ព័ត៌មានអន្តរជាតិ

ប្រព័ន្ធផ្សព្វផ្សាយ Worldometer បានចុះផ្សាយថា វីរុសCovid-19បានសម្លាប់មនុស្សអស់ជាង៤ពាន់នាក់ក្នុង១ថ្ងៃ គឺចំនួន៤០៤៦នាក់ក្នុងរយៈពេល២៤ម៉ោង គិតត្រឹមព្រឹកថ្ងៃអង្គារ ទី២១ ខែកក្កដានេះ ហើយវីរុសនេះបានចម្លងទៅមនុស្សថ្មីប្រមាណជាង២០ម៉ឺននាក់ គឺចំនួន ២០៥ ៣៤៨នាក់ក្នុងរយៈពេល២៤ម៉ោងដូចគ្នានៅជុំវិញពិភពលោក។ ចំពោះចំនួនមនុស្សឆ្លងវីរុសCovid-19សរុបនៅទូទាំងពិភពលោក បានកើនឡើងដល់ចំនួន ១៤ ៨៥១ ២៩១ នាក់ និងមនុស្សស្លាប់សរុបដោយសារវីរុសនេះបានកើនឡើងដល់ចំនួន ៦១៣ ១៤៦ នាក់ ខណៈដែលមនុស្សជាសះស្បើយពីវីរុសផ្លូវដង្ហើមមួយនក៏បានកើនឡើងដល់ចំនួន ៨ ៩០៦ ៣៦៨ នាក់ផងដែរ។ សហរដ្ឋអាមេរិកនៅតែឈរលំដាប់លេខ១នៅលើពិភពលោក ដែលមានមនុស្សស្លាប់ និងឆ្លងវីរុសCovid-19ច្រើនជាងគេ បន្ទាប់មកប្រទេសប្រេស៊ីល ឥណ្ឌា រុស្ស៊ី និងប្រទេសអាហ្វ្រិកខាងត្បូង៕...

ទិន្នន័យក្រសួងហិរញ្ញវត្ថុរបស់ប្រទេសជប៉ុន បានបង្ហាញនៅថ្ងៃចន្ទ ទី២០ ខែកក្កដានេះថា ការនាំចេញរបស់ប្រទេសនេះ បានធ្លាក់ចុះក្នុងអត្រា២៦.២%កាលពីខែមិថុនា ឆ្នាំ២០២០នេះ ដោយសារការឆ្លងរាលដាលវីរុសCovid-19នៅជុំវិញពិភពលោក ដែលនេះបើតាមការចុះផ្សាយរបស់ CNA។ ទិន្នន័យដដែលបានបន្តថា មូលហេតុដែលនាំអោយការនាំចេញធ្លាក់ចុះ គឺដោយសារការបិទប្រទេស និងការធ្លាក់ចុះតម្រូវការផលិតផលនានាដែលត្រូវបាននាំចេញពីប្រទេសជប៉ុន ដែលក្នុងនោះមានផលិតផលអេឡិចត្រូនិក និងគ្រឿងបន្លាស់រថយន្ត។ សូមរំលឹកជូនថា កាលពីខែឧសភា ឆ្នាំ២០២០ដដែលនេះ ការនាំចេញទំនិញគ្រប់ប្រភេទរបស់ជប៉ុន ក៏បានធ្លាក់ចុះក្នុងអត្រា២៨.៣%ផងដែរ កាលពីខែឧសភា ដែលជាការធ្លាក់ចុះទាប់បំផុតចាប់តាំងពីចុងឆ្នាំ២០១៩កន្លងមក។ ការធ្លាក់ចុះនូវការនាំចេញពីប្រទេសជប៉ុនទៅកាន់ទីផ្សារអន្តរជាតិក្នុងរយៈពេល៤ខែជាប់គ្នានៃឆ្នាំ២០២០នេះ បានធ្វើអោយជប៉ុនខាតបង់ទឹកប្រាក់ប្រមាណជាង២៦៨.៨ពាន់លានយ៉េន ស្មើនឹងទឹកប្រាក់ប្រមា...

ក្រសួងហិរញ្ញវត្ថុរបស់ប្រទេសហ្វីលីពីន បានចេញសេចក្តីប្រកាសមួយ នៅថ្ងៃចន្ទ ទី២០ ខែកក្កដានេះ អំពីធនាគារពិភពលោកដែលបានផ្តល់កម្ចីឥណទានក្នុងទំហំទឹកប្រាក់៣៧០លានដុល្លារអាមេរិកដល់រដ្ឋាភិបាលរបស់ប្រទេសនេះ ដែលនេះបើតាមការចុះផ្សាយរបស់ Xinhua។ ប្រភពដដែលបានបន្តថា កម្ចីឥណទានទាំង៣៧០ដុល្លារអាមេរិកនោះ នឹងត្រូវចំណាយទៅលើគម្រោងគាំទ្រកសិករក្នុងគម្រោងបង្កើនផលិតផលកសិកម្មក្នុងស្រុក ដែលមានប្រជាកសិករប្រមាណជាង៧៥០ ០០០នាក់។ រដ្ឋាភិបាលហ្វីលីពីន មានគម្រោងធ្វើកសិកម្មលើផ្ទៃដីប្រមាណជាង៤.៨លានហិកតា ដោយផ្ទៃដី៥៣%ជាផ្ទៃដីឯកជនរបស់ប្រជាពលរដ្ឋ ដែលត្រូវចំណាយទឹកប្រាក់សរុបប្រមាណជាង៤៧៣.៥៦លានដុល្លារអាមេរិក ដោយធនាគារពិភពលោកផ្តល់កម្ចីឥណទានក្នុងទំហំទឹកប្រាក់៣៧០លានដុល្លារអាមេរិក ហើយសល់ប៉ុន្មានរដ្ឋាភិបាលហ្វីលីពីនជាអ្នកបំពេញ៕  ...

វីរុសCovid-19សម្លាប់មនុស្សអស់ជាង៥ពាន់នាក់ក្នុងរយៈពេល២៤ម៉ោង៣ថ្ងៃជាប់គ្នានៅជុំវិញពិភពលោក គឺថ្ងៃពុធ ព្រហស្បតិ៍ និងថ្ងៃសុក្រនេះ ដែលកាលពីថ្ងៃពុធ មនុស្សចំនួន ៥២៥៥ នាក់បានស្លាប់ ថ្ងៃព្រហស្បតិ៍មនុស្សចំនួន ៥៧៥៤ នាក់បានស្លាប់ និងថ្ងៃសុក្រនេះមានមនុស្សចំនួន ៥៦៤៤ នាក់បានបាត់បង់ជីវិតដោយសារវីរុសCovid-19 ដែលនេះបើតាមការចុះផ្សាយរបស់ Worldometer។ ចំពោះមនុស្សឆ្លងវីរុសCovid-19ប្រចាំថ្ងៃនៅជុំវិញពិភពលោក ក៏បានកើនឡើងក្នុងកម្រិតកាន់តែខ្ពស់ផងដែរក្នុងរយៈពេល៣ថ្ងៃកន្លងមកនេះ គឺក្នុងរយៈពេល២៤ម៉ោងចុងក្រោយគិតត្រឹមថ្ងៃពុធមានមនុស្សឆ្លងថ្មីចំនួន ២១៤ ៧១៦ នាក់ ថ្ងៃព្រហស្បតិ៍មានមនុស្សឆ្លងថ្មីចំនួន ២៣៤ ២៤៥ នាក់ និងថ្ងៃសុក្រនេះមានមនុស្សឆ្លងថ្មីចំនួន២៤១ ២៧០ នាក់។ សូមបញ្ជក់ជូនថា កំណើនមនុស្សឆ្លងវីរុសCovid-19សរុបនៅទូទាំងពិភពលោក គិតត្រឹមព្រឹកថ្ងៃសុក្រនេះបានកើនឡើងដល់ ១៣ ៩៤៦ ៦៣៩ នាក់ និងមនុស្សស្លាប់សរុបដោយសារវីរុសនេះបានកើនឡើងដល់ ៥៩២...

ប្រធានាធិបតីរបស់សហរដ្ឋអាមេរិក លោក ដូណាល់ ត្រាំ បានចុះហត្ថលេខាលើក្រឹត្យមួយ ក្នុងការដកឋានៈពិសេសផ្នែកពាណិជ្ជកម្មចេញពីទីក្រុងហុងកុង ក្រោយពីរដ្ឋាភិបាលរបស់ប្រទេសចិន បានសម្រេចដាក់ច្បាប់សន្តិសុខជាតិអោយទីក្រុងនេះអនុវត្ត ដែលនេះបើតាមការចុះផ្សាយរបស់ Xinhua។ ឋានៈពិសេសផ្នែកពាណិជ្ជកម្មរបស់ទីក្រុងហុងកុង ដែលសហរដ្ឋអាមេរិកបានផ្តល់អោយ គឺការនាំទំនិញគ្រប់ប្រភេទចេញពីទីក្រុងនេះទៅកាន់ទីផ្សារអាមេរិក មិនត្រូវជាប់ពន្ធនាំចូលនោះទេ ទោះបីជាសហរដ្ឋអាមេរិក មានសង្គ្រាមពាណិជ្ជកម្មជាមួយប្រទេសចិន ដោយបានដំឡើងតម្លៃពន្ធនាំចូលទៅវិញទៅមកក៏ដោយ។ អ្នកជំនាញផ្នែកសេដ្ឋកិច្ចបានទាញហេតុផលថា ជម្លោះរវាងចិន និងអាមេរិកនេះ មិនបានផ្តល់ផលប្រយោជន៍អោយទីក្រុងហុងកុងទេ ហើយអាមេរិកក៏ខាតប្រយោជន៍ច្រើនជាងចិនដែរ ដោយសារការនាំចេញទំនិញគ្រប់ប្រភេទពីហុងកុងទៅអាមេរិកមានតម្លៃទឹកប្រាក់តែជាង៥ពាន់លានដុល្លារក្នុងមួយឆ្នាំ តែអាមេរិក បាននាំចូលទំនិញតម្លៃជាង៣០ពាន់លានដុល្...

ចំនួនមនុស្សស្លាប់ និងមនុស្សឆ្លងវីរុសCovid-19នៅទូទាំងពិភពលោក បានហក់ឡើងជាលំដាប់ ដោយមិនទាន់មានសញ្ញាថយចុះនៅឡើយទេ ដែលគិតត្រឹមព្រឹកថ្ងៃពុធ ទី១៥ ខែកក្កដានេះ មនុស្សស្លាប់សរុបដោយសារវីរុសនេះបានកើនឡើងដល់ជិត៦០ម៉ឺននាក់ហើយ គឺចំនួន ៥៨០ ២៣០នាក់ ដែលនេះបើតាមការចុះផ្សាយរបស់ Worldometer។ ចំពោះមនុស្សឆ្លងវីរុសផ្លូវដង្ហើមមួយនេះ ក៏បានហក់ឡើងក្នុងអត្រាខ្ពស់ជារៀងរាល់ថ្ងៃដែរ ដែលគិតត្រឹមព្រឹកថ្ងៃពុធនេះ ចំនួនមនុស្សឆ្លងវីរុសCovid-19សរុបនៅទូទាំងពិភពលោក បានកើនឡើងដល់ ១៣ ៤៤៥ ២៩៩ នាក់ និងមនុស្សប្រមាណ ៧ ៨៣១ ២០០ នាក់បានជាសះស្បើយពីវីរុសនេះ។ សូមបញ្ជាក់ជូនថា ក្នុងរយៈពេល២៤ម៉ោងចុងក្រោយ គិតត្រឹមព្រឹកថ្ងៃពុធនេះ មនុស្សស្លាប់ថ្មីដោយសារវីរុសCovid-19នៅជុំវិញពិភពលោកមានចំនួន ៥២៥៥ នាក់ និងមនុស្សឆ្លងថ្មីនៃវីរុសនេះមានចំនួន ២១៤ ៧១៦ នាក់៕...