សេដ្ឋកិច្ច និងវិនិយោគ

  លោកឧកញ៉ាបណ្ឌិត យូ សាម៉េត អគ្គនាយកក្រុមហ៊ុន Econ Group Ltd បានថ្លែងឲ្យដឹងថា សព្វថ្ងៃនេះ វិនិយោគិនមកពីប្រទេសចិនកំពុងតែមានសកម្មភាពវិនិយោគកាន់តែច្រើននៅក្នុងប្រទេសកម្ពុជាពិសេសនៅទឹកដីខេត្តព្រះសីហនុតែម្តងនេះ ជាឱកាសល្អសម្រាប់អ្នកវិនិយោគិនខ្មែរ ។ លោកឧកញ៉ា បន្តទៀតថា វិស័យសំណង់មានការអភិវឌ្ឍន៍ល្អ ហើយរយៈពេល៥ឆ្នាំទៀតនិងមានការអភិវឌ្ឍន៍កាន់តែជឿនលឿន ហើយរាជធានីភ្នំពេញក៏មានការរីចកម្រើនច្រើនសម្រាប់វិស័យអលចនទ្រព្យនេះដែរ។ បច្ចុប្បន្នវិនិយោគិនចិនបានចាប់យកខេត្តព្រះសីហនុជាគោលលដៅនៃការវិនិយោគផ្នែកខុនដូនិងអគារការិយាល័យ។ ហើយស្ថានភាពវិស័យអចលនទ្រព្យនៅខេត្តព្រះសីហនុ គិតចាប់តាំងពីឆ្នាំ២០១៦និងឆ្នាំ២០១៧កន្លងផុតទៅមានក្រុមហ៊ុនអចលនទ្រព្យចំនួន ១០ក្រុមហ៊ុនបានបោះទុនវិនិយោគ និងអភិវឌ្ឍន៍ខេត្តព្រះសីហនុ។ ហើយថ្មីៗនេះមានក្រុមហ៊ុនចំនួនពីរទៀត ដែលកំពុងតែសិក្សាដាក់ផែនការវិនិយោគ។ សមាគមអ្នកវាយតម្លៃអចលនវត្ថុកម្ពុជាបានបញ្ជា...

ប្រតិភូខេត្តលាវនីងនៃសាធារណរដ្ឋប្រជាមានិតចិន បានបង្ហាញចេតនាវិនិយោគបង្កើតទីក្រុងសម្ព័ន្ធភាព និងសួនឧស្សាហកម្មកម្ពុជា-លាវនីង នៅក្រុងព្រះសីហនុ ដើម្បីចូលរួមអភិវឌ្ឍន៍វិស័យកម្មន្តសាល និងរឹតចំណងមិត្តភាពជាមួយខេត្តព្រះសីហនុ។ គម្រោងវិនិយោគនេះ ត្រូវបានបង្ហើបនៅក្នុងជំនួបពិភាក្សារវាង លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និង លោក ជិន គួយហ្វា (Chen Qiufa) លេខាបក្សកុំម្មុយនីសខេត្តលាវនីង កាលពីថ្ងៃទី២៤ ខែមេសា ឆ្នាំ២០១៩ នៅសណ្ឋាគារសូហ្វីតែលភ្នំពេញ ភូគីត្រា។ លោក ជិន គួយហ្វា បានប្រាប់ លោក រដ្ឋមន្ត្រី ប៉ាន សូរស័ក្តិ អំពីកំណើនសេដ្ឋកិច្ច និងសក្តានុពលសំខាន់ៗរបស់ខេត្តលាវនីង ព្រមទាំងគម្រោងសាងសង់ទីក្រុងសម្ព័ន្ធភាព (Sister City) ខេត្តលាវនីង និងខេត្តព្រះសីហនុ រួមមានទាំងសួនឧស្សាហកម្មកម្ពុជា-លាវនីង (Liaoning-Cambodia Industrial Park) ដែលអាចនាំមកនូវអត្ថប្រយោជន៍ផ្នែកសេដ្ឋកិច្ច និងពាណិជ្ជកម្មទ្វេភាគីកម្ពុជា-ចិន។ ...

  ភ្នំពេញ៖ លោក អ៊ូ បញ្ញា ស្ថាបនិកនិងប្រធានសហគមន៍រមណីយដ្ឋានទេសចរណ៍ធម្មជាតិត្រាវកុដបានថ្លែងឲ្យដឹងថា រយៈពេល ៥ឆ្នាំនៃការវិនិយោគនិងអភិវឌ្ឍនៅរមណីដ្ឋានក្រាវកុដនៃខេត្តសៀមរាបនេះគឺដោយសារតែក្រុមហ៊ុនមើលឃើញពីសក្តានុពលតំបន់នេះជាកន្លែងទាក់ទាញ ហើយទៅថ្ងៃអនាគតនឹងក្លាយជាគោលដៅកម្សាន្តបែបធម្មជាតិសម្រាប់ភ្ញៀវទេសចរជាតិនិងអន្តរជាតិ ដែលភ្ញៀវមកទស្សនាខេត្តសៀមរាប។ លោកបានបន្តទៀតថា បច្ចុប្បន្ននេះ ក្រុមហ៊ុនលោកបានវិនិយោគនៅតំបន់នេះ គឺមានការទាក់ទាញក្រុមហ៊ុនវិនិយោគធំជាច្រើនទៀតមកអភិវឌ្ឍនៅតំបន់នេះ ជាពិសេសក្រុមហ៊ុនអចលនទ្រព្យកំពុងតែវិនិយោគពុះដីឡូតិ៍ និងផ្ទះលំហែកាយក៏ដូចជាកន្លែងកម្សាន្តបែបធម្មជាតិផងដែរ។ លោក អ៊ូ បញ្ញា ថ្លែងទៀតថា ទៅថ្ងៃអនាគតតំបន់ត្រាវកុដនឹងក្លាយជាតំបន់ប្រមូលផ្តុំដោយអ្នកវិនិយោគមកអភិវឌ្ឍផ្នែកដីធ្លី និងទេសចរ នេះជាឱកាសមួយសម្រាប់អ្នកវិនិយោគក្នុងស្រុក ហើយគោលដៅធំរបស់អ្នកវិនិយោគគឺចង់បង្កើតការងារដល់ពលរដ្ឋនិងបង...

  យោងតាមរបាយការណ៍ របស់ធនាគារពិភពលោក (World Bank) នៅថ្ងៃទី២៤ ខែមេសា ឆ្នាំ២០១៩នេះ បានបង្ហាញថា សេដ្ឋកិច្ចរបស់កម្ពុជា នឹងថយអានុភាពបន្តិចមកវិញមកនៅជិត៧ភាគរយ ក្នុងឆ្នាំ២០១៩-២០២១ ដោយការនាំចេញនៅមានកម្រិតមធ្យម។ របាយការណ៍របស់ធនាគារពិភពលោក បានបន្តទៀតថា «ក្រោយពីសម្រេចបាន កំណើនលឿនដល់៧.៥ភាគរយ នៅក្នុងឆ្នាំ២០១៨មក សេដ្ឋកិច្ចរបស់កម្ពុជា ត្រូវបានរំពឹងទុកថា នឹងបង្វែរការយកចិត្តទុកដាក់ ទៅលើសក្តានុពលវែងឆ្ងាយម្តង។ ដោយការនាំចេញ នៅមានកម្រិតមធ្យម ស្របពេលដែលតម្រូវការលើពិភពលោកថយចុះ កំណើនពិតប្រាកដរបស់សេដ្ឋកិច្ច ត្រូវបានប៉ាន់ប្រមាណទុកថា នឹងថមថយអានុភាពបន្តិចមកវិញ មកនៅជិត៧ភាគរយ រវាងឆ្នាំ២០១៩-២០២១»។ ដោយចក្ខុវិស័យក្នុងរយៈពេលវែងឆ្ងាយអាស្រ័យ លើសមត្ថភាពរបស់ប្រទេស ក្នុងការស្រូបយករំហូរនៃការវិនិយោគផ្ទាល់ពីបរទេស ជាមួយការលើកកម្ពស់ការវិនិយោគក្នុងស្រុកផងដែរ។ នេះបើតាមការបញ្ជាក់បន្ថែម ក្នុងរបាយការណ៍ របស់ធនាគារពិភពលោក។ ...

  ក្រុមហ៊ុនកៅស៊ូ បឹងកេតចាប់ផ្តើមវិនិយោគដាំដំណាំចេកអំបូងលឿង ដើម្បីនាំចេញទៅកាន់ទីផ្សារចិនដែលបច្ចុប្បន្ននេះក្រុមហ៊ុនកៅស៊ូ បឹងកេតកំពុងតែចាប់ផ្តើមប្រមូលផលនិងវេចខ្ចប់ផងដែរ។ លោកឧកញ៉ា ហេង ឡុង អគ្គនាយកក្រុមហ៊ុនកៅស៊ូ បឹងកេតបានថ្លែងថា បច្ចុប្បន្ននេះក្រុមហ៊ុនកៅស៊ូបឹងកេតកំពុងតែវិនិយោគសាលល្បងក្នុងផ្ទៃដីប្រមាណ ៥០០ ហិកតា ស្ថិតក្នុងខេត្តកំពងចាម សម្រាប់ដាំចេកអំបូងលឿងតាមបច្ចេកទេសនិងស្តង់ដារ ដើម្បីនាំចេញទៅកាន់ទីផ្សារប្រទេសចិនខណៈប្រទេសចិនកំពុងតែផ្តល់កូតាដល់កម្ពុជា។ លោកឧកញ៉ាបានបន្តទៀតថា ដោយសារតែការវិវត្តន៍ទីផ្សារផ្នែកកសិកម្ម ដែលជំរុញឲ្យក្រុមហ៊ុនលោកសម្រេចចិត្តប្តូរយុទ្ធសាស្រ្តពីវិនិយោគពីដំណាំកៅស៊ូនិងងាកមកវិនិយោគលើដំណាំចេកវិញ ហើយបើកម្ពុជាមិនរត់ប្រណាំងតាមស្តង់ដារនិងគុណភាពពីការបញ្ជាទិញពីក្រៅប្រទេសនោះទេ គឺ ផលិតផលកម្ពុជាមិនអាចនាំចេញទៅប្រទេសចិននិងតាមបណ្តាប្រទេសផ្សេងៗទៀតបាននោះទេ។ សូមបញ្ជាក់ថា រដ្ឋមន្រ្តីក្រសួង...

លោកបណ្ឌិត អ៊ិន ចាន់នី អគ្គនាយកធនាគារអេស៊ីលីដា ភីអិលស៊ីបានមានប្រសាសន៍ថា វិស័យធនាគារពិតជាមានសារសំខាន់ ស្របតាមការវិវត្តនៃបដិវត្តន៍ឧហ្សាកម្មទី៤ ដែលទាមទារឲ្យវិស័យធនាគារត្រូវតែមានការអភិវឌ្ឍន៍ខ្លួន នៅឆ្នាំ២០១៩នេះជាឆ្នាំដែលមានការលូតលាស់ខ្លាំង សម្រាប់វិស័យហិរញ្ញវត្ថុ ដោយសារតែលំហូរវិនិយោគ ការធ្វើពាណិជ្ជកម្ម កំពុងតែមានសកម្មភាពច្រើនស្ទើរគ្រប់វិស័យ។ លោកបណ្ឌិតបន្តទៀតថា ការប្រកួតប្រជែងគ្នាចំពោះប្រទេសមហាអំណាចសេដ្ឋកិច្ចអាមេរិកនិងចិនបានធ្វើឲ្យកម្ពុជាបានទទួលបានផលច្រើន គ្រប់អាជីវកម្មទាំងអស់មានឱកាសច្រើន ក្នុងការប្រកួតប្រជែងជាពិសេសវិស័យធនាគារគឺជាប្រភពទុនដ៏ល្អសម្រាប់ការវិនិយោគរបស់ប្រជាពលរដ្ឋនៅឆ្នាំ២០១៩និងឆ្នាំបន្តបន្ទាប់ទៀត។ អ្នកជំនាញបានអះអាងថា វិស័យសេដ្ឋកិច្ចជាមូលដ្ឋានគ្រឹះដ៏រឹងមាំសម្រាប់វិស័យឯកជនគឺប្រភពទុនមកពីវិស័យធនាគារ ដែលតាមការប៉ាន់ប្រមាណរបស់ស្ថាប័នអន្តរជាតិនិងក្រសួងសេដ្ឋកិច្ចនិងហិរញ្ញវត្ថុ ប្រាក់បញ្ជើសន្...

លោក ប៉ាន សូរស័ក្តិរដ្ឋមន្រ្តីក្រសួងពាណិជ្ជកម្ម ចូលរួមក្នុងកិច្ចពិគ្រោះយោបល់ រដ្ឋមន្រ្តីសេដ្ឋកិច្ចអាស៊ាន និងក្រុមប្រឹក្សាធុរកិច្ចអាស៊ាន និងកិច្ចប្រជុំថ្នាក់រដ្ឋមន្រ្តីសេដ្ឋកិច្ចអាស៊ាន ក្នុងឱកាសនៃកិច្ចប្រជុំចង្អៀតរដ្ឋមន្រ្តីសេដ្ឋកិច្ចអាស៊ាន លើកទី២៥ត្រូវនឹងថ្ងៃទី២២ ខែមេសា ឆ្នាំ២០១៩។ ដែលរៀបចំឡើងនៅសណ្ឋាគារ Angsana Laguna Phuket នៅកោះភូកេត ប្រទេសថៃ។ កិច្ចពិគ្រោះយោបល់ រដ្ឋមន្រ្តីសេដ្ឋកិច្ចអាស៊ាន និងក្រុមប្រឹក្សាធុរកិច្ចអាស៊ាន មានការអញ្ជើញចូលរួមពីរដ្ឋមន្រ្តីសេដ្ឋកិច្ចអាស៊ានទាំង១០ អគ្គលេខាធិការអាស៊ាន គណៈប្រតិភូនៃប្រទេសសមាជិកអាស៊ាន លេខាធិការដ្ឋានអាស៊ាន និងតំណាង ASEAN BAC ដោយផ្តោតសំខាន់លើការពង្រឹងអាស៊ាន ៤.០ ជាពិសេសសេដ្ឋកិច្ចឌីជីថល សម្រាប់សហគ្រាសមីក្រូ តូច និងមធ្យម គោលនយោបាយ និងធនធានមនុស្ស កិច្ចសម្រួលពាណិជ្ជកម្ម និងការតភ្ជាប់ពាណិជ្ជកម្មក្នុងតំបន់។ រដ្ឋមន្រ្តីទាំងអស់បានពិនិត្យ និងអនុម័តលើវិស័យសេដ្...

គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា សម្រេចផ្តល់វិញ្ញាបនប័ត្រចុះបញ្ជីជាស្ថាពរ ជូនដល់ក្រុមហ៊ុនវិនិយោគចំនួន១០ ដែលមានទឹកប្រាក់ជាង ១៤០លានដុល្លារអាមេរិក វិនិយោគនៅលើវិស័យឧស្សាហកម្ម រោង ចក្រកែច្នៃ គម្រោងសាងសង់សណ្ឋាគារ មជ្ឈមណ្ឌលពាណិជ្ជកម្ម និងរមណីយដ្ឋានទេសចរណ៍នានា ។ ក្រុមប្រឹក្សាអភិវឌ្ឍន៍កម្ពុជា (CDC) បានបង្ហាញថា ថាតត្រឹមថ្ងៃទី២០ ក្នុងខែមេសា ឆ្នាំ២០១៩ នេះ តាមសំណើសុំវិនិយោគរបស់ក្រុមហ៊ុនអភិវឌ្ឍន៍ឯកជន គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនប័ត្រចុះបញ្ជីជាស្ថាពរ ជូនដល់ក្រុមហ៊ុនវិនិយោគលើវិស័យឧស្សាហកម្ម រោង ចក្រកែច្នៃ និងគម្រោងសាងសង់សណ្ឋាគារ មជ្ឈមណ្ឌលពាណិជ្ជកម្ម រមណីយដ្ឋានទេសចរណ៍ផ្សេងៗទៀត មានប្រាក់សរុបប្រមាណជាង ១៤០លានដុល្លាអាមេរិក ដោយត្រូវការកំលាំងពលកម្មថ្មីចូលរួមជាច្រើនកន្លែងផងដែរ។ ពាក់ព័ន្ធនឹងគម្រោងវិនិយោគថ្មីនេះ មានក្រុមហ៊ុនចំនួន៥ វ...

លោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានលើកឡើងនៅក្នុងជំនួប ជាមួយលោក Thomas Hundt នាយកប្រតិបត្តិក្រុមហ៊ុន Smart Axiata នៅថ្ងៃទី ១០ ខែមេសា ឆ្នាំ ២០១៩ ។ ជុំវិញការអភិវឌ្ឍន៍សេដ្ឋកិច្ច តាមរយៈការចូលរួមបង្កើនផលិតភាព និងប្រសិទ្ធភាពការងារ បច្ចុប្បន្នរាជរដ្ឋាភិបាលកម្ពុជា បាននិងកំពុងផ្តល់អាទិភាព ដល់ការអភិវឌ្ឍន៍សេដ្ឋកិច្ចឌីជីថល និងបន្តគាំទ្រដល់ការបង្កើតបរិស្ថាន សម្រាប់ការរីកលូតលាស់វិស័យឌីជីថល។ លោក រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានលើកទឹកចិត្តឱ្យក្រុមហ៊ុន Smart Axiata បន្តវិនិយោគ និងផ្តល់ការគាំទ្របន្ថែម ដល់ការបង្កើតធុរកិច្ចថ្មីៗ ផ្អែកលើបច្ចេកវិទ្យា (ឬ Tech-Startup) ជាដើម។ លោក Thomas Hundt នាយកប្រតិបត្តិក្រុមហ៊ុន Smart Axiata បានលើកឡើងថា សកម្មភាព ធុរកិច្ចរបស់ក្រុមហ៊ុន Smart Axiata បានវិនិយោគប្រមាណជាង ១.៤ ពាន់លានដុល្លារអ...

  អ្នកវិនិយោគិនខ្មែរចាប់ផ្តើមសម្លឹងឃើញឱកាសវិនិយោគនៅតំបន់ជាយក្រុងហើយ ជាក់ស្តែងថ្មីៗនេះ ក្រុមហ៊ុន N&Y Real Estate បានសម្ភោធគម្រោងថ្មីមួយស្ថិតនៅភូមិចំការត្រាច ឃុំពើក ស្រុកអង្គស្នួល ខេត្តកណ្តាល។ លោកឧកញ៉ា ឯល គ្រីយ៉ា អគ្គនាយកក្រុមហ៊ុន N&Y Real Estate បានឲ្យថា មុនដំបូងទីតាំងដីនៅជាយក្រុងមិនទាន់មានការអភិវឌ្ឍន៍ខ្លាំងនោះទេ ។ ប៉ុន្តែចាប់តាំងពីរាជរដ្ឋាភិបាលកម្ពុជាបានប្រកាសពីគម្រោងផ្លូវល្បឿនលឿននិងផ្លូវក្រវ៉ាត់ក្រុងរួចមក ដីនៅតំបន់ទាំងអស់នោះកាន់តែមានសក្តានុពលខ្លាំង ហើយក្រុមហ៊ុនលោកវិនិយោគនៅតំបន់នេះ ដោយសារតែនៅជិតទីប្រជុំជនមានផ្សារ រោងចក្រ និងនៅមិនឆ្ងាយប៉ុន្មានពីផ្លូវជាតិលេខ៤នោះទេ។ លោកឧកញ៉ាបានបញ្ជាក់ថា ក្រុមហ៊ុន N&Y Real Estate វិនិយោគលើផ្ទៃដីទំហំជិត៣០ ហិកតា ដែលជាជំហានទី១ លើការអភិវឌ្ឍពុះដីឡូតិ៍លក់ជូនប្រជាពលរដ្ឋនេះប្រហែលជា ១៨ហិកតា ក្នុងនោះមានកន្លែងកម្សាន្ត សម្រាប់ប្រជាពលរដ្ឋ ហើយគម្រោ...