សេដ្ឋកិច្ច និងវិនិយោគ

(ភ្នំពេញ)៖ លោក​ ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានដឹកនាំប្រតិភូក្រសួងពាណិជ្ជកម្ម ចូលរួមកិច្ចប្រជុំពិនិត្យសេចក្ដីព្រាងគោលន​យោបាយរដ្ឋាភិបាលឌីជីថល ២០២១-២០៣៥ កាលពីថ្ងៃទី១០ ខែវិច្ឆិកា ឆ្នាំ២០២១ ក្រោមអធិបតីភាព លោក​​អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងមានការអញ្ជើញចូលរួមពីថ្នាក់ដឹកនាំក្រសួង-ស្ថាប័នពាក់ព័ន្ធជាច្រើនរូបទៀត។ អគ្គបណ្ឌិតសភាចារ្យ ប្រធានអង្គប្រជុំ បានថ្លែងកោតសរសើរចំពោះក្រុមការងារនៃក្រសួងប្រៃសណីយ៍ និងទូរគមនាគមន៍ ក្រោមការដឹកនាំរបស់លោក​​រដ្ឋមន្ត្រី ជា វ៉ាន់ដេត ដែលបានរៀបចំព្រាងគោលនយោបាយរដ្ឋាភិបាលឌីជីថល ២០២១-២០៣៥ យ៉ាងល្អប្រសើរ និងបានបើកឱ្យក្រុមការងារក្រសួងប្រៃសណីយ៍ និងទូរគមនាគមន៍ធ្វើបទបង្ហាញជូនអង្គប្រជុំ ព្រមទាំងបានបើកការពិភាក្សា និងផ្ដល់ឱ្យស្ថាប័នពាក់ព័ន្ធផ្ដល់មតិយោបល់ ដើម្បីប្រមូលធាតុចូលបន្ថែម។ លោក​រដ្ឋមន្រ្តី...

អ្នកជំនួញអចលទ្រព្យម្នាក់កំពុងមានឈ្មោះបោះសម្លេងលើនៅក្នុងវិស័យដីធ្លីគឺ  លោកឧកញ៉ា ហេង បូរិន ម្ចាស់គម្រោង បុរី ហេង បូរិន គ្រុប ភ្លាមៗបានផ្ដល់កាដូមួយដល់បងប្អូនប្រជាពលរដ្ឋរាប់ពាន់គ្រួសារ ដែលកំពុងរស់នៅក្នុងភូមិរការធំ សង្កាត់បែកចាន ខណ្ឌកំបូល រាជធានីភ្នំពេញ។ ការនោះដូដ៏អស្ចារ្យនោះគឺ ផ្លូវបេតុងមួយខ្សែ ប្រវែងជិត ៤០០ ម៉ែត្រ ដែលជាការធានាចំណាយថវិកាស្ថាបនាទាំងស្រុង ដោយឧកញ៉ាផ្ទាល់។ ឧកញ៉ា ហេង បូរិន បាននិយាយថា  បើយមើលទៅបងប្អូនអ្នកភូមិ ពួកគាត់ឈរមើល ហើយសប្បាយចិត្តញញឹមញញែម សឹងគ្រប់គ្នា ពេលដែលស្ងាត់ៗខាងក្រុមហ៊ុនយើងខ្ញុំ បានឈូសឆាយ ចាក់ដី ត្រៀមធ្វើផ្លូវបេតុងជូនពួកគាត់កាន់តែងាយស្រួលធ្វើដំណើរជាងមុន។ ការចំណាយទឹកប្រាក់ជាង ១០ម៉ឺនដុល្លារ និងការភ្ជាប់ផ្លូវបេតុងយុទ្ធសាស្ត្រនេះចូលទៅកាន់គម្រោងបុរី ហេង បូរិន  គឺបានរួមចំណែកជាមួយអាជ្ញាធរ អភិវឌ្ឍន៍ហេដ្ឋារចនាសម្ព័ន្ធនៅមូលដ្ឋានភូមិរការធំ សង្កាត់បែកចាននោះ ឱ្យបានកាន់តែ...

(រាជធានីភ្នំពេញ)៖  លោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានអញ្ជើញជាអធិបតីក្នុងកិច្ចពិភាក្សាជាមួយវិស័យឯកជន លើឯកសារយុទ្ធសាស្ត្រទាញយកអត្ថប្រយោជន៍ជាអតិបរមាពីការអនុវត្តកិច្ចព្រមព្រៀងពាណិជ្ជកម្មសេរី តាមរយៈប្រព័ន្ធវីដែអូ ZOOM ដោយមានការចូលរួមពីរដ្ឋលេខាធិការ អនុរដ្ឋលេខាធិការ អគ្គនាយក លោក-លោកស្រី មន្ត្រីរាជការនៃក្រសួងពាណិជ្ជកម្ម តំណាងអន្តរក្រសួងអញ្ជើញមកពីក្រសួងសេដ្ឋកិច្ច និងហិរញ្ញវត្ថុ ក្រុមប្រឹក្សាអភិវឌ្ឍន៍កម្ពុជា អគ្គនាយកដ្ឋានគយ និងរដ្ឋករ ព្រមទាំងឧកញ៉ា លោកជំទាវ លោក លោកស្រី មកពីវិស័យឯកជន ជាច្រើនរូបកាលពីរសៀលថ្ងៃទី០៥ ខែវិច្ឆិកា ឆ្នាំ២០២១។ រដ្ឋមន្រ្តីបានលើកឡើងថា ក្រោមការដឹកនាំដ៏ឈ្លាសវៃ ប្រកបដោយគតិបណ្ឌិតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា កម្ពុជាបានធ្វើសមាហរណកម្មសេដ្ឋកិច្ចរបស់ខ្លួនទៅក្នុងតំបន់ និងអន្តរជាតិ ជាបន្តបន្ទាប់។ ជាមួយនឹងការខិតខំនាពេលកន្ល...

ភ្នំពេញ៖ សភាពាណិជ្ជកម្មកម្ពុជា មានរៀបចំកិច្ចប្រជុំសំណេះសំណាលរវាងប្រធានសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារទាំង១៣ ផ្នែកឯកជន ជាមួយនិងសហប្រធានក្រុមការងារទាំង ១៣ ផ្នែកឯកជន នៃវេទិការាជរដ្ឋាភិបាល-ផ្នែកឯកជន ធ្វើ​ឡើងកាលពី​ថ្ងៃទី០៤ ខែតុលា ឆ្នាំ២០២១ ក្រោមអធិបតីភាព អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារទាំង១៣ ផ្នែកឯកជន។ កិច្ចប្រជុំនេះក៏មានការចូលរួមផងដែរពីសំណាក់ អ្នកសម្របសម្រួលផ្នែកឯកជន និងវត្តមាន សហប្រធានក្រុមការងារបច្ចេកទេសផ្នែកឯកជន នៃយន្តការភាពជាដៃគូគយ-ផ្នែកឯកជន និងសហប្រធានក្រុមការងារបច្ចេកទេសផ្នែកឯកជន នៃយន្តការភាពជាដៃគូអគ្គនាយកដ្ឋានពន្ធដារ-ផ្នែកឯកជនផងដែរ។ គោលបំណងនៃកិច្ចប្រជុំនេះគឺដើម្បីឲ្យសហប្រធានក្រុមការងារផ្នែកឯកជនទាំងអស់ធ្វើសេចក្តីរាយការណ៍សង្ខេបអំពីលទ្ធផលសកម្មភាពរបស់ក្រុមការងាររបស់ខ្លួន និងមានបទបង្ហាញសង្ខេបអំពីវឌ្ឍនភាព និងទិសដៅសកម...

(ភ្នំពេញ)៖ លោក​​ ឈួន ដារ៉ា រដ្ឋលេខាធិការក្រសួងពាណិជ្ជកម្ម តំណាង លោក​​ ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានដឹកនាំប្រតិភូពាណិជ្ជ​កម្មកម្ពុជាកាលពីថ្ងៃទី៤ ខែវិច្ឆិកា ឆ្នាំ២០២១ ចូលរួមពីចម្ងាយតាមប្រព័ន្ធវីដេអូអនឡាញ ក្នុងពិធីសម្ពោធ “ពិព័រណ៍ទំនិញនាំចូលអន្តរជាតិចិន លើកទី៤ (The 4th China International Import Expo) និងវេទិកាសេដ្ឋកិច្ចអន្តរជាតិហុងឈាវ (Hongqiao International Economic Forum)” ដែលរៀបចំឡើងនៅទីក្រុងសៀងហៃ ប្រទេសចិន។ ព្រឹត្តិការណ៍ពាណិជ្ជកម្មកម្រិតពិភពលោកនេះ បានបើកសម្ពោធដោយមានការថ្លែងសុន្ទរកថា ដោយលោក​​ ស៊ី ជីនពីង ប្រធានាធិបតីនៃសា​ធារណរដ្ឋប្រជាមានិតចិន ប្រធានាធិបតីនៃប្រទេសអាហ្សង់ទីន ប្រធានាធិបតីនៃប្រទេសកាហ្សាក់ស្តង់ ប្រធានាធិបតីនៃសាធារណរដ្ឋហ្សាំប៊ៀ នា​យករដ្ឋមន្រ្តីនៃប្រទេសអ៊ីតាលី នាយករដ្ឋមន្រ្តីនៃព្រះរាជាណាចក្រថៃ អគ្គនាយិកានៃអង្គការពាណិជ្ជកម្មពិភពលោក (WTO) អគ្គលេខាធិការនៃអង្គការ ...

ឧបនាយករដ្ឋមន្រ្តី រដ្ឋមន្រ្តីក្រសួងការបរទេស​ និងសហប្រតិបត្តិការអន្តរជាតិ ប្រាក់ សុខុន បានថ្លែងថា ក្រុមប្រឹក្សាអភិវឌ្ឍន៍កម្ពុជា បានចំណាយពេល៦ឆ្នាំ ដើម្បីតាក់តែងច្បាប់ស្តីពីវិនិយោគនៃព្រះរាជាណាចក្រកម្ពុជា ដែលចូលជាធរមាននៅថ្ងៃទី១៥ ខែតុលា ឆ្នាំ២០២១។ ច្បាប់នេះនឹងក្លាយជាកត្តាសំខាន់មួយសម្រាប់ការអនុវត្តយុទ្ធសាស្រ្តការទូតសេដ្ឋកិច្ចឆ្នាំ២០២១-២០២៣ ប្រកបដោយប្រសិទ្ធភាព។ ថ្លែងដូច្នោះ​ធ្វ់ើ​ឡើងនៅ​ ក្នុង​សិក្ខាសាលាតាមរយៈប្រព័ន្ធវីដេអូនៅព្រឹកនេះមានគោលបំណងផ្សព្វផ្សាយពីច្បាប់វិនិយោគថ្មីនេះជូនដល់ថ្នាក់ដឹកនាំនៃក្រសួងការបរទេស មន្ត្រីការទូតកម្ពុជា និងមន្ត្រីពាក់ព័ន្ធ ឱ្យបានជ្រាបអំពីច្បាប់វិនិយោគថ្មី និងអត្ថប្រយោជន៍ថ្មីៗ។ លោកឧបនាយករដ្ឋមន្រ្តីបានថ្ឡែងថា សិក្ខាសាលានេះក៏បានបង្កើនទំនុកចិត្តរបស់យើងខណៈពេលដែលយើងប្រឹងប្រែងទាក់ទាញវិនិយោគ​គិនម​កកម្ពុជា។ លោកឧបនាយករដ្ឋមន្រ្តី ប្រាក់ សុខុន បានថ្លែងថា«ខ្ញុំក៏សូមអរគុណយ៉ាងជ្...

(ភ្នំពេញ)៖ ក្រសួងពាណិជ្ជកម្ម  ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានទទួលជួបពិភាក្សាការងារជាមួយគណៈប្រតិភូនៃក្រុមប្រឹក្សាធុរកិច្ចសហរដ្ឋ អាម៉េរិក-អាស៊ាន (US-ASEAN Business Council) ដឹកនាំដោយ ឯកអគ្គរដ្ឋទូត មៃឃើល មីចាឡាក់ Amb. Michalak អនុប្រធានជាន់ខ្ពស់ និងជានាយកគ្រប់គ្រងប្រចាំតំបន់ កាលពី​ថ្ងៃទី០១ ខែវិច្ឆិកា ឆ្នាំ២០២១ តាមរយៈប្រព័ន្ធវីដេអូ ដើម្បីពង្រឹងទំនាក់ទំនងពាណិជ្ជកម្ម និងជំរុញការវិនិយោគមកពីសហរដ្ឋអាម៉េរិក។ កិច្ចប្រជុំនេះមានការចូលរួមពីក្រុមប្រឹក្សាធុរកិច្ចសហរដ្ឋអាម៉េរិក-អាស៊ានប្រចាំកម្ពុជា មន្ត្រីស្ថានទូតអាម៉េរិកប្រចាំកម្ពុជា និងក្រុមហ៊ុនជាច្រើនទៀត រួមមាន ក្រុមហ៊ុន ConocoPhillips ក្រុមហ៊ុន FordMotor ក្រុមហ៊ុន Amazon ក្រុមហ៊ុន Walmart ក្រុមហ៊ុន Pernod Ricard ក្រុមហ៊ុន Visa និងក្រុមហ៊ុន Jhpiego ជាដើម។ លោក​​រដ្ឋមន្ត្រី បានលើកឡើងពីភាពជោគជ័យក្នុងយុទ្ធនាការចាក់វ៉ាក់សាំងកូវីដ-១៩ ជូនប...

(រាជធានីភ្នំពេញ)៖ នៅសៀលថ្ងៃទី០១ ខែវិចិ្ឆកា ឆ្នាំ២០២១ លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម តំណាងដ៏ខ្ពង់ខ្ពស់ លោក​​ ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានចូលរួមផ្តល់សុន្ទរកថាបើក និងប្រកាសសម្ពោធដាក់ឱ្យដំណើរការ «កម្មវិធីប្រកួតភាពច្នៃប្រឌិត ស្តីពីការពន្លឿនអាជីវកម្មតាមបែបឌីជីថល និងពាណិជ្ជកម្មតាមបែបអេឡិចត្រូនិក» តាមរយៈប្រព័ន្ធវីឌីអូ (Zoom) ដែលមានសិក្ខាកាមចូលរួមសរុបចំនួន ១0៦ នាក់ ដែលជាតំណាងមកពីស្ថាប័នរដ្ឋ វិស័យឯកជន និងសហគ្រិននានា។ លោកស្រី តឹករ៉េត កំរង រដ្ឋលេខាធិការក្រសួងពាណិជ្ជកម្ម បានថ្លែងអំណរគុណដល់ ក្រសួងសេដ្ឋកិច្ច និងហិរញ្ញវត្ថុ UNDP Cambodia សហគ្រិនខែ្មរ និងសិក្ខាកាមទាំងអស់ ដែលបានអញ្ជើញចូលរួម និងមានសំណួរយ៉ាងសកម្ម។ រដ្ឋលេខាធិការ បានលើកបញ្ជាក់ពីសមិទ្ធផលសំខាន់ៗរបស់ក្រសួងពាណិជ្ជកម្ម ដែលសម្រេចបាន រួមមាន៖ ច្បាប់ស្ដីពីកិច្ចការការពារអ្នកប្រើប្រាស់ ច្បាប់ស្ដីពីពាណិជ្ជកម្មតា...

ភ្នំពេញ៖ ក្រសួងពាណិជ្ជកម្ម នៃព្រះរាជាណាចក្រម្ពុជា មានកិត្តិយសសូមជម្រាបជូនសាធារណជន និងវិស័យឯកជនទាំង ក្នុងប្រទេស និងក្រៅប្រទេស ជ្រាបថា ក្រសួងពាណិជ្ជកម្មបានដាក់ឱ្យដំណើរការគេហទំព័រផ្លូវការនៃ “វេទិកាសេដ្ឋកិច្ច និងធុរកិច្ចអាស៊ី-អឺរ៉ុបលើកទី១ (1st Asia-Europe Economic and Business Forum-AEEBF1)” (តំណរភ្ជាប់៖ https://aeebf.moc.gov.kh/) ដែលជាព្រឹត្តិការណ៍អមសំខាន់មួយនៃកិច្ចប្រជុំកំពូលអាស៊ី-អឺរ៉ុបលើកទី១៣ (ASEM13)។ គេហទំព័រនៃវេទិកា AEEBF1 មានបង្ហាញជូនព័ត៌មានសំខាន់ៗដល់សាធារណជនរួមមាន៖ ព័ត៌មានទូទៅអំពីការរៀបចំនិងរបៀបវារៈនៃវេទិកា AEEBF1 ដៃគូសហការរៀបចំជាមួយក្រសួងពាណិជ្ជកម្ម ថ្នាក់ដឹកនាំនិងក្រុមការងារនៃក្រសួងពាណិជ្ជកម្មទទួលរៀបចំវេទិកា និងការចុះឈ្មោះចូលរួមវេទិកាតាមប្រព័ន្ធអនឡាញ (Online Registration)។ ក្នុងឱកាសដែលកម្ពុជាធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ី-អឺរ៉ុបលើកទី១៣ (ASEM13) ក្រសួងពាណិជ្ជកម្ម ...