ព័ត៌មានអន្តរជាតិ

ប្រព័ន្ធផ្សព្វផ្សាយ Jakarta Post បានចុះផ្សាយថា គណៈកម្មការសុខាភិបាលក្រុងប៉េកាំង បានប្រកាសហាមប្រាមមិនអោយនាំចូលផលិតផលសាច់មាន់ពីសហរដ្ឋអាមេរិក និងប្រកាសបិទរោងចក្រផលិតម្ហូបអាហារ និងភេសជ្ជៈ ប៉ិបស៊ី (Pepsi) នៅក្នុងប្រទេសនេះ ដែលជាវិធានការទប់ស្កាត់ការឆ្លងរាលដាលវីរុសCovid-19 ។ លោកស្រី ហ្វាន់ ជីមីន (Fan Zhimin) អ្នកនាំពាក្យក្រុមហ៊ុន PepsiCo នៅប្រទេខចិន បាននិយាយថា ការប្រកាសបិទសកម្មភាពការងាររបស់ក្រុមហ៊ុននេះ ត្រូវបានធ្វើឡើងក្រោយបុគ្គលិកប្រមាណជាង២២០នាក់ ត្រូវបានធ្វើតេស្តវិជ្ជមានវីរុសCovid-19 ដែលត្រូវបានចាត់ទុកថា ជាការឆ្លងជាក្រុម ។ ក្នុងពេលដំណាលគ្នានេះ គណៈកម្មការសុខាភិបាលក្រុងប៉េកាំង ក៏បានប្រកាសបិទការនាំចូលសាច់មាន់ពីសហរដ្ឋអាមេរិកផងដែរ ក្នុងវិធានការទប់ស្កាត់ការឆ្លងរាលដាលវីរុសCovid-19 ក្រោយពីវីរុសCovid-19 បានផ្ទុះឡើងនៅទីក្រុងនេះ ៕...

ប្រព័ន្ធផ្សព្វផ្សាយរដ្ឋកូរ៉េខាងជើង KCNA បានផ្សព្វផ្សាយនៅថ្ងៃចន្ទ ទី២២ ខែមិថុនានេះថា ក្រុមការងាររបស់ប្រទេសនេះ បានត្រៀមរួចរាល់ហើយនូវខិត្តប័ណ្ណប្រមាណជាង១២លានសន្លឹក សម្រាប់ចែក និងបង្ហោះសងសឹកកូរ៉េខាងត្បូងវិញ ដែលបានចែកចាយ និងបង្ហោះខិត្តប័ណ្ណរិះ​គន់កូរ៉េខាងជើង កាលពីដើមខែមិថុនានេះ ។ ប្រភពដដែលបានបន្តថា ខិត្តប័ណ្ណរបស់កូរ៉េខាងជើង ត្រូវបានសរសេរពីការកាត់ផ្តាច់ទំនាក់ទំនងទាំងស្រុងជាមួយកូរ៉េខាងត្បូង មានការិយា​ល័យទំនាក់ទំនងកូរ៉េទាំងពីរ និងកិច្ចព្រមព្រៀងខាងយោធារវាងប្រទេសទាំងពីរជាដើម ។ ម្យ៉ាងទៀត ខ្លឹមសារក្នុងខិត្តប័ណ្ណនោះត្រូវបានសរសេរផងដែរអំពីហានិភ័យខាងយោធានៃប្រទេសទាំងពីរ ដែលអាចនឹងកើតឡើងនៅពេលខាង​មុខនៅតាមព្រំដែន ក្រោយពេលដែលមេដឹកនាំកូរ៉េខាងជើង គំរាមបញ្ជូនកងកម្លាំងយោធាទៅកាន់តំបន់ព្រំដែនសាជាថ្មីនៅពេលខាងមុខ ៕...

អ្នកនាំពាក្យក្រសួងការបរទេសរបស់ប្រទេសវៀតណាម លោកស្រី ឡឺ ធី ធូ ហាង (Le Thi Thu Hang) បានចេញសេចក្តីប្រកាសមួយ កាលពីថ្ងៃទី១៨ ខែមិថុនានេះ អំពីការបើកផ្លូវឲ្យអ្នកទេសចរមកពីប្រទេសចិន កូរ៉េខាងត្បូង និងប្រទេសជប៉ុន ចូលក្នុងប្រទេសនេះនៅពេលខាងមុខ នេះបើតាមការចុះផ្សាយរបស់សារព័ត៌មាន Jakarta Post ។ លោកស្រី ឡឺ ធី ធូ ហាង បាននិយាយថា ក្រុមមន្ត្រីជាន់ខ្ពស់របស់ប្រទេសវៀតណាម កំពុងពិភាក្សាអំពីការបន្ធូរបន្ថយវិធានការរឹតត្បិតអ្នកទេសចរបរទេស ក្នុងការទប់ស្កាត់ការឆ្លងរាលដាលនៃវីរុសកូវីដ -១៩ ប៉ុន្តែមិនទាន់សម្រេចថាត្រូវបន្ធូរបន្ថយវិធានការនោះទេ ។ សូមបញ្ជាក់ថា ប្រទេសវៀតណាម មានការឆ្លងរាលដាលនៃវីរុសកូវីដ-១៩ សរុបចំនួន៣៤២ករណី គិតត្រឹមថ្ងៃទី១៩ ខែមិថុនា ឆ្នាំ២០២០នេះ ទោះបីជាប្រទេសនេះបានបិទផ្លូវមិនឲ្យជនបរទេសចូលប្រទេសនេះក៏ដោយ ៕...

ប្រព័ន្ធផ្សព្វផ្សាយ The Guardian បានចុះផ្សាយថា ចំនួនប្រជាពលរដ្ឋអត់ការងារធ្វើនៅសហរដ្ឋអាមេរិក បានកើនឡើងជាបន្តបន្ទាប់ ក្នុងរយៈពេល១២សប្តាហ៍ ឬមួយត្រីមាសចុងក្រោយនេះ អត្រាអ្នកអត់ការងារធ្វើ បានកើនឡើងដល់រហូតដល់ជាង៤៥លាននាក់ ដែលស្មើនឹងអ្នកអត់ការងារធ្វើប្រមាណជាង៤លាននាក់ក្នុងមួយសប្តាហ៍ ។ ប្រព័ន្ធផ្សព្វផ្សាយដដែលបានបន្តថា កត្តាសំខាន់ដែលនាំឲ្យអត្រាប្រជាពលរដ្ឋអត់ការងារធ្វើកើនឡើងកាន់តែខ្ពស់នៅសហរដ្ឋអាមេរិក គឺដោយសារការឆ្លងរាលដាលនៃវីរុសកូវីដ-១៩ ដែលនាំឲ្យរដ្ឋាភិបាលបង្ខំចិត្តបិទសេដ្ឋកិច្ច និងបិទប្រទេសទាំងមូល ។ វិធានការបិទសេដ្ឋកិច្ច ឬបិទប្រទេសរបស់រដ្ឋាភិបាលអាមេរិក គឺជាវិធានការទប់ស្កាត់ការឆ្លងរាលដាលនៃវីរុសកូវីដ-១៩ ដែលវិធានការនេះបានធ្វើឲ្យប្រតិបត្តិការរបស់ក្រុមហ៊ុន សហគ្រាស និងអាជីវកម្មស្ទើរតែទាំងអស់ បានបិទទ្វារ និងមិនដំណើរការសកម្មភាពការងាររបស់ខ្លួន ដែលជាហេតុនាំឲ្យប្រជាពលរដ្ឋគ្មានការងារធ្វើកើនឡើង ៕...

តាមការចុះផ្សាយរបស់ Worldometer បានបញ្ជាក់ថា វីរុសកូវីដ-១៩ បានសម្លាប់មនុស្សអស់ចំនួន ៥១០១នាក់នៅលើពិភពលោក ក្នុងរយៈពេល២៤ម៉ោងចុងក្រោយ គិតត្រឹមថ្ងៃទី១៩ ខែមិថុនានេះ ខណៈដែលមនុស្សឆ្លងថ្មីនៃវីរុសនេះក្នុងរយៈពេល២៤ម៉ោងដូចគ្នា មានចំនួន១៣៧ ៩០៥នាក់ ។ ប្រព័ន្ធផ្សព្វផ្សាយដដែលបានបន្តថា ក្នុងរយៈ៥ថ្ងៃក្នុងសប្តាហ៍នេះ គិតចាប់តាំងពីថ្ងៃចន្ទដល់ថ្ងៃសុក្រទី១៩ ខែមិថុនានេះ វីរុសកូវីដ-១៩ បានសម្លាប់មនុស្សអស់ចំនួន២៣៦១៧នាក់ និងមនុស្សឆ្លងថ្មីនៃវីរុសកូវីដ-១៩ ក្នុងរយៈពេលដូចគ្នានេះមានចំនួន៦៦៩០៧៦នាក់ ។ សូមបញ្ជាក់ថា គិតត្រឹមថ្ងៃទី១៩ ខែមិថុនាស ឆ្នាំ២០២០នេះ ចំនួនមនុស្សឆ្លងវីរុសកូវីដ-១៩ សរុបនៅលើពិភពលោក មានចំនួន៨ ៥៦៧ ៧៥៩នាក់ និងមនុស្សចំនួន៤៥៥ ៥៥៣នាក់បានបាត់បង់ជីវិត ខណៈដែលអ្នកជំងឺចំនួន៤៥០៨៣០៤នាក់បានជាសះស្បើយ ៕...

មនុស្សរាប់រយនាក់នៅប្រទេសឥណ្ឌា បានចេញធ្វើបាតុកម្មប្រឆាំងប្រទេសចិន ក្នុងជម្លោះនៅតំបន់ព្រំដែនរវាងប្រទេសទាំងពីរ ដោយក្រុមបាតុករបានថ្កោលទោសកងកម្លាំងយោធារបស់ប្រទេសចិន ពីបទព្យាយាមរំលោភបំពានចូលទឹកដីប្រទេសឥណ្ឌា និងបានប្រកាសមិនប្រើប្រាស់ទំនិញនានាមកពីប្រទេសចិន នេះបើយោងតាមការចុះផ្សាយរបស់ CNN ។ សូមរំលឹកថា កាលពីថ្ងៃទី១៦ ខែមិថុនានេះ កងកម្លាំងយោធារបស់ប្រទេសទាំងពីរ បានវាយប្រយុទ្ធគ្នាដោយប្រើកម្លាំងបាយ នៅតំបន់ព្រំដែននៃប្រទេសទាំងពីរ ដោយប្រើកណ្តាប់ដៃដាល់គ្នា វាយដោយដំបង និងគប់ដុំថ្ម ប៉ុន្តែកងទ័ពនៃប្រទេសទាំងពីរ មិនបានប្រើអាវុធទេ ទោះបីជាមានសព្វាវុធគ្រប់ធុនក្នុងដៃក៏ដោយ ។ ការប្រយុទ្ធគ្នារវាងកងទ័ពនៃប្រទេសមហាអំណាចនុយក្លេអ៊ែរទាំងពីរ ត្រូវបានធ្វើឡើងនៅតំបន់ ស ឬតំបន់ព្រំដែនមិនទាន់ដាច់ស្រេច ដែលនៅខាងឥណ្ឌាជាប់តំបន់កាស្មៀរ និងនៅខាងចិនជាប់ស៊ីនជាំងនិងទីបេ ដោយកងកម្លាំងយោធានៃប្រទេសទាំងពីរ បានចោទប្រកាន់គ្នាទៅវិញទៅមកពីបទឈ្លាន...

ចំនួនមនុស្សស្លាប់សរុបដោយសារវីរុសកូវីដ-១៩ នៅជុំវិញពិភពលោក បានកើនឡើងដល់ជាង៤៥ម៉ឺននាក់ហើយ គឺចំនួន៤៥០ ៤៥២នាក់ គិតត្រឹមព្រឹកថ្ងៃទី១៨ ខែមិថុនា ឆ្នាំ២០២០ នេះបើតាមការចុះផ្សាយរបស់ Worldometer ។ ចំណែកមនុស្សឆ្លងវីរុសកូវីដ-១៩ សរុបនៅលើពិភពលោក បានកើនឡើងដល់ជាង៨លាន៣៩ម៉ឺននាក់ផងដែរ គឺចំនួន៨ ៣៩៣ ០៩៦នាក់ ខណៈអ្នកជំងឺវីរុសនេះចំនួន៤ ៤១០ ៤២៩នាក់ បានជាសះស្បើយ ។ ពាក់ព័ន្ធនឹងអ្នកស្លាប់ថ្មីដោយវីរុសកូវីដ-១៩ ក្នុងរយៈពេល២៤ម៉ោងចុងក្រោយ គិតត្រឹមព្រឹកថ្ងៃ១៨ ខែមិថុនានេះ គឺសហរដ្ឋអាមេរិកមានអ្នកស្លាប់ថ្មីចំនួន ៨០៩នាក់ ប្រទេសប្រេស៊ីលមានអ្នកស្លាប់ថ្មីចំនួន ១២០៩នាក់ រុស្ស៊ីចំនួន ១៩៤នាក់ ឥណ្ឌាចំនួន ៣៤១នាក់ អង់គ្លេសចំនួន ១៨៤នាក់ ប៉េរូចំនួន ២០១នាក់ អ៊ីតាលីចំនួន៤៣ និងប្រទេសអ៊ីរ៉ង់ចំនួន១២០នាក់ ៕...

ទំនាក់ទំនងការទូត និងកិច្ចសហប្រតិបត្តិការរវាងកូរ៉េខាងជើង និងខាងត្បូង បានធ្លាក់ចុះដុនដាបខ្លាំងនៅថ្ងៃទី១៧ ខែមិថុនានេះ ក្រោយពីកូរ៉េខាងជើង បានសម្រេចចិត្តកាត់ផ្តាច់ទំនាក់ទំនងអន្តរកូរ៉េទាំងស្រុង និងគំរាមប្រើកងកម្លាំងយោធាវាយប្រហារលើកូរ៉េខាងត្បូង នេះបើតាមការចុះផ្សាយរបស់ BBC ។ ទំនាក់ទំនងអន្តរកូរ៉េបានធ្លាក់ចុះខ្លាំង គឺដោយសារកូរ៉េខាងជើង បានប្រកាសកាត់ផ្តាច់ទំនាក់ទំនងទាំងស្រុងជាមួយកូរ៉េខាងត្បូង ដូចជាបិទការិយាល័យទំនាក់ទំនងកូរ៉េទាំងពីរ លុបចោលកិច្ចព្រមព្រៀងផ្នែកយោធា និងលុបចោលកិច្ចសហប្រតិបត្តិការសេដ្ឋកិច្ចជាដើម ។ មិនតែប៉ុណ្ណោះ លោកស្រី គីម យ៉ូចុង (Kim Yo-jong) ប្អូនស្រីបង្កើតរបស់លោក គីម ជុងអ៊ុន បានគំរាមបញ្ជូនកងកម្លាំងយោធាទៅកាន់តំបន់ព្រំដែនគ្មានយោធារវាងកូរ៉េទាំងពីរ រួមទាំងរៀបចំធ្វើសមយុទ្ធយោធានៅតាមព្រំដែនថែមទៀត ៕...

យោងតាមទិន្នន័យផ្លូវការរបស់ក្រសួងពាណិជ្ជកម្មនៃប្រទេសសិង្ហបុរី ដែលបានចេញផ្សាយនៅថ្ងៃទី១៧ ខែមិថុនានេះ បានឲ្យដឹងថា ការនាំចេញរបស់ប្រទេសសិង្ហបុរី បានធ្លាក់ចុះ៤.៥ភាគរយ កាលពីខែឧសភា ដោយសារការឆ្លងរាលដាលនៃវីរុសកូវីដ-១៩ និងនៅជុំវិញពិភពលោក នេះបើយោងតាមប្រព័ន្ធផ្សព្វផ្សាយ CNA ។ ប្រព័ន្ធផ្សព្វផ្សាយ CNA ដដែលបានបន្តថា ការធ្លាក់ចុះនូវការនាំចេញសរុបរបស់សិង្ហបុរី បានធ្លាក់ចុះ២៣.៩ភាគរយ កាលពីខែឧសភា ដោយការនាំចេញផលិតផលមិនមែនគ្រឿងអេឡិចត្រូនិក បានធ្លាក់ចុះ៨.៨ភាគរយ ការនាំចេញគ្រឿងអេឡិចត្រូនិកធ្លាក់ចុះ១២.៥ ភាគរយ និងការនាំចេញតេលសិលាគីមី (Petrochemical) បានធ្លាក់ចុះ៣១.២ភាគរយ ។ សូមបញ្ជាក់ជូនថា ការធ្លាក់ចុះនូវការនាំចេញពីប្រទេសសិង្ហបុរី គឺដោយសារប្រទេសដែលជាទីផ្សារនាំចេញ បានបិទព្រំដែនដោយសារតែការឆ្លងរាលដាលនៃវីរុសកូវីដ-១៩ ដែលក្នុងនោះ មានប្រទេសចិន ឥណ្ឌា និងប្រទេសឥណ្ឌូនេស៊ី ៕...

កំណើនមនុស្សឆ្លង និងមនុស្សស្លាប់ដោយសារវីរុសកូវីដ-១៩ នៅជុំវិញពិភពលោកនៅតែបន្តកើនឡើងក្នុងកម្រិតខ្ពស់នៅឡើយ ដែលគិតត្រឹមថ្ងៃទី១៧ ខែមិថុនានេះ កំណើនមនុស្សស្លាប់ដោយសារវីរុសនេះ បានកើនឡើងដល់ជិត៤៥ម៉ឺននាក់ហើយ គឺចំនួន៤៤៥ ១៨៥ នាក់ ដែលនេះបើតាមការចុះផ្សាយរបស់ Worldometer ។ ចំពោះកំណើននៃការឆ្លងវីរុសផ្លូវដង្ហើមមួយនេះ ក៏បន្តកើនឡើងក្នុងអត្រាខ្ពស់ផងដែរ ដែលគិតត្រឹមថ្ងៃទី១៧ដដែលនេះ មនុស្សឆ្លងវីរុសកូវីដ-១៩សរុបនៅជុំវិញពិភពលោក បានកើនឡើងដល ៨ ២៥១ ០៦៨នាក់ ខណៈដែលអ្នកជំងឺចំនួន ៤ ២៩៩ ២២១នាក់បានជាសះស្បើយពីវីរុសនេះ ។ សូមបញ្ជាក់ថា សហរដ្ឋអាមេរិកនៅតែជាប្រទេសនាំមុខគេនៅលើពិភពលោក ដែលមានករណីឆ្លងវីរុសកូវីដ-១៩ ច្រើនជាងគេ និងមានចំនួនមនុស្សស្លាប់ដោយសារវីរុសនេះច្រើនជាងគេដែបន្ទាប់មក មានប្រទេសប្រេស៊ីល រុស្ស៊ី ឥណ្ឌា អង់គ្លេស អេស្ប៉ាញ អ៊ីតាលី ប៉េរូ អ៊ីរ៉ង់ និងប្រទេសអាល្លឺម៉ង់ ៕...