ព័ត៌មានអន្តរជាតិ

រុស្ស៊ី៖ យោងតាមការរាយការណ៍របស់សារព័ត៌មាន New York Post សហរដ្ឋអាមេរិកបានឲ្យដឹងថា ប្រធានាធិបតីរុស្ស៊ីលោក Vladimir Putin ត្រូវបានកំណត់ពេលទទួលការវះកាត់ជំងឺមហារីក និងប្រគល់អំណាចបណ្តោះអាសន្នទៅឲ្យអតីតនាយនគរបាលសហព័ន្ធប្រកាន់តឹងរ៉ឹងម្នាក់។ យោងតាមវីដេអូមួយមកពីបណ្តាញTelegram (General SVR)ដែលគ្មានប្រភពច្បាស់លាស់ បានឲ្យដឹងថា លោកពូទីន នឹងផ្ទេរការគ្រប់គ្រង របស់រដ្ឋាភិបាលរុស្ស៊ី ទៅឲ្យលោក Nikolai Patrusher ប្រធានក្រុមប្រឹក្សា សន្តិសុខរបស់នគរបាលសហព័ន្ធ ខណៈលោក បាត់បង់សមត្ថភាព អំឡុងពេលនិងក្រោយការវះកាត់។ បណ្តាញ Telegramនេះដែលត្រូវបានអះអាងថាគ្រប់គ្រងដោយអតីតឧត្តមសេនីយ៍ទោនៃទីភ្នាក់ងារចារកម្មបរទេសរបស់រុស្ស៊ី ដែលមានរហ័សនាមថា Viktor Mikhailovich បានរាយការណ៍ថាលោកពូទីន ត្រូវបានក្រុមវេជ្ជបណ្ឌិតប្រាប់ថា លោកត្រូវទទួលការវះកាត់ ។ ខណៈពេលនោះដែរ មានពាក្យចចាមអារាមនៅក្នុងទីក្រុងម៉ូស្គូថា អតីតឧត្តមសេនីយ៍ជាច្រើនរូប និងក្រុម...

អន្តរជាតិ៖ ប្រធានក្រុមហ៊ុន Tesla លោក Elon Musk បាននិយាយថា អ្នកប្រើប្រាស់ក្នុងវិស័យធុរកិច្ច និងរដ្ឋាភិបាល អាចនឹងត្រូវបង់ថ្លៃតិចតួច ដើម្បីបន្តនៅលើបណ្តាញសង្គម Twitter ។ ការលើកឡើងបែបនេះ បានកើតមានឡើង ក្រោយពេលគណៈក្រុមប្រឹក្សាភិបាលក្រុមហ៊ុន Twitterបានព្រមព្រៀងផ្ទេរសិទ្ធិគ្រប់គ្រងតម្លៃ ៤៤ពាន់លានដុល្លារដល់លោក Musk ។ ទោះបីជាយ៉ាងណាក៏ដោយ លោក Musk បាននិយាយថា គេហទំព័រមួយនេះ តែងតែឥតគិតថ្លៃសម្រាប់អ្នកប្រើប្រាស់ធម្មតា ។ កាលពីមុន លោកធ្លាប់បាននិយាយថាលោកចង់ធ្វើឲ្យបណ្តាញសង្គម Twitterល្អប្រសើរជាងមុនពេលណាណាទាំងអស់ តាមរយៈការធ្វើឲ្យល្អប្រសើរឡើងផលិតផលជាមួយនឹងលក្ខណៈពិសេសថ្មី ។ ប៉ុន្តែក្រុមហ៊ុនTwitterមិនបានឆ្លើយតបភ្លាមៗនោះទេ ចំពោះសំណើរធ្វើសេចក្តីអត្ថាធិប្បាយរបស់ BBC ។ កាលពីដំបូងឡើយ លោក Muskបានបង្ហោះ Link ទៅកាន់ CNN Story ដោយអំពាវនាវឲ្យក្រុមហ៊ុនធំៗបំផុតមួយចំនួនរបស់សហរដ្ឋអាមេរិក ធ្វើពហិកា Twitter បើសិនជាលោក Muskបង...

បរទេស៖ មន្ត្រីជាន់ខ្ពស់សហរដ្ឋអាមេរិកនិយាយថា រុស្ស៊ីគ្រោងនឹងដាក់បញ្ចូលភ្លាមៗនូវតំបន់ភាគខាងកើតចំនួន២កន្លែងរបស់អ៊ុយក្រែន ដែលត្រូវបានខ្ទេចខ្ទាំដោយសារការវាយលុករបស់រុស្ស៊ី ចូលទៅក្នុងឧបសម្ព័ន្ធរបស់ខ្លួន បន្ទាប់ពីបរាជ័យក្នុងការផ្ដួលរំលំរដ្ឋាភិបាលក្រុង Kyiv ។ ឯកអគ្គរដ្ឋទូតអាមេរិកប្រចាំអង្គការសម្រាប់សន្តិសុខ និងកិច្ចសហប្រតិបត្តិការនៅតំបន់អឺរ៉ុប លោក Michael Carpenter បាននិយាយថា យោងតាមរបាយការណ៍ថ្មីៗចុងក្រោយ ពួកលោកជឿថា រុស្ស៊ីនឹងព្យាយាមដាក់បញ្ចូលសាធារណរដ្ឋប្រជាមានិត្យ Donetsk និងសាធារណរដ្ឋប្រជាមានិត្យ Lugansk ទៅក្នុងឧបសម្ព័ន្ធរបស់រុស្ស៊ី ។ លោកបាននិយាយថា របាយការណ៍នានានិយាយថា ប្រទេសរុស្ស៊ីគ្រោងរៀបចំការធ្វើប្រជាមតិ បន្ទាប់ពីមានការចូលរួមនៅថ្ងៃណាមួយ នៅរង្វង់ពាក់កណ្ដាល ខែឧសភា ។ លោក Carpenter បាននិយាយថា សហរដ្ឋអាមេរិក ក៏ជឿជាក់ផងដែរថា ប្រទេសរុស្ស៊ី កំពុងពិចារណាផែនការស្រដៀងគ្នាមួយទៀត នៅក្នុងតំបន់ទី៣ គឺទី...

អ៊ុយក្រែន៖ ប្រធានាធិបតីអ៊ុយក្រែន លោក Volodymyr Zelensky បានព្រមានពីការជិតកើតមានវិបត្តិស្បៀងអាហារពិភពលោក ក្រោយពេលដែលរុស្ស៊ី រារាំងការចាកចេញគ្រាប់ធុញ្ញជាតិទម្ងន់ ៤.៥លានតោន ពីកំពង់ផែក្នុងសមុទ្រខ្មៅ ហើយនិងបានវាយប្រហារមកលើឃ្លាំងស្តុកគ្រាប់ធុញ្ញជាតិសំខាន់ ។ ទាហានរុស្ស៊ីបានលួចរថយន្តដឹកកសិកម្មតម្លៃ ៤លានផោនផងដែរនិងបានដឹក ជញ្ជួនរថយន្តទាំងអស់នេះ ទៅកាន់ទីក្រុង Chechnya ។ កងទ័ពរុស្ស៊ី បានទម្លាក់គ្រាប់បែកមកលើឃ្លាំងស្តុកគ្រាប់ធុញ្ញជាតិមួយកន្លែងនៅក្នុងប្រទេសអ៊ុយក្រែន ហើយនិងបានរឹតបន្តឹងការបិទខ្ទប់របស់ពួកគេនៅកំពង់ផែសមុទ្រខ្មៅ ធ្វើឲ្យមានក្តីកង្វល់ពីវិបត្តិស្បៀងអាហារពិភពលោកថ្មី ។ យោងតាមការអះអាងរបស់ប្រធានកម្មវិធីស្បៀងអាហារពិភពលោករបស់អង្គការសហប្រជាជាតិលោក Martin Frickបានឲ្យដឹងថាគ្រាប់ធុញ្ញជាតិប្រហែល ៤.៥លានតោន កំពុងស្ថិតនៅតាមកំពង់ផែអ៊ុយក្រែនដែលត្រូវបានគេកាន់កាប់ និងបិទជិតគ្រប់ច្រក ។ លោក Frickបាននិយាយថា គ្...

អ៊ុយក្រែន៖យោធាអ៊ុយក្រែន បាននិយាយនៅថ្ងៃសុក្រនេះថា ទាហានរុស្ស៊ី បានផ្តោតសំខាន់លើកិច្ចខិតខំប្រឹងប្រែងរបស់ពួកគេលើការកាន់កាប់ទីតាំងនៅទីក្រុង Kharkiv និងបានផ្លោងគ្រាប់កាំភ្លើងធំធ្ងន់ៗ មកលើតំបន់ Donetsk និងតំបន់ Tauride ដើម្បីរារាំងការប្រមូលកម្លាំងឡើងវិញរបស់ទាហានអ៊ុយក្រែន ។ លោក Oleksandr Shtupun គឺជាអ្នកនាំពាក្យនាយអគ្គសេនាធិការកងទ័ពអ៊ុយក្រែន បានថ្លែងនៅក្នុងសន្និសីទសារព័ត៌មានប្រចាំថ្ងៃថា យោធារុស្ស៊ី រឹតត្បឹតការបំលាស់ទីរបស់អ្នកស្រុកផងដែរ នៅតំបន់កាន់កាប់ ហើយរឹបអូសផលប្រមូលបានរបស់ពួកគេ ។ លោក Shtupun បន្តទៀតថា ស្រូវសាលីជាង ៦០តោន ត្រូវបានលួចចេញពីសហគមន៍កសិកម្មនៅក្រុង Kamenka-Dneprovskaya ។ លោកនិយាយថា កងកម្លាំងរុស្ស៊ី បានបន្តបិទកងកម្លាំងអ៊ុយក្រែន នៅទីក្រុង Mariupol ជិតរោងចក្រដែកថែប Azovstal ផងដែរ ។ លោក Shtupunបន្ថែមទៀតថា ក្នុងរយៈពេល ២៤ម៉ោងកន្លងមកនេះ កងកម្លាំងអ៊ុយក្រែន បានវាយប្រហារចំគោលដៅអាកាសចំន...

បរទេស៖អគ្គលេខាធិការអង្គការសម្ព័ន្ធយោធាអូតង់លោក Jens Stoltenberg បាននិយាយកាលពីថ្ងៃព្រហស្បតិ៍ថា អង្គការរបស់លោក បានត្រៀមខ្លួនរួចជាស្រេចក្នុងការគាំទ្រប្រទេសអ៊ុយក្រែន ក្នុងសង្គ្រាមប្រឆាំងរុស្ស៊ី រយៈពេលជាច្រើនឆ្នាំខាងមុខទៀត ។ ការជួយគាំទ្រនេះរួមទាំងជួយឲ្យទីក្រុង Kyiv ផ្លាស់ប្ដូរពីការប្រើប្រាស់អាវុធសម័យអតីតសហភាពសូវៀត មកប្រើប្រាស់អាវុធ លោកខាងលិចនិងប្រព័ន្ធអាវុធនានាដ៏ទំនើប ។ ការថ្លែងបែបនេះរបស់លោក Stoltenberg មានឡើងបន្ទាប់ពីវិមានក្រឹមឡាំងព្រមានថា ការផ្គត់ផ្គង់អាវុធរបស់លោកខាងលិចទៅកាន់ប្រទេសអ៊ុយក្រែន រួមទាំងអាវុធធុនធ្ងន់ជាដើម បានបង្កការគំរាមដល់សន្តិសុខនៃឧបទ្វីបអឺរ៉ុប និងបង្កឲ្យមានអស្ថិរភាព។ លោក Stoltenberg បានប្រាប់កិច្ចប្រជុំកំពូលយុវជនក្នុងទីក្រុង ព្រូស សែលថា យើងត្រូវតែត្រៀមខ្លួនសម្រាប់សង្រ្គាមរយៈពេលវែង ។ វាពិតជាអាចទៅរួចដែលថាសង្រ្គាមនេះ នឹងអូសបន្លាយរយៈពេលច្រើនខែ ច្រើនឆ្នាំទៀត។ លោក Sto...

អន្តរជាតិ​៖ ក្រុមហ៊ុនឧស្ម័នខ្នាតយក្សរុស្ស៊ី Gazprom បានផ្អាកទាំងស្រុងការផ្គត់ផ្គង់ឧស្ម័នទៅកាន់ប្រទេសប៉ូឡូញ និងប្រទេសប៊ុលហ្គារី ដោយសារតែប្រទេសទាំង២នេះ មិនបានទូទាត់ជាប្រាក់រូប្លិ៍ ។ នេះបើយោងតាមការអះអាងឲ្យដឹងពីក្រុមហ៊ុននៅក្នុងសេចក្តីថ្លែងការណ៍កាលពីថ្ងៃពុធ ។ យោងតាមសេចក្តីថ្លែងការណ៍ បានឲ្យដឹងថា ប្រធានាធិបតីរុស្ស៊ី លោក វ្ល៉ាឌីមៀ ពូទីន បានទាមទារកាលពីថ្ងៃទី ២៣ ខែមីនាថា កិច្ចសន្យាឧស្ម័នបច្ចុប្បន្នរបស់រុស្ស៊ី ជាមួយប្រទេសអមិត្ត ដែលរួមទាំងប៉ូឡូញ និងប៊ុលហ្គារី នឹងត្រូវទូទាត់ជាប្រាក់រូប្លិ៍ ខណៈដែលរយៈពេល១សប្តាហ៍ក្រោយមក នៅថ្ងៃ ៣១ ខែមីនា លោកពូទីន បានចុះហត្ថលេខាលើបទបញ្ជា ហើយនិងអនុវត្តន៍វា នៅថ្ងៃទី ១ ខែមេសា ។ រុស្ស៊ី បានអះអាងថា ពួកគេបានជូនដំណឹងដល់អ្នកផ្តល់កុងត្រារបស់ខ្លួនទាន់ពេលវេលា ប៉ុន្តែមកដល់ថ្ងៃអង្គារ ក្រុមហ៊ុន Gazprom បាននិយាយថា ពួកគេនៅមិនទាន់ទទួលបានការទូទាត់ណាមួយពីក្រុមហ៊ុនឧស្ម័នប៉ូឡូញ និងប៊ុលហ្គារ...

ចិន៖ ក្រុមហ៊ុនផលិតដ្រូនធំបំផុតរបស់ពិភពលោក DJI បានផ្អាករាល់សកម្មភាពធុរកិច្ចទាំងអស់របស់ខ្លួននៅប្រទេសរុស្ស៊ី និងប្រទេសអ៊ុយក្រែន ។ ចាប់តាំងពីសង្រ្គាមផ្ទុះឡើង អ៊ុយក្រែន បានជំរុញឲ្យក្រុមហ៊ុនផលិតដ្រូនរបស់ចិនមួយនេះ ចាត់វិធានការដើម្បីបញ្ឈប់ដ្រូនរបស់ខ្លួនពីការប្រើប្រាស់ដោយរុស្ស៊ី ។ ប៉ុន្តែលោកTaras Troiak គឺជាប្រធានសហព័ន្ធម្ចាស់យានដ្រូនអ៊ុយក្រែនបាននិយាយប្រាប់ BBCថា លោកនៅតែមានមន្ទិលសង្ស័យថាតើវានឹងបញ្ឈប់យោធារុស្ស៊ី ពីការប្រើប្រាស់ដ្រូនក្រុមហ៊ុន DJI ឬ ។ លោកនិយាយថា ការផ្គត់ផ្គង់ដ្រូននៅតាមហាង អាចនឹងអស់ក្នុងរយៈពេលប៉ុន្មានខែទៀតនេះ ប៉ុន្តែតាមគំនិតរបស់លោក ពួកគេអាចនឹងរត់ពន្ធដ្រូនដោយងាយស្រួលចូលរុស្ស៊ី ចេញពីចិន ។ លោកបន្តថា ដ្រូនត្រូវបានប្រើប្រាស់ដោយយោធារុស្ស៊ី សម្រាប់ការឈ្លបការរណ៍រយៈចម្ងាយជិត ។ ពួកគេនឹងប្រើប្រាស់វាដើម្បីស្វែងរកទាហានណាម្នាក់នៅក្បែរ ដើម្បីប្រាកដថា គ្មាននរណាម្នាក់នៅជិតពួកគេនោះទេ ។ លោកបាន...

អាមេរិក៖គណៈក្រុមប្រឹក្សាភិបាលក្រុមហ៊ុន Twitterបានឈានដល់កិច្ចព្រមព្រៀងផ្ទេរសិទ្ធិគ្រប់គ្រងតម្លៃ ៤៤ពាន់លានដុល្លារពីមហាសេដ្ឋី Elon Musk ។ លោក Musk ដែលបានដាក់ការដេញថ្លៃដ៏គួរភ្ញាក់ផ្អើលកាលពីរយៈពេលមិនដល់២សប្តាហ៍មុន បាននិយាយថា ក្រុមហ៊ុន Twitter មាននូវសក្តានុពលដ៏អស្ចារ្យមួយដែលោកត្រូវស្រាយ ។ លោក បានអំពាវនាវផងដែរឲ្យមានការផ្លាស់ប្តូរចាប់ពីការបន្ធូរបន្ថយការរឹតត្បិតមាតិការបស់ខ្លួន រហូតដល់ការលុបបំបាត់គណនីក្លែងក្លាយ ។ កាលពីដំបូងឡើយ ក្រុមហ៊ុន Twitter បានច្រានចោលការដេញថ្លៃរបស់លោក Muskប៉ុន្តែបច្ចុប្បន្នពួកគេសុំឲ្យម្ចាស់ភាគហ៊ុនបោះឆ្នោតអនុម័តលើកិច្ចព្រមព្រៀង។ យោងតាមទស្សនាវដ្តី Forbesបានឲ្យដឹងថា លោក Muskគឺជាមហាសេដ្ឋីមានលុយច្រើនជាងគេបំផុតនៅលើពិភពលោក ជាមួយទ្រព្យសម្បត្តិតម្លៃប្រមាណជា ២៧៣.៦ពាន់លានដុល្លារ ដោយសារតែភាគហ៊ុនរបស់លោកនៅក្នុងក្រុមហ៊ុនផលិតរថយន្តអគ្គិសនី Tesla ដែលលោកគ្រប់គ្រង ។ លោកដឹកនាំក្រុមហ៊ុនអវកាស...

អ៊ុយក្រែន៖ សហរដ្ឋអាមេរិកនឹងផ្តល់ជំនួយយោធាថ្មីដល់អ៊ុយក្រែនហើយនិងបន្តជំរុញការទូតនៅក្នុងប្រទេសញាំញីដោយភ្លើងសង្រ្គាមួយនេះ ស្របពេលដែលរដ្ឋមន្រ្តីការបរទេសរបស់លោកប្រធានាធិបតី ចូ បៃដិន (Joe Biden) និងប្រធានមន្ទីរបច្ចកោណ បញ្ចប់ដំណើរទស្សនកិច្ចដោយសម្ងាត់របស់ពួកគេ មកកាន់ទីក្រុងគីវ ។ រដ្ឋមន្រ្តីការបរទេសសហរដ្ឋអាមេរិកលោក អាន់ថូនី ប្ល៊ីនឃិន(AntonyBlinken)និងរដ្ឋមន្រ្តីក្រសួងការពារជាតិអាមេរិក លោក ឡយ អូស្ទីន(Lloyd Austin) បាននិយាយប្រាប់ប្រធានាធិបតីអ៊ុយក្រែនពីកញ្ចប់ហិរញ្ញវប្បទានយោធា ៣០០លានដុល្លារបន្ថែមទៀត និងការលក់គ្រាប់កាំភ្លើង ១៦៥លានដុល្លារ ។ វាគឺជាដំណើរបំពេញទស្សនកិច្ចរបស់អាមេរិកម្រិតខ្ពស់បំផុតមកកាន់រដ្ឋធានីអ៊ុយក្រែនមួយនេះ ចាប់តាំងពីរុស្ស៊ី បើការវាយលុកកាលពីចុងខែកុម្ភៈកន្លងទៅ ។ លោក អូស្ទីននិងលោក ប្ល៊ីនឃិនបានប្រកាសការផ្តល់ហិរញ្ញប្បទានយោធាបរទេសសរុបចំនួន ៧១៣លានដុល្លារ សម្រាប់អ៊ុយក្រែន និងដៃគូ ហើយនិងសម្ព័ន្...