ព័ត៌មានអន្តរជាតិ

ក្រុមហ៊ុនអាកាសចរណ៍ All Nippon Airways Co. ហៅកាត់ថា ANA ដែលជាក្រុមហ៊ុនអាកាសចរណ៍ធំបំផុតរបស់ប្រទេសជប៉ុន បានប្រកាសនៅថ្ងៃពុធ ទី១៥ ខែកក្កដានេះថា ខ្លួននឹងចាប់ផ្តើមជើងហោះហើរក្នុងស្រុកឡើងវិញប្រហែល៩០%នៅខែក្រោយនេះ ដែលនេះបើតាមការចុះផ្សាយរបស់ Jakarta Post ។ស ប្រភពដដែលបានបន្តថា ផ្លូវហោះហើរក្នុងស្រុកចំនួន២២ ដែលតភ្ជាប់ពីកោះ ហុកកៃដូ (Hokkaido) ទីក្រុង អូគីណាវ៉ា (Okinawa) និងទៅកាន់តំបន់ផ្សេងទៀតនៅក្នុងប្រទេសនេះ នឹងត្រូវបើកឡើងវិញមុនគេ ដើម្បីសម្រួលដល់ការធ្វើដំណើររបស់អតិថិជននៅរដូវសម្រាក ។ អ្នកនាំពាក្យរបស់ក្រុមហ៊ុនអាកាសចរណ៍ ANA បាននិយាយថា ជើងហោះហើរក្នុងស្រុកប្រមាណ ២៤ ៨១៤ ជើង គ្រោងនឹងបើកប្រតិបត្តិការ​ហោះ​ហើរនៅខែសីហា ក្រោយពីបានផ្អាកជើងហោះហើរទាំងស្រុងជាច្រើនខែ ដោយសារការឆ្លងរាលដាលវីរុសCovid-19 ៕  ...

រដ្ឋអាជ្ញារបស់ប្រទេសប៊ុលហ្ការី បានសម្រេចផាកពិន័យលោក បយកូ បូរីសូវ (Boyko Borissov) នាយករដ្ឋមន្ត្រីរបស់ប្រទេសនេះជាទឹកប្រាក់ចំនួន៣០០ឡេវ (Levs)ប្រាក់ប៊ុលហ្ការី ស្មើនឹងទឹកប្រាក់១៧៤ដុល្លារអាមេរិក ពីបទមិនពាក់ម៉ាស់ចូលព្រះវិហារ ដែលនេះបើតាមការចុះផ្សាយរបស់ Jakarta Post ។ សូមបញ្ជាក់ជូនថា លោក បយកូ បូរីសូវ បានធ្វើដំណើរទៅកាន់ព្រះវិហារសាសនាគ្រិស្តមួយ Rila Monastery កាលពីថ្ងៃអង្គារ ទី២៣ ខែមិថុនានេះ ដោយនាយករដ្ឋមន្ត្រីរូបនេះ មិនបានពាក់ម៉ាស់មុខទេ ខណៈដែលគ្រិស្តសាសនិកផ្សេងទៀតបានពាក់ម៉ាស់ទៅកាន់ព្រះវិហារជាមួយលោកដែរ ។ លោក គីរីល អាណានីវ (Kiril Ananiev) រដ្ឋមន្ត្រីក្រសួងសុខាភិបាល បាននិយាយថា លោក បយកូ បូរីសូវ បានរំលោភបំពានលើបទបញ្ជារបស់ក្រសួង ដែលបានចេញបញ្ជាអោយប្រជាពលរដ្ឋនៅទូទាំងប្រទេសនេះ ពាក់ម៉ាស់មុខ ខណៈដែលចេញទៅកាន់ទីសាធារណៈ ទីប្រជុំជន និងទៅកាន់កន្លែងណាមួយ ៕  ...

ការិយាល័យស្ថិតិជាតិរបស់ប្រទេសចិន (National Bureau of Statistics) បានបង្ហាញទិន្នន័យមួយ នៅថ្ងៃព្រហស្បតិ៍ ទី១៦ ខែកក្កដានេះ ស្តីពីផលិតផលក្នុងស្រុកសរុប (GDP) របស់ប្រទេសចិន បានកើនឡើង៣.២%នៅត្រីមាសទី២នៃឆ្នាំ២០២០នេះ ដែលនេះបើតាមការចុះសផ្សាយរបស់ CNA ។ ប្រភពដដែលបានបន្តថា មូលហេតុដែលនាំអោយផលិតផលក្នុងស្រុកសរុបរបស់ប្រទេសចិនកើនឡើង គឺដោយសារប្រទេសនេះគ្រប់គ្រងបានល្អនូវការឆ្លងរាលដាលវីរុស-Covid-19 និងបានដំណើរការសកម្មភាពសេដ្ឋកិច្ចឡើងវិញស្ទើរទាំងស្រុង ចាប់តាំងពីខែមីនាឆ្នាំ២០២០នេះ ខណៈដែលវីរុសផ្លូវដង្ហើមមួយនេះ កំពុងឆ្លងរាលដាលខ្លាំងនៅក្នុងប្រទេសមួយចំនួននៅលើពិភពលោក ។ កំណើនផលិតផលក្នុងស្រុកសរុបក្នុងអត្រា៣.២%របស់ចិនប្រចាំត្រីមាសទី២នេះ គឺកើនឡើង២.៥%ខ្ពស់ជាងការប៉ាន់ប្រមាណរបស់ក្រុមសេដ្ឋវិទូ ដែលបានប៉ាន់ប្រមាណក្នុងការស្ទង់មតិរបស់ប្រព័ន្ធផ្សព្វផ្សាយ Reuters ៕...

ក្រសួងការបរទេសរបស់សហរដ្ឋអាមេរិក បានចេញសេចក្តីថ្លែងការណ៍មួយ កាលពីថ្ងៃចន្ទ ទី១៣ ខែកក្កដានេះ ដោយចោទប្រកាន់ប្រទេសចិន ពីបទរំលោភបំពានយកដែនទឹកនៅសមុទ្រចិនខាងត្បូងដោយខុសច្បាប់អន្តរជាតិ ដែលនេះបើតាមការចុះផ្សាយរបស់ Xinhua ។ នៅថ្ងៃដដែលនោះ អ្នកនាំពាក្យស្ថានទូតរបស់ប្រទេសចិនប្រចាំនៅទីក្រុងវ៉ាស៊ីតោន សហរដ្ឋអាមេរិក បានប្រកាសច្រានចោលនូវការចោទប្រកាន់របស់អាមេរិក ដោយបានលើកឡើងថា ការអះអាងកម្មសិទ្ធិនៅដែនទឹកក្នុងសមុទ្រខាងត្បូង គឺជាការអះអាងដោយស្របច្បាប់ ដែលអាមេរិកវិញទេជាអ្នករំលោភបំពានលើដែនទឹករបស់ចិន ។ សូមបញ្ជាក់ជូនថា នេះមិនមែនជាលើកដំបូងទេសម្រាប់សហរដ្ឋអាមេរិក និងប្រទេសចិន ដែលបានប៉ះពាក្យសម្តីគ្នាពាក់ព័ន្ធនឹងបញ្ហានៅសមុទ្រចិនខាងត្បូង ដែលសហរដ្ឋអាមេរិក បានបញ្ជូននាវាចម្បាំងទៅកាន់ទីនោះជាញឹកញាប់ក្នុងគោលដៅធានានាវាចរណ៍នៅលើដែនទឹកអន្តរជាតិ ប៉ុន្តែចិនតែងតែបញ្ជូននាវាចម្បាំងទៅឃ្លាំមើលជានិច្ច និងចោទប្រកាន់អាមេរិកពីបទរំលោភដែនទឹករបស់...

ក្រុមហ៊ុន Huawei Technologies ដែលជាក្រុមហ៊ុនបច្ចេកវិទ្យាធំបំផុតរបស់ប្រទេសចិន បានចេញរបាយការណ៍មួយ នៅថ្ងៃអង្គារ ទី១៤ ខែកក្កដា​នេះ ស្តីពីកំណើននៃការលក់ផលិត ផលរបស់ខ្លួននៅលើទីផ្សារជុំវិញពិភពលោក ដែលបានកើនឡើងលើ១០%នៅឆមាសទី១នៃឆ្នាំ២០២០​នេះ ដែលស្ថិតនៅក្នុងដំណើរយឺត ដែលនេះបើតាមការចុះផ្សាយរបស់ NHK ។ របាយការណ៍ដដែលបានបន្ថែមថា កំណើននៃការលក់ផលិតផល Huawei លើ១០% គឺស្មើនឹងទឹកប្រាក់ប្រមាណជាង៦៥ពាន់លានដុល្លារអាមេរិក ដែលក្នុងរយៈពេល៦ខែនៃឆមាសទីនៃឆ្នាំ២០១៩កន្លងទៅ កំណើននៃការលក់កើនឡើងលើ១៣% ។ ផលិតផលរបស់ក្រុមហ៊ុន Huawei Technologies ប្រទេសចិន គឺឧបករណ៍សម្រាប់ប្រើប្រាស់ប្រព័ន្ធបច្ចេកវិទ្យាជំនាន់ទី៥ ដែលហៅកាត់ថា 5G ផលិត​ផលទូរស័ព្ទ Huawei និងផលិតផលអេឡិចត្រូនិកជាច្រើនប្រភេទទៀត ៕...

ចំនួនមនុស្សឆ្លងវីរុសCovid-19ប្រចាំថ្ងៃនៅតែស្ថិតក្នុងកម្រិតខ្ពស់ដដែល ក្នុងរង្វង់ពី១៩ម៉ឺនទៅ២៣ម៉ឺននាក់ ដែលក្នុងរយៈពេល២៤ម៉ោងចុងក្រោយ គិតត្រឹមថ្ងៃអង្គារ ទី១៤ ខែកក្កដានេះ អ្នកឆ្លងវីរុសCovid-19មានចំនួន ១៩៥ ៨៧៨នាក់ និងមនុស្សស្លាប់ប្រចាំថ្ងៃដោយសារវីរុសនេះមានចំនួន ៣៧៣១នាក់ ដែលនេះបើតាមការចុះផ្សាយរបស់ Worldometer ។ ចំពោះមនុស្សឆ្លងវីរុសCovid-19សរុបនៅទូទាំងពិភពលោក គិតត្រឹមថ្ងៃអង្គារនេះ បានកើនឡើងដល់ ១៣ ២២៩ ៧១១ នាក់ និងមនុស្សស្លាប់សរុបបានកើនឡើងដល់ ៥៧៤ ៩៨១ នាក់ ខណៈដែលអ្នកជាសះស្បើយសរុបបានកើនឡើងដល់ ៧ ៦៩១ ៤៧៨ នាក់ ។ ក្នុងរយៈពេល២៤ម៉ោងចុងក្រោយ គិតត្រឹមថ្ងៃអង្គារនេះដែរ ប្រទេសដែលមានមនុស្សឆ្លងវីរុសCovid-19ច្រើនជាងគេនៅលើពិភពលោក គឺសហរដ្ឋអាមេរិក ដែលមានមនុស្សឆ្លងថ្មីប្រចាំថ្ងៃចំនួន ៦៥ ៤៨៨នាក់ ហើយប្រទេសដែលមានមនុស្សស្លាប់ដោយសារវីរុសនេះច្រើនជាងគេ គឺប្រទេសប្រេស៊ីល ដែលមានមនុស្សស្លាប់ថ្មីប្រចាំថ្ងៃចំនួន ៧៧០ នាក់ ៕...