ព័ត៌មានទាន់ហេតុការណ៍

យោងតាមការចុះផ្សាយរបស់ Reuters បានឲ្យដឹងថា មន្ត្រីសេតវិមានសហរដ្ឋអាមេរិក បានចេញសេចក្តីប្រកាសមួយកាលពីថ្ងៃព្រហស្បតិ៍ ទី១២ ខែធ្នូនេះ ស្តីពីប្រទេសចិន ដែលបានសម្រេចទទួលទិញផលិតផលកសិកម្មពីប្រជាកសិករសហរដ្ឋអាមេរិកក្នុងតម្លៃទឹកប្រាក់ប្រមាណ៥០ពាន់លានដុល្លារបន្ថែមទៀត ចាប់ផ្តើមពីឆ្នាំ២០២០ខាងមុខនេះទៅ ។ មន្ត្រីសេតវិមានដដែលបានបន្តថា អាមេរិកក៏បានយល់ព្រមផងដែរ ក្នុងការផ្អាកការដំឡើងតម្លៃពន្ធនាំចូលពីប្រទេសចិនក្នុងតម្លៃទឹកប្រាក់ប្រមាណ១៦០ពាន់លានដុល្លារ ដែលអាមេរិកនឹងដាក់ឲ្យចូលជាធរមាននៅថ្ងៃទី១៥ ខែធ្នូ ឆ្នាំ២០១៩នេះ ។ មន្ត្រីកសិកម្មរបស់សហរដ្ឋអាមេរិកបាននិយាយថា កាលពីឆ្នាំ២០១៧កន្លងទៅ ចិនបានទិញផលិតផលកសិកម្ម ពីប្រជាកសិករអាមេរិក ត្រឹមតែតម្លៃទឹកប្រាក់ប្រមាណ ២៤ពាន់លានដុល្លារប៉ុណ្ណោះ ហើយនៅ ពេលនេះ ចិនបានសម្រេចទិញបន្ថែមទៀតក្នុងតម្លៃទឹកប្រាក់៥០ពាន់លានដុល្លារ ដែលនេះជាសញ្ញាធូរស្រាលមួយក្នុងសង្គ្រាមពាណិជ្ជកម្មរវាងប្រទេសមហាអំណាចសេ...

ក្រុមអ្នកជំនាញផ្នែកសេដ្ឋកិច្ចរបស់សហរដ្ឋអាមេរិកបានបង្ហាញថា កំណើនសេដ្ឋកិច្ចរបស់ប្រទេសមហាអំណាចមួយនេះ ក្នុងរដ្ឋការរបស់លោកប្រធានាធិបតី ដូណាល់ ត្រាំ គឺមានលក្ខណៈល្អប្រសើរជាងក្នុងរដ្ឋ ការរបស់អតីតប្រធានាធិបតី បារ៉ាក់ អូបាម៉ា  ។ នេះបើយោងតាមការចុះផ្សាយរបស់ប្រព័ន្ធផ្សព្វផ្សាយ Yahoo Finance ។ ក្រុមអ្នកជំនាញដដែលបានបន្តបង្ហាញថា ក្នុងរយៈពេលជិត១២ខែ នៃឆ្នាំ២០១៩នេះ អត្រាប្រជាពលរដ្ឋអាមេរិកគ្មានការងារធ្វើ បានធ្លាក់ទៅក្នុងកម្រិតទាបបំផុតត្រឹមតែ៣.៧% ប៉ុណ្ណោះ ដែលជាអត្រាគ្មានការងារធ្វើកម្រិតទាប គិតចាប់តាំងពីរយៈពេលជាងកន្លះទសវត្សរ៍កន្លងមកនេះ ។ ចំពោះស្ថិរភាពតម្លៃហិរញ្ញវត្ថុ និងអតិផរណា តម្លៃទំនិញនៅលើទីផ្សារ មានការប្រែប្រួលតិចតួចដែរ ក្នុង រយៈពេលជិតពេញមួយអាណត្តិដែលលោក ត្រាំ បានកាន់តំណែងជាប្រធានាធិបតី ហើយការនាំចេញក៏មានការកើនឡើងដែរ ក្រោយពីលោក ត្រាំ បានតម្រូវឲ្យប្រទេសដៃគូពាណិជ្ជកម្មជាមួយអាមេរិក បើក ចំហរទីផ្សារបន្ថែម ៕...

ប្រធានាធិបតី និងមន្ត្រីរដ្ឋាភិបាលរបស់សហរដ្ឋអាមេរិករហូតដល់៣ជំនាន់ គឺជំនាន់លោកប្រធានា ធិបតី ចច ដាប់ប៊ែលយូ ប៊ូស (George W.Bush) លោក បារ៉ាក់ អូបាម៉ា (Barack Obama) និងលោកប្រធានាធិបតី ដូណាល់ ត្រាំ (Donald Trump) បានបន្តកុហកបោកប្រាស់ និងបំភាន់មតិប្រជាពលរដ្ឋរបស់ខ្លួនឯងមិនទាន់បញ្ចប់នៅឡើយពាក់ព័ន្ធនឹងបរាជ័យរបស់អាមេរិកក្នុងសង្គ្រាមនៅប្រទេសអាហ្វ ហ្កានិស្ថាន។ នេះបើតាមការចុះផ្សាយរបស់ប្រព័ន្ធផ្សព្វផ្សាយ Washington Post ។ Washington Post បានចុះផ្សាយបែបនេះ ដោយផ្អែកទៅលើឯកសារសម្ងាត់របស់រដ្ឋាភិបាលអាមេរិកប្រមាណជាង២០០០ច្បាប់ស្តីពីសង្គ្រាមនៅប្រទេសអាហ្វហ្កានិស្ថាន ដែលបានបែកធ្លាយ និងត្រូវបានចុះផ្សាយដោយប្រព័ន្ធផ្សព្វផ្សាយមួយនេះ ។ ឯកសារសម្ងាត់ទាំងជាង២០០០ច្បាប់នោះបានបង្ហាញថា សហរដ្ឋអាមេរិកបានទទួលបរាជ័យទាំងស្រុងក្នុងសង្គ្រាម នៅប្រទេសអាហ្វហ្កានិស្ថាន ដោយសារតែសង្គ្រាមនេះ បានចាប់ផ្ទុះឡើងចាប់តាំងពីឆ្នាំ ២០០១  ដោយអតីត...

ភ្នំពេញ៖ លោកប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានជួបគណៈប្រតិភូនៃសមាគមជប៉ុន-កម្ពុជា (Japan-Cambodia Association) ដឹកនាំដោយ លោក តាកាហាឈី ហ្វូមីអាគី (Takahashi Fumiaki) កាលពីថ្ងៃទី១១ ខែធ្នូ ឆ្នាំ២០១៩ នេះ ។ លោករដ្ឋមន្ត្រី ប៉ាន សូរស័ក្ដិ បានថ្លែងថា ប្រទេសជប៉ុន តែងតែជួយគាំទ្រដល់ប្រទេសកម្ពុជា ហើយបានរួមចំណែកដល់ការអភិវឌ្ឍប្រទេសកម្ពុជាឲ្យមានការរីកចំរើនឡើង។ ធ្វើឲ្យកម្ពុជាទទួលបាននូវអត្រាកំណើនសេដ្ឋកិច្ចជាមធ្យម ៧% ក្នុងរយៈពេល ២ ទសវត្សចុងក្រោយ ហើយបានប្រែក្លាយប្រទេសកម្ពុជាពីប្រទេសទទួលបានចំណូលទាប មកជាប្រទេសទទួលបានចំណូលមធ្យមកម្រិតទាបនៅឆ្នាំ២០១៥។ ការវិនិយោគដោយក្រុមហ៊ុនជប៉ុន ជាវិនិយោគិនឈានមុខគេនៅកម្ពុជា ប្រកបដោយគុណភាពដូចជាផ្សារទំនើបអ៊ីអន ក្រុមហ៊ុនមីនីប៊ែរ-មីតស៊ូមី និងមន្ទីរពេទ្យសាន់រ៉ាយ បានរួមចំណែកជាមួយ នឹងក្រុមហ៊ុនជប៉ុនជាច្រើនទៀត ។ ដូចជាការផលិតគ្រឿងបង្គុំ អគ្គិសនី និងអេឡិច ត្រូនិក គ្រឿងបង្...

លោកស្រី អ៊ុងសាន ស៊ូជី មេដឹកនាំតាមជាក់ស្តែងរបស់សហភាពមីយ៉ានម៉ា បានប្រកាសច្រានចោល នៅថ្ងៃពុធ ទី១១ ខែធ្នូ ឆ្នាំ២០១៩នេះ នូវការចោទប្រកាន់លើសហភាពមីយ៉ានម៉ាពីបទប្រល័យពូជសាសន៍ពីសំណាក់ប្រទេសហ្កំប៊ី ទៅតុលាការយុត្តិធម៌អន្តរជាតិ ទីក្រុងឡាអេ ប្រទេសហូឡង់ និងត្រូវបើកសវនាការ រយៈពេល៣ថ្ងៃ ចាប់ពីថ្ងៃអង្គារ ទី១០ រហូតដល់ថ្ងៃព្រហស្បតិ៍ ទី១២ ខែធ្នូនេះ ដែលម្ចាស់ពានរង្វាន់ណូបែលសន្តិភាពរូបនេះបានចូលក្នុងសវនាការ ។ នេះបើយោងតាមការផ្សព្វផ្សាយរបស់ Reuters ។ លោកស្រី អ៊ុងសាន ស៊ូជី បានចាត់ទុកបទចោទប្រកាន់នេះថា ជាពាក្យបណ្តឹង នាំឲ្យមានការយល់ខុស និងជាពាក្យបណ្តឹងមិនគ្រប់ជ្រុងជ្រោយ ដែលមិនគួរតុលាការកំពូលរបស់អង្គការសហប្រជាជាតិមួយនេះ យកមកបើកសវនាការរឿងក្តីបែបនេះទេ ។ លោកស្រី ស៊ូជី បានលើកឡើងបែបនេះដោយសំដៅលើហេតុផលថា កងកម្លាំងយោធាមីយ៉ានម៉ា បានបង្ក្រាបលើក្រុមបះបោរប្រដាប់អាវុធជនមូស្ល៊ីមរ៉ូហ៊ីងយ៉ានៅមីយ៉ានម៉ា ដែលត្រូវបានបង្កើតឡើងក្នុងបំណងវ...

ភ្នំពេញ៖ សមាគមអ្នកប្រឹក្សាយោបល់គ្រឿងសម្អាង បានដាក់លិខិតសុំអន្តរាគមន៍ ចូលខុទ្ទការល័យសម្តេចតេជោ ហ៊ុន សែន  ដើម្បីជួយរកយុត្តិធម៌ ពាក់ព័ន្ធករណី មន្ត្រីជាន់ខ្ពស់ នៃនាយកដ្ឋានប្រឆាំងបទល្មើសសេដ្ឋកិច្ច ក្រសួងមហាផ្ទៃ ចុះអនុវត្តខុសនីតិវិធី ក្លាយជាការយាយី ដល់អាជីវករដែលរកស៊ីស្របច្បាប់។ យោងតាម លិខិតសុំអន្តរាគមន៍ ចុះថ្ងៃទី០៩ ខែធ្នូ ឆ្នាំ២០១៩ របស់សមាគមអ្នកប្រឹក្សាយោបល់គ្រឿងសម្អាង បានបញ្ជាក់ថា កាលពីថ្ងៃទី០៦ ខែធ្នូ ឆ្នាំ២០១៩ លោកស្រី ហ៊ីម សុភ័ក្រ្ក មុខរបរ ពាណិជ្ជករ លក់គ្រឿងសម្អាង បានដាក់ពាក្យស្នើសុំសមាគមអ្នកប្រឹក្សាយោបល់គ្រឿងសម្អាង ដើម្បីឲ្យជួយអន្តរាគមន៍ទៅស្ថាប័ន មានសមត្ថកិច្ចពិនិត្យ និងចាត់វិធានការចំពោះលោកឧត្តមសេនីយ៍ឯក ចាន់ វ៉ាន់ធឿន ប្រធាន និងលោកឧត្តមសេនីយ៍ទោ ឡុង ស្រេង អនុប្រធាន នាយកដ្ឋាននគរបាលប្រឆាំងបទល្មើសសេដ្ឋកិច្ច ក្រសួងមហាផ្ទៃ បានដឹកនាំកម្លាំងមានគ្នាជិត ២០នាក់ ចុះអនុវត្តសាលក្រមព្រហ្មទណ្ឌស្ថាពរ លេខៈ ៣...

ប្រព័ន្ធផ្សព្វផ្សាយ CNN បានផ្សព្វផ្សាយថា ក្រុមហ៊ុនអចលនទ្រព្យ St. John Properties នៅរដ្ឋ ម៉ារីលែន (Maryland)សហរដ្ឋអាមេរិកនឹងផ្តល់ប្រាក់រង្វាន់ចំនួន១០ លានដុល្លារដល់បុគ្គលិកគ្រប់ផ្នែករបស់ខ្លួនក្នុងពិធីជប់លៀងនៃថ្ងៃសម្រាកនៅពេលខាងមុខនេះ ។ អ្នកស្រី ស្តេហ្វិននី រីដវ៉េ (Stephanie Ridgway) ជំនួយការផ្នែកគម្រោងរបស់ក្រុមហ៊ុន St. John Properties បាននិយាយថា ការផ្តល់ប្រាក់រង្វាន់យ៉ាងច្រើនសម្បើមដល់បុគ្គលិកគឺក្រុមហ៊ុនមានបំណងធ្វើអោយបុគ្គលិកភ្ញាក់ផ្អើលនិងរំភើបចិត្ត ខណៈដែលពួកគេនឹងមានប្រាក់សម្រាប់ចាយវាយគ្រប់គ្រាន់នៅថ្ងៃសម្រាកដំណាច់ឆ្នាំ២០១៩នេះ ។ អ្នកស្រី ស្តេហ្វិននី រីដវ៉េ បានបន្តថា ក្រុមហ៊ុនអចលនទ្រព្យ St. John Properties មានបុគ្គលិកសរុបចំនួន១៩៨នាក់ហើយម្នាក់ៗអាចនឹងទទួលបានប្រាក់រង្វាន់គួរឱ្យភ្ញាក់ផ្អើលជាមធ្យម ៥ ម៉ឺនដុល្លារ ដែលរង្វាន់ធំមានទឹកប្រាក់រហូតដល់២៧ម៉ឺនដុល្លារ ៕...

សៀមរាប៖ លោកស្រីអ៊ឹង កន្ថាផាវី រដ្ឋមន្ត្រីក្រសួងកិច្ចការនារី និងលោកស្រីហ៊ុន ដានី រដ្ឋលេខាធិការក្រសួងទេសចរណ៍ ចាប់ពីថ្ងៃទី៩ ដល់ថ្ងៃទី១១ ខែធ្នូ ឆ្នាំ២០១៩ នេះបានដឹកនាំគណៈប្រតិភូទាំងពីក្រសួងបានអញ្ជើញទស្សនកិច្ចសិក្សានៅសាលាបាយ ដែលជាសាលាបណ្តុះបណ្តាលវិជ្ជាជីវៈ លើជំនាញទេសចរណ៍ និងបដិសណ្ឋារកិច្ច ទីតាំងសិប្បកម្មផលិតកំប្លោក សិប្បកម្មអង្គរ ARTISANS SILK FARM សហគមន៍ទេសចរណ៍កំពង់ភ្លុក និងគោលដៅទេសចរណ៍សំខាន់ៗមួយចំនួនទៀតក្នុងខេត្តសៀមរាប។ ដំណើរទស្សនកិច្ចនេះរៀបចំដោយក្រសួងទេសចរណ៍ ក្នុងគោលបំណងដើម្បីសិក្សាស្វែងយល់ពីស្ថានភាពស្ត្រីក្នុងវិស័យទេសចរណ៍ និងតួនាទីតម្លៃស្ត្រី ដែលបានចូលរួមអភិវឌ្ឍន៍សង្គមជាតិតាមរយៈជំនាញវិជ្ជាជីវៈ និងសកម្មភាពការងាររបស់ខ្លួន ជំរុញបង្កើនភាពអង់អាច ផ្នែកសេដ្ឋកិច្ចកាន់តែប្រសើ និងត្រូវបានលើកកម្ពស់។ នេះជាការឆ្លុះបញ្ចាំងឱ្យឃើញពីការយកចិត្តទុកដាក់របស់ក្រសួងទេសចរណ៍ ដែលមានការគាំទ្រយ៉ាងជិតស្និទ្ធពីក្រស...