សង្គម និងកម្សាន្ត

នាយប៉ូលីសទីក្រុងប៉ារីស ប្រទេសបារាំង លោក Michel Delpuech ត្រូវបានប្រកាសដកចេញពីតំណែងហើយ កាលពីថ្ងៃអង្គារ ទី១៩ ខែមីនានេះ ក្នុងរយៈពេលពីរថ្ងៃ ក្រោយពីមានអំពើហិង្សាដែលបង្កឡើងដោយក្រុមបាតុករអាវកាក់លឿង ។ សូមរំលឹកថា កាលពីចុងសប្តាហ៍មុន ក្រុមបាតុករអាវកាក់លឿង បានចេញធ្វើ បាតុកម្មនៅទីក្រុងប៉ារីស ដោយបានដុតបំផ្លាញភោជនីយដ្ឋាន ហាងលក់ទំនិញប្រណិតៗ និងវាយបំផ្លាញទ្រព្យសម្បត្តិរដ្ឋ និងឯកជនជាច្រើនផ្សេងទៀត ។ ប្រធានាធិបតីរបស់ប្រទេសបារាំង លោក អេម៉ានូអែល ម៉ាក្រុង បានចាត់ទុកថា ក្រុមបាតុករអាវកាក់លឿង គឺជាក្រុមជ្រុលនិយមនៅប្រទេសបារាំង ហើយរដ្ឋាភិបាលនឹងបើកយុទ្ធនាការបង្ក្រាបលើក្រុមបាតុករនៅពេលខាងមុខនេះ ៕...

ចំនួនមនុស្សស្លាប់បានកើនឡើងដល់៧៩នាក់ហើយ ក្នុងគ្រោះមហន្តរាយធម្មជាតិទឹកជំនន់នៅខេត្ត Papua ប្រទេសឥណ្ឌូនេស៊ី គិតត្រឹមថ្ងៃអង្គារ ទី១៩ ខែមីនា ឆ្នាំ២០១៩នេះ ។ ប្រភពដដែលបានបន្តថា ប្រជាពលរដ្ឋប្រមាណជាង៤០០០នាក់ផ្សេងទៀត ត្រូវបានជម្លៀសទៅកាន់សាលារៀន និងអគារសាធារណៈនៅក្នុងប្រទេសនេះ ដោយបញ្ចៀសពីគ្រោះថ្នាក់ផ្សេងៗ ដែលអាចកើតឡើងពីគ្រោះទឹកជំនន់នេះ ។ ក្រុមភ្នាក់ងារជួយសង្គ្រោះជនស៊ីវិលរបស់រដ្ឋាភិបាលបានឲ្យដឹងថា គ្រោះមហន្តរាយទឹកជំនន់ មិនត្រឹមតែឆក់យកជីវិតមនុស្សចំនួន៧៩នាក់ទេ មនុស្សរាប់សិបនាក់ផ្សេងទៀតក៏បានបាត់ខ្លួនក្នុងគ្រោះមហន្តរាយធម្មជាតិនេះដែរ ៕...

 តាកែវ ៖ លោកប៉ោ លាងគង់ ប្រធានសាខាកាំកុងត្រូលខេត្តតាកែវ រឹបអូសបាននៅងៀតត្រីបបែល ជាង១០គីឡូដែលនៅផ្សារអង្គតាសោម មានផ្ទុកសាធាតុគីមីខុសច្បាប់ក្រោយការដកហូត មន្រ្តីជំនាញកាំកុងត្រូលយកទៅដុតបំផ្លាញចោលនៅព្រឹកថ្ងៃទី១៩ ខែមីនា ឆ្នាំ២០១៩។ លោក បានបញ្ជាក់ថា ត្រីងៀតបបែល ដែលផ្ទុកសារធាតុគីមីប៉ូរ៉ាក់ ដែលធ្លាប់ត្រូវបានជំនាញរឹបអូសមកដុតបំផ្លាញ់ចោល នៅតែបន្តមានវត្តមាននៅលើទីផ្សារដដែល ដែលជាកត្តាបង្កឲ្យមានផលប៉ះពាល់ដល់សុខភាព របស់បងប្អូនប្រជាពលរដ្ឋអ្នកទទួលទានជាខ្លាំង។ លោក ប៉ោ លាងគង់ ប្រធានសាខាកាំកុងត្រូលបន្តទៀតថា នៅក្នុងការប្រតិបត្តិ ការចុះផ្សព្វផ្សាយដល់បងប្អូនអាជីវករដើម្បីពង្រឹងគុណភាព សុវត្ថិភាពម្ហូបអាហារ មន្រ្តីកាំកុងត្រូល ក៏បានធ្វើការត្រួតពិនិត្យទៅលើម្ហូបអាហារវេចខ្ចប់ស្រាប់ ព្រមទាំងធ្វើតេស្តបឋមលើគ្រឿងសមុទ្រស្រស់ បង្គារ មឹក ជ្រក់ត្រពាំង សរសៃគុយទាវ ខ្ញីហាន់ ដើម្បីរកសារធាតុគីមីហាមឃាត់លើ ម្ហូបអាហារទាំង អស់នេះ។ ប្...

ហាណូយ៖ តុលាការប្រទេស​វៀតណាម បានសម្រេចផ្ដន្ទាទោសប្រហារជីវិត​មនុស្ស ០៣នាក់ និងម្នាក់​ទៀតដាក់ ពន្ធនាគារ​អស់មួយជីវិត ពីបទជួញដូរគ្រឿងញៀន។ នេះបើតាម​ការចេញផ្សាយដោយ​ទីភ្នាក់ងារព័ត៌មាន​ចិនស៊ីនហួរ នៅរសៀលថ្ងៃអង្គារ ទី១៩ ខែមីនា ឆ្នាំ២០១៩។ នៅថ្ងៃចន្ទ​សប្ដាហ៍នេះ​តុលាការទីក្រុង​ហាណូយ បានផ្ដន្ទាទោស​ប្រហារជីវិត ០៣នាក់​មាន ​ទី១ វូ ធីធូហៃ ភេទស្រី ទី២ វូ ធីហៃយ៉េន ភេទស្រី ទី៣ ឡេ ទ្រុងថាញ់ ភេទប្រុស ខណៈស្ត្រីម្នាក់​ទៀតឈ្មោះ ផាម ធីហុប ត្រូវបាន​ផ្ដន្ទាទោស ដាក់ពន្ធនាគារ​អស់មួយជីវិត ហើយអ្នកទាំងអស់​នេះសុទ្ធតែមកពី​ទីក្រុង ហៃផុង ភាគខាងជើងប្រទេស​វៀតណាម។ ប៉ុន្តែ​ស្ត្រីឈ្មោះ Hop ត្រូវបានផ្តន្ទាទោស​ដាក់ពន្ធនាគារអស់​មួយជីវិត ដោយសារតែនាង​មានកូនម្នាក់អាយុ​ក្រោម ៣៦ខែ បើទោះបីជា នាងជា​មេគំនិតក៏​ដោយ។ គួរបញ្ជាក់ថា កាលពីឆ្នាំ២០១៧ នាង Hop បានប្រើ​ឱ្យនាង Hoai និងនាង Yen ដឹក​គ្រឿងញៀន​សំយោគមាន​ទម្ងន់ ២.៦គីឡូក្រាម​ពីទីក្រុង ហូជីមិញ ...

ចំនួនមនុស្សស្លាប់ បានកើនឡើងដល់៨៩នាក់ហើយ គិតត្រឹមថ្ងៃអង្គារ ទី១៩ ខែមីនានេះ ក្នុងគ្រោះមហន្តរាយ ខ្យល់ព្យុះ Idai ដែលបានបោកបក់ទៅលើប្រទេសនេះ ។ ប្រព័ន្ធផ្សព្វផ្សាយប្រទេស ហ្ស៊ីមបាបវ៉េបានឲ្យដឹងថា ខ្យល់ព្យុះ Idai បានបោកបក់ក្នុងល្បឿន ១៧០ គីឡូម៉ែត្រក្នុងមួយម៉ោង ដោយនាំយកទាំងទឹកភ្លៀងជាច្រើនមេទៅចាក់ស្រោចនៅតំបន់មួយ ចំនួននៅក្នុងប្រទេសនេះ ។ ទីភ្នាក់ងារមនុស្សធម៌របស់អង្គការសហប្រជាជាតិ បានឲ្យដឹងថា មុនពេលខ្យល់ព្យុះ មកដល់ ប្រទេស ហ្ស៊ីមបាបវ៉េ បានជួបប្រទះនូវគ្រោះរាំងស្ងួតរយៈពេលយូរ ដែលធ្វើឲ្យប៉ះ ពាល់ដល់ប្រជាពលរដ្ឋប្រមាណជាង១៥លាននាក់ ដែលមិនមានអាហារទទួលទានគ្រប់គ្រាន់ ប្រចាំថ្ងៃ ៕...

​ភ្នំពេញ​៖  សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​ទទួល​សញ្ញាបត្រ​បណ្ឌិត​កិត្តិយស​ផ្នែក​ទំនាក់ទំនង​នយោបាយ ពី​សាកលវិទ្យាល័យ​គ្រើ​ក (Krirk University) ដ៏​ល្បី​ នៅ​ប្រទេស​ថៃ​។ ពិធី​ប្រគល់ និង​ទទួល​សញ្ញាបត្រ​នេះ បានធ្វើ​ឡើង នៅ​វិមាន​សន្តិភាព ​ព្រឹក​ថ្ងៃទី​១៩ ខែមីនា ឆ្នាំ​២០១៩​។ ក្នុង​ពិធី​នេះមាន​វត្តមាន​​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ផងដែរ​។​ ​សាកលវិទ្យាល័យ​គ្រើ​ក (Krirk University) គឺជា​សាកលវិទ្យាល័យ​ដ៏​ល្បាញ​ល្បី​មួយ នៅក្នុង​ប្រទេស​ថៃ ដែលមាន​អាយុកាល ៦៧​ឆ្នាំ​ហើយ​។ ​ប្រធាន​ក្រុមប្រឹក្សា​សាកលវិទ្យាល័យ​គ្រើ​ក បាន​លើកឡើងថា សម្តេច​តេ​ជោ ហ៊ុន សែន ជា​ថ្នាក់ដឹកនាំ​ពិភពលោក​ទី​១ ដែល​បានទទួល​សញ្ញាបត្រ​បណ្ឌិត​កិត្តិយស ផ្នែក​ទំនាក់ទំនង​នយោបាយ​ពី​សាកលវិទ្យាល័យ​គ្រើ​ក​។ ការប្រគល់​សញ្ញាបត្រ​ប​ណ្ឌិ​ត​កិត្តិយស ផ្នែក​ទំនាក់ទំនង​នយោបាយ​ជូន​ស...

លោក ស៊ី ជីនពីង ប្រធានាធិបតីចិននឹងធ្វើដំណើរទស្សនកិច្ចទៅកាន់តំបន់អឹរ៉ុប មានប្រទេសអ៊ីតាលី បារាំង និងប្រទេសម៉ូណាកូ នៅក្នុងសប្តាហ៍នេះ ។ តាមសេចក្តីប្រកាសរបស់រដ្ឋមន្ត្រីការបរទេសចិន លោក វ៉ាង យី ។ លោក វ៉ាង យី បានបន្តថា លោក ស៊ី ជីនពីង នឹងចាប់ផ្តើមចេញដំណើរទស្សនកិច្ចទៅ កាន់តំបន់អឺរ៉ុបនៅ ថ្ងៃព្រហស្បតិ៍ ទី២១ ហូតដល់ថ្ងៃទី២៦ ខែមីនា ឆ្នាំ២០១៩នេះ ដែលជាដំណើរទស្សនកិច្ចដ៏សំខាន់បំផុតក្នុងគម្រោងសាងសង់ផ្លូវសូត្រ ឫខ្សែក្រវ៉ាត់មួយ ផ្លូវមួយរបស់ប្រទេសចិន ។ សូមបញ្ជាក់ថា រហូតមកដល់ឆ្នាំ២០១៩នេះ អ៊ីតាលីនៅមិនទាន់សម្រេចចិត្តឲ្យ បានដាច់ស្រេចនៅឡើយ ក្នុងការចូលរួមជាមួយប្រទេសចិន ក្នុងគម្រោងសាងសង់ផ្លូវសូត្រ ឫខ្សែក្រវ៉ាត់មួយ ផ្លូវមួយរបស់ប្រទេសចិន ដែលផ្លូវសូត្រនេះ នឹងតភ្ជាប់ពីចិនទៅកាន់បណ្តា ប្រទេសចំនួន១៥២ប្រទេសនៅជុំវិញពិភពលោក ដោយកាត់ចំតំបន់គ្រីមារបស់ប្រទេសរុស្ស៊ី ដែលទើបនឹងផ្តាច់ខ្លួនចេញពីប្រទេសអ៊ុយក្រែន ។ នៅពេលបច្ចុប្បន្នន...

ខេត្តស្វាយរៀង៖  មន្ត្រីសាខាកាំកុងត្រូលខេត្តស្វាយរៀងសហការជាមួយមន្ត្រីមន្ទីរពាណិជ្ជកម្មខេត្ត និងគណៈកម្មការផ្សារ បានចុះត្រួតពិនិត្យផលិតផលទំនិញ នៅក្នុងផ្សារជីភូ ក្រុងបាវិត ខេត្តស្វាយរៀងនៅថ្ងៃទី១៨ ខែមីនា ឆ្នាំ២០១៩។ មន្រ្តីកាំកុងត្រូលបានឲ្យដឹងថា ការត្រួតពិនិត្យទំនិញក្នុងផ្សារជីភូពេលនេះក្នុងគោលបំណងស្រាវជ្រាវដើម្បីទប់ស្កាត់ការចរាចរទំនិញខូចគុណភាព ក្លែងបន្លំស្លាកសញ្ញា ផុតកំណត់កាលបរិច្ឆេទប្រើប្រាស់ និងមានសារធាតុគីមីហាមឃាត់ ។ សកម្មភាពនេះ មន្ត្រីជំនាញបានប្រើប្រាស់ឧបករណ៍ Test Kits ធ្វើតេស្តបឋមទៅលើផលិតផលម្ហូបអាហារចំនួន ១៤ មុខរួមមាន៖ ណែម ប្រហិតត្រី បាញ់កាញ់ សរសៃគុយទាវ ត្រីងៀត ជ្រក់សណ្តែកបណ្តុះ ជ្រក់ត្រសក់ ជ្រក់ស្ពៃ ជ្រក់ឆាយថៅ បង្កង មឹក ឡុងកុង ប៉ោម និងទំពាំងបាយជូ ដើម្បីរកសារធាតុគីមីហាមឃាត់ដែលធ្វើប៉ះពាល់ដល់សុខភាពប្រជាពលរដ្ឋ។ មន្ត្រីដដែលបានបញ្ជាក់ថា ជាលទ្ធផលនៃការត្រួតពិនិត្យ មន្ត្រីជំនាញពុំបានរកឃើញភាពមិ...

ក្រោយពីយន្តហោះប្រភេទ Boeing 737 Max 8 របស់ក្រុមហ៊ុនអាកាសចរណ៍របស់ប្រទេសអេត្យូពីបានធ្លាក់សម្លាប់មនុស្សចំនួន១៥៧នាក់ តម្លៃទីផ្សារភាគហ៊ុនរបស់ក្រុមហ៊ុន Boeing Co បានធ្លាក់ចុះ១២% ។ តម្លៃភាគហ៊ុនរបស់ក្រុមហ៊ុនផលិតយន្តហោះមួយនេះ បានបន្តធ្លាក់ចុះបន្ថែមទៀត ខណៈដែលប្រទេសជិត២០ប្រទេសនៅជុំវិញពិភពលោក បានប្រកាសផ្អាកការប្រើប្រាស់យន្តហោះប្រភេទ Boeing 737 Max 8 ។ គិតត្រឹមថ្ងៃចន្ទ ទី១៨ ខែមីនា ដើមសប្តាហ៍នេះ ក្រុមហ៊ុន Boeing Co បានខាតបង់ទឹកប្រាក់ប្រមាណជាង២៥ពាន់លានដុល្លារអាមេរិក ដោយសារតែរឿងអាស្រូវមួយនេះ ។ សូមរំលឹកថា កាលពីខែតុលា ឆ្នាំ២០១៨កន្លងទៅ យន្តហោះដឹកអ្នកដំណើរប្រភេទ Boeing 737 Max 8 ក៏បានធ្លាក់សម្លាប់មនុស្សអស់ចំនួន១៨៩នាក់ដែរនៅប្រទេសឥណ្ឌូនេស៊ី ៕...