ព័ត៌មានអន្តរជាតិ

សារសម្តេចតេជោនាយករដ្ឋមន្រ្តីនៃព្រះរាជាណាចក្រកម្ពុជា«ជាដំបូងគឺពលរដ្ឋខ្មែរមានការយល់ដឹងពីជំងឺឆ្លងកូវីដ១៩ ហើយចូលរួមទប់ស្កាត់ទាំងអស់គ្នា ដែលគិតរហូតមកដល់ពេលនេះ គឺមិនទាន់មានប្រភពដែលបង្ហាញថាជំងឺកូវីដ១៩ មានថ្នាំព្យាបាលនៅឡើយទេ។ មកទល់សព្វថ្ងៃ គឺយើងមានតែវិធានការបង្ការទប់ស្កាត់ និងការពារនៃការរីករាលដាលតែប៉ុណ្ណោះ»។ សម្តេចរំលឹកថា បណ្ដាប្រទេសជាច្រើនបានដាក់ចេញនូវវិធានការរបស់ខ្លួនជាបន្តបន្ទាប់ ដើម្បីរួមគ្នាប្រយុទ្ធប្រឆាំង និងទប់ស្កាត់ការរីករាល​ដាលនៃជំងឺកូវីដ ១៩ ដ៏សាហាវបំផុតនេះ។ ប្រទេសកម្ពុជា ក្រោមការដឹកនាំរបស់ សម្តេចតេជោ ហ៊ុន សែន អាចចាត់ទុកថាជាប្រទេសដែលទទួលបានជោគជ័យក្នុងវិធានការទប់ស្កាត់ទាន់ពេលវេលានៃការរីករាលដាលជំងឺរាតត្បាតកូវីដ១៩ ដែលសម្តេចប្រមុខដឹកនាំបានដាក់ចេញនូវវិធានការបន្ទាន់ជាបន្តបន្ទាប់ប្រកបដោយប្រសិទ្ធភាពក្នុងការចូលរួមជាមួយពិភពលោកក្នុងការប្រយុទ្ធប្រឆាំងនឹងការរីករាលដាលជំងឺឆ្លងកូវីដ១៩។ ទន្ទឹមនឹងកា...

ក្នុងរយៈពេលជិតមួយសប្តាហ៍កន្លងមកនេះ កំណើននៃការឆ្លងវីរុសCovid-19ប្រចាំថ្ងៃនៅជុំវិញពិភពលោក បានកើនឡើងជាបន្តបន្ទាប់រហូតដល់ជាង២២ម៉ឺននាក់ហើយ ដែលក្នុងរយៈពេល២៤ម៉ោងចុងក្រោយ គិតត្រឹមព្រឹកថ្ងៃសុក្រទី១០ ខែកក្កដានេះ មានមនុស្សឆ្លងថ្មីនៃវីរុសCovid-19ចំនួន ២២១ ៥១៧ នាក់ នេះបើតាមការចុះផ្សាយរបស់ Worldometer ។ ចំណែកចំនួនមនុស្សស្លាប់ប្រចាំថ្ងៃដោយសារវីរុសនេះនៅជុំវិញពិភពលោក ក៏បានកើនឡើងដល់ជាង៥ពាន់នាក់ដែរ ដែលគិតត្រឹមព្រឹកថ្ងៃទី១០ ខែកក្កដានេះ មនុស្សស្លាប់ប្រចាំថ្ងៃមានចំនួន ៥៣៦៤ នាក់ ខណៈដែលថ្ងៃព្រហស្បតិ៍ម្សិលមិញ មានមនុស្សស្លាប់ចំនួន ៥៥០៧ នាក់ ។ សូមបញ្ជាក់ថា គិតត្រឹមព្រឹកថ្ងៃសុក្រដូចគ្នានេះ ចំនួនមនុស្សស្លាប់សរុបនៅទូទាំងពិភពលោកបានកើនឡើងដល់ ៥៥៦ ៥៦១នាក់ និងមនុស្សឆ្លងសរុបបានកើនឡើងដល់ ១២ ៣៧៧ ៥៤៦នាក់ ខណៈដែលមនុស្សចំនួន ៧ ១៨១ ១៨៨ នាក់ បានជាសះស្បើយពីវិរុសផ្លូវដង្ហើមមួយនេះ ៕  ...

អង្គការពាណិជ្ជកម្មពិភពលោក (World Trade Organization) ដែលហៅកាត់ថា WTO នឹងរៀបចំការបោះឆ្នោតជ្រើសរើសប្រធាន ថ្មីនៅដំណាច់ខែសីហាខាងមុខ ខណៈដែលលោក Roberto Azevedo ដែលជាអគ្គលេខាធិការរបស់អង្គការនេះបច្ចុប្បន្នត្រូវបញ្ចប់អាណត្តិរបស់ខ្លួន នេះបើតាមការចុះផ្សាយរបស់ NHK World-Japan ។ បេក្ខជនមកពីប្រទេសចំនួន១៦៤ ដែលជាប្រទេសសមាជិករបស់អង្គការនេះ អាចដាក់ពាក្យប្រកួតប្រជែងយកតំណែងនេះបាន ហើយគិតត្រឹមថ្ងៃទី៩ ខែកក្កដា ឆ្នាំ២០២០នេះ មានបេក្ខជនចំនួន៨នាក់ មកពីប្រទេស កូរ៉េខាងត្បូង នីហ្ស៊េរីយ៉ា ម៉ិកស៊ិក អង់គ្លេស អេហ្ស៊ីប ម៉ូលដូវ៉ា កេនយ៉ា និងប្រទេសអារ៉ាប៊ី សាអ៊ូឌីត ។ អ្នកនាំពាក្យអង្គការ WTO បានប្រកាសថា បេក្ខជនទាំង៨នាក់ នឹងឡើងបង្ហាញទស្សនៈរបស់ខ្លួននៅក្នុងអង្គប្រជុំរបស់អង្គការនេះ នៅសប្តាហ៍ក្រោយ ប៉ុន្តែគេមិនទាន់ច្បាស់ទេថា អគ្គលេខាធិការរបស់អង្គការនេះបច្ចុប្បន្ន លោក Roberto Azevedo អាចនឹងត្រូវបានជ្រើសរើសឲ្យបន្តតំណែង ៕  ...

ប្រព័ន្ធផ្សព្វផ្សាយ NHK World-Japan បានចុះផ្សាយនៅថ្ងៃទី៩ ខែកក្កដានេះថា គ្រឹះស្ថានហិរញ្ញវត្ថុធំៗចំនួន៤ របស់ប្រទេសជប៉ុន កំពុងផ្តល់ការគាំទ្រដល់ជនរងគ្រោះដោយសារគ្រោះមហន្តរាយធម្មជាតិភ្លៀងធ្លាក់ខ្លាំង ដែលបង្កឲ្យមានទឹកជំនន់ និងបំណាក់ដីនៅក្នុងប្រទេសនេះ ។ ប្រភពដដែលបានបន្តថា គ្រឹះស្ថានហិរញ្ញវត្ថុធំៗចំនួន៤អង្គភាពនេះ នឹងផ្តល់ប្រាក់កម្ចីក្នុងអត្រាការប្រាក់ទាបបំផុតដល់ប្រជាពលរដ្ឋទាំងឡាយណា ដែលទទួលរងផលប៉ះពាល់ធ្ងន់ធ្ងរដោយសារភ្លៀងធ្លាក់ខ្លាំង ដោយយកប្រាក់កម្ចីនេះទៅជួសជុលលំនៅឋាន ឬយកទៅសាងសង់លំនៅឋានថ្មី ដោយសារលំនៅឋានចាស់បានខួចខាតដោយសារគ្រោះមហន្តរាយធម្មជាតិភ្លៀងធ្លាក់ខ្លាំង ។ គ្រឹះស្ថានហិរញ្ញវត្ថុធំៗចំនួន៤អង្គភាពនោះ គឺធនាគារ Sumitomo Mitsui ធនាគារMitsubishi UFJ ធនាគារ Mizuho និងធនាគារ Resona ដែលជាគ្រឹះស្ថានហិរញ្ញវត្ថុធំៗបំផុតនៅប្រទេសជប៉ុន ៕...

មនុស្សស្លាប់ប្រចាំថ្ងៃដោយសារវីរុសកូវីដ-១៩ នៅជុំវិញពិភពលោក មានប្រមាណជាង៥ពាន់នាក់ក្នុងមួយថ្ងៃ រយៈពេល២ថ្ងៃជាប់គ្នា ក្នុងរយៈពេល២៤ម៉ោងចុងក្រោយ គិតត្រឹមព្រឹកថ្ងៃទី៩ ខែកក្កដានេះ មនុស្សស្លាប់ថ្មីដោយសារវីរុសនេះមានចំនួន ៥៥១៨ នាក់ និងមនុស្សឆ្លងថ្មីក្នុងរយៈពេល២៤ម៉ោងដូចគ្មានមានចំនួន ២១៣ ២៨០ នាក់ ដែលនេះបើតាមការចុះផ្សាយរបស់ Worldometer ។ ចំពោះមនុស្សស្លាប់សរុបនៅទូទាំងពិភពលោក គិតត្រឹមថ្ងៃទី៩ ខែកក្កដានេះ បានកើនឡើងដល់ចំនួន ៥៥១ ១៩២ នាក់ និងមនុស្សឆ្លងសរុបបានកើនឡើងដល់ ១២ ១៥៥ ៦០៣ នាក់ ខណៈដែលមនុស្សជាសះស្បើយពីវីរុសនេះ បានកើនឡើងដល់ ៧ ០២៥ ២៧៦ នាក់ ។ សូមបញ្ជាក់ថា សហរដ្ឋអាមេរិកនៅតែឈរក្នុងលំដាប់លេខ១នៅលើពិភពលោក ដែលមានមនុស្សឆ្លងវីរុសកូវីដ-១៩ ច្រើនជាងគេបំផុត និងមនុស្សស្លាប់ដោយសារវីរុសនេះច្រើនជាងគេផងដែរ ដែលគិតត្រឹមថ្ងៃទី៩ ខែកក្កដា ឆ្នាំ២០២០នេះ មនុស្សឆ្លងសរុបនៅអាមេរិកបានកើនឡើងដល់ចំនួន ៣ ១៥៨ ៩៣២ នាក់ ដោយបន្ថែមអ្នកឆ្លងថ...

មេទ័ពរបស់សហរដ្ឋអាមេរិក ឧត្តមសេនីយ៍ Frank McKenzie បាននិយាយកាលពីថ្ងៃទី៨ ខែកក្កដានេះថា លោកមិនជឿទេថា មេដឹកនាំរបស់ប្រទេសរុស្ស៊ីនឹងចំណាយប្រាក់ឲ្យគេសម្លាប់ទាហានអាមេរិកនៅប្រទេសអាហ្វហ្កានិស្ថាននោះទេ នេះបើតាមការចុះផ្សាយរបស់ CNA ។ មេទ័ពអាមេរិក បានលើកឡើងបែបនេះ ក្រោយពីមន្ទីរបញ្ចកោណបានបង្ហាញរបាយការណ៍ស៊ើបអង្កេតរបស់ទីភ្នាក់ងារចារកម្មដែលបានបង្ហាញថា ប្រទេសរុស្ស៊ីអាចចំណាយទឹកយ៉ាងច្រើនសម្បើមឲ្យទៅក្រុមសកម្មប្រយុទ្ធរបស់ពួកឧទ្ទាមតាលីបង់នៅប្រទេសអាហ្វហ្កានិស្ថាន ដើម្បីសម្លាប់កងទ័ពអាមេរិក និងកងទ័ពបរទេសផ្សេងទៀតនៅក្នុងប្រទេសនេះ ។ សូមបញ្ជាក់ថា សង្គ្រាមនៅប្រទេសអាហ្វហ្កានិស្ថាន បានឆាបឆេះឡើងចាប់តាំងពីឆ្នាំ២០០១ ក្រោយពីសហរដ្ឋអាមេរិកបានវាយប្រហារទម្លាក់រដ្ឋាភិបាលតាលីបង់ ដោយចោទប្រកាន់ពីបទវាយប្រហារភេរវកម្មលើអគារពាណិជ្ជកម្មពិភពលោកនៅសហរដ្ឋអាមេរិក ហើយកងកម្លាំងរដ្ឋាភិបាលតាលីបង់ បានក្លាយជាពួកឧទ្ទាម និងប្រយុទ្ធជាមួយសហរដ្ឋអាមេរ...

រដ្ឋាភិបាលរបស់សហរដ្ឋអាមេរិក បានប្រកាសផ្តល់ប្រាក់រង្វាន់ចំនួន១៦០០លានដុល្លារដល់ក្រុមហ៊ុន Novavax Inc ដើម្បីសាកល្បង និងផលិតវ៉ាក់សាំងការពារវីរុសកូវីដ-១៩ ដ៏មានប្រសិទ្ធភាពសម្រាប់សហរដ្ឋអាមេរិក នេះបើតាម The Jakarta Post ដែលបានចុះផ្សាយនៅថ្ងៃពុធ ទី៨ ខែកក្កដានេះ ។ ប្រភពដដែលបានបន្តថា តាមការរំពឹងទុក ក្រុមហ៊ុន Novavax Inc ដែលមានទីតាំងនៅរដ្ឋម៉ារីលែន សហរដ្ឋអាមេរិក នឹងផលិតបានវ៉ាក់សាំងប្រមាណ១០០លានដូស នៅខែមករា ឆ្នាំ២០២១ខាងមុខសម្រាប់សហរដ្ឋអាមេរិក ។ សេចក្តីប្រកាសផ្តល់ប្រាក់រង្វាន់១៦០០ដុល្លារនេះ ត្រូវបានធ្វើឡើងដោយក្រសួងសុខាភិបាល និងប្រជាសេវា ក្នុងក្តីសង្ឃឹមថា សហរដ្ឋអាមេរិកនឹងមានវ៉ាក់សាំងការពារវីរុសកូវីដ-១៩ មុនគេនៅលើពិភពលោក ហើយប្រទេសដទៃទៀត អាចនឹងស្នើសុំទិញវ៉ាក់សាំងនេះពីអាមេរិកនៅពេលក្រោយ ៕...

អ្នកនាំពាក្យសេតវិមានសហរដ្ឋអាមេរិក បានប្រកាសកាលពីថ្ងៃទី០៧ ខែកក្កដានេះថា លោកប្រធានាធិបតី ដូណាល់ ត្រាំ បានសម្រេចដកអាមេរិកចេញពីសមាជិកភាពរបស់អង្គការសុខភាពពិភពលោក (WHO) ជាផ្លូវការហើយ នេះបើតាមការចុះផ្សាយរបស់ CNN ។ មូលហេតុដែលនាំឲ្យលោក ត្រាំ សម្រេចចិត្តដកអាមេរិកចេញពីអង្គការ WHO គឺដោយសារប្រធានា ធិបតីអាមេរិករូបនេះ បានទម្លាក់កំហុសទៅលើអង្គការ(WHO)ថា គ្មានសមត្ថភាពក្នុងការជូនដំណឹងអំពីផលប៉ះពាល់ធ្ងន់ធ្ងរដែលកើតចេញពីការឆ្លងរាលដាលវីរុសកូវីដ-១៩នៅសហរដ្ឋអាមេរិក និងនៅជុំវិញពិភពលោក ។ សូមបញ្ជាក់ថា លោក ត្រាំ មិនត្រឹមតែដកអាមេរិកចេញពីសមាជិកភាពរបស់អង្គការ WHO ទេ ប្រធានាធិបតីអាមេរិករូបនេះបានដកអាមេរិកចេញពីកិច្ចព្រមព្រៀងច្រើនទៀត មានកិច្ចព្រមព្រៀងបម្រែបម្រួលអាកាសធាតុទីក្រុងប៉ារីស កិច្ចព្រមព្រៀងនុយក្លេអ៊ែរអ៊ីរ៉ង់ កិច្ចព្រមព្រៀងដៃគូពាណិជ្ជកម្មអន្តរប៉ាស៊ីហ្វិក និងនាំអាមេរិកឲ្យចេញពីអង្គការយូណេស្កូ ៕  ...

ប្រព័ន្ធផ្សព្វផ្សាយ NHK World-Japan បានចុះផ្សាយថា ក្រុមហ៊ុនផលិតរថយន្តរបស់ប្រទេសជប៉ុន មានក្រុមហ៊ុន តូយ៉ូតា នីសាន់ ហុងដា ស៊ុយស៊ុយគី និងក្រុមហ៊ុន មីតស៊ូប៊ីស៊ី កំពុងស្វះស្វែងរកការ បើករោងចក្រផលិតរថយន្តរបស់ខ្លួនឡើងវិញនៅក្រៅប្រទេស ដែលត្រូវបានបិទទ្វារដោយសារការឆ្លងរាលដាលវីរុសកូរ៉ូណាថ្មី ។ ក្រុមហ៊ុនតូយ៉ូតា បានបើកប្រតិបត្តិការផលរថយន្តរបស់ខ្លួនទាំងស្រុងនៅប្រទេសប្រេស៊ីល និង ព័រទុយហ្កាល់ ខណៈដែលប្រទេសទាំងពីរនេះ មានកំណើនខ្ពស់នៃការឆ្លងរាលដាលវីរុសកូវីដ-១៩ ។ ការចាប់ផ្តើមបើកទ្វារក្រុមហ៊ុនផលិតរថយន្តឡើងវិញ ត្រូវបានធ្វើឡើងដើម្បីបំពេញការផ្គត់ផ្គង់គ្រឿងបន្លាស់រថយន្ត និងបំពេញតម្រូវការរថយន្តនៅក្នុងប្រទេសនានានៅជុំវិញពិភពលោក ៕...

ប្រធានាធិបតីរបស់ប្រទេសរុស្ស៊ី លោក វ៉្លាឌីមៀរ ពូទីន (Vladimir Putin) នឹងក្លាយជាប្រធានាធិបតីអស់មួយជីវិត ក្រោយពីប្រជាពលរដ្ឋប្រមាណ៣ភាគ៤បានបោះឆ្នោតប្រជាមតិគាំទ្រលោក ពូទីន ឲ្យកាន់តំណែងរហូតដល់ឆ្នាំ២០៣៦ខាងមុខ នេះបើតាមការចុះផ្សាយរបស់ The Hill ។ សូមរំលឹកថា កាលពីថ្ងៃទី៣០ ខែមិថុនា ឆ្នាំ២០២០នេះ រដ្ឋាភិបាលរុស្ស៊ីបានរៀបចំការបោះឆ្នោតប្រជាមតិមួយក្នុងការធ្វើកំណែទម្រង់រដ្ឋធម្មនុញ្ញ ដែលជាការបើកផ្លូវឲ្យប្រធានាធិបតីរូននេះ អាចកាន់តំណែងរហូតដល់ឆ្នាំ២០៣៦ ដោយមានការគាំទ្រពីប្រជាពលរដ្ឋម្ចាស់ឆ្នោតយ៉ាងច្រើនលើសលប់រហូតដល់៣ភាគ៤ ។ លោក ពូទីន កើតនៅថ្ងៃទី៧ ខែតុលា ឆ្នាំ១៩៥២ ដែលនៅឆ្នាំ២០២០នេះលោកមានអាយុជិត៦៨ឆ្នាំហើយ ហើយបើប្រធានាធិបតីរូបនេះកាន់តំណែងរហូតដល់ឆ្នាំ២០៣៦ គឺលោក ពូទីន នឹងមានអាយុ ៨៤ឆ្នាំ ដែលជាអាយុកាន់តំណែងប្រធានាធិបតីចុងក្រោយ ៕  ...