ព័ត៌មានអន្តរជាតិ

មនុស្សស្លាប់ប្រចាំថ្ងៃដោយសារវីរុសកូវីដ-១៩ នៅជុំវិញពិភពលោក មានប្រមាណជាង៥ពាន់នាក់ក្នុងមួយថ្ងៃ រយៈពេល២ថ្ងៃជាប់គ្នា ក្នុងរយៈពេល២៤ម៉ោងចុងក្រោយ គិតត្រឹមព្រឹកថ្ងៃទី៩ ខែកក្កដានេះ មនុស្សស្លាប់ថ្មីដោយសារវីរុសនេះមានចំនួន ៥៥១៨ នាក់ និងមនុស្សឆ្លងថ្មីក្នុងរយៈពេល២៤ម៉ោងដូចគ្មានមានចំនួន ២១៣ ២៨០ នាក់ ដែលនេះបើតាមការចុះផ្សាយរបស់ Worldometer ។ ចំពោះមនុស្សស្លាប់សរុបនៅទូទាំងពិភពលោក គិតត្រឹមថ្ងៃទី៩ ខែកក្កដានេះ បានកើនឡើងដល់ចំនួន ៥៥១ ១៩២ នាក់ និងមនុស្សឆ្លងសរុបបានកើនឡើងដល់ ១២ ១៥៥ ៦០៣ នាក់ ខណៈដែលមនុស្សជាសះស្បើយពីវីរុសនេះ បានកើនឡើងដល់ ៧ ០២៥ ២៧៦ នាក់ ។ សូមបញ្ជាក់ថា សហរដ្ឋអាមេរិកនៅតែឈរក្នុងលំដាប់លេខ១នៅលើពិភពលោក ដែលមានមនុស្សឆ្លងវីរុសកូវីដ-១៩ ច្រើនជាងគេបំផុត និងមនុស្សស្លាប់ដោយសារវីរុសនេះច្រើនជាងគេផងដែរ ដែលគិតត្រឹមថ្ងៃទី៩ ខែកក្កដា ឆ្នាំ២០២០នេះ មនុស្សឆ្លងសរុបនៅអាមេរិកបានកើនឡើងដល់ចំនួន ៣ ១៥៨ ៩៣២ នាក់ ដោយបន្ថែមអ្នកឆ្លងថ...

មេទ័ពរបស់សហរដ្ឋអាមេរិក ឧត្តមសេនីយ៍ Frank McKenzie បាននិយាយកាលពីថ្ងៃទី៨ ខែកក្កដានេះថា លោកមិនជឿទេថា មេដឹកនាំរបស់ប្រទេសរុស្ស៊ីនឹងចំណាយប្រាក់ឲ្យគេសម្លាប់ទាហានអាមេរិកនៅប្រទេសអាហ្វហ្កានិស្ថាននោះទេ នេះបើតាមការចុះផ្សាយរបស់ CNA ។ មេទ័ពអាមេរិក បានលើកឡើងបែបនេះ ក្រោយពីមន្ទីរបញ្ចកោណបានបង្ហាញរបាយការណ៍ស៊ើបអង្កេតរបស់ទីភ្នាក់ងារចារកម្មដែលបានបង្ហាញថា ប្រទេសរុស្ស៊ីអាចចំណាយទឹកយ៉ាងច្រើនសម្បើមឲ្យទៅក្រុមសកម្មប្រយុទ្ធរបស់ពួកឧទ្ទាមតាលីបង់នៅប្រទេសអាហ្វហ្កានិស្ថាន ដើម្បីសម្លាប់កងទ័ពអាមេរិក និងកងទ័ពបរទេសផ្សេងទៀតនៅក្នុងប្រទេសនេះ ។ សូមបញ្ជាក់ថា សង្គ្រាមនៅប្រទេសអាហ្វហ្កានិស្ថាន បានឆាបឆេះឡើងចាប់តាំងពីឆ្នាំ២០០១ ក្រោយពីសហរដ្ឋអាមេរិកបានវាយប្រហារទម្លាក់រដ្ឋាភិបាលតាលីបង់ ដោយចោទប្រកាន់ពីបទវាយប្រហារភេរវកម្មលើអគារពាណិជ្ជកម្មពិភពលោកនៅសហរដ្ឋអាមេរិក ហើយកងកម្លាំងរដ្ឋាភិបាលតាលីបង់ បានក្លាយជាពួកឧទ្ទាម និងប្រយុទ្ធជាមួយសហរដ្ឋអាមេរ...

រដ្ឋាភិបាលរបស់សហរដ្ឋអាមេរិក បានប្រកាសផ្តល់ប្រាក់រង្វាន់ចំនួន១៦០០លានដុល្លារដល់ក្រុមហ៊ុន Novavax Inc ដើម្បីសាកល្បង និងផលិតវ៉ាក់សាំងការពារវីរុសកូវីដ-១៩ ដ៏មានប្រសិទ្ធភាពសម្រាប់សហរដ្ឋអាមេរិក នេះបើតាម The Jakarta Post ដែលបានចុះផ្សាយនៅថ្ងៃពុធ ទី៨ ខែកក្កដានេះ ។ ប្រភពដដែលបានបន្តថា តាមការរំពឹងទុក ក្រុមហ៊ុន Novavax Inc ដែលមានទីតាំងនៅរដ្ឋម៉ារីលែន សហរដ្ឋអាមេរិក នឹងផលិតបានវ៉ាក់សាំងប្រមាណ១០០លានដូស នៅខែមករា ឆ្នាំ២០២១ខាងមុខសម្រាប់សហរដ្ឋអាមេរិក ។ សេចក្តីប្រកាសផ្តល់ប្រាក់រង្វាន់១៦០០ដុល្លារនេះ ត្រូវបានធ្វើឡើងដោយក្រសួងសុខាភិបាល និងប្រជាសេវា ក្នុងក្តីសង្ឃឹមថា សហរដ្ឋអាមេរិកនឹងមានវ៉ាក់សាំងការពារវីរុសកូវីដ-១៩ មុនគេនៅលើពិភពលោក ហើយប្រទេសដទៃទៀត អាចនឹងស្នើសុំទិញវ៉ាក់សាំងនេះពីអាមេរិកនៅពេលក្រោយ ៕...

អ្នកនាំពាក្យសេតវិមានសហរដ្ឋអាមេរិក បានប្រកាសកាលពីថ្ងៃទី០៧ ខែកក្កដានេះថា លោកប្រធានាធិបតី ដូណាល់ ត្រាំ បានសម្រេចដកអាមេរិកចេញពីសមាជិកភាពរបស់អង្គការសុខភាពពិភពលោក (WHO) ជាផ្លូវការហើយ នេះបើតាមការចុះផ្សាយរបស់ CNN ។ មូលហេតុដែលនាំឲ្យលោក ត្រាំ សម្រេចចិត្តដកអាមេរិកចេញពីអង្គការ WHO គឺដោយសារប្រធានា ធិបតីអាមេរិករូបនេះ បានទម្លាក់កំហុសទៅលើអង្គការ(WHO)ថា គ្មានសមត្ថភាពក្នុងការជូនដំណឹងអំពីផលប៉ះពាល់ធ្ងន់ធ្ងរដែលកើតចេញពីការឆ្លងរាលដាលវីរុសកូវីដ-១៩នៅសហរដ្ឋអាមេរិក និងនៅជុំវិញពិភពលោក ។ សូមបញ្ជាក់ថា លោក ត្រាំ មិនត្រឹមតែដកអាមេរិកចេញពីសមាជិកភាពរបស់អង្គការ WHO ទេ ប្រធានាធិបតីអាមេរិករូបនេះបានដកអាមេរិកចេញពីកិច្ចព្រមព្រៀងច្រើនទៀត មានកិច្ចព្រមព្រៀងបម្រែបម្រួលអាកាសធាតុទីក្រុងប៉ារីស កិច្ចព្រមព្រៀងនុយក្លេអ៊ែរអ៊ីរ៉ង់ កិច្ចព្រមព្រៀងដៃគូពាណិជ្ជកម្មអន្តរប៉ាស៊ីហ្វិក និងនាំអាមេរិកឲ្យចេញពីអង្គការយូណេស្កូ ៕  ...

ប្រព័ន្ធផ្សព្វផ្សាយ NHK World-Japan បានចុះផ្សាយថា ក្រុមហ៊ុនផលិតរថយន្តរបស់ប្រទេសជប៉ុន មានក្រុមហ៊ុន តូយ៉ូតា នីសាន់ ហុងដា ស៊ុយស៊ុយគី និងក្រុមហ៊ុន មីតស៊ូប៊ីស៊ី កំពុងស្វះស្វែងរកការ បើករោងចក្រផលិតរថយន្តរបស់ខ្លួនឡើងវិញនៅក្រៅប្រទេស ដែលត្រូវបានបិទទ្វារដោយសារការឆ្លងរាលដាលវីរុសកូរ៉ូណាថ្មី ។ ក្រុមហ៊ុនតូយ៉ូតា បានបើកប្រតិបត្តិការផលរថយន្តរបស់ខ្លួនទាំងស្រុងនៅប្រទេសប្រេស៊ីល និង ព័រទុយហ្កាល់ ខណៈដែលប្រទេសទាំងពីរនេះ មានកំណើនខ្ពស់នៃការឆ្លងរាលដាលវីរុសកូវីដ-១៩ ។ ការចាប់ផ្តើមបើកទ្វារក្រុមហ៊ុនផលិតរថយន្តឡើងវិញ ត្រូវបានធ្វើឡើងដើម្បីបំពេញការផ្គត់ផ្គង់គ្រឿងបន្លាស់រថយន្ត និងបំពេញតម្រូវការរថយន្តនៅក្នុងប្រទេសនានានៅជុំវិញពិភពលោក ៕...

ប្រធានាធិបតីរបស់ប្រទេសរុស្ស៊ី លោក វ៉្លាឌីមៀរ ពូទីន (Vladimir Putin) នឹងក្លាយជាប្រធានាធិបតីអស់មួយជីវិត ក្រោយពីប្រជាពលរដ្ឋប្រមាណ៣ភាគ៤បានបោះឆ្នោតប្រជាមតិគាំទ្រលោក ពូទីន ឲ្យកាន់តំណែងរហូតដល់ឆ្នាំ២០៣៦ខាងមុខ នេះបើតាមការចុះផ្សាយរបស់ The Hill ។ សូមរំលឹកថា កាលពីថ្ងៃទី៣០ ខែមិថុនា ឆ្នាំ២០២០នេះ រដ្ឋាភិបាលរុស្ស៊ីបានរៀបចំការបោះឆ្នោតប្រជាមតិមួយក្នុងការធ្វើកំណែទម្រង់រដ្ឋធម្មនុញ្ញ ដែលជាការបើកផ្លូវឲ្យប្រធានាធិបតីរូននេះ អាចកាន់តំណែងរហូតដល់ឆ្នាំ២០៣៦ ដោយមានការគាំទ្រពីប្រជាពលរដ្ឋម្ចាស់ឆ្នោតយ៉ាងច្រើនលើសលប់រហូតដល់៣ភាគ៤ ។ លោក ពូទីន កើតនៅថ្ងៃទី៧ ខែតុលា ឆ្នាំ១៩៥២ ដែលនៅឆ្នាំ២០២០នេះលោកមានអាយុជិត៦៨ឆ្នាំហើយ ហើយបើប្រធានាធិបតីរូបនេះកាន់តំណែងរហូតដល់ឆ្នាំ២០៣៦ គឺលោក ពូទីន នឹងមានអាយុ ៨៤ឆ្នាំ ដែលជាអាយុកាន់តំណែងប្រធានាធិបតីចុងក្រោយ ៕  ...

សហរដ្ឋអាមេរិកនៅតែបន្តឈរលំដាប់លេខ១នៅលើពិភពលោក ដែលមានមនុស្សស្លាប់ និងឆ្លងវីរុសកូវីដ-១៩ ច្រើនជាងគេ ដែលគិតត្រឹមថ្ងៃទី៧ ខែកក្កដានេះ ដែលមានមនុស្សស្លាប់សរុបជាង១៣ម៉ឺននាក់ គឺចំនួន ១៣២ ៩៧៩ នាក់ និងមនុស្សឆ្លងសរុប ៣លាននាក់គឺចំនួន ៣ ០៤០ ៨៣៣ នាក់ ហើយប្រទេសប្រេស៊ីលឈរលំដាប់លេខ២ និងប្រទេសឥណ្ឌាឈរក្នុងលំដាប់លេខ៣ នេះបើតាមការចុះផ្សាយរបស់Worldometer ។ គិតត្រឹមថ្ងៃទី០៧ ខែកក្កដានេះចំនួនមនុស្សស្លាប់សរុបនៅទូទាំងពិភពលោក បានកើនឡើងដល់ចំនួន ៥៤០ ៦៦០ នាក់ និងមនុស្សឆ្លងសរុបបានកើនឡើងដល់ចំនួន ១១ ៧៣៩ ១៦៧ នាក់ ខណៈដែលអ្នកជំងឺកូវីដ-១៩ ចំនួន ៦ ៦៤១ ៨៦៤ នាក់បានជាសះស្បើយពីវីរុសនេះ ។ សូមបញ្ជាក់ជូនថា ក្នុងរយៈពេល២៤ម៉ោងចុងក្រោយ គិតត្រឹមថ្ងៃទី០៧ ខែកក្កដា ឆ្នាំ២០២០នេះ មនុស្សស្លាប់ថ្មីដោយសារវីរុសកូវីដ-១៩នេះ នៅលើពិភពលោកមានចំនួន ៣៥៨៣ នាក់ និងមនុស្សឆ្លងថ្មីសរុបចំនួន ១៧១ ៥០៨ នាក់ ៕...

ក្រុមហ៊ុនស្រាវជ្រាវឯកជន Tokyo Shoko Research នៅប្រទេសជប៉ុន បានឲ្យដឹងនៅថ្ងៃទី៦ ខែកក្កដានេះថា ក្រុមហ៊ុនកាន់តែច្រើននៅក្នុងប្រទេសជប៉ុន បានស្នើសុំបុគ្គលិករបស់ខ្លួនឲ្យចូលនិវត្តន៍មុនកាលកំណត់ ខណៈដែលផលប៉ះពាល់ផ្នែកហិរញ្ញវត្ថុរបស់ក្រុមហ៊ុនកើតមានកាន់តែខ្លាំង ដោយសារការឆ្លងរាលដាលវីរុសកូវីដ-១៩ ។ អ្នកនាំពាក្យក្រុមហ៊ុនស្រាវជ្រាវឯកជន Tokyo Shoko Research បាននិយាយថា ចាប់តាំងពីរដ្ឋាភិ បាលបានបិទសេដ្ឋកិច្ច និងបិទប្រទេសដោយសារវីរុសកូវីដ-១៩ ក្រុមហ៊ុនចំនួន៤១ បានស្នើសុំឲ្យបុគ្គលិករបស់ខ្លួនចូលនិវត្តន៍មុនកាលកំណត់ ។ អ្នកនាំពាក្យដដែលបានបន្តថា បុគ្គលិកវ័យចំណាស់ប្រមាណជាង៧២០០នាក់ គឺជាគោលដៅដែលក្រុមហ៊ុនស្នើសុំឲ្យចូលនិវត្តន៍មុនកាលកំណត់ ហើយនៅពេលខាងមុខ អាចនឹងមានក្រុមហ៊ុនច្រើនទៀត ស្នើសុំបុគ្គលិករបស់ខ្លួនឲ្យចូលនិវត្តន៍ ប្រសិនបើវីរុសកូវីដ-១៩ នៅតែបន្តមានវត្តមាននៅលើភពផែនដី ៕...

ក្រសួងសេដ្ឋកិច្ច ពាណិជ្ជកម្ម និងឧស្សាហកម្មរបស់ប្រទេសជប៉ុន បានចេញសេចក្តីប្រកាសនៅថ្ងៃទី៦ ខែកក្កដា ឆ្នាំ២០២០នេះ អំពីការជ្រើសរើសក្រុមហ៊ុនធំៗរបស់ខ្លួនប្រមាណជាង១០០ក្រុមហ៊ុន ឲ្យជួយជ្រោមជ្រែកដល់កំណើនសេដ្ឋកិច្ចសកល ដែលកំពុងទទួលរងផលប៉ះពាល់ដោយសារការឆ្លងរាលដាលដ-១៩ នេះបើតាមការចុះផ្សាយរបស់ NHK World-Japan ។ ក្រុមហ៊ុនធំៗជាង១០០ក្រុមហ៊ុន ដែលក្រសួងសេដ្ឋកិច្ច ពាណិជ្ជកម្ម និងឧស្សាហកម្មរបស់ប្រទេសជប៉ុន បានជ្រើសរើសនោះ គឺក្រុមហ៊ុនភាគហ៊ុន ក្រុមហ៊ុនបច្ចេកទេស និងក្រុមហ៊ុនយានយន្តជាដើម ដែលជាក្រុមហ៊ុនផ្គត់ផ្គង់ទីផ្សារនៅក្នុងប្រទេសចំនួន១២៥ប្រទេសនៅជុំវិញពិភពលោក ដោយបន្តការការផ្គត់ផ្គង់ចងភ្ជាប់ខ្សែសង្វាក់ផលិតកម្មរបស់ខ្លួន ក្រោយការធូរស្រាល ឬក្រោយការបាត់បង់ទៅនៃវីរុសកូវីដ-១៩ ។ ក្រុមហ៊ុនផលិតគ្រឿងម៉ាស៊ីនយន្តហោះ Nikkiso ដែលផ្គត់ផ្គង់គ្រឿងបន្លាស់យន្តហោះ៩៥ភាគរយនៅជុំវិញពិភពលោក ក៏ត្រូវបានចុះបញ្ជីរនៅក្នុងសេចក្តីប្រកាសរបស់ក្រសួងស...

ប្រព័ន្ធផ្សព្វផ្សាយ Worldometer បានចុះផ្សាយថា កំណើនមនុស្សឆ្លងវីរុសCovid-19សរុបនៅជុំវិញពិភពលោក បានកើនឡើងដល់ជាង១១លានកន្លះនាក់ហើយ គឺចំនួន ១១ ៥៤៦ ៥៤៩ នាក់ និងកំណើនមនុស្សស្លាប់ដោយសារវីរុសនេះ ក៏បានកើនឡើងដល់ជាង៥៣ម៉ឺននាក់ដែរ គឺចំនួន ៥៣៦ ៣៩២ នាក់ ខណៈដែលកំណើនមនុស្សជាសះស្បើយពីវីរុសផ្លូវដង្ហើមមួយនេះ ក៏បានកើនឡើងដល់ជាង៦លានកន្លះនាក់ដែរ គឺចំនួន ៦ ៥២៦ ៧៦៥ នាក់ផងដែរ គិតត្រឹមថ្ងៃចន្ទ ទី៦ ខែកក្កដានេះ ។ ក្នុងរយៈពេល២៤ម៉ោងចុងក្រោយ គិតត្រឹមថ្ងៃចន្ទដដែលនេះ ចំនួនមនុស្សឆ្លងថ្មីនៃវីរុសCovid-19នៅទូទាំងពិភពលោកមានចំនួន ១៧១ ៥០៦ នាក់ និងមនុស្សស្លាប់ក្នុងរយៈពេលមួយថ្ងៃដូចគ្នាមានចំនួន ៣ ៥១៩នាក់ ។ នៅថ្ងៃចន្ទនេះ ប្រទេសឥណ្ឌាបានហក់ឡើងទៅឈរក្នុងលំដាប់លេខ៣នៅលើពិភពលោក បន្ទាប់ពីសហរដ្ឋអាមេរិក និងប្រទេសប្រេស៊ីល ដែលមានមនុស្សឆ្លងវីរុសCovid-19ច្រើនជាងគេ ដោយរុញទម្លាក់ប្រទេសរុស្ស៊ី អោយមកឈរក្នុងលំដាប់លេខ៤វិញ និងប្រទេសប៉េរូឈរក្នុងលំដាប់​លេខ...