សង្គម និងកម្សាន្ត

មន្ត្រីក្រសួងពាណិជ្ជកម្មរបស់ប្រទេសចិន បានថ្លែងនៅថ្ងៃពុធ ទី១៥ ខែឧសភានេះថា សហរដ្ឋអាមេរិកគឺជាអ្នកបង្ខំប្រទេសចិនឲ្យសងសឹកលើខ្លួនវិញ ដោយសារចិនគ្មានជម្រើសផ្សេងទេ ក្រៅតែពីសងសឹកសហរដ្ឋអាមេរិកវិញ ក្នុងសង្គ្រាមពាណិជ្ជកម្ម ដែលបញ្ឆេះឡើងដោយលោក ដូណាល់ ត្រាំ ។ ចិនបានសម្រេចសងសឹកអាមេរិកវិញ ដោយដំឡើងពន្ធគយក្នុងអត្រា២៥% លើទំនិញនាំចូលពីអាមេរិកក្នុងតម្លៃទឹកប្រាក់៦០ពាន់លានដុល្លារ ខណៈដែលអាមេរិក បានសម្រេចដំឡើងពន្ធក្នុងអត្រា២៥%ដែរ លើទំនិញរបស់ចិនក្នុងតម្លៃទឹកប្រាក់២០០ពាន់លានដុល្លារ ។ សូមបញ្ជាក់ថា ការសងសឹកគ្នាទៅវិញទៅមករវាងចិន និងអាមេរិក ដោយដំឡើងពន្ធពាណិជ្ជកម្ម ត្រូវបានធ្វើឡើងក្រោយពីកិច្ចចរចារវាងប្រទេសទាំងពីរ បានទទួលបរាជ័យកាលពីថ្ងៃសុក្រ ចុងសប្តាហ៍មុន ៕...

កងកម្លាំងសន្តិសុខរបស់ប្រទេសអ៊ីរ៉ាក់បាននិយាយថា មូលដ្ឋានយោធារបស់សហរដ្ឋអាមេរិកនៅប្រទេសអ៊ីរ៉ាក់ កំពុងប្រឈមមុខនឹងការវាយប្រហារពីក្រុមសកម្មប្រយុទ្ធអ៊ីស្លាមនិយមនិកាយ Shi’ite ដែលគាំទ្រដោយប្រទេសអ៊ីរ៉ង់ ។ ក្រុមសកម្មប្រយុទ្ធអ៊ីស្លាមនិយមនិកាយ Shi’ite ដែលគាំទ្រដោយប្រទេសអ៊ីរ៉ង់ បានដាក់ពង្រាយគ្រាប់រ៉ូកែតនៅក្បែរមូលដ្ឋានយោធអាមេរិក ខណៈដែលអ៊ីរ៉ង់ និងអាមេរិក មានភាពតានតឹងជាមួយគ្នា ។ លោក Patrick Shanahan រដ្ឋមន្ត្រីការពារជាតិរបស់សហរដ្ឋអាមរិក បានបង្ហាញនូវក្តីបារម្ភយ៉ាងខ្លាំងចំពោះសុវត្ថិភាពរបស់កងទ័ពអាមេរិកនៅប្រទេសអ៊ីរ៉ង់ ដែលកំពុងប្រឈមមុខនឹងការវាយប្រហារពីក្រុមសកម្មប្រយុទ្ធដែលគាំទ្រដោយអ៊ីរ៉ង់ ៕...

(ភ្នំពេញ)៖ នៅព្រឹកថ្ងៃទី១៦ ខែឧសភា ឆ្នាំ២០១៩ ផ្លូវចូលទៅផ្ទះយោធិនពិការ ក្នុងខណ្ឌព្រែកព្នៅ រាជាធានីភ្នំពេញលែងមានទៀតហើយ សូម្បីតែទំនប់ស្រះចិញ្ចឹមត្រីនៅខាងជើងផ្ទះ ក៏ត្រូវផ្តាច់អស់ដែរ គឺមិនអាចចូលទៅដល់ផ្ទះឈើដ៏ចាស់រខេករខាកនេះបានឡើយ។ អ្នកជិតខាងបាននិយាយថា ក្រុមគ្រួសារលោក មាស សុផាត ជាយោធិនពិការនៅក្នុងសមរភូមិ បានកាយផ្តាច់កាលពីប៉ុន្មានថ្ងៃកន្លងមកនេះ ដើម្បីការពារដីរបស់គាត់មិនឲ្យតុលាការចូលទៅរឹបអូសយកឲ្យទៅលោក កើត សារ៉េត អនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ តាមអំណាចសាលដីការបស់លោក តុលារកំពូល។ អ្នកជិតខាងម្នាក់បាននិយាយប្រាប់ ដេលីខ្មែរ នៅព្រឹកថ្ងៃទី១៦ ខែឧសភា ឆ្នាំ២០១៩នេះថា «តាបាក់ (មាស សុផាត) កាយកុំឲ្យចូលយកដីគាត់ ព្រោះតុលាការប្រុងមកយកថ្ងៃហ្នឹង»។ លោក ស៊ុន លាងហេង អាជ្ញាសាលាប្រចាំសាលាដំបូងរាជធានីភ្នំពេញបានជូនដំណឹងពីផែនការអនុវត្តដោយបង្ខំ ដើម្បីយកដីពីលោក មាស សុផាត ឲ្យទៅលោក កើត សារ៉េត នៅថ្ងៃទី១៦ ខ...

សម្តេចព្រះមហាក្សត្រីព្រះវររាជមាតាជាតិខ្មែរ​ ជាទីគោរពសក្ការៈដ៏ខ្ពង់ខ្ពស់បំផុត ដោយសេចក្តីនឹករលឹក អាណិត​ និង​ ស្រឡាញ់​ ព្រះរាជវង្សានុវង្ស​ នាវេលាព្រឹក​ថ្ងៃ​ពុធ ទី​១៥​ខែ​ឧសភា​ឆ្នាំ​២០១៩​ព្រះអង្គ​បានសព្វព្រះ​រាជហឫទ័យ​ស្ដេច​យាង​សំណេះសំណាល​ សាកសួរសុខទុក្ខ សម្តេចក្រុមព្រះ នរោត្តម​ រណឫទ្ធិ​ ព្រះ​ប្រធាន​ក្រុមឧត្តម​ប្រឹក្សាផ្ទាល់ព្រះមហាក្សត្រ​ ដែលកំពុងសម្រាកព្យាបាលព្រះសុខភាពនាដំណាក់វាលស្បូវស្ថិតនៅ​សង្កាត់​និរោធ​ ខណ្ឌ​ច្បារអំពៅ​ រាជធានីភ្នំពេញ។ សម្តេចក្រុមព្រះ នរោត្តម រណឫទ្ធិ និង​អ្នក​ម្នាង អ៊ុក ផល្លា បាន​ជួប​គ្រោះថ្នាក់​ចរាចរណ៍​លើផ្លូវ​ជាតិ​លេខ​៤ ចន្លោះ​គីឡូម៉ែត្រ ២០០-២០១ នៅ​ចំណុច​ភូមិ​អូរ​តាសេក ឃុំ​អូរ​ឧកញ៉ា​ហេង ស្រុក​ព្រៃនប់ ខេត្ត​ព្រះសីហនុ កាលពី​វេលា​ម៉ោងជាង​៩​ព្រឹក ថ្ងៃទី​១៧ ខែមិថុនា ឆ្នាំ​២០១៨​។ នៅក្នុងគ្រោះថ្នាក់ចរាចរណ៍នេះនេះ សម្តេចក្រុមព្រះ បាន​រងរបួស​ធ្ងន់ និង​អង្គរក្ស​រងរបួស​។ ចំណែក​អ្នក​ម...

ក្រសួងពាណិជ្ជកម្មដឹកនាំកម្លាំងចុះរុះរើយីហោ សាច់មាន់លោក ដោយមានការណែនាំពី លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម លោក វ៉េង សុធី រដ្ឋលេខាធិការក្រសួងពាណិជ្ជកម្មបានសហការជាមួយសាលារាជធានីភ្នំពេញបានចុះរុះរើស្លាកយី ហោភោជនីយដ្ឋានចិន «សាច់មាន់លោក» ដែលបានបកប្រែពីភាសា អង់គ្លេស និងប្រើប្រាស់អក្ខរាវិរុទ្ធមិនត្រឹមត្រូវ ហើយទទួល រងការ រិះគន់យ៉ាងចាស់ដៃពីសាធារណជនខ្មែរ។ ការរុះរើស្លាកយីហោខាងលើ បានធ្វើឡើងកាលពីព្រឹកថ្ងៃអង្គារ៍ទី ១៤ ខែឧសភា ឆ្នាំ២០១៩ នៅលើដងវិថីព្រះមុនីវង្ស សង្កាត់បឹងកេងកងទី២ ខណ្ឌបឹងកេងកង ដោយមានការចូលរួមពីលោក ថេង សុថុល អភិបាលខណ្ឌចំការមន តំណាងសាលារាជធានីភ្នំពេញ និងមន្ត្រីនៃមន្ទីរពាណិជ្ជកម្មរាជធានីភ្នំពេញ។ លោក វ៉េង សុធី បានគូសបញ្ជាក់ថា ការប្រើប្រាស់អក្ខរាវិរុទ្ធឬពាក្យពេជន៍មិនត្រឹមត្រូវដូចជា «សាច់មាន់លោក» ពីសំណាក់ជនជាតិចិន ដែលជាម្ចាស់ភោជនីយដ្ឋាននាំឱ្យមហាជនភាគច្រើនមានការយល់ច្រលំ។ លោក វ៉េង សុធ...

កំពូលតារាចម្រៀងល្បីឈ្មោះ​​ប្រចាំផលិតកម្មសាន់ដេ លោក ខាន់ ជេមស៍ បាន​ធ្វើ​អ្នក​គាំទ្រ​​របស់ខ្លួន​មានការភ្ញាក់ផ្អើល​យ៉ាងខ្លាំង​​ នៅពេលតារាចម្រៀងរូបនេះ​​​ធ្វើ​ដំណើរទៅជនបទថ្មីៗនេះ ​​​​ ដោយ​បង្ហើ​​​​នូវបទចម្រៀង​មួ​យបទដែល​​ជាបទកំពុងតែ​​ពេញនិយម​​មានចំណងជើងថា​​«របាំចងស្នេហ៍»បាន​​​ធ្វើ​ឲ្យ​បងប្អូន​ប្រជា​​​​​ពលរដ្ឋ​​​ចោម​រោមជុំជិត និងស្រែកគាំទ្រនូវសម្លេងច្រៀងផ្ទាល់​របស់​លោក​។​​​ ​​ ស្នាមញញឹម​របស់​មហាជននា​​ពេលនេះកំពុងតែបង្កើន​នូវកម្លាំងចិត្តបន្ថែមទៀត ដល់​កំពូលតារាចម្រៀង ខាន់ ជេមស៍ ហើយ​បទចម្រៀងខាងលើ​នេះ គឺជាបទ​​​ពេញនិយមស្ទើរគ្រប់ស្រទាប់វណ្ណៈ​​ ​និងជាបទ​​​ចម្រៀង​​​ដែលធ្វើ​ឲ្យ​លោកមានឈ្មោះ​បោះសម្លេងកាន់តែខ្លាំង​​លើវិថីសិល្បៈនាពេលកន្លងមក​​​​​​​។​​​ លោក ខាន់ ជេមស៍ នៅតែជាតារាចម្រៀង​ស្ថិតក្នុងដួងចិត្តយុវវ័យដដែល​ និងបច្ចុប្បន្ន​នេះលោក​មានភាពមមាញឹកយ៉ាងខ្លាំងនៅក្នុងវិស័យសិល្បៈ និង​ក្រៅ​វិស័យ​សិល្បៈ។ ក្រៅពីអាជីព...

វីដេអូប្រឹក្សាយោបល់អាជីព ហៅថា «Doctor Job» ដែលស្ថិតក្រោមគម្រោង UNited for Youth Employment ដែលទទួលបានការគាំទ្រហិរញ្ញវត្ថុពីទីភ្នាក់ងារស្វីសសម្រាប់ការអភិវឌ្ឍ និងកិច្ចសហប្រតិបត្តិការ(SDC) តាមរយៈកម្មវិធីអភិវឌ្ឍន៍របស់អង្គការសហប្រជាជាតិ(UNDP) និងទទួលអនុវត្តដោយទីភ្នាក់ងារជាតិមុខរបរ និងការងារ (NEA) ត្រូវបានដាក់សម្ពោធផ្សព្វផ្សាយជាផ្លូវការ នារសៀលថ្ងៃទី០៩ ខែឧសភា ឆ្នាំ២០១៩ ក្រោមអធិបតីភាព លោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានថ្លែងថា​​“ការដាក់ចេញនូវគម្រោងនេះ ពិតជាមានសារៈសំខាន់ និងទាន់ពេលវេលាដើម្បីចូលរួមចំណែក​ជាមួយរាជរដ្ឋាភិបាលកម្ពុជាក្នុងការអភិវឌ្ឍធនធានមនុស្ស និងជំរុញដំណើរការទីផ្សារការងារកម្ពុជាឲ្យកាន់តែមានប្រសិទ្ធភាព តាមរយៈការត្រៀមរៀបចំកម្លាំងពលកម្មដែលប្រកបដោយសក្តានុពល ការកសាងមាគ៌ាអាជីពច្បាស់លាស់ក្នុងជីវិត។ លោករដ្ឋមន្រ្តី​មានប្រសាសន៍ថា​​ ការជ្រើសរើសមុខជំនាញសិក្សា...

សម្តេចអគ្គមហាសេនាបតីតេជោ ហ៊ុន សែនប នាយរដ្ឋមន្ត្រីនៃព្រះរាជាណាចកក្រម្ពុជា បានបន្តអញ្ជើញជួបប្រជុំទ្វេភាគីជាមួយលោកនាយករដ្ឋមន្រ្តីនៃប្រទេសនេប៉ាល់ជាបន្តទៀតកាលយីថ្ងៃទី១៣ខែឧសភានេះ ដោយសម្តេចបាចាត់ទុកថា ទស្សនិកិច្ចមួយដែលបានពង្រឹងនូវចំណងមិត្តភាព និងបង្កើតសហប្រតិបត្តិការល្អៗនៃប្រទេសទាំងពីរលើគ្រប់វិស័យ។ សម្តេចតេជោនាយករដ្ឋមន្ត្រីបានកោតសរសើរចំពោការវិវឌ្ឍន៍ និងការរីកចម្រើនរបស់ប្រទេសនេប៉ាល់ ជាពិសេស ក្រោយការបោះឆ្នោតដោយសេរី និងប្រជាធិបតេយ្យនៅប្រទេសនេប៉ាល់ការពីឆ្នាំ២០១៧ ដែលរហូតមកដល់ពេលនេះ មានសន្តិភាព ស្ថេរភាពនយោបាយ និងការអភិវឌ្ឍសេដ្ឋកិច្ចរីកចម្រើន។ សម្តេចតេជោនាយករដ្ឋមន្រ្តីបានមានប្រសាសន៍ថា អ្វីដែលប្រទេសកម្ពុជាទទួលបានជោគជ័យធំបំផុតគឺការបញ្ចប់សង្គ្រាមស៊ីវិលជាស្ថាពរ ការឯកភាពដឹកដី បង្រួបង្រួមជាតិ ដែលធ្វើឲ្យកម្ពុជាមានសន្តិភាព និងការអភិវឌ្ឍដូចសព្វថ្ងៃនេះ។ សម្តេចតេជោនាយករដ្ឋមន្ត្រីបានអបអរសាទរ ចំពោះប្រទេស នេប៉ាល់ដ...

លិខិតមិត្តអ្នកអាន​​​! ពេលនៅស្រុករកស៊ីធ្វើពេទ្យមានបានត្រូវចោរប្លន់មកភ្នំពេញ​ឆ្លៀតរៀនផង លួចទៅរត់ម៉ូឌុបផង មិនឲប្រពន្ធកូនដឹងទេ ខ្មាសគេ តែចោរលួចម៉ូតូបាត់ទៀត ចុងក្រោយមកនៅព្រែកព្នៅដាំឈូក បេះត្រកួន ដាំបន្លែជីគ្រប់មុខ ធ្វើពេទ្យ ម៉ែលក់នំអាកោ ចិញ្ចឹមជ្រូកមាន់ទា ត្រី គ្រប់មុខមិនដែលសម្រាកស្រួលយ៉ាងមេចទេ ខំណាស់ ដេញទាំងខ្មោចចេញយកដីជីកស្រះចិញ្ចឹមត្រីទៀតមកដល់ថ្ងៃនេះ ២៧ឆ្នាំជាងហើយ ២៧ឆ្នាំដែលលំបាក និងតស៊ូបំផុត ! បែរជាមានគេមកប្លន់ដីទៀត ហេតុអី? ការប្លន់លើកនេះសាហាវលើសមុនៗ ខ្លាំងណាស់ ! សម័យមុនចោរប្លន់ប្រើអាវុធ កាំភ្លើងចោរវែងៗណាស់ មានគ្រាប់រំព័ទ្ធពេញខ្លួន ខ្ញុំចាំបាន ពេលពួកវាឡើងប្លន់ផ្ទះខ្ញុំ ថែមទាំងបាញ់ចុះក្រោមគំរាមមួយគ្រាប់ ឡើងឆេះសក់ប្អូនស្រីខ្ញុំ ក្លិនឆ្ងៀមនុះ ខ្ញុំមិនទាន់ភ្លេចផង ប៉ាខ្ញុំយំអោបកូន អង្វរចោរ យកអីយកចុះ សុំតែជីវិតទុកចិញ្ចឹមគ្រួសារ ប៉ុននោះ! មកដល់សម័យនេះចោរប្លន់ប្រើប៊ិច ត្រឹមតែប៊ិចនិងក្រដាសទេ អាចប្លន់...

ប្រព័ន្ធផ្សព្វផ្សាយ RT បានចុះផ្សាយកាលពីថ្ងៃចន្ទ ទី១៣ ខែឧសភា ឆ្នាំ២០១៩នេះថា រដ្ឋមន្ត្រីការបរទេសរបស់សហរដ្ឋអាមេរិក លោក Mike Pompeo រដ្ឋមន្ត្រីការបរទេសរបស់ប្រទេសចិន លោក Wang Yi និងរដ្ឋមន្ត្រីការបរទេសរបស់ប្រទេសរុស្ស៊ី លោក Sergey Lavrov នឹងជួបពិភាក្សាគ្នានៅថ្ងៃអង្គារ ទី១៤ ខែឧសភានេះ នៅទីក្រុង Sochi ប្រទេសរុស្ស៊ី ។ តាមគម្រោង ជំនួបត្រីភាគី គឺអាមេរិក ចិន និងរុស្ស៊ី នេះ ត្រូវបានធ្វើឡើងក្នុងគោលដៅអូសទាញចិនឲ្យចូលរួមក្នុងកិច្ចចរចាស្តីពីសន្ធិសញ្ញាគ្រប់គ្រងអាវុធនុយក្លេអ៊ែរ (Nuclear arms control treaty) ប៉ុន្តែគម្រោងនេះទំនងជាមិនជោគជ័យទេ ដោយសារតែចិនប្រកែក ។ សូមបញ្ជាក់ជូនថា ប្រធានាធិបតីអាមេរិក លោក ដូណាល់ ត្រាំ បានសម្រេចដកអាមេរិកចេញពីសន្ធិសញ្ញាអាវុធនុយក្លេអ៊ែរកម្លាំងមធ្យមជាមួយរុស្ស៊ី កាលពីដើមឆ្នាំនេះ ក្នុងគោលដៅអូសទាញចិនអោយចូលរួមក្នុងសន្ធិសញ្ញានេះដែរ ប៉ុន្តែចិនបានបដិសេធ ៕...