុទ្រជប៉ុន ក្រោយហោះហើរបានរយៈពេលជាង ១ម៉ោង ។ ពួកគេអះអាងថា ការបាញ់សាកល្បងមីស៊ីលនៅថ្ងៃព្រហស្បតិ៍នេះ ទំនងជាងមីស៊ីលថ្មីជាងមុន និងមានកម្លាំងខ្លាំងជាងមីស៊ីលបានបាញ់កាលពីរយៈពេល ៥ឆ្នាំមុន ដែលបានហោះឡើងដល់រយៈកម្ពស់ជាង ៦ពាន់គ.ម ។ គួរឲ្យដឹងថា មីស៊ីល ICBM អាចធ្វើដំណើរបានចម្ងាយរាប់ពាន់គីឡូម៉ែត្រលើគន្លងស្តង់ដារ ហើយតាមទ្រឹស្តីបទ វាអាចហោះដល់សហរដ្ឋអាមេរិក ។ កូរ៉េខាងជើង បានបាញ់សាកល្បងមីស៊ីលជាច្រើនលើកច្រើនសាររួចមកហើយ ក្នុងរយៈពេលប៉ុន្មានសប្តាហ៍ចុងក្រោយនេះ ។ សហរដ្ឋអាមេរិក និងកូរ៉េខាងត្បូង បាននិយាយថា ការសាកល្បងមួយចំនួននៃមីស៊ីលទាំងនេះដែលទីក្រុងព្យុងយ៉ាងអះអ...

បារាំង៖ ក្រុមហ៊ុនផលិតរថយន្តខ្នាតយក្ស Renault បាននិយាយនៅថ្ងៃនេះថា ខ្លួននឹងផ្អាកបន្ទាន់ប្រតិបត្តិការនៅរោងចក្រក្នុងទីក្រុងម៉ូស្កូ ក្រោយទីក្រុងគីវ អំពាវនាវឲ្យធ្វើពហិកាក្រុមហ៊ុនដែលបន្តសង្វាក់ផលិតកម្មនៅក្នុងប្រទេសរុស្ស៊ី ។ ក្រុមហ៊ុន Renault បាននិយាយនៅក្នុងសេចក្តីថ្លែងការណ៍ថា ពួកគេកំពុងពិចារណាផងដែរលើលទ្ធភាពនៃជម្រើសសម្រាប់សាខាក្រុមហ៊ុនរុស្ស៊ី Avtovaz ដោយពួកគេបានបន្ទាបទស្សនវិស័យហិរញ្ញវត្ថុឆ្នាំ ២០២២ របស់ខ្លួនរួចទៅហើយ ដើម្បីកែប្រែកម្រិតប្រាក់ចំណេញប្រហែល ៣ភាគរយ ។ ការប្រកាសបែបនេះ បានកើតមានឡើង ក្រោយប្រធានាធិបតីអ៊ុយក្រែន លោក Volodymyr Zelenskyបាននិយាយប្រាប់ក្រុមតំណាងរាស្រ្តបារាំងកាលពីព្រឹកមិញថា ក្រុមហ៊ុនបារាំង ដែលរួមទាំងក្រុមហ៊ុន Renault និងក្រុមហ៊ុនលក់រាយ Auchanត្រូវតែចាកចេញពីទីផ្សាររុស្ស៊ី ។ លោក Zelensky បាននិយាយនៅក្នុងសុន្ទរកថាតាម Video Conferenceទៅកាន់សភាបារាំងថា ក្រុមហ៊ុន Renault, Auchan និងក...

បរទេស៖ មន្រ្តីជាន់ខ្ពស់មួយរូបរបស់អង្គការអូតង់ បាននិយាយប្រាប់ទីភ្នាក់ងារព័ត៌មាន APកាលពីថ្ងៃពុធថា ទាហានរុស្ស៊ី ចន្លោះពី ៧ពាន់នាក់ដល់ ១៥.០០០នាក់ បានស្លាប់ រយៈពេល ១ខែ ក្រោយការវាយលុកមកលើអ៊ុយក្រែន ។ មន្រ្តីរូបនោះ បានបន្តថា ជនជាតិរុស្ស៊ី ចន្លោះពី ៣ម៉ឺននាក់ ទៅ ៤ម៉ឺននាក់ ត្រូវបានគេគិតថា បានស្លាប់ ឬរងរបួសក្នុងសង្រ្គាមមួយនេះ ។ ទោះបីជាយ៉ាងណាក៏ដោយ រុស្ស៊ី មិនបានផ្តល់ចំនួនស្លាប់ផ្លូវការនោះទេ ចាប់តាំងពីថ្ងៃទី ២ ខែមីនារហូតមក ពេលដែលពួកគេនិយាយថា ទាហានរបស់ខ្លួន ៥០០នាក់ បានស្លាប់ ។ ដោយឡែក អ៊ុយក្រែន បានផ្តល់តួលេខទាហានស្លាប់ផ្ទាល់ខ្លួនមិនច្បាស់លាស់ដូចគ្នា ក្នុងនោះប្រធានាធិបតីអ៊ុយក្រែន លោក Volodymyr Zelensky បាននិយាយកាលពីរយៈពេល ២សប្តាហ៍មុនថា ទាហានអ៊ុយក្រែន ១.៣០០នាក់ បានស្លាប់ ។ ខណៈពេលនោះដែរ ចក្រភពអង់គ្លេសបានផ្តល់អាវុធប្រឆាំងរថក្រោះ ៤ពាន់ដើមរួចទៅហើយដល់អ៊ុយក្រែន ដោយអាវុធទាំងអស់នេះ អាចកាន់បាន និងបាញ់ចេញពីល...

រុស្ស៊ី៖នៅថ្ងៃពុធនេះក្រសួងការពារជាតិរុស្ស៊ីបានចែករំលែករូបវីដេអូឃ្លីបនៃការវាយប្រហារដោយមីស៊ីល មកលើហេដ្ឋារចនាសម្ព័ន្ធយោធាអ៊ុយក្រែន។ រូបវីដេអូឃ្លីបនេះ ឃើញមីស៊ីលបាញ់ចេញពីដីគោក និងក្នុងសមុទ្រ ។ ខណៈពេលនោះដែរ ទូរទស្សន៍រដ្ឋរុស្ស៊ី បានចេញផ្សាយវីដេអូឃ្លីប ដែលខ្លួនបាននិយាយថា ជាការបង្ហាញ ពីក្រុមផ្ដាច់ខ្លួនគាំទ្ររុស្ស៊ីមកពីតំបន់ដូណេតស្ក៍ (Donetsk) កំពុងប្រយុទ្ធគ្នានៅក្នុងប្រទេសអ៊ុយក្រែន ព្រមទាំងការខូចខាតនៅអាកាសយានដ្ឋានក្រុង ម៉ារីប៉ូល (Mariupol) ។ ទូរទស្សន៍ RU-RTR បានរាយការណ៍ថា ក្រុមផ្ដាច់ខ្លួនកំពុងស្ថិតនៅក្នុងទីក្រុង ម៉ាយីនកា( Maryinka) ក្នុងតំបន់ ដូណេតស្ក៍ និងបានបង្ហាញផងដែរពីទិដ្ឋភាពនៃការខូចខាតរបស់អាកាសយានដ្ឋានទីក្រុង ម៉ារីប៉ូល ដោយអះអាងថា អាកាសយានដ្ឋានមួយនេះ ត្រូវបានប្រើជាបន្ទាយទាហាន សម្រាប់យោធាអ៊ុយក្រែន។ ទោះបីជាយ៉ាងណាក៏ដោយ ទូរទស្សន៍នេះ ពុំបាននិយាយទេថាតើ វីដេអូនេះ ត្រូវបានថតនៅពេលណានោះដែរ ស្របពេ...

បរទេស៖អ្នកនាំពាក្យវិមានក្រឹមឡាំង លោក Dmitry Peskov បាននិយាយនៅក្នុងបទសម្ភាសន៍មួយថា រុស្ស៊ីនឹងប្រើប្រាស់អាវុធនុយក្លេអ៊ែរ ប្រសិនបើអត្ថិភាពរបស់ខ្លួន ត្រូវបានគំរាមកំហែង ។ ការអត្ថាធិប្បាយរបស់លោក Peskov បានធ្វើឡើង ខណៈអ្នកអត្ថាធិប្បាយព័ត៌មាន CNN លោកស្រីChristiane Amanpour បានសង្កត់ធ្ងន់ឲ្យលោកបញ្ជាក់ថាតើលោកមានការជឿជាក់ ឬទុកចិត្តទេថា លោកប្រធានាធិបតី Vladimir Putin នឹងមិនប្រើជម្រើសអាវុធនុយក្លេអ៊ែរ នៅក្នុងបរិបទសង្រ្គាមនៅអ៊ុយក្រែននោះ ។ លោក Peskov និយាយថា យើងមានទស្សនផ្នែកសន្តិសុខក្នុងតំបន់ និងជាសាធារណៈរបស់ខ្លួន ។អ្នកអាចអានរាល់មូលហេតុសម្រាប់អាវុធនុយក្លេអ៊ែរដែលអាចត្រូវបានប្រើ ។ ដូច្នេះប្រសិនបើរដ្ឋរបស់យើងត្រូវបានរងការគំរាមកំហែង អញ្ចឹងអាវុធនុយក្លេអ៊ែរអាចត្រូវប្រើស្របទៅតាមទស្សនៈរបស់ពួកយើង ។កាលពីខែមុន លោក Putin បានបញ្ជាឲ្យកងកម្លាំងនុយក្លេអ៊ែររបស់ប្រទេសរុស្ស៊ី ត្រៀមលក្ខណៈរួចទៅហើយ បើសិនជាចាំបាច់ត្រូវប្រើប្...